Salmo 98
98
Salmo 98
Isang Awit.
1Umawit ng bagong awit sa Panginoon,
sapagkat kahanga-hanga
ang kanyang mga gawa!
Sa kanyang kapangyarihan at kalakasaʼy
tinalo niya ang ating mga kaaway.
2Ipinakita ng Panginoon
sa mga bansa
ang kanyang pagliligtas
at pagiging makatuwiran.
3Hindi niya kinalimutan
ang kanyang pag-ibig
at katapatan sa Israel.
Nakita ng lahat ng tao
sa buong mundo
ang pagliligtas ng ating Diyos.
4Kayong lahat ng tao sa buong mundo,
sumigaw kayo sa galak sa Panginoon!
Buong galak kayong umawit
ng papuri sa kanya.
5Umawit kayo ng mga papuri sa Panginoon
habang tinutugtog ang mga alpa.
6Patunugin ang mga trumpeta at tambuli;
sumigaw kayo sa galak sa harapan ng Panginoon, na Hari.
7Magalak ang dagat
at ang lahat ng naninirahan dito,
gayundin ang buong mundo at ang lahat ng narito.
8Magpalakpakan ang mga ilog
at sabay-sabay na magsiawit sa tuwa
ang mga kabundukan.
9Magalak sila sa presensya ng Panginoon na hari
dahil darating siya upang hatulan
ang lahat ng tao sa buong mundo.
Hahatulan niya sila nang matuwid
at walang kinikilingan.
Currently Selected:
Salmo 98: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 98
98
Si Yahweh ang Hari ng Buong Mundo
1Kumanta ng bagong awit at kay Yahweh ay ialay,
pagkat mga ginawa niya ay kahanga-hangang tunay!
Sa sariling lakas niya at kabanalan niyang taglay,
walang hirap na natamo itong hangad na tagumpay.
2Ang tagumpay ni Yahweh, siya na rin ang naghayag,
sa harap ng mga bansa'y nahayag ang pagliligtas.
3Ang pangako sa Israel lubos niyang tinutupad,
tapat siya sa kanila at ang pag-ibig ay wagas.
Ang tagumpay ng ating Diyos kahit saan ay nahayag!
4Magkaingay na may galak, lahat ng nasa daigdig;
si Yahweh ay buong galak na purihin sa pag-awit!
5Sa saliw ng mga lira kayong lahat ay umawit,
at si Yahweh ay purihin sa ating mga tugtugin.
6Tugtugin din ang trumpeta na kasaliw ang tambuli,
magkaingay sa harapan ni Yahweh na ating Hari.
7Mag-ingay ka, karagatan, at lahat ng lumalangoy,
umawit ang buong mundo at lahat ng naroroon.
8Umugong sa palakpakan pati yaong karagatan;
umawit ding nagagalak ang lahat ng kabundukan.
9Si Yahweh ay dumarating, maghahari sa daigdig;
taglay niya'y katarungan at paghatol na matuwid.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society