ទំនុកដំកើង 82

ទំនុករបស់អេសាភ។

1ព្រះ‌ទ្រង់ឈរនៅក្នុងពួកជំនុំដ៏ខ្លាំងពូកែ

គឺទ្រង់ដែលវិនិច្ឆ័យ

នៅកណ្តាលពួកអ្នកមានអំណាច

2តើឯងរាល់គ្នានឹងជំនុំ‌ជំរះដោយទុច្ចរិត

ហើយយល់មុខមនុស្សអាក្រក់ដល់កាលណា។ –បង្អង់

3៙ ចូរការ‌ពារដល់មនុស្សក្រីក្រ នឹងមនុស្សកំព្រា

ហើយកាត់ក្តីដល់មនុស្សវេទនា នឹងមនុស្សកំសត់

ដោយយុត្តិ‌ធម៌ចុះ

4ចូរជួយសង្គ្រោះមនុស្សក្រីក្រ នឹងមនុស្សកំសត់ទុគ៌តដែរ

ត្រូវជួយគេឲ្យរួចពីកណ្តាប់ដៃនៃមនុស្សអាក្រក់

5គេមិនដឹង ក៏មិនយល់សោះ

គេតែងដើរទៅមកក្នុងសេចក្ដីងងឹត

អស់ទាំងឫសផែនដីក៏ត្រូវកក្រើករំពើក

6អញបានពោលថា ឯងរាល់គ្នាសុទ្ធតែជាអ្នកមានអំណាច

ហើយជាកូននៃព្រះដ៏ខ្ពស់បំផុតទាំងអស់គ្នា

7ប៉ុន្តែឯងនឹងស្លាប់ទៅ ដូចជាមនុស្សធម្មតាដែរ

គឺនឹងត្រូវដួលដូចជាមេណាមួយ

8ឱព្រះ‌អង្គអើយ សូមទ្រង់ឈរឡើងជំនុំ‌ជំរះផែនដីចុះ

ដ្បិតទ្រង់នឹងបានអស់ទាំងនគរទុកជាមរដក។

Currently Selected:

ទំនុកដំកើង 82: ពគប

Highlight

Copy

Want to have your highlights saved across all your devices? Sign up or sign in

Learn More About ព្រះគម្ពីរបរិសុទ្ធ ១៩៥៤