2 Korente Kete tënë na ndö ti Use Mbeti so Paul atokua na Eglize ti Korente
Kete tënë na ndö ti Use Mbeti so Paul atokua na Eglize ti Korente
Paul atokua kozo mbeti ti lo na azo ti *Eglize ti Korente. Na pekoni, azo alondo na Korente aga atene na lo ambeni tënë na ndö ti azo ti Eglize ni. Tongaso Paul akiri atokua mbeti na ala si ala nga atokua mbeti na lo. Ti londo na ndembe ni so, Paul na azo ti Eglize ti Korente akiri ama tere nzoni pepe, nilaa kozo titene Paul akiri ague ti baa ala, lo su mbeti lo tokua na ala ti gi lege ti sara si songo akiri na popo ti ala.
Akota ye so ayeke na ya ti mbeti so:
Ti londo na kota gere 1 asi na 7, Paul afa lege so lo yeke watokua; so ti tene lo yeke zo so Jésus Christ laa atokua lo, kua so Nzapa amu na lo ti sarango ni laa. Oko ye so agbu be ti lo ayeke titene na ndo kue, azo ahinga Nzapa Babâ na Jésus Christ. Kua so Nzapa amu na lo ti sarango ni, pasi ayeke daa mingi, angangu ye ayeke si na lo mingi; me Paul akanga be ti lo na ya ti aye ni so. Lo zia be ti lo ti ku so fade azo ti Eglize ti Korente ayeke yamba lo wani si ala yeke yeda na aye so lo fa na ala.
Ti londo na kota gere 8 asi na 9, Paul ahunda na azo ti Eglize ti Korente ti mu ye na nzoni be na azo ti Eglize ti Jérusalem. Tongana ambeni zo ayeke na mosoro mingi, alingbi ala mu mbage ni na azo so ye atia ala. Na ngoi so Paul ayeke su mbeti so, azo ti Eglize ti Jérusalem ayeke azo ti mawa, me gbata ti Korente asi singo na mosoro: kua ti dengo buze ague na nduzu mingi, nginza ayeke kota ye na le ti azo. Paul amu wango na azo ti ye tere ti ala, ti mu maboko na amba ti ala. Jésus ayeke na mosoro mingi, me lo yeda ti sara tere ti lo tongana zo ti mawa titene azo awara amosoro na lege ti mawa ti lo (8.9).
Ti londo na kota gere 10 asi na 13, Paul afa mara ti awatokua use. Ambeni zo asi na Eglize ti Korente si ala yeke fa ambeni tënë nde na ti so Paul afa. Atënë ni abi tomboka na li ti azo (11.3-4), be ti azo ti Eglize ni ague na ndö ti fango ye ti azo ni so; azo ni abaa tere ti ala tongana akota watokua. Tënë ayapu na yanga ti ala, azo ayeke gonda ala; ala wani, ala yeke pika kate ti ala ndali ti so ye kue aga nzoni na ala, fango ye na sarango ye ti ala akpa ti azo so ayeke sara kua na anzapa nde na gbata ti Korente.
Ti Paul, watokua alingbi ti duti nde, so ti tene lo yeke zo so Jésus atokua lo. Ayeke nzoni lo sara tere ti lo kete titene azo so lo yeke fa ye na ala aga kota, lo yeda ti ga zo so ayeke na ngangu pepe, ngbanga ti so lo yeke ku ti wara ngangu na mbage ti Nzapa. Watokua ti Christ ayeke gi ye ndali ti lo wani pepe; titene azo ane lo wala titene lo ga zo ti mosoro, so laa lo yeke gi pepe. Paul adabe ti azo ti Korente na ye so lo sara lani mingi na ndo ti ala: lo fa Nzoni Tënë na ala senge senge, lo hunda na ala pata oko pepe; so aye ti tene ndoye ti Nzapa ndali ti azo ayeke biani ye so ayeke senge senge, Nzapa ahunda ye oko na azo ndali ni pepe.
© La Société Biblique de Centrafrique 2010
2 Korente Kete tënë na ndö ti Use Mbeti so Paul atokua na Eglize ti Korente
Kete tënë na ndö ti Use Mbeti so Paul atokua na Eglize ti Korente
Paul atokua kozo mbeti ti lo na azo ti *Eglize ti Korente. Na pekoni, azo alondo na Korente aga atene na lo ambeni tënë na ndö ti azo ti Eglize ni. Tongaso Paul akiri atokua mbeti na ala si ala nga atokua mbeti na lo. Ti londo na ndembe ni so, Paul na azo ti Eglize ti Korente akiri ama tere nzoni pepe, nilaa kozo titene Paul akiri ague ti baa ala, lo su mbeti lo tokua na ala ti gi lege ti sara si songo akiri na popo ti ala.
Akota ye so ayeke na ya ti mbeti so:
Ti londo na kota gere 1 asi na 7, Paul afa lege so lo yeke watokua; so ti tene lo yeke zo so Jésus Christ laa atokua lo, kua so Nzapa amu na lo ti sarango ni laa. Oko ye so agbu be ti lo ayeke titene na ndo kue, azo ahinga Nzapa Babâ na Jésus Christ. Kua so Nzapa amu na lo ti sarango ni, pasi ayeke daa mingi, angangu ye ayeke si na lo mingi; me Paul akanga be ti lo na ya ti aye ni so. Lo zia be ti lo ti ku so fade azo ti Eglize ti Korente ayeke yamba lo wani si ala yeke yeda na aye so lo fa na ala.
Ti londo na kota gere 8 asi na 9, Paul ahunda na azo ti Eglize ti Korente ti mu ye na nzoni be na azo ti Eglize ti Jérusalem. Tongana ambeni zo ayeke na mosoro mingi, alingbi ala mu mbage ni na azo so ye atia ala. Na ngoi so Paul ayeke su mbeti so, azo ti Eglize ti Jérusalem ayeke azo ti mawa, me gbata ti Korente asi singo na mosoro: kua ti dengo buze ague na nduzu mingi, nginza ayeke kota ye na le ti azo. Paul amu wango na azo ti ye tere ti ala, ti mu maboko na amba ti ala. Jésus ayeke na mosoro mingi, me lo yeda ti sara tere ti lo tongana zo ti mawa titene azo awara amosoro na lege ti mawa ti lo (8.9).
Ti londo na kota gere 10 asi na 13, Paul afa mara ti awatokua use. Ambeni zo asi na Eglize ti Korente si ala yeke fa ambeni tënë nde na ti so Paul afa. Atënë ni abi tomboka na li ti azo (11.3-4), be ti azo ti Eglize ni ague na ndö ti fango ye ti azo ni so; azo ni abaa tere ti ala tongana akota watokua. Tënë ayapu na yanga ti ala, azo ayeke gonda ala; ala wani, ala yeke pika kate ti ala ndali ti so ye kue aga nzoni na ala, fango ye na sarango ye ti ala akpa ti azo so ayeke sara kua na anzapa nde na gbata ti Korente.
Ti Paul, watokua alingbi ti duti nde, so ti tene lo yeke zo so Jésus atokua lo. Ayeke nzoni lo sara tere ti lo kete titene azo so lo yeke fa ye na ala aga kota, lo yeda ti ga zo so ayeke na ngangu pepe, ngbanga ti so lo yeke ku ti wara ngangu na mbage ti Nzapa. Watokua ti Christ ayeke gi ye ndali ti lo wani pepe; titene azo ane lo wala titene lo ga zo ti mosoro, so laa lo yeke gi pepe. Paul adabe ti azo ti Korente na ye so lo sara lani mingi na ndo ti ala: lo fa Nzoni Tënë na ala senge senge, lo hunda na ala pata oko pepe; so aye ti tene ndoye ti Nzapa ndali ti azo ayeke biani ye so ayeke senge senge, Nzapa ahunda ye oko na azo ndali ni pepe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010