Sigingo 15
15
Moïse na azo ti Israel ahe bia
1 Tongaso Moïse na azo ti Israel ahe bia so na *KOTA GBIA, ala tene:
Mbi ye ti he bia na KOTA GBIA:
lo fa kota ngangu ti lo,
lo bi ambarata na azo ti kpengo na mbarata ni
na ya ti kota ngu-ingo!
2KOTA GBIA ayeke ngangu ti mbi,
mbi yeke he bia na lo.
Lo laa lo soo mbi!
Lo yeke Nzapa ti mbi, mbi yeke sepela lo!
Lo yeke Nzapa ti babâ ti mbi,
mbi ye ti he bia ti fa kota ti lo.
3KOTA GBIA ayeke ngangu zo ti bira.
Iri ti lo ayeke KOTA GBIA!
4Lo bi apusu ti mbarata ti Faraon
na aturugu ti lo na ya ti kota ngu-ingo.
Kota ngu-ingo ti Asosongo
amene akpengba turugu ti lo.
5Ala li na gbe ti ngu tongana têne
si ngu so ali mingi akanga ndö ti ala kue.
6KOTA GBIA, maboko ti mo ti koli
afa kota ngangu ti mo!
KOTA GBIA, maboko ti mo ti koli
anika awato!
7Mo yeke kota ahon ndoni!
Mo yeke kinda azo so alondo ti ke mo.
Tongana ngonzo ti mo alondo tongana wâ,
ngonzo ni ayeke gbi ala
tongana holengo pere.
8Ngangu pupu ti hon ti mo asara si
ngu abongbi na ndö ti tere,
*amapo aluti na nduzu tongana gbagba,
ngu so ali aga tongana kuru sese
na gbe ti kota ngu-ingo.
9Awato ti e atene lani, atene:
“E tumba peko ti ala, fade e yeke wara ala.
E yeke kangbi ya ti aye ti ala so
e gbu na peko ti bira,
e yeke mu ni alingbi na e.
E yeke gboto yongoro zeme ti e,
e yeke mu aye ti ala kue na maboko ti ala!”
10Me mo KOTA GBIA, mo huru pupu
si kota ngu-ingo akanga ndö ti ala.
Ala li na gbe ti kota ngu tongana nengo wen.
11KOTA GBIA, na popo ti anzapa,
lo so wa laa ayeke tongana mo?
Zo wa laa alingbi na gonda,
lo yeke nde si lo yeke nzoni kue tongana mo?
Zo wa laa alingbi ti sara akota ye tongana mo?
Zo wa laa alingbi ti sara aye ti kpene tongana mo?
12Mo yoro maboko ti mo ti koli
si sese amene awato ti e!
13Na lege ti nzoni be ti mo,
mo fa lege na azo ti mo so mo zi ala awe.
Na lege ti ngangu ti mo,
mo gue na ala na ndo ti duti ti mo
so ayeke nde si ayeke nzoni kue.
14Amara so angoro ala ama tënë ni,
tere ti ala ado na mbeto.
Kota mbeto agbu azo ti Filistii.
15Be ti amakonzi ti Edom afun kue.
Tere ti akota zo ti Moab ado na mbeto,
be ti azo ti Kanaan kue awoko awe.
16Mbeto na kota mbeto agbu ala.
KOTA GBIA, so ala baa ngangu ti maboko ti mo,
mbeto ahon ndö ti ala
si tënë ahunzi na yanga ti ala,
ngbii azo ti mo ahon na mbage ti ngu ni;
azo ti mo so mo vo ala so.
17KOTA GBIA, fadeso mo sara si ala li kâ,
mo zia ala na ndö ti hoto so ayeke ti mo;
ndo so mo leke ti duti daa laa,
ndo ni ayeke nde si ayeke nzoni kue,
maboko ti mo wani laa aleke ni.
18KOTA GBIA, mo yeke le-gbia kpu na kpu!
19So ambarata ti Faraon, apusu ti mbarata ti lo nga na azo ti kpengo na ambarata ti lo ali na ya ti kota ngu-ingo, KOTA GBIA asara si ngu ni amene ala. Me azo ti Israel ahon na popo ti kota ngu-ingo ni, na ndö ti kuru sese. 20Tongaso Miriam, wayanga-Nzapa, ita ti Aaron ti wali amu kete ngo. Awali ti Israel kue amu peko ti lo, ala yeke pika kete ngo si ala yeke dodo. 21Miriam amu li ti bia ni na ala, atene:
“Ala he bia na KOTA GBIA,
lo fa kota ngangu ti lo,
lo bi ambarata na azo ti kpengo na mbarata ni
na ya ti kota ngu-ingo!”
TAMBULA TI AZO TI ISRAEL NA BENYAMA
15.22–18.27
Ngu ti Mara
22Moïse amu yanga na azo ti Israel si ala londo na tere ti kota ngu-ingo ti Asosongo ti hon. Ala mu lege so ague na benyama ti Shur. Ala tambula lango ota na benyama, ala wara ngu pepe. 23Ala si na Mara, me ala lingbi ti nyon ngu ti Mara ni pepe, ngbanga ti so ngu ni asee sengo. Ndani laa azo adi iri ti ngu ni so Mara. 24Azo ni akasa Moïse, atene: “Fade e yeke nyon nyen?” 25Moïse adema tere ti lo na KOTA GBIA si KOTA GBIA afa na lo mbeni nduru keke. Moïse amu keke ni, lo bi na ya ti ngu ni si ngu ni aga nzoni.
Na ndo so laa KOTA GBIA amu na azo ti Israel andia nga na lege ti sarango ye so lo fa. Na ndo so nga laa KOTA GBIA atara be ti ala. 26Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”
27Na pekoni, azo ti Israel asi na Elim. Kâ, ali ti ngu baleoko na use na akeke ti mburu balembarambara ayeke daa. Ala sara bâbâ ti ala kâ na tere ti ngu.
Currently Selected:
Sigingo 15: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Sigingo 15
15
Moïse na azo ti Israel ahe bia
1 Tongaso Moïse na azo ti Israel ahe bia so na *KOTA GBIA, ala tene:
Mbi ye ti he bia na KOTA GBIA:
lo fa kota ngangu ti lo,
lo bi ambarata na azo ti kpengo na mbarata ni
na ya ti kota ngu-ingo!
2KOTA GBIA ayeke ngangu ti mbi,
mbi yeke he bia na lo.
Lo laa lo soo mbi!
Lo yeke Nzapa ti mbi, mbi yeke sepela lo!
Lo yeke Nzapa ti babâ ti mbi,
mbi ye ti he bia ti fa kota ti lo.
3KOTA GBIA ayeke ngangu zo ti bira.
Iri ti lo ayeke KOTA GBIA!
4Lo bi apusu ti mbarata ti Faraon
na aturugu ti lo na ya ti kota ngu-ingo.
Kota ngu-ingo ti Asosongo
amene akpengba turugu ti lo.
5Ala li na gbe ti ngu tongana têne
si ngu so ali mingi akanga ndö ti ala kue.
6KOTA GBIA, maboko ti mo ti koli
afa kota ngangu ti mo!
KOTA GBIA, maboko ti mo ti koli
anika awato!
7Mo yeke kota ahon ndoni!
Mo yeke kinda azo so alondo ti ke mo.
Tongana ngonzo ti mo alondo tongana wâ,
ngonzo ni ayeke gbi ala
tongana holengo pere.
8Ngangu pupu ti hon ti mo asara si
ngu abongbi na ndö ti tere,
*amapo aluti na nduzu tongana gbagba,
ngu so ali aga tongana kuru sese
na gbe ti kota ngu-ingo.
9Awato ti e atene lani, atene:
“E tumba peko ti ala, fade e yeke wara ala.
E yeke kangbi ya ti aye ti ala so
e gbu na peko ti bira,
e yeke mu ni alingbi na e.
E yeke gboto yongoro zeme ti e,
e yeke mu aye ti ala kue na maboko ti ala!”
10Me mo KOTA GBIA, mo huru pupu
si kota ngu-ingo akanga ndö ti ala.
Ala li na gbe ti kota ngu tongana nengo wen.
11KOTA GBIA, na popo ti anzapa,
lo so wa laa ayeke tongana mo?
Zo wa laa alingbi na gonda,
lo yeke nde si lo yeke nzoni kue tongana mo?
Zo wa laa alingbi ti sara akota ye tongana mo?
Zo wa laa alingbi ti sara aye ti kpene tongana mo?
12Mo yoro maboko ti mo ti koli
si sese amene awato ti e!
13Na lege ti nzoni be ti mo,
mo fa lege na azo ti mo so mo zi ala awe.
Na lege ti ngangu ti mo,
mo gue na ala na ndo ti duti ti mo
so ayeke nde si ayeke nzoni kue.
14Amara so angoro ala ama tënë ni,
tere ti ala ado na mbeto.
Kota mbeto agbu azo ti Filistii.
15Be ti amakonzi ti Edom afun kue.
Tere ti akota zo ti Moab ado na mbeto,
be ti azo ti Kanaan kue awoko awe.
16Mbeto na kota mbeto agbu ala.
KOTA GBIA, so ala baa ngangu ti maboko ti mo,
mbeto ahon ndö ti ala
si tënë ahunzi na yanga ti ala,
ngbii azo ti mo ahon na mbage ti ngu ni;
azo ti mo so mo vo ala so.
17KOTA GBIA, fadeso mo sara si ala li kâ,
mo zia ala na ndö ti hoto so ayeke ti mo;
ndo so mo leke ti duti daa laa,
ndo ni ayeke nde si ayeke nzoni kue,
maboko ti mo wani laa aleke ni.
18KOTA GBIA, mo yeke le-gbia kpu na kpu!
19So ambarata ti Faraon, apusu ti mbarata ti lo nga na azo ti kpengo na ambarata ti lo ali na ya ti kota ngu-ingo, KOTA GBIA asara si ngu ni amene ala. Me azo ti Israel ahon na popo ti kota ngu-ingo ni, na ndö ti kuru sese. 20Tongaso Miriam, wayanga-Nzapa, ita ti Aaron ti wali amu kete ngo. Awali ti Israel kue amu peko ti lo, ala yeke pika kete ngo si ala yeke dodo. 21Miriam amu li ti bia ni na ala, atene:
“Ala he bia na KOTA GBIA,
lo fa kota ngangu ti lo,
lo bi ambarata na azo ti kpengo na mbarata ni
na ya ti kota ngu-ingo!”
TAMBULA TI AZO TI ISRAEL NA BENYAMA
15.22–18.27
Ngu ti Mara
22Moïse amu yanga na azo ti Israel si ala londo na tere ti kota ngu-ingo ti Asosongo ti hon. Ala mu lege so ague na benyama ti Shur. Ala tambula lango ota na benyama, ala wara ngu pepe. 23Ala si na Mara, me ala lingbi ti nyon ngu ti Mara ni pepe, ngbanga ti so ngu ni asee sengo. Ndani laa azo adi iri ti ngu ni so Mara. 24Azo ni akasa Moïse, atene: “Fade e yeke nyon nyen?” 25Moïse adema tere ti lo na KOTA GBIA si KOTA GBIA afa na lo mbeni nduru keke. Moïse amu keke ni, lo bi na ya ti ngu ni si ngu ni aga nzoni.
Na ndo so laa KOTA GBIA amu na azo ti Israel andia nga na lege ti sarango ye so lo fa. Na ndo so nga laa KOTA GBIA atara be ti ala. 26Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”
27Na pekoni, azo ti Israel asi na Elim. Kâ, ali ti ngu baleoko na use na akeke ti mburu balembarambara ayeke daa. Ala sara bâbâ ti ala kâ na tere ti ngu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010