Salmo 80

Para sa direktor ng mga mang-aawit: Awit na isinulat ni Asaf na inaawit sa tono ng awiting, “Mga Liryo ng Kasunduan.”

1O Pastol ng Israel, pakinggan nʼyo kami.

Kayo na nangunguna at pumapatnubay

sa angkan ni Jose

tulad ng isang nagpapastol ng mga tupa.

Kayo na nakaupo sa inyong trono

sa gitna ng mga kerubin,

ipakita nʼyo ang inyong kapangyarihan,

2sa lahi ni Efraim, ni Benjamin

at ni Manases.

Ipakita nʼyo po ang inyong kapangyarihan;

puntahan nʼyo kami upang iligtas.

3O Diyos, ibalik nʼyo kami

sa mabuting kalagayan.

Ipakita nʼyo sa amin ang inyong kabutihan

upang kami ay maligtas.

4O Panginoong Diyos ng mga Hukbo,

hanggang kailan ang galit ninyo

sa mga panalangin ng inyong mga mamamayan?

5Pinuno nʼyo kami ng kalungkutan,

at halos mainom na namin

ang aming mga luha.

6Pinabayaan nʼyong awayin kami

ng mga kalapit naming bansa

at pinagtatawanan kami

ng aming mga kaaway.

7O Diyos na Makapangyarihan,

ibalik nʼyo kami sa mabuting kalagayan.

Ipakita nʼyo sa amin ang inyong kabutihan

upang kami ay maligtas.

8Katulad namin ay puno ng ubas,

na kinuha nʼyo sa Ehipto

at itinanim sa lupaing pinalayas

ang mga nakatira.

9Nilinis nʼyo ang lupaing ito

at ang puno ng ubas ay nag-ugat

at lumaganap sa buong lupain.

10Nalililiman ng mga sanga nito

ang mga bundok

at ang malalaking puno ng sedro.

11Umabot ang kanyang mga sanga

hanggang sa Dagat Mediteraneo

at hanggang sa Ilog ng Eufrates.

12Ngunit bakit nʼyo sinira, O Diyos,

ang bakod nito?

Kaya ninanakaw ng mga dumadaan

ang mga bunga nito.

13At kinain din ito ng mga baboy-ramo

at iba pang hayop sa gubat.

14O Diyos na Makapangyarihan,

bumalik na kayo sa amin.

Mula sa langit,

kami ay inyong pagmasdan.

Alalahanin ninyo

ang inyong mga mamamayan,

15na tulad ng puno ng ubas

na inyong itinanim

sa pamamagitan ng inyong kapangyarihan.

Alalahanin nʼyo kami

na inyong mga anak

na pinatatag nʼyo para sa inyong kapurihan.

16O Diyos, upang kaming mga puno ng ubas

na pinutol at sinunog.

Tiningnan nʼyo kami nang may galit, at nilipol.

17Ngunit ngayon, tulungan nʼyo kami

na inyong mga hinirang

na maging malapit sa inyo

at palakasin kami para sa inyong kapurihan,

18at hindi na kami tatalikod sa inyo.

Ibalik sa amin ang mabuting kalagayan,

at sasambahin namin kayo.

19O Panginoong Diyos ng mga Hukbo,

ibalik nʼyo sa amin ang mabuting kalagayan!

Ipakita sa amin ang inyong kabutihan

upang kami ay maligtas.

Currently Selected:

Salmo 80: ASD

Highlight

Copy

Compare

Want to have your highlights saved across all your devices? Sign up or sign in

Biblica® Open Ang Salita ng Diyos™

‌‌

Biblica® Open Tagalog Contemporary Bible™

‌‌

Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.

Ginamit nang may pahintulot.

‌‌

“Biblica” is a trademark registered in the United States Patent and Trademark Office by Biblica, Inc.

Used with permission.

Learn More About Ang Salita ng Diyos

Mga Awit 80

Panalangin Upang Muling Ibalik ang Israel

Awit na katha ni Asaf upang awitin ng Punong Mang-aawit: ayon sa tono ng “Liryo ng Kasunduan”.

1Pastol#Exo. 25:22. ng Israel,

ikaw na nanguna't umakay kay Jose, na tulad sa kawan,

ikiling sa amin ang iyong pandinig, kami ay pakinggan;

mula sa trono mong may mga kerubin, kami ay tulungan.

2Ang iyong pag-ibig iyong ipadama sa angkan ni Efraim, Manases at Benjamin,

sa taglay mong lakas, kami ay iligtas, sa hirap ay tubusin!

3Ibalik mo kami, O Diyos,

at ipadama mo ang iyong pagmamahal, iligtas mo kami, at sa iyong sinag kami ay tanglawan.

4Yahweh, Makapangyarihang Diyos, hanggang kailan ba patatagalin mo ang galit sa amin?

Hanggang kailan pa diringgin mo kami sa aming dalangin?

5Masdan mo nga kami sa tuwi-tuwina'y tinapay ng luha yaong kinakain,

luha ng hinagpis, ang inihanda mo na aming inumin.

6Ang mga bansa sa paligid, hinayaan mong kami ay kutyain,

iyong pinayagang pagtawanan kami ng kaaway namin.

7Ibalik mo kami, O Yahweh, Diyos na Makapangyarihan sa lahat;

tanglawan mo kami't sa kahabagan mo, kami ay iligtas!

8Mula sa Egipto ikaw ay naglabas ng puno ng ubas, saka itinanim

sa lupang dayuhan, matapos ang tao roo'y palayasin.

9Ngunit nilinis mo muna't pinagyaman ang piniling lugar na pagtataniman,

doon ay nag-ugat, ang buong lupain ay nalaganapan.

10Nagsanga ang puno, lumagong mabuti at ang kabunduka'y kanyang naliliman,

mga punong sedar, naliliman pati ng sangang malabay.

11Hanggang sa ibayo, sa ibayong dagat, ang sangang malabay nito'y nakaabot,

pati mga ugat humabang mabuti't umabot sa Ilog.

12Bakit mo sinira? Sinira ang pader, kung kaya napasok nitong dumaraan,

pinipitas tuloy yaong bunga nitong tanim na naturan.

13Mga baboy damong nagmula sa gubat, niluluray itong walang pakundangan,

kinakain ito ng lahat ng hayop na nasa sa parang.

14Ika'y manumbalik, O Diyos na Dakila!

Pagmasdan mo kami mula sa itaas,

at ang punong ito'y muling pagyamanin, at iyong iligtas.

15Lumapit ka sana, ang puno ng ubas na itinanim mo ay iyong iligtas,

yaong punong iyon na pinalago mo't iyong pinalakas!

16Ito ay sinunog, sinunog pa nila ang nasabing puno matapos maputol,

sa galit mo't poot ay iyong harapin nang sila'y malipol.

17Ang mga lingkod mo ay iyong ingatan, yamang hinirang mo ay ipagsanggalang,

iyong palakasin bilang isang bansang makapangyarihan!

18At kung magkagayon, magbabalik kami't di na magtataksil sa iyo kailanman,

kami'y pasiglahi't aming pupurihin ang iyong pangalan.

19Ibalik mo kami, O Yahweh, Diyos na Makapangyarihan sa lahat;

tanglawan mo kami't sa kahabagan mo, kami ay iligtas!

Currently Selected:

Highlight

Copy

Compare

Want to have your highlights saved across all your devices? Sign up or sign in

Learn More About Magandang Balita Bible (Revised)