Ndia ti fani use ni Kete tënë na ndö ti Mbeti ti Ndia ti fani use ni
Kete tënë na ndö ti Mbeti ti Ndia ti fani use ni
Na yanga ti faranzi, iri ti mbeti ni ayeke “Deutéronome”. Deutéronome aye ti tene: “Ndia ti fani use ni” wala “Dango be ti azo na ndia”. Na yanga ti sango, iri ni ayeke “Ndia ti fani use ni”. Mbeti ti Ndia ti fani use ni abongbi atënë nde nde so Moïse atene.
Azo ti Israel ague ngbii ala si na sese ti Moab, fadeso ala yeke nduru ti gue ti li na sese ti Kanaan. Me Nzapa atene lani na Moïse atene, fade lo yeke li pepe na sese ti zendo ni. Nilaa kozo titene Moïse akui, lo tene atënë mingi.
Kozoni, lo fa aye so kue asi na azo ti Israel na ya ti ngu baleosio na ndembe so ala yeke tambula na benyama. Na benyama ni, Nzapa afa lege na ala, lo bata ala. Alingbi azo ni abata be ti ala na lo.
Na pekoni, Moïse akiri na ndö ti Andia baleoko nga na ndö ti ambeni ndia so Nzapa afa na azo ti lo. Me kota ye ni ayeke gi ti sara ye alingbi na andia ni pepe; alingbi azo aye Nzapa na be ti ala kue, ala bata *mbuki so lo sara na ala. Tongana ala bata mbuki ni, fade Nzapa ayeke sara tufa na ndö ti ala; me tongana ala bata ni pepe, fade awato ti ala ayeke hon ndö ti ala na bira.
Na hunzingo ti mbeti ni, Moïse aga nduru ti kui. Lo soro Josué ti mu kua ni na peko ti lo. Fade Josué laa ayeke mu azo ti Israel ti gue na ala na sese ti Kanaan.
Moïse ahe bia ti sepela Nzapa ndali ti anzoni ye so lo sara. Na pekoni, Moïse asara tufa na ndö ti amara baleoko na use ti Israel si lo kui. Lo si pepe na sese so Nzapa amu zendo ni. Me e diko na ya ti mbeti ni atene, “Na sese ti Israel, mbeni wayanga-Nzapa so akiri aduti tongana Moïse ayeke daa pepe: lo na KOTA GBIA ayeke tene tënë lani le na le” (34.10). Moïse so laa atene kota tënë so na azo ti Israel:
“Ala azo ti Israel, ala ma! KOTA GBIA Nzapa ti e ayeke oko KOTA GBIA. Alingbi mo ye KOTA GBIA Nzapa ti mo na be ti mo kue, na yingo ti mo kue, na ngangu ti mo kue.”
(6.4,5)
Akota ye so ayeke na ya ti mbeti so:
- Kozo tënë so Moïse atene: lo dabe ti azo na mbai ti azo ti Israel 1.1–4.43
- Use tënë so Moïse atene: lo dabe ti azo na andia ti Nzapa 4.44–28
- Tanga ti tënë so Moïse atene: alingbi azo ti Israel akpe mbeto ti mbuki ti Nzapa 29–30
- Moïse abara azo ti Israel si lo kui 31–34
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Ndia ti fani use ni Kete tënë na ndö ti Mbeti ti Ndia ti fani use ni
Kete tënë na ndö ti Mbeti ti Ndia ti fani use ni
Na yanga ti faranzi, iri ti mbeti ni ayeke “Deutéronome”. Deutéronome aye ti tene: “Ndia ti fani use ni” wala “Dango be ti azo na ndia”. Na yanga ti sango, iri ni ayeke “Ndia ti fani use ni”. Mbeti ti Ndia ti fani use ni abongbi atënë nde nde so Moïse atene.
Azo ti Israel ague ngbii ala si na sese ti Moab, fadeso ala yeke nduru ti gue ti li na sese ti Kanaan. Me Nzapa atene lani na Moïse atene, fade lo yeke li pepe na sese ti zendo ni. Nilaa kozo titene Moïse akui, lo tene atënë mingi.
Kozoni, lo fa aye so kue asi na azo ti Israel na ya ti ngu baleosio na ndembe so ala yeke tambula na benyama. Na benyama ni, Nzapa afa lege na ala, lo bata ala. Alingbi azo ni abata be ti ala na lo.
Na pekoni, Moïse akiri na ndö ti Andia baleoko nga na ndö ti ambeni ndia so Nzapa afa na azo ti lo. Me kota ye ni ayeke gi ti sara ye alingbi na andia ni pepe; alingbi azo aye Nzapa na be ti ala kue, ala bata *mbuki so lo sara na ala. Tongana ala bata mbuki ni, fade Nzapa ayeke sara tufa na ndö ti ala; me tongana ala bata ni pepe, fade awato ti ala ayeke hon ndö ti ala na bira.
Na hunzingo ti mbeti ni, Moïse aga nduru ti kui. Lo soro Josué ti mu kua ni na peko ti lo. Fade Josué laa ayeke mu azo ti Israel ti gue na ala na sese ti Kanaan.
Moïse ahe bia ti sepela Nzapa ndali ti anzoni ye so lo sara. Na pekoni, Moïse asara tufa na ndö ti amara baleoko na use ti Israel si lo kui. Lo si pepe na sese so Nzapa amu zendo ni. Me e diko na ya ti mbeti ni atene, “Na sese ti Israel, mbeni wayanga-Nzapa so akiri aduti tongana Moïse ayeke daa pepe: lo na KOTA GBIA ayeke tene tënë lani le na le” (34.10). Moïse so laa atene kota tënë so na azo ti Israel:
“Ala azo ti Israel, ala ma! KOTA GBIA Nzapa ti e ayeke oko KOTA GBIA. Alingbi mo ye KOTA GBIA Nzapa ti mo na be ti mo kue, na yingo ti mo kue, na ngangu ti mo kue.”
(6.4,5)
Akota ye so ayeke na ya ti mbeti so:
- Kozo tënë so Moïse atene: lo dabe ti azo na mbai ti azo ti Israel 1.1–4.43
- Use tënë so Moïse atene: lo dabe ti azo na andia ti Nzapa 4.44–28
- Tanga ti tënë so Moïse atene: alingbi azo ti Israel akpe mbeto ti mbuki ti Nzapa 29–30
- Moïse abara azo ti Israel si lo kui 31–34
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010