Tongo nda ti aye 45
45
Joseph afa tere ti lo na a-ita ti lo
1 Joseph akanga be ti lo gbaa na le ti azo so kue ayeke na tere ti lo so. Lo mu yanga, lo tene: “Azo kue asigigi!” Azo ni kue asigigi; zo oko angba na tere ti lo pepe si lo fa tere ti lo na a-ita ti lo. 2Lo toto ngangu si azo ti Ezipte ama toto ti lo ni. Ataa azo ti da ti gbia Faraon ama toto ni. 3Joseph atene na a-ita ti lo: “Mbi Joseph laa. Babâ ti mbi angba na fini?” A-ita ti lo ni ayeke na ngangu ti kiri tënë na lo pepe, ngbanga ti so mbeto ahon ndö ti ala. 4Joseph atene na ala: “Ala ga nduru na tere ti mbi.” A-ita ti lo ni aga nduru na tere ti lo si lo tene na ala: “Mbi Joseph, ita ti ala, mbi so ala ka mbi ando si azo ague na mbi na Ezipte so laa. 5 Me fadeso, ayeke nzoni be ti ala aso pepe; ala sara nga ngonzo na tere ti ala wani ndali ti kango so ala ka mbi so pepe, ngbanga ti so Nzapa atokua mbi kozo ti ala titene ndali ti mbi, ala ngba na fini. 6Kota nzara so ati na ya ti kodro so asara ngu use awe. Angba ngu oku so na ya ni, fade azo alingbi ti fâ yaka wala ti ko ale ti kobe pepe. 7Nzapa atokua mbi kozo ti ala ti sara si mara ti ala angba na fini na ndö ti sese. So ayeke mbeni kota ye so lo sara titene lo soo ala na kuâ. 8Tongaso, ala laa atokua mbi ge pepe, me Nzapa laa atokua mbi. Lo sara titene mbi ga tongana babâ ti Faraon, mbi ga makonzi na ndö ti azo na aye ti da ti lo si mbi ga komanda na ndö ti sese ti Ezipte kue. 9Ala gue hio na mbage ti babâ ti mbi, ala tene na lo, atene: ‘Molenge ti mo Joseph atene: Nzapa asara titene mbi ga kota zo na ndö ti kodro ti Ezipte kue. Ayeke nzoni mo ga na ndo ti mbi, mo ku pepe. 10Fade mo sara kodro na sese ti Goshen, nduru na mbi, mo na amolenge ti mo, amolenge ti amolenge ti mo, angasa na ataba ti mo, abagara ti mo, na aye so kue mo yeke na ni. 11 Kâ, mbi yeke sara ande titene mo wara kobe ti tengo ni, ngbanga ti so fade kota nzara ayeke kiri ti sara na ya ti ngu oku. Tongaso si mawa ati na ndö ti mo, azo ti sewa ti mo, na aye ti mo kue pepe.’
12“Ala wani abaa na le ti ala, Benjamin nga, ita ti mbi abaa na le ti lo so mbi wani laa mbi yeke tene tënë so na ala. 13Fade ala tene tënë ti nengo so azo ayeke ne mbi ge na Ezipte so na babâ ti mbi. Ala fa na lo tënë ti aye so kue ala baa ge so. Ala sara hio, aga na babâ ti mbi ge.” 14Joseph ati na ndö ti go ti ita ti lo Benjamin, lo gbu lo na kate ti lo si lo toto; Benjamin nga ayeke toto na ndö ti go ti Joseph. 15Lo su ngbangba ti a-ita ti lo kue si lo toto na tere ti ala. Na pekoni, a-ita ti lo atene tënë na lo.
Gbia Faraon atisa Jacob ti ga na Ezipte
16Tënë ni ague ngbii asi na ya ti da ti Faraon, atene: “A-ita ti Joseph aga!” Be ti Faraon na azo ti kua ti lo anzere mingi na mango tënë so. 17Tongaso, Faraon atene na Joseph: “Mo tene na a-ita ti mo, mo tene: ‘Ala sara ye so mbi yeke tene na ala: ala leke akungba ti ala na ndö ti anyama ti ala; ala gue na sese ti Kanaan. 18Ala mu babâ ti ala na azo ti sewa ti ala, aga na ala na mbi. Fade mbi yeke mu na ala anzoni ye ti kodro ti Ezipte si ala yeke te anzoni kobe ti kodro ni.’ 19Ti mo, mo mu yanga na ala, mo tene: ‘Ala sara ye so: ala mu apusu ti ambarata ti Ezipte, ague na ni ndali ti amolenge ti ala na awali ti ala; ala mu babâ ti ala si ala ga. 20Aye ti ala so ala yeke zia kâ, be ti ala agi ala ndali ni pepe, ngbanga ti so anzoni ye ti Ezipte kue ayeke ga ande ti ala.’ ”
21Amolenge ti Jacob asara ye so Faraon ahunda na ala. Joseph amu na ala apusu ti ambarata tongana ti so Faraon atene so; lo mu nga na ala kobe ti tengo ni na lege. 22Lo mu na ala oko oko kue abongo ti matanga. Me lo mu na Benjamin ale ti nginza ngbangbo ota na abongo oku ti matanga. 23Ti babâ ti lo, lo tokua na lo alele baleoko so a kanga akungba ti anzoni ye ti Ezipte na ndö ti ala, na amama ti lele baleoko so a kanga asake ti ale ti *ble, amapa na ambeni kobe titene lo te na lege. 24Lo zia lege na a-ita ti lo titene ala gue. Lo tene na ala, lo tene “Ala papa na lege pepe.” 25A-ita ti Joseph alondo na kodro ti Ezipte si ala kiri asi na tere ti babâ ti ala Jacob na sese ti Kanaan. 26Ala tene na lo: “Joseph angba na fini. Lo laa lo yeke komanda na ndö ti kodro ti Ezipte kue.” Tënë ti ala ni asara ye oko na be ti Jacob pepe, ngbanga ti so lo zia be ti lo na ndö ti tënë ti ala ni pepe. 27Ala fa na lo peko ti atënë so kue Joseph atene na ala. So babâ ti ala Jacob abaa apusu ti ambarata so Joseph atokua ni ti mu lo ti gue na lo so, lo kiri lo wara ngangu, be ti lo anzere. 28Lo tene: “Mbi yeda awe! Molenge ti mbi Joseph angba na fini; mbi ye ti gue ti baa lo kozo si mbi kui.”
Currently Selected:
Tongo nda ti aye 45: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Tongo nda ti aye 45
45
Joseph afa tere ti lo na a-ita ti lo
1 Joseph akanga be ti lo gbaa na le ti azo so kue ayeke na tere ti lo so. Lo mu yanga, lo tene: “Azo kue asigigi!” Azo ni kue asigigi; zo oko angba na tere ti lo pepe si lo fa tere ti lo na a-ita ti lo. 2Lo toto ngangu si azo ti Ezipte ama toto ti lo ni. Ataa azo ti da ti gbia Faraon ama toto ni. 3Joseph atene na a-ita ti lo: “Mbi Joseph laa. Babâ ti mbi angba na fini?” A-ita ti lo ni ayeke na ngangu ti kiri tënë na lo pepe, ngbanga ti so mbeto ahon ndö ti ala. 4Joseph atene na ala: “Ala ga nduru na tere ti mbi.” A-ita ti lo ni aga nduru na tere ti lo si lo tene na ala: “Mbi Joseph, ita ti ala, mbi so ala ka mbi ando si azo ague na mbi na Ezipte so laa. 5 Me fadeso, ayeke nzoni be ti ala aso pepe; ala sara nga ngonzo na tere ti ala wani ndali ti kango so ala ka mbi so pepe, ngbanga ti so Nzapa atokua mbi kozo ti ala titene ndali ti mbi, ala ngba na fini. 6Kota nzara so ati na ya ti kodro so asara ngu use awe. Angba ngu oku so na ya ni, fade azo alingbi ti fâ yaka wala ti ko ale ti kobe pepe. 7Nzapa atokua mbi kozo ti ala ti sara si mara ti ala angba na fini na ndö ti sese. So ayeke mbeni kota ye so lo sara titene lo soo ala na kuâ. 8Tongaso, ala laa atokua mbi ge pepe, me Nzapa laa atokua mbi. Lo sara titene mbi ga tongana babâ ti Faraon, mbi ga makonzi na ndö ti azo na aye ti da ti lo si mbi ga komanda na ndö ti sese ti Ezipte kue. 9Ala gue hio na mbage ti babâ ti mbi, ala tene na lo, atene: ‘Molenge ti mo Joseph atene: Nzapa asara titene mbi ga kota zo na ndö ti kodro ti Ezipte kue. Ayeke nzoni mo ga na ndo ti mbi, mo ku pepe. 10Fade mo sara kodro na sese ti Goshen, nduru na mbi, mo na amolenge ti mo, amolenge ti amolenge ti mo, angasa na ataba ti mo, abagara ti mo, na aye so kue mo yeke na ni. 11 Kâ, mbi yeke sara ande titene mo wara kobe ti tengo ni, ngbanga ti so fade kota nzara ayeke kiri ti sara na ya ti ngu oku. Tongaso si mawa ati na ndö ti mo, azo ti sewa ti mo, na aye ti mo kue pepe.’
12“Ala wani abaa na le ti ala, Benjamin nga, ita ti mbi abaa na le ti lo so mbi wani laa mbi yeke tene tënë so na ala. 13Fade ala tene tënë ti nengo so azo ayeke ne mbi ge na Ezipte so na babâ ti mbi. Ala fa na lo tënë ti aye so kue ala baa ge so. Ala sara hio, aga na babâ ti mbi ge.” 14Joseph ati na ndö ti go ti ita ti lo Benjamin, lo gbu lo na kate ti lo si lo toto; Benjamin nga ayeke toto na ndö ti go ti Joseph. 15Lo su ngbangba ti a-ita ti lo kue si lo toto na tere ti ala. Na pekoni, a-ita ti lo atene tënë na lo.
Gbia Faraon atisa Jacob ti ga na Ezipte
16Tënë ni ague ngbii asi na ya ti da ti Faraon, atene: “A-ita ti Joseph aga!” Be ti Faraon na azo ti kua ti lo anzere mingi na mango tënë so. 17Tongaso, Faraon atene na Joseph: “Mo tene na a-ita ti mo, mo tene: ‘Ala sara ye so mbi yeke tene na ala: ala leke akungba ti ala na ndö ti anyama ti ala; ala gue na sese ti Kanaan. 18Ala mu babâ ti ala na azo ti sewa ti ala, aga na ala na mbi. Fade mbi yeke mu na ala anzoni ye ti kodro ti Ezipte si ala yeke te anzoni kobe ti kodro ni.’ 19Ti mo, mo mu yanga na ala, mo tene: ‘Ala sara ye so: ala mu apusu ti ambarata ti Ezipte, ague na ni ndali ti amolenge ti ala na awali ti ala; ala mu babâ ti ala si ala ga. 20Aye ti ala so ala yeke zia kâ, be ti ala agi ala ndali ni pepe, ngbanga ti so anzoni ye ti Ezipte kue ayeke ga ande ti ala.’ ”
21Amolenge ti Jacob asara ye so Faraon ahunda na ala. Joseph amu na ala apusu ti ambarata tongana ti so Faraon atene so; lo mu nga na ala kobe ti tengo ni na lege. 22Lo mu na ala oko oko kue abongo ti matanga. Me lo mu na Benjamin ale ti nginza ngbangbo ota na abongo oku ti matanga. 23Ti babâ ti lo, lo tokua na lo alele baleoko so a kanga akungba ti anzoni ye ti Ezipte na ndö ti ala, na amama ti lele baleoko so a kanga asake ti ale ti *ble, amapa na ambeni kobe titene lo te na lege. 24Lo zia lege na a-ita ti lo titene ala gue. Lo tene na ala, lo tene “Ala papa na lege pepe.” 25A-ita ti Joseph alondo na kodro ti Ezipte si ala kiri asi na tere ti babâ ti ala Jacob na sese ti Kanaan. 26Ala tene na lo: “Joseph angba na fini. Lo laa lo yeke komanda na ndö ti kodro ti Ezipte kue.” Tënë ti ala ni asara ye oko na be ti Jacob pepe, ngbanga ti so lo zia be ti lo na ndö ti tënë ti ala ni pepe. 27Ala fa na lo peko ti atënë so kue Joseph atene na ala. So babâ ti ala Jacob abaa apusu ti ambarata so Joseph atokua ni ti mu lo ti gue na lo so, lo kiri lo wara ngangu, be ti lo anzere. 28Lo tene: “Mbi yeda awe! Molenge ti mbi Joseph angba na fini; mbi ye ti gue ti baa lo kozo si mbi kui.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010