Tongo nda ti aye 37
37
JOSEPH
37–50
Abango-li ti Joseph
1Jacob aduti na sese ti Kanaan, sese so babâ ti lo aduti ando daa tongana wande so. 2Tënë ti sewa ti Jacob ayeke tongaso: Joseph ayeke maseka-koli so ayeke na ngu baleoko na mbarambara; lo na a-ita ti lo, amolenge ti Bila na Zilpa, awali ti babâ ti lo, ayeke bata angasa na ataba. Joseph ayeke fa na babâ ti ala peko ti asioni tënë so kue a-ita ti lo ayeke tene. 3Jacob aye Joseph ahon a-ita ti lo kue, ngbanga ti so lo du lo na ndembe so lo ga mbakoro awe. Lo fu na lo mbeni yongoro bongo ti nginza so anzoroko ayeke na tere ni. 4A-ita ti Joseph ahinga atene, babâ ti ala aye lo ahon ala kue. Be ti ala ake Joseph; a yeke ngangu na ala ti tene tënë na lo na lege ti ndoye.
5Mbeni lâ, Joseph abaa li ti lo si lo fa peko ni na a-ita ti lo. Ala kiri ake lo ahon ndoni. 6Lo tene na ala: “Ala ma tënë ti bango-li so mbi baa so: 7Mbi na ala, e yeke na ya ti yaka; e yeke kanga agba ti ale ti *ble. Mo ye ti baa, gba ti ale ti ble ti mbi alondo, aluti na nduzu. Agba ti ale ti ble ti ala angoro tere ti ti mbi ni si akuku na gbe ni.” 8A-ita ti lo ahunda lo, atene: “Mo ye ti tene, fade mo yeke ga gbia na ndö ti e si mo yeke sara komandema na ndö ti e?” Ala kiri ake lo ahon ti kozoni ndali ti abango-li ti lo na atënë so lo yeke tene.
9Joseph akiri abaa li ti lo si lo fa peko ni na a-ita ti lo, lo tene: “Ala baa! Mbi kiri mbi baa li ti mbi. Lâ na nze na atongoro baleoko na oko ayeke kuku na gbe ti mbi.” 10Lo fa nga peko ti bango-li ni na babâ ti lo tongana ti so lo fa na a-ita ti lo so. Babâ ti lo asuku na lo, atene: “So mara ti bango-li ti nyen laa mo baa so? So ti fa atene, fade mbi na mama ti mo, na a-ita ti mo, e yeke ga ti kuku na gbe ti mo?” 11 A-ita ti Joseph asara kota be na tere ti lo. Me babâ ti lo angba ti dabe ti lo na atënë so.
A-ita ti Joseph aka lo
12A-ita ti Joseph ague na ataba na angasa ti babâ ti ala na gbata ti Sishem titene ala te pere. 13Jacob atene na Joseph: “A-ita ti mo ague na anyama na ndo ti tengo pere na Sishem. Ga, mbi tokua mo na peko ti ala.” Joseph akiri tënë, atene: “Mbi yeke gue senge!” 14Jacob akiri atene: “Mo gue, mo baa a-ita ti mo; ala yeke kâ tongana nyen, anyama ni ayeke kâ tongana nyen? Na pekoni mo ga, mo fa peko ni na mbi.”
Jacob ayeke lani na popo-hoto ti Hebron si lo tokua Joseph. Joseph ague, asi na Sishem. 15Mbeni koli awara lo na ndembe so lo girisa lege na ya ti ngonda; koli ni ahunda lo, atene: “Mo yeke gi nyen?” 16Lo kiri tënë na koli ni, lo tene: “Mbi yeke gi a-ita ti mbi. Mbi gbu gere ti mo, mo fa na mbi ndo so ala gue na anyama titene ala te pere daa.” 17Koli ni akiri tënë na lo, atene: “Ala londo na ndo so, ala hon awe. Mbi ma ala yeke tene, ani yeke gue na kodro ti Dotan.” Joseph amu peko ti a-ita ti lo, lo wara ala na kodro ti Dotan.
18A-ita ti lo abaa lo na ndembe so lo ngba yongoro. Kozo titene lo si na tere ti ala, ala leke tënë ti fâ lo. 19Ala tene na popo ti ala, atene: “Baa, zo ti bango-li so laa ayeke ga so. 20Lango ni alingbi awe! Ala ga, e fâ lo, e bi kuâ ti lo na ya ti mbeni du ti ngu. Na pekoni, e gue, e tene, mbeni sioni nyama ate lo awe. Fade e yeke baa, abango-li ti lo ni ayeke ga tongana nyen.” 21Ruben ama tënë so ala tene so si lo ye ti zi Joseph na maboko ti ala. Lo tene na ala: “E fâ lo fango pepe.” 22Na pekoni, lo tene: “Ala tuku mene pepe; ala bi lo na ya ti du ti ngu so ge na benyama so; ala ndu lo pepe.” Ruben atene tongaso titene lo zi lo na maboko ti ala ti kiri na lo na babâ ti lo.
23So Joseph asi na tere ti a-ita ti lo, ala zi yongoro bongo ti lo ti nginza so ayeke na tere ti lo. 24Ala gbu lo si ala bi lo na ya ti du ti ngu. Andaa ya ti du ti ngu ni ayeke senge, ngu ayeke daa pepe. 25Na pekoni, ala duti ti te kobe. So ala yo le ti ala na nduzu, ala baa ambeni zo ti mara ti Ismael so alondo na sese ti Galaad si ayeke ga. *Azambala ti azo ni ayo akungba ti ambeni yoro na ayombo. Ala yeke gue na ni na Ezipte. 26Juda atene na a-ita ti lo: “Tongana e fâ ita ti e si e honde tënë ti kuâ ti lo, nzoni ti nyen laa e yeke wara na pekoni, nyen? 27E gue, e ka lo na azo ti mara ti Ismael so. E wani, e ndu lo pepe, ngbanga ti so lo yeke ita ti e, lo yeke taa mene ti e.” A-ita ti lo aye gbe ti tënë ti lo. 28Azo ti dengo buze ti kodro ti Madian ayeke hon na mbage ni kâ. Ala gboto Joseph na ya ti du ti ngu ni, ala sigigi na lo si ala ka lo na azo ti mara ti Ismael ndali ti ale ti nginza baleuse; azo ni ague na lo na Ezipte. 29So Ruben akiri aga abaa ndo na ya ti du ti ngu ni, Joseph ayeke na ya ni pepe. Lo suru bongo na tere ti lo, 30lo kiri na tere ti a-ita ti lo si lo tene: “Molenge ni ayeke daa pepe! Ti mbi, fade mbi yeke gue na ndo wa?”
31Tongaso ala mu mbeni koli-ngasa, ala fâ lo, ala mu bongo ti Joseph, ayoro na ya ti mene ti koli-ngasa ni. 32Na pekoni, ala mu yongoro bongo ti nginza ni, ala tokua ni na babâ ti ala, atene: “Baa bongo so e wara so; ti molenge ti mo laa wala ti lo laa pepe?” 33Jacob abaa ni, lo hinga ni si lo dekongo, lo tene: “Bongo ti molenge ti mbi laa! Mbeni sioni nyama asuru ya ti Joseph kue si ate lo!” 34Jacob asuru bongo na tere ti lo, lo yu bongo ti mua si lo toto kuâ ti molenge ti lo na ya ti alango mingi. 35Amolenge ti lo ti koli na ti wali kue aga ti de be ti lo, me lo ke; lo tene: “Mbi yeke ngba ti sara mua ngbii mbi gue ti wara lo na ndo ti akuâ.” Tongaso laa lo toto molenge ti lo.
36Ti azo ti Madian, ala gue na Joseph na Ezipte si ala ka lo na Potifar, mbeni kota zo ti kua ti gbia Faraon; Potifar ayeke makonzi ti aturugu so ayeke bata gbia ni.
Currently Selected:
Tongo nda ti aye 37: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Tongo nda ti aye 37
37
JOSEPH
37–50
Abango-li ti Joseph
1Jacob aduti na sese ti Kanaan, sese so babâ ti lo aduti ando daa tongana wande so. 2Tënë ti sewa ti Jacob ayeke tongaso: Joseph ayeke maseka-koli so ayeke na ngu baleoko na mbarambara; lo na a-ita ti lo, amolenge ti Bila na Zilpa, awali ti babâ ti lo, ayeke bata angasa na ataba. Joseph ayeke fa na babâ ti ala peko ti asioni tënë so kue a-ita ti lo ayeke tene. 3Jacob aye Joseph ahon a-ita ti lo kue, ngbanga ti so lo du lo na ndembe so lo ga mbakoro awe. Lo fu na lo mbeni yongoro bongo ti nginza so anzoroko ayeke na tere ni. 4A-ita ti Joseph ahinga atene, babâ ti ala aye lo ahon ala kue. Be ti ala ake Joseph; a yeke ngangu na ala ti tene tënë na lo na lege ti ndoye.
5Mbeni lâ, Joseph abaa li ti lo si lo fa peko ni na a-ita ti lo. Ala kiri ake lo ahon ndoni. 6Lo tene na ala: “Ala ma tënë ti bango-li so mbi baa so: 7Mbi na ala, e yeke na ya ti yaka; e yeke kanga agba ti ale ti *ble. Mo ye ti baa, gba ti ale ti ble ti mbi alondo, aluti na nduzu. Agba ti ale ti ble ti ala angoro tere ti ti mbi ni si akuku na gbe ni.” 8A-ita ti lo ahunda lo, atene: “Mo ye ti tene, fade mo yeke ga gbia na ndö ti e si mo yeke sara komandema na ndö ti e?” Ala kiri ake lo ahon ti kozoni ndali ti abango-li ti lo na atënë so lo yeke tene.
9Joseph akiri abaa li ti lo si lo fa peko ni na a-ita ti lo, lo tene: “Ala baa! Mbi kiri mbi baa li ti mbi. Lâ na nze na atongoro baleoko na oko ayeke kuku na gbe ti mbi.” 10Lo fa nga peko ti bango-li ni na babâ ti lo tongana ti so lo fa na a-ita ti lo so. Babâ ti lo asuku na lo, atene: “So mara ti bango-li ti nyen laa mo baa so? So ti fa atene, fade mbi na mama ti mo, na a-ita ti mo, e yeke ga ti kuku na gbe ti mo?” 11 A-ita ti Joseph asara kota be na tere ti lo. Me babâ ti lo angba ti dabe ti lo na atënë so.
A-ita ti Joseph aka lo
12A-ita ti Joseph ague na ataba na angasa ti babâ ti ala na gbata ti Sishem titene ala te pere. 13Jacob atene na Joseph: “A-ita ti mo ague na anyama na ndo ti tengo pere na Sishem. Ga, mbi tokua mo na peko ti ala.” Joseph akiri tënë, atene: “Mbi yeke gue senge!” 14Jacob akiri atene: “Mo gue, mo baa a-ita ti mo; ala yeke kâ tongana nyen, anyama ni ayeke kâ tongana nyen? Na pekoni mo ga, mo fa peko ni na mbi.”
Jacob ayeke lani na popo-hoto ti Hebron si lo tokua Joseph. Joseph ague, asi na Sishem. 15Mbeni koli awara lo na ndembe so lo girisa lege na ya ti ngonda; koli ni ahunda lo, atene: “Mo yeke gi nyen?” 16Lo kiri tënë na koli ni, lo tene: “Mbi yeke gi a-ita ti mbi. Mbi gbu gere ti mo, mo fa na mbi ndo so ala gue na anyama titene ala te pere daa.” 17Koli ni akiri tënë na lo, atene: “Ala londo na ndo so, ala hon awe. Mbi ma ala yeke tene, ani yeke gue na kodro ti Dotan.” Joseph amu peko ti a-ita ti lo, lo wara ala na kodro ti Dotan.
18A-ita ti lo abaa lo na ndembe so lo ngba yongoro. Kozo titene lo si na tere ti ala, ala leke tënë ti fâ lo. 19Ala tene na popo ti ala, atene: “Baa, zo ti bango-li so laa ayeke ga so. 20Lango ni alingbi awe! Ala ga, e fâ lo, e bi kuâ ti lo na ya ti mbeni du ti ngu. Na pekoni, e gue, e tene, mbeni sioni nyama ate lo awe. Fade e yeke baa, abango-li ti lo ni ayeke ga tongana nyen.” 21Ruben ama tënë so ala tene so si lo ye ti zi Joseph na maboko ti ala. Lo tene na ala: “E fâ lo fango pepe.” 22Na pekoni, lo tene: “Ala tuku mene pepe; ala bi lo na ya ti du ti ngu so ge na benyama so; ala ndu lo pepe.” Ruben atene tongaso titene lo zi lo na maboko ti ala ti kiri na lo na babâ ti lo.
23So Joseph asi na tere ti a-ita ti lo, ala zi yongoro bongo ti lo ti nginza so ayeke na tere ti lo. 24Ala gbu lo si ala bi lo na ya ti du ti ngu. Andaa ya ti du ti ngu ni ayeke senge, ngu ayeke daa pepe. 25Na pekoni, ala duti ti te kobe. So ala yo le ti ala na nduzu, ala baa ambeni zo ti mara ti Ismael so alondo na sese ti Galaad si ayeke ga. *Azambala ti azo ni ayo akungba ti ambeni yoro na ayombo. Ala yeke gue na ni na Ezipte. 26Juda atene na a-ita ti lo: “Tongana e fâ ita ti e si e honde tënë ti kuâ ti lo, nzoni ti nyen laa e yeke wara na pekoni, nyen? 27E gue, e ka lo na azo ti mara ti Ismael so. E wani, e ndu lo pepe, ngbanga ti so lo yeke ita ti e, lo yeke taa mene ti e.” A-ita ti lo aye gbe ti tënë ti lo. 28Azo ti dengo buze ti kodro ti Madian ayeke hon na mbage ni kâ. Ala gboto Joseph na ya ti du ti ngu ni, ala sigigi na lo si ala ka lo na azo ti mara ti Ismael ndali ti ale ti nginza baleuse; azo ni ague na lo na Ezipte. 29So Ruben akiri aga abaa ndo na ya ti du ti ngu ni, Joseph ayeke na ya ni pepe. Lo suru bongo na tere ti lo, 30lo kiri na tere ti a-ita ti lo si lo tene: “Molenge ni ayeke daa pepe! Ti mbi, fade mbi yeke gue na ndo wa?”
31Tongaso ala mu mbeni koli-ngasa, ala fâ lo, ala mu bongo ti Joseph, ayoro na ya ti mene ti koli-ngasa ni. 32Na pekoni, ala mu yongoro bongo ti nginza ni, ala tokua ni na babâ ti ala, atene: “Baa bongo so e wara so; ti molenge ti mo laa wala ti lo laa pepe?” 33Jacob abaa ni, lo hinga ni si lo dekongo, lo tene: “Bongo ti molenge ti mbi laa! Mbeni sioni nyama asuru ya ti Joseph kue si ate lo!” 34Jacob asuru bongo na tere ti lo, lo yu bongo ti mua si lo toto kuâ ti molenge ti lo na ya ti alango mingi. 35Amolenge ti lo ti koli na ti wali kue aga ti de be ti lo, me lo ke; lo tene: “Mbi yeke ngba ti sara mua ngbii mbi gue ti wara lo na ndo ti akuâ.” Tongaso laa lo toto molenge ti lo.
36Ti azo ti Madian, ala gue na Joseph na Ezipte si ala ka lo na Potifar, mbeni kota zo ti kua ti gbia Faraon; Potifar ayeke makonzi ti aturugu so ayeke bata gbia ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010