Salmo 94
94
Salmo 94
1 Panginoon, kayo ang Diyos na naghihiganti.
Ipakita nʼyo na ang inyong katarungan.
2Kayo ang humahatol sa lahat ng tao,
kumilos na po kayo Panginoon,
gantihan nʼyo na nang nararapat ang mayayabang.
3Hanggang kailan magdiriwang ang masasama,
Panginoon?
4Silang lahat na gumagawa ng masama
ay ubod ng yabang.
5Inaapi nila ang inyong mga mamamayan, Panginoon
sinasaktan nila ang inyong mga hinirang.
6Pinapatay nila ang mga biyuda
at mga dayuhan,#94:6 mga dayuhan: Ang ibig sabihin, ang mga nakatira sa Israel na dayuhan.
pati na ang mga ulila.
7Sinasabi nila, “Hindi makikita ng Panginoon ang ginagawa namin;
hindi ito mapapansin ng Diyos ni Jacob.”
8Kayong mga hangal at mahihina ang utak,
kailan ba kayo makakaunawa?
Unawain ninyo ito:
9Ang Diyos na gumawa ng ating mga tainga at mata,
hindi ba nakakarinig o nakakakita?
10Akala nʼyo baʼy hindi ni magpaparusa ang Diyos
na siyang dumidisiplina sa mga bansa?
Akala nʼyo baʼy kulang siya sa kaalaman?
11Alam ng Panginoon na ang iniisip ng mga tao
ay walang kabuluhan.
12O Panginoon, pinagpala ang taong
pinangangaralan nʼyo
sa pamamagitan ng pagtuturo sa kanya
ng inyong mga kautusan.
13Tinuturuan nʼyo siya
upang magkaroon siya ng kapayapaan
sa oras ng kaguluhan hanggang sa oras
na ang masasamá ay inyong parusahan.
14Dahil hindi nʼyo itatakwil, Panginoon,
ang mamamayang pag-aari ninyo.
15Darating ang araw na ang paghatol
ay muling magiging makatarungan
at itoʼy susundin ng lahat ng namumuhay
nang matuwid.
16Walang tumutulong sa akin
laban sa mga taong gumagawa ng kasamaan
kundi kayo lang, Panginoon.
17Kung hindi nʼyo ako tinulungan Panginoon,
maaaring patay na ako ngayon.
18Nang sabihin kong parang
mamamatay na ako,
ang inyong pag-ibig at awa, Panginoon,
ang tumulong sa akin.
19Kapag gulong-gulo ang isip ko,
inaaliw nʼyo ako at akoʼy sumasaya.
20Hindi kayo maaaring pumanig sa masasamang hukom#94:20 hukom: O pinuno.
na gumagawa ng kasamaan
sa pamamagitan ng#94:20 sa pamamagitan ng: O laban sa. kautusan.
21Sama-sama silang kumakalaban sa matutuwid
at hinahatulan nila ng kamatayan ang walang kasalanan.
22Ngunit kayo, Panginoon na aking Diyos
ay aking tagapagtanggol
at batong kanlungan.
23Parurusahan nʼyo sila
dahil sa kanilang mga kasalanan.
Tiyak na lilipulin nʼyo sila,
O Panginoon naming Diyos.
Currently Selected:
Salmo 94: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 94
94
Diyos ang Siyang Huhusga sa Lahat
1Karapatang magparusa, O Yahweh, ay taglay mo,
ipakita mo ngayon ang karapatang ganito;
2Tumayo ka at sa lupa'y igawad ang iyong hatol,
ang hambog ay hatulan mo ng parusang nauukol.
3Hanggang kailan kaya, Yahweh, magagalak ang masama?
Hanggang kailan ibabantog ang kanilang mga gawa?
4Gaano bang katagal pa ang masama'y maghahambog,
upang sila'y magmalaki sa kanilang gawang buktot?
5Kanila ngang nililipol itong mga hinirang mo,
Yahweh, inaapi nila mga taong tinubos mo.
6Ang mga ulila, balo't mamamayan ng ibang bansa,
pinapatay nila ito at kanilang pinupuksa.
7Madalas na sinasabi, “Hindi kami pansin ni Yahweh,
hindi kami nakikita ni pansin ng Diyos ni Jacob.”
8Unawain ninyo, bayan, kayong kulang ang isipan;
hanggang kailan pa durunong kayong mga taong mangmang?
9Itong Diyos na lumikha nitong ating mata't tainga,
akala ba ninyo'y bingi at ni hindi makakita?
10Sa lahat ng mga bansa di ba siya ang hahatol?
Di ba siya'ng guro nila pagkat siya ang marunong?
11Batid#1 Cor. 3:20. ni Yahweh mga plano nating baluktot,
katulad lang ng hininga, madaling malagot.
12Mapalad ang mga taong tumatanggap ng pangaral,
silang sa iyo'y tumatanggap ng turo sa kautusan.
13Pagkat sila'y magdaranas ng kapahingahan,
hanggang yaong masasama'y mahulog sa kanilang hukay.
14Mga lingkod ni Yahweh ay hindi niya iiwanan,
itong mga hirang niya'y hindi niya tatalikdan;
15mababalik sa matuwid ang ganap na katarungan,
diwang ito ang susundin ng tapat ang pamumuhay.
16Sino kaya'ng kakampi ko sa pagbaka sa masama?
Sino ngayon ang babaka sa masama nilang gawa?
17O Yahweh, kung ako nga ay hindi mo tinulungan,
akin sanang kaluluwa'y naroon na sa libingan.
18Kapag aking nagunitang, “Ang paa ko'y dumudulas,”
dahilan sa pag-ibig mo, O Yahweh, ako'y tumatatag.
19Kapag ako ay ginugulo ng maraming suliranin,
ang wagas na pag-ibig mo ang umaaliw sa akin.
20Sa iyo ba ay papanig mga hukom na masama,
na ang laging kapasyaha'y ang hatol na hindi tama?
21Sama-sama silang lagi't ang matuwid ang kalaban,
ang hatol sa walang sala ay hatol na kamatayan.
22Ngunit ikaw, O Yahweh, ang sa aki'y nagtatanggol.
Ikaw na aking Diyos ang matibay na kanlungan.
23Sa masamang gawa nila ay Diyos ang gaganti,
lilipulin niyang lahat, pagkat sila'y di mabuti;
ang wawasak sa kanila ay ang Diyos na si Yahweh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society