Sigingo 32
32
AZO TI ISRAEL ABUBA YA TI MBUKI TI ALA NA NZAPA
32–34
Bagara so a sara na lôro
1So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.” 2Aaron akiri tënë na ala: “Aye ti mê so a sara na lôro si ayeke na mê ti awali ti ala, ti amolenge ti ala ti koli na ti wali, ala gboto ni aga na ni na mbi.”
3Aye ti mê so a sara na lôro si ayeke na mê ti ala so, azo ni kue agboto ni, aga na ni na Aaron. 4 Aaron amu lôro ni na maboko ti ala, lo kporo ni si lo sara na mbeni yanda ti bagara. Tongaso, azo ti Israel atene: “Baa, nzapa ti e so asara si e sigigi na Ezipte laa!” 5So Aaron abaa ye ni so, lo leke mbeni gbalaka na dawa ti yanda ni. Na pekoni, lo to mbela, lo tene: “Kekereke, e yeke sara matanga ndali ti KOTA GBIA!” 6 Lango oko na pekoni, na kota ndaperere, ala ya *sandaga so a yeke gbi ni kue na wâ, ala ga na sandaga ti beoko. Azo ni aduti ti te, ti nyon si ala londo ti sara ngia. 7Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe. 8Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’ 9KOTA GBIA atene na Moïse: Biani, mbi baa azo so awe; ala yeke azo ti ngangu li! 10Fadeso, zia mbi! Ngonzo ti mbi ayeke londo na tere ti ala tongana wâ si mbi yeke hunzi ala kue. Na pekoni, mbi yeke sara titene mbeni kota mara abaa gigi na lege ti mo.” 11Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala? 12Tongana mo sara tongaso, fade azo ti Ezipte ayeke tene: ‘Na lege ti sioni be laa KOTA GBIA asara si azo ti Israel asigigi na kodro ti Ezipte; lo ye ti fâ ala na ndö ti hoto, ti hunzi ala na ndö ti sese so!’ KOTA GBIA, kai sioni ngonzo ti mo, zia ti sara sioni na azo ti mo. 13 Dabe ti mo na azo ti kua ti mo Abraham, Isaac na Jacob, ala so mo wani, mo deba yanga ti mo na ala, mo tene: ‘Fade mbi yeke sara titene *ahale ti ala awu tongana atongoro ti le ti nduzu. Sese so mbi mu zendo ni na ala, fade mbi yeke mu ni na ahale ti ala si aga ye ti ala kpu na kpu.’ ” 14 Tongaso KOTA GBIA azia ti sara sioni so lo ye fade ti sara na azo ti lo.
15Moïse alondo na li ti hoto ni, lo zu. Lo gbu na maboko ti lo atêne use so a su atënë ti mbuki na le ni, mbage na mbage; a su atënë ti ndia na le ni. 16Atêne ni, Nzapa laa asara; mbeti ni, Nzapa wani laa asu na le ti atêne ni. 17Josué ama dekongo ti azo ni; lo tene na Moïse: “Azo ayeke dekongo ti bira na ya ti bâbâ kâ!” 18Me Moïse akiri tënë: “Dekongo ni ayeke ti songo benda pepe, wala ti azo so bira ahon ndö ti ala pepe. Ti mbi, dekongo so mbi ma ayeke bia ti matanga.”
19So Moïse aga nduru na bâbâ ni awe, lo baa bagara so azo ni aleke na dodo so ala yeke do. Ngonzo ti lo alondo tongana wâ si atêne so ayeke na maboko ti lo, lo bo ya ni na sese na gbe ti hoto ni si ya ti atêne ni afâ. 20Moïse amu yanda ti bagara so azo ni asara so, lo gbi na wâ, lo nika ni si aga fuku. Lo tuku fuku ni na le ti ngu si lo mu ngu ni na azo ti Israel titene ala nyon. 21Na pekoni, Moïse ahunda Aaron, atene: “Azo so asara nyen na mo si mo yoro ala na ya ti kota siokpari tongaso?” 22Aaron akiri tënë: “Mbi gbu gere ti mo, mo sara ngonzo pepe. Mo wani, mo hinga so azo so ayeke ninga pepe ti sara sioni. 23Ala tene na mbi, atene: ‘Mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.’ 24Nilaa mbi hunda ala, mbi tene: ‘Zo wa laa ayeke na lôro, zo wa?’ Azo ni azi aye ti mê so ayeke na mê ti ala si ala mu na mbi. Mbi kporo ni na wâ si bagara so asigigi daa.”
Sioni so asi na azo ti Israel
25Moïse abaa atene, Aaron azia azo ni ti sara ye ti be ti ala; tongaso si ala lingbi ti ga ye ti ngia na le ti awato ti ala. 26Moïse ague, aluti na yanga ti bâbâ si lo tene: “Azo so ayeke ti KOTA GBIA, ala ga ge!” Azo ti mara ti Lévi kue abongbi na tere ti lo. 27Lo tene na ala: “Tënë so KOTA GBIA, Nzapa ti Israel atene ayeke so: ‘Ayeke nzoni zo oko oko amu yongoro zeme ti lo; ala tambula na ya ti bâbâ ni asi kâ, asi ge. Ala hon na yanga ti da oko oko, ala fâ a-ita ti ala, azo so ala na ala aye tere nga na azo so ayeke nduru na ala.’ ”
28Azo ti mara ti Lévi asara ye alingbi na tënë so Moïse atene na ala. Nilaa azo ti Israel nduru na saki ota akui na lango ni so. 29Tongaso Moïse atene na azo ti mara ti Lévi: “Laso a zia ala nde ndali ti kua ti KOTA GBIA awe. Biani, ataa amolenge ti ala ti koli wala a-ita ti ala, ala fâ ala. Ayeke nzoni KOTA GBIA asara tufa na ndö ti ala laso.”
Moïse ahunda na Nzapa ti zi siokpari na li ti azo ti Israel
30Lango oko na pekoni, Moïse atene na azo ni, atene: “Ala sara kota siokpari awe. Me fadeso, mbi yeke gue na li ti hoto na mbage ti KOTA GBIA. Mbi hinga pepe, mbi yeke gi lege ti sara si lo zi siokpari na li ti ala.”
31Moïse akiri na mbage ti KOTA GBIA si atene na lo: “Ae KOTA GBIA! Azo so asara kota siokpari awe; ala mu lôro asara na mbeni nzapa. 32 Ti fadeso, mbi gbu gere ti mo, zi siokpari na li ti azo so! Tongaso pepe, mo zi iri ti mbi na ya ti mbeti ti mo so mo su ni so.” 33KOTA GBIA akiri tënë na Moïse: “Zo so asara siokpari ti ke mbi laa mbi yeke zi iri ti lo na ya ti mbeti ti mbi. 34Fadeso mo gue; mo mu azo ni, mo gue na ala na ndo so mbi tene tënë ni na mo so. Fade *ange ti mbi ayeke tambula na dawa ti mo. Me na lango so mbi yeke ga na tere ti ala, mbi yeke fâ ngbanga na li ti ala ndali ti siokpari ti ala.” 35Tongaso KOTA GBIA apika azo ti Israel ndali ti yanda ti bagara so ala hunda na Aaron ti sara na ala so.
Currently Selected:
Sigingo 32: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Sigingo 32
32
AZO TI ISRAEL ABUBA YA TI MBUKI TI ALA NA NZAPA
32–34
Bagara so a sara na lôro
1So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.” 2Aaron akiri tënë na ala: “Aye ti mê so a sara na lôro si ayeke na mê ti awali ti ala, ti amolenge ti ala ti koli na ti wali, ala gboto ni aga na ni na mbi.”
3Aye ti mê so a sara na lôro si ayeke na mê ti ala so, azo ni kue agboto ni, aga na ni na Aaron. 4 Aaron amu lôro ni na maboko ti ala, lo kporo ni si lo sara na mbeni yanda ti bagara. Tongaso, azo ti Israel atene: “Baa, nzapa ti e so asara si e sigigi na Ezipte laa!” 5So Aaron abaa ye ni so, lo leke mbeni gbalaka na dawa ti yanda ni. Na pekoni, lo to mbela, lo tene: “Kekereke, e yeke sara matanga ndali ti KOTA GBIA!” 6 Lango oko na pekoni, na kota ndaperere, ala ya *sandaga so a yeke gbi ni kue na wâ, ala ga na sandaga ti beoko. Azo ni aduti ti te, ti nyon si ala londo ti sara ngia. 7Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe. 8Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’ 9KOTA GBIA atene na Moïse: Biani, mbi baa azo so awe; ala yeke azo ti ngangu li! 10Fadeso, zia mbi! Ngonzo ti mbi ayeke londo na tere ti ala tongana wâ si mbi yeke hunzi ala kue. Na pekoni, mbi yeke sara titene mbeni kota mara abaa gigi na lege ti mo.” 11Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala? 12Tongana mo sara tongaso, fade azo ti Ezipte ayeke tene: ‘Na lege ti sioni be laa KOTA GBIA asara si azo ti Israel asigigi na kodro ti Ezipte; lo ye ti fâ ala na ndö ti hoto, ti hunzi ala na ndö ti sese so!’ KOTA GBIA, kai sioni ngonzo ti mo, zia ti sara sioni na azo ti mo. 13 Dabe ti mo na azo ti kua ti mo Abraham, Isaac na Jacob, ala so mo wani, mo deba yanga ti mo na ala, mo tene: ‘Fade mbi yeke sara titene *ahale ti ala awu tongana atongoro ti le ti nduzu. Sese so mbi mu zendo ni na ala, fade mbi yeke mu ni na ahale ti ala si aga ye ti ala kpu na kpu.’ ” 14 Tongaso KOTA GBIA azia ti sara sioni so lo ye fade ti sara na azo ti lo.
15Moïse alondo na li ti hoto ni, lo zu. Lo gbu na maboko ti lo atêne use so a su atënë ti mbuki na le ni, mbage na mbage; a su atënë ti ndia na le ni. 16Atêne ni, Nzapa laa asara; mbeti ni, Nzapa wani laa asu na le ti atêne ni. 17Josué ama dekongo ti azo ni; lo tene na Moïse: “Azo ayeke dekongo ti bira na ya ti bâbâ kâ!” 18Me Moïse akiri tënë: “Dekongo ni ayeke ti songo benda pepe, wala ti azo so bira ahon ndö ti ala pepe. Ti mbi, dekongo so mbi ma ayeke bia ti matanga.”
19So Moïse aga nduru na bâbâ ni awe, lo baa bagara so azo ni aleke na dodo so ala yeke do. Ngonzo ti lo alondo tongana wâ si atêne so ayeke na maboko ti lo, lo bo ya ni na sese na gbe ti hoto ni si ya ti atêne ni afâ. 20Moïse amu yanda ti bagara so azo ni asara so, lo gbi na wâ, lo nika ni si aga fuku. Lo tuku fuku ni na le ti ngu si lo mu ngu ni na azo ti Israel titene ala nyon. 21Na pekoni, Moïse ahunda Aaron, atene: “Azo so asara nyen na mo si mo yoro ala na ya ti kota siokpari tongaso?” 22Aaron akiri tënë: “Mbi gbu gere ti mo, mo sara ngonzo pepe. Mo wani, mo hinga so azo so ayeke ninga pepe ti sara sioni. 23Ala tene na mbi, atene: ‘Mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.’ 24Nilaa mbi hunda ala, mbi tene: ‘Zo wa laa ayeke na lôro, zo wa?’ Azo ni azi aye ti mê so ayeke na mê ti ala si ala mu na mbi. Mbi kporo ni na wâ si bagara so asigigi daa.”
Sioni so asi na azo ti Israel
25Moïse abaa atene, Aaron azia azo ni ti sara ye ti be ti ala; tongaso si ala lingbi ti ga ye ti ngia na le ti awato ti ala. 26Moïse ague, aluti na yanga ti bâbâ si lo tene: “Azo so ayeke ti KOTA GBIA, ala ga ge!” Azo ti mara ti Lévi kue abongbi na tere ti lo. 27Lo tene na ala: “Tënë so KOTA GBIA, Nzapa ti Israel atene ayeke so: ‘Ayeke nzoni zo oko oko amu yongoro zeme ti lo; ala tambula na ya ti bâbâ ni asi kâ, asi ge. Ala hon na yanga ti da oko oko, ala fâ a-ita ti ala, azo so ala na ala aye tere nga na azo so ayeke nduru na ala.’ ”
28Azo ti mara ti Lévi asara ye alingbi na tënë so Moïse atene na ala. Nilaa azo ti Israel nduru na saki ota akui na lango ni so. 29Tongaso Moïse atene na azo ti mara ti Lévi: “Laso a zia ala nde ndali ti kua ti KOTA GBIA awe. Biani, ataa amolenge ti ala ti koli wala a-ita ti ala, ala fâ ala. Ayeke nzoni KOTA GBIA asara tufa na ndö ti ala laso.”
Moïse ahunda na Nzapa ti zi siokpari na li ti azo ti Israel
30Lango oko na pekoni, Moïse atene na azo ni, atene: “Ala sara kota siokpari awe. Me fadeso, mbi yeke gue na li ti hoto na mbage ti KOTA GBIA. Mbi hinga pepe, mbi yeke gi lege ti sara si lo zi siokpari na li ti ala.”
31Moïse akiri na mbage ti KOTA GBIA si atene na lo: “Ae KOTA GBIA! Azo so asara kota siokpari awe; ala mu lôro asara na mbeni nzapa. 32 Ti fadeso, mbi gbu gere ti mo, zi siokpari na li ti azo so! Tongaso pepe, mo zi iri ti mbi na ya ti mbeti ti mo so mo su ni so.” 33KOTA GBIA akiri tënë na Moïse: “Zo so asara siokpari ti ke mbi laa mbi yeke zi iri ti lo na ya ti mbeti ti mbi. 34Fadeso mo gue; mo mu azo ni, mo gue na ala na ndo so mbi tene tënë ni na mo so. Fade *ange ti mbi ayeke tambula na dawa ti mo. Me na lango so mbi yeke ga na tere ti ala, mbi yeke fâ ngbanga na li ti ala ndali ti siokpari ti ala.” 35Tongaso KOTA GBIA apika azo ti Israel ndali ti yanda ti bagara so ala hunda na Aaron ti sara na ala so.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010