Tongo nda ti aye 50
50
Azo asara mua ti Jacob
1Joseph ati na ndö ti babâ ti lo, lo toto si lo su ngbangba ti lo. 2Na pekoni, lo mu yanga na awanganga so ayeke sara kua na lo titene ala sara yoro ti zia na tere ti kuâ ti babâ ti lo ti bata ni si abuba pepe. Awanganga ni asara ni. 3Ala mu lango baleosio ti sara na ni, ngbanga ti so lango ti sarango yoro ti batango na kuâ laa. Azo ti Ezipte atoto kuâ ti Jacob na ya ti lango balembarambara.
4So lango ti totongo kuâ ni ahunzi awe, Joseph atene na azo so ayeke sara kua na yangbo ti Faraon, atene: “Tongana ala baa mbi na nzoni le, ayeke nzoni ala gue, atene na Faraon, atene: 5 ‘Na ndembe so babâ ti mbi aga nduru ti kui, lo hunda na mbi ti deba yanga ti mbi titene mbi lu kuâ ti lo na ya ti du ti kuâ so lo zi ndali ti lo wani na sese ti Kanaan so. Tongaso, mbi gbu gere ti mo, zia mbi gue, mbi lu kuâ ti babâ ti mbi si na pekoni mbi kiri.’ ” 6Faraon akiri tënë, atene: “Mo gue, mo lu kuâ ti babâ ti mo gi tongana ti so lo hunda na mo si mo deba yanga ti mo so.” 7Tongaso Joseph ague ti lu kuâ ti babâ ti lo. Azo ti kua ti Faraon kue, akangba so ayeke na yangbo ti lo, na ala ti kodro ti Ezipte kue si lo na ala ague. 8Azo ti sewa ti Joseph, a-ita ti lo ti koli, na azo ti da ti babâ ti lo kue ague. Ala zia gi akete molenge, angasa, ataba na abagara si angba na sese ti Goshen. 9Ataa apusu ti ambarata na azo ti kpengo na mbarata, lo gue na ni. Gba ti azo mingi mingi si amu peko ti Joseph.
10So ala si na ndö ti lakere ti Atad, so ayeke na mbage ti ngu ti Jourdain, ala luti si ala kiri atoto kuâ ni ngangu mingi. Joseph akiri asara mua ti babâ ti lo na ya ti lango mbarambara. 11Azo ti Kanaan so alango kâ abaa totongo so azo ni atoto na kuâ ni na le ti lakere ti Atad ni so, ala tene: “So kota mua ndali ti azo ti Ezipte!” Ndani laa azo airi ndo ni so ayeke na mbage ti ngu ti Jourdain so atene: Abel-Misraim.
12Amolenge ti Jacob asara gi ye so babâ ti ala amu yanga na ala ti sara. 13 Ala mu kuâ ti lo, ala gue na ni na sese ti Kanaan si ala lu lo na ya ti du ti têne so ayeke na yaka ti Makpela, so Abraham avo ni na yaka ni kue na maboko ti Efron, zo ti mara ti Het titene aga ndo ti lungo akuâ ti sewa ti lo. Yaka ni abaa le na kodro ti Mamre. 14So Joseph alu kuâ ti babâ ti lo awe, lo na a-ita ti lo, na azo so amu peko ti lo ti gue ti lu kuâ ti babâ ti lo so, akiri na Ezipte.
Ye so asi na peko ti kuâ ti Jacob
15So ala baa babâ ti ala akui awe, a-ita ti Joseph atene na popo ti ala: “E hinga pepe, fade Joseph azia e na be si lo yeke kiri na e peko ti sioni so ando e sara na lo.” 16Tongaso ala tokua mbeni zo na lo, ala tene: “Kozo titene babâ ti mo akui, lo mu yanga, atene: 17‘Fade ala tene na Joseph, ala tene: mbi gbu gere ti mo, ayeke nzoni mo zi tënë so ayeke na li ti a-ita ti mo ndali ti ye ti sioni na siokpari so ala sara na mo.’ Tongaso, e gbu gere ti mo, zia be ti mo na ndö ti ye ti sioni so e, azo ti kua ti Nzapa ti babâ ti mo, e sara so pepe.” So Joseph ama tënë so, lo ti na toto. 18 A-ita ti lo, ala wani ague na tere ti lo, ala ti na sese na gbe ti lo si ala tene: “Baa, e angbaa ti mo laa.” 19Me Joseph atene na ala: “Ala sara mbeto pepe. Mbi laa mbi yeke Nzapa? 20Ti ala, ala leke na be ti ala ti sara sioni na mbi. Me Nzapa aleke na be ti lo ti sara si sioni ni so aga nzoni ye. Lo sara ni titene lo soo azo mingi na kuâ; ni laa asi laso so. 21Fadeso, ala sara mbeto pepe. Fade mbi yeke mu kobe na ala, na amolenge ti ala.” Joseph atene anzoni tënë na ala titene lo mu ngangu na be ti ala si be ti ala ade.
22Joseph aduti na Ezipte, lo na azo ti sewa ti babâ ti lo. Joseph aduti na gigi ngu ngbangbo oko na baleoko. 23Lo baa amolenge ti Efraim, na a-ata ti Efraim. Amolenge-koli so Makir, molenge ti Manase adu ala, Joseph amu nga ala tongana amolenge ti ya ti lo. 24 Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.” 25Joseph ahunda na amolenge ti Jacob titene ala deba yanga ti ala, atene: “Tongana Nzapa amu maboko na ala si ala yeke sigigi ande na kodro ni ti hon, ayeke nzoni ala mu abio ti mbi ague na ni.” 26Joseph ayeke na ngu ngbangbo oko na baleoko si lo kui. Ala zia yoro na tere ti kuâ ti lo ti bata na ni. Na pekoni, ala mu kuâ ni azia na ya ti sanduku ti kuâ na kodro ti Ezipte.
Currently Selected:
Tongo nda ti aye 50: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Tongo nda ti aye 50
50
Azo asara mua ti Jacob
1Joseph ati na ndö ti babâ ti lo, lo toto si lo su ngbangba ti lo. 2Na pekoni, lo mu yanga na awanganga so ayeke sara kua na lo titene ala sara yoro ti zia na tere ti kuâ ti babâ ti lo ti bata ni si abuba pepe. Awanganga ni asara ni. 3Ala mu lango baleosio ti sara na ni, ngbanga ti so lango ti sarango yoro ti batango na kuâ laa. Azo ti Ezipte atoto kuâ ti Jacob na ya ti lango balembarambara.
4So lango ti totongo kuâ ni ahunzi awe, Joseph atene na azo so ayeke sara kua na yangbo ti Faraon, atene: “Tongana ala baa mbi na nzoni le, ayeke nzoni ala gue, atene na Faraon, atene: 5 ‘Na ndembe so babâ ti mbi aga nduru ti kui, lo hunda na mbi ti deba yanga ti mbi titene mbi lu kuâ ti lo na ya ti du ti kuâ so lo zi ndali ti lo wani na sese ti Kanaan so. Tongaso, mbi gbu gere ti mo, zia mbi gue, mbi lu kuâ ti babâ ti mbi si na pekoni mbi kiri.’ ” 6Faraon akiri tënë, atene: “Mo gue, mo lu kuâ ti babâ ti mo gi tongana ti so lo hunda na mo si mo deba yanga ti mo so.” 7Tongaso Joseph ague ti lu kuâ ti babâ ti lo. Azo ti kua ti Faraon kue, akangba so ayeke na yangbo ti lo, na ala ti kodro ti Ezipte kue si lo na ala ague. 8Azo ti sewa ti Joseph, a-ita ti lo ti koli, na azo ti da ti babâ ti lo kue ague. Ala zia gi akete molenge, angasa, ataba na abagara si angba na sese ti Goshen. 9Ataa apusu ti ambarata na azo ti kpengo na mbarata, lo gue na ni. Gba ti azo mingi mingi si amu peko ti Joseph.
10So ala si na ndö ti lakere ti Atad, so ayeke na mbage ti ngu ti Jourdain, ala luti si ala kiri atoto kuâ ni ngangu mingi. Joseph akiri asara mua ti babâ ti lo na ya ti lango mbarambara. 11Azo ti Kanaan so alango kâ abaa totongo so azo ni atoto na kuâ ni na le ti lakere ti Atad ni so, ala tene: “So kota mua ndali ti azo ti Ezipte!” Ndani laa azo airi ndo ni so ayeke na mbage ti ngu ti Jourdain so atene: Abel-Misraim.
12Amolenge ti Jacob asara gi ye so babâ ti ala amu yanga na ala ti sara. 13 Ala mu kuâ ti lo, ala gue na ni na sese ti Kanaan si ala lu lo na ya ti du ti têne so ayeke na yaka ti Makpela, so Abraham avo ni na yaka ni kue na maboko ti Efron, zo ti mara ti Het titene aga ndo ti lungo akuâ ti sewa ti lo. Yaka ni abaa le na kodro ti Mamre. 14So Joseph alu kuâ ti babâ ti lo awe, lo na a-ita ti lo, na azo so amu peko ti lo ti gue ti lu kuâ ti babâ ti lo so, akiri na Ezipte.
Ye so asi na peko ti kuâ ti Jacob
15So ala baa babâ ti ala akui awe, a-ita ti Joseph atene na popo ti ala: “E hinga pepe, fade Joseph azia e na be si lo yeke kiri na e peko ti sioni so ando e sara na lo.” 16Tongaso ala tokua mbeni zo na lo, ala tene: “Kozo titene babâ ti mo akui, lo mu yanga, atene: 17‘Fade ala tene na Joseph, ala tene: mbi gbu gere ti mo, ayeke nzoni mo zi tënë so ayeke na li ti a-ita ti mo ndali ti ye ti sioni na siokpari so ala sara na mo.’ Tongaso, e gbu gere ti mo, zia be ti mo na ndö ti ye ti sioni so e, azo ti kua ti Nzapa ti babâ ti mo, e sara so pepe.” So Joseph ama tënë so, lo ti na toto. 18 A-ita ti lo, ala wani ague na tere ti lo, ala ti na sese na gbe ti lo si ala tene: “Baa, e angbaa ti mo laa.” 19Me Joseph atene na ala: “Ala sara mbeto pepe. Mbi laa mbi yeke Nzapa? 20Ti ala, ala leke na be ti ala ti sara sioni na mbi. Me Nzapa aleke na be ti lo ti sara si sioni ni so aga nzoni ye. Lo sara ni titene lo soo azo mingi na kuâ; ni laa asi laso so. 21Fadeso, ala sara mbeto pepe. Fade mbi yeke mu kobe na ala, na amolenge ti ala.” Joseph atene anzoni tënë na ala titene lo mu ngangu na be ti ala si be ti ala ade.
22Joseph aduti na Ezipte, lo na azo ti sewa ti babâ ti lo. Joseph aduti na gigi ngu ngbangbo oko na baleoko. 23Lo baa amolenge ti Efraim, na a-ata ti Efraim. Amolenge-koli so Makir, molenge ti Manase adu ala, Joseph amu nga ala tongana amolenge ti ya ti lo. 24 Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.” 25Joseph ahunda na amolenge ti Jacob titene ala deba yanga ti ala, atene: “Tongana Nzapa amu maboko na ala si ala yeke sigigi ande na kodro ni ti hon, ayeke nzoni ala mu abio ti mbi ague na ni.” 26Joseph ayeke na ngu ngbangbo oko na baleoko si lo kui. Ala zia yoro na tere ti kuâ ti lo ti bata na ni. Na pekoni, ala mu kuâ ni azia na ya ti sanduku ti kuâ na kodro ti Ezipte.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010