Salmo 64
64
Salmo 64
Para sa direktor ng mga mang-aawit: Awit na isinulat ni David.
1O Diyos, pakinggan nʼyo ang daing ko!
Ingatan nʼyo ang buhay ko
mula sa banta ng aking mga kaaway.
2Ingatan nʼyo ako sa kasamaang
pinaplano nila.
3Naghahanda sila ng matatalim na salita,
na gaya ng espada at palasong nakakasugat.
4Nagsasalita sila ng masakit sa likod
ng mga taong matuwid
na parang namamana nang patago.
Bigla nila itong ginagawa
nang walang katakot-takot.
5Hinihikayat nila ang isaʼt isa
na gumawa ng kasamaan
at pinag-uusapan nila
kung saan maglalagay ng bitag.
Sinasabi nila, “Walang makakakita nito.”
6Nagbabalak sila ng masama at sinasabi,
“Napakaganda ng plano natin!”
Talagang napakatuso ng isip
at puso ng tao!
7Ngunit papanain sila ng Diyos
at bigla na lang silang masusugatan.
8Mapapahamak sila
dahil sa masasama nilang salita,
kukutyain sila
ng mga makakakita sa kanila.
9At lahat ng tao ay matatakot.
Pag-iisipan nila ang mga ginawa ng Diyos
at ipahahayag ito sa iba.
10Magagalak at manganganlong sa Panginoon
ang lahat ng matuwid.
At magpupuri sa kanya
ang mga gumagawa ng tama.
Currently Selected:
Salmo 64: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 64
64
Panalangin Upang Ingatan ng Diyos
Awit ni David upang awitin ng Punong Mang-aawit.
1O Diyos, ang hibik ko, ang aking dalangin sana ay pakinggan,
sa pagkaligalig dahil sa kaaway, huwag akong hayaan;
2ipagtanggol ako sa mga pakana't lihim na sabwatan,
niyong mga pangkat na ang binabalak pawang kasamaan.
3Ang kanilang dila'y katulad ng tabak na napakatalas,
tulad ng palasong iniaasinta kung sila'y mangusap.
4Sa kublihan nila, sila'y nag-aabang sa mabuting tao,
at walang awa nilang tinutudla sa pagdaan nito.
5Sa gawang masama ay nagsasabwatan, nag-uusap sila,
kung saan dadalhin ang patibong nilang di dapat makita.
6At ang sasabihin pagkatapos nilang makapagbalangkas,
“Ayos na ayos na itong kasamaang ating binabalak.”
Damdamin ng tao at ang isip niya'y mahiwagang ganap!
7Subalit ang Diyos na may palaso ri'y di magpapabaya,
walang abug-abog sila'y tutudlai't susugatang bigla.
8Dahilan sa sila'y masamang nangungusap, kaya wawasakin,
at ang makakita sa gayong sinapit sila'y sisisihin;
9yaong nakakita'y sisidlan ng takot, ipamamalita
ang gawa ni Yahweh at isasaisip ang kanyang ginawa.
10Sa gawa ni Yahweh, ang mga matuwid pawang magagalak,
magpupuri sila at sa piling niya ay mapapanatag.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society