Salmo 89

Isang maskil na isinulat ni Etan na angkan ni Ezra.

1 Panginoon, aawitin ko

ang tungkol sa inyong tapat

na pag-ibig magpakailanman.

Ihahayag ko sa lahat ng salinlahi

ang inyong katapatan.

2Ipapahayag ko na hindi matitinag

ang inyong walang hanggang pag-ibig,

at itoʼy mananatili tulad ng kalangitan.

3Ang sabi ninyoʼy,

“Gumawa ako ng kasunduan

sa aking lingkod na si David

na aking pinili upang maging hari.

Ito ang ipinangako ko sa kanya:

4Ang bawat hari ng Israel

ay manggagaling sa iyong lahi;

ang iyong kaharian

ay magpapatuloy magpakailanman.”

5 Panginoon, maging ang mga nilalang

sa langit ay nagpupuri

dahil sa inyong katapatan

at mga kahanga-hangang gawa.

6Walang sinuman doon sa kalawakan

ang makakapantay sa ninyo, Panginoon.

Walang sinuman sa mga naroon#89:6 sa mga naroon: Sa Hebreo, sa mga anak ng Makapangyarihang Diyos.

ang katulad nʼyo, Panginoon.

7Iginagalang kayo sa pagtitipon

ng mga banal sa langit.

Higit kayong kahanga-hanga

kaysa sa sinuman

sa mga nakapalibot sa inyo.

8O Panginoong Diyos ng mga Hukbo,

wala kayong katulad.

Makapangyarihan kayo Panginoon

at tapat sa lahat ng inyong ginagawa.

9Nasa ilalim ng kapangyarihan nʼyo

ang nagngangalit na dagat,

pinatatahimik ninyo

ang mga malalaking alon.

10Dinurog nʼyo ang dragon

na si Rahab,

at namatay ito.

Sa pamamagitan ng inyong kapangyarihan

ay ikinalat nʼyo ang inyong mga kaaway.

11Sa inyo ang langit at lupa;

ang mundo at ang lahat ng narito

ay inyong nilikha.

12Nilikha nʼyo ang hilaga

at ang timog.

Ang mga bundok ng Tabor at Hermon

ay parang mga taong umaawit sa inyo

nang may kagalakan.

13Ang lakas nʼyo ay walang kapantay;

ang inyong kanang kamay ay nakataas

at makapangyarihan!

14Katuwiran at katarungan ang pundasyon

ng inyong paghahari

na pinangungunahan ng tapat na pag-ibig

at katotohanan.

15 Panginoon, mapalad ang mga taong

nakaranas na sumigaw sa kagalakan

dahil sa inyo.

Namumuhay sila sa liwanag

na nagmumula sa inyo.

16Buong araw silang nagsasaya

at nagpupuri sa inyo.

Ikinagagalak nila ang inyong katuwiran.

17Sapagkat ikaw ang kanilang karangalan

at kalakasan,

at dahil sa inyong kabutihan kami ay magtatagumpay.

18 Panginoon, Banal na Diyos ng Israel,

ikaw ang humirang sa hari

na sa amin ay nagtatanggol.

19Noon, nagsalita kayo sa inyong

mga tapat na lingkod

sa pamamagitan ng pangitain.

Sinabi nʼyo, “May hinubog akong

isang mandirigma.

Pinili ko siya mula

sa mga karaniwang tao,

at ginawang hari.

20Si David na aking lingkod

ang pinili kong hari

sa pamamagitan ng pagpahid sa kanya

ng banal na langis.

21Ang kapangyarihan ko ang makakasama niya,

at magpapalakas sa kanya.

22Hindi siya malilinlang ng kanyang mga kaaway.

Hindi magtatagumpay laban sa kanya

ang masasamâ.

23Dudurugin ko sa kanyang harapan

ang kanyang mga kaaway,

at lilipulin ang mga may galit sa kanya.

24Mamahalin ko siya at dadamayan.

At sa pamamagitan ng aking

kapangyarihan

ay magtatagumpay siya.

25Paghahariin ko siya mula sa Dagat

ng Mediteraneo

hanggang sa Ilog ng Eufrates.#89:25 mula sa … Eufrates: O sa mga lupain at sa kabila ng mga dagat at ilog.

26Sasabihin niya sa akin,

‘Kayo ang aking Ama,

ang aking Diyos, ang Bato na aking kanlungan

at kaligtasan.’

27Ituturing ko siyang panganay kong anak,

ang pinakamakapangyarihan

sa lahat ng hari.

28Ang pag-ibig ko sa kanyaʼy magpakailanman

at ang kasunduan ko sa kanyaʼy mananatili.

29Ang bawat hari ng Israel

ay magmumula sa kanyang angkan;

ang kanyang paghahari

ay magiging matatag tulad ng kalangitan

at mananatili magpakailanman.

30Ngunit kung ang mga anak niya

ay tumalikod sa aking kautusan

at hindi mamumuhay ayon sa aking pamamaraan,

31at kung lalabagin nila

ang aking mga tuntunin

at kautusan,

32parurusahan ko sila sa kanilang

mga kasalanan.

33Ngunit mamahalin ko pa rin

at dadamayan si David.

34Hindi ko sisirain ang aking kasunduan sa kanya,

at hindi ko babawiin ang aking ipinangako sa kanya.

35Nangako na ako kay David

ayon sa aking kabanalan

at hindi ako maaaring magsinungaling.

36Ang bawat hari ng Israel

ay magmumula sa kanyang lahi

magpakailanman,

gaya ng araw,

37at magpapatuloy ito magpakailanman

katulad ng buwan na itinuturing

na tapat na saksi sa kalangitan.”

38Ngunit, Panginoon, nagalit kayo

sa inyong piniling hari;

itinakwil nʼyo siya at iniwanan.

39Binawi nʼyo ang kasunduan

sa inyong lingkod

at kinuha sa kanya ang kapangyarihan

bilang hari.

40Winasak ninyo ang mga pader

ng kanyang lungsod

at ginuho ang mga pinagtataguan nila.

41Kaya lahat ng dumadaan

sa kanyang kaharian ay nananamantala,

pinagsasamsam ang mga kagamitan sa lungsod.

Pinagtatawanan siya ng mga katabing bansa.

42Pinagtagumpay nʼyo ang kanyang mga kaaway

at pinasaya silang lahat.

43Winalang kabuluhan ninyo

ang kanyang mga sandata

at ipinatalo siya sa labanan.

44Winakasan nʼyo ang kanyang katanyagan

pati na ang kanyang kapangyarihan

bilang hari.

45At dahil ditoʼy, nagmukha siyang matanda

sa bata niyang edad.

Inilagay nʼyo siya sa kahihiyan.

46 Panginoon, hanggang kailan

nʼyo kami pagtataguan?

Wala na ba itong katapusan?

Hanggang kailan mag-aapoy

ang inyong galit sa amin?

47Alalahanin nʼyo kung gaano kaiksi

ang buhay ng tao.

Alalahanin nʼyong nilikha nʼyo ang tao

na may kamatayan.

48Sinong tao ang hindi mamamatay?

Maiiwasan ba ng tao ang kamatayan?

49Panginoon, nasaan na ang dati ninyong pag-ibig?

Ang pag-ibig na ipinangako nʼyo kay David

ayon sa inyong katapatan sa kanya?

50Alalahanin nʼyo, Panginoon,

kung paanong hiniya ng maraming bansa

ang iyong lingkod#89:50 lingkod: Maaaring ang ibig sabihin, ang mga mamamayan ng Israel. Sa ibang tekstong Hebreo, maaaring hari ng Israel. at ito ay aking tiniis.

51Ang mga kaaway nʼyo, Panginoon,

ang siyang kumukutya

sa pinili nʼyong hari, saan man siya magpunta.

52Purihin ang Panginoon magpakailanman!

Amen! Amen!

Currently Selected:

Salmo 89: ASD

Highlight

Copy

Compare

Want to have your highlights saved across all your devices? Sign up or sign in

Biblica® Open Ang Salita ng Diyos™

‌‌

Biblica® Open Tagalog Contemporary Bible™

‌‌

Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.

Ginamit nang may pahintulot.

‌‌

“Biblica” is a trademark registered in the United States Patent and Trademark Office by Biblica, Inc.

Used with permission.

Learn More About Ang Salita ng Diyos

Mga Awit 89

Panalangin sa Panahong Nagkakagulo ang Bansa

Isang#1 Ha. 4:31. Maskil#MASKIL: Tingnan ang Awit 32. E ni Etan, na mula sa angkan ni Ezra.

1Pag-ibig mo, Yahweh, na di nagmamaliw, ang sa tuwi-t'wina'y aking aawitin;

ang katapatan mo'y laging sasambitin.

2Ang iyong pag-ibig walang katapusan,

sintatag ng langit ang iyong katapatan.

3Sabi mo, O Yahweh, isang kasunduan ang iyong ginawa kay David mong hirang

at ito ang iyong pangakong iniwan:

4“Isa#2 Sam. 7:12-16; 1 Cro. 17:11-14; Awit 132:11; Gw. 2:30. sa lahi mo'y laging maghahari,

ang kaharian mo ay mamamalagi.” (Selah)#4 SELAH: Tingnan ang Awit 3:2.

5Nagpupuri silang nilikha sa langit, ang iyong ginawa'y siyang binabanggit

ang katapatan mo, Yahweh, ay inaawit.

6O Yahweh, Makapangyarihan sa lahat, sino'ng kaparis mo doon sa itaas?

Mga nilalang doon sa kalangitan, kay Yahweh ba sila ay maipapantay?

7Sa pagtitipon man ng lahat ng hinirang,

may banal na takot sa iyo at paggalang.

8O Yahweh na Makapangyarihang Diyos, O Yahweh, mayroon pa kayang katulad kang lubos?

Sa kapangyarihan ay tunay na puspos, kadakilaan mo'y sadyang lubus-lubos.

9Sumusunod sa iyo dagat mang mabangis,

alon mang malaki'y napapatahimik.

10Iyang dambuhalang kung tawagi'y Rahab ay iyong dinurog sa taglay mong lakas,

lahat mong kaaway ay iyong winasak, kapangyarihan mo'y ubod nang lakas.

11Sa iyo ang langit, sa iyo ang lupa,

ang buong daigdig ikaw ang maylikha, lahat nang naroo'y sa iyo nagmula.

12Timog at hilaga, ikaw ang naglagay;

Bundok Hermo't Tabor ay nag-aawitan, nagpupuri sila sa iyong pangalan.

13Ang taglay mong lakas at kapangyarihan,

ay walang kaparis, di matatawaran!

14Ang kaharian mo ay makatarungan,

saligang matuwid ang pinagtayuan;

wagas na pag-ibig at ang katapatan,

ang pamamahala mong ginagampanan.

15Mapalad ang taong sa iyo'y sumasamba, sa pagsamba nila'y inaawitan ka

at sa pag-ibig mo'y namumuhay sila.

16Sa buong maghapon, ika'y pinupuri,

ang katarungan mo'y siyang sinasabi.

17Ang tagumpay namin ay iyong kaloob,

dahilan sa iyong kagandahang-loob.

18Sapagkat si Yahweh ang aming sanggalang,

ang aming hari ay siya ang humirang, Banal ng Israel, siya'y aming sandigan.

Ang Pangako ng Diyos kay David

19Noon pa mang una, sa mga lingkod mo, ika'y nagsalita,

sa pangitaing ipinakita'y ito ang badya:

“Aking pinutungan ang isang dakila,

na aking pinili sa gitna ng madla.

20Ang#1 Sam. 13:14; Gw. 13:22; 1 Sam. 16:12. piniling lingkod na ito'y si David,

aking binuhusan ng banal na langis.

21Kaya't palagi ko siyang gagabayan,

at siya'y bibigyan ko ng kalakasan.

22Di siya malulupig ng kanyang kaaway,

ang mga masama'y di magtatagumpay.

23Aking dudurugin sa kanyang harapan,

silang namumuhi na mga kaaway.

24Ang katapatan ko't pag-ibig na wagas, ay iuukol ko't aking igagawad,

at magtatagumpay siya oras-oras.

25Mga kaharia'y kanyang masasakop,

dagat na malawak at malaking ilog.

26Ako'y tatawaging Ama niya't Diyos,

tagapagsanggalang niya't manunubos.

27Gagawin#Pah. 1:5. ko siyang panganay at hari,

pinakamataas sa lahat ng hari!

28Ang aking pangako sa kanya'y iiral

at mananatili sa aming kasunduan.

29Laging maghahari ang isa niyang angkan,

sintatag ng langit yaong kaharian.

30“Kung ang mga anak niya ay susuway,

at ang aking utos ay di igagalang,

31kung ang aking aral ay di papakinggan

at ang kautusa'y hindi iingatan,

32kung gayon, daranas sila ng parusa dahil kasamaan ang ginawa nila,

sila'y hahampasin sa ginawang sala.

33Ngunit ang pangako't pag-ibig kay David,

ay di magbabago, hindi mapapatid.

34Ang tipan sa kanya'y di ko sisirain,

ni isang pangako'y di ko babawiin.

35“Sa aking kabanalan, ipinangako ko,

kay David ay hindi magsisinungaling.

36Lahi't trono niya'y hindi magwawakas,

hanggang mayro'ng araw tayong sumisikat;

37katulad ng buwan na hindi lilipas,

matatag na tanda doon sa itaas.” (Selah)#37 SELAH: Tingnan ang Awit 3:2.

Hinagpis sa Pagkatalo ng Hari

38Subalit ngayon, siyang iyong hirang,

ay itinakwil mo at kinagalitan;

39binawi mo pati yaong iyong tipan,

ang kanyang korona ay iyong dinumhan.

40Ang tanggulan niya ay iyong winasak,

mga muog niya'y iyong ibinagsak.

41Lahat ng magdaa'y nagsasamantala,

ang ari-arian niya'y kinukuha;

bansa sa paligid, pawang nagtatawa.

42Iyong itinaas ang kanyang kaaway,

tuwang-tuwa sila't pinapagtagumpay.

43Ang sandata niya'y nawalan ng saysay,

binigo mo siya sa kanyang paglaban.

44Yaong kanyang trono at ang setrong hawak,

inalis sa kanya't iyong ibinagsak.

45Sa iyong ginawa'y nagmukhang matanda,

sa kanyang sinapit siya'y napahiya. (Selah)#45 SELAH: Tingnan ang Awit 3:2.

Panalangin Upang Iligtas ng Diyos

46Hanggang kailan pa ba, mukha'y itatago?

Wala na bang wakas, tindi ng galit mo?

47Alam mo, O Yahweh, ang buhay ng tao ay maikli lamang sa balat ng mundo;

papanaw na lahat silang nilikha mo.

48Sino ba'ng may buhay na hindi papanaw?

Paano iiwas sa kanyang libingan tayong mga taong ngayo'y nabubuhay? (Selah)#48 SELAH: Tingnan ang Awit 3:2.

49Nasaan ang alab ng dating pag-ibig at tapat na sumpang ginawa kay David?

Nasaan, O Diyos? Iyong ipabatid.

50Iyong nalalaman ang mga pasakit ng abâ mong lingkod, na pawang tiniis;

ang mga pagkutya na kanyang sinapit sa kamay ng taong pawang malulupit.

51Ganito tinuya ng iyong kaaway

ang piniling haring saan ma'y inuyam.