Salmo 55
55
Salmo 55
Para sa direktor ng mga mang-aawit: Isang maskil ni David na sinasaliwan ng mga instrumentong may kuwerdas.
1O Diyos, dinggin nʼyo
ang aking dalangin.
Ang paghingi ko ng tulong
ay bigyan nʼyo ng pansin.
2Pakinggan nʼyo ako at sagutin,
naguguluhan ako sa aking
mga suliranin.
3Nag-aalala na ako sa pananakot
at pang-aapi ng aking mga kaaway.
Sapagkat galit na galit sila,
ginugulo nila ako at pinagbabantaan.
4Kumakabog ang dibdib ko
sa takot na akoʼy mamatay.
5Nanginginig ako sa labis na takot;
nilalamon ako ng sindak.
6At nasabi ko ito:
“Kung may pakpak lang ako
tulad ng kalapati,
lilipad ako at maghahanap
ng mapagpapahingahan.
7Lilipad ako ng malayo
at doon mananahan sa ilang.
8Maghahanap agad ako
ng mapagtataguan
upang makaiwas sa galit
ng aking mga kaaway
na tulad malakas na hangin o bagyo.”
9Panginoon, lituhin nʼyo
ang aking mga kaaway
at guluhin nʼyo ang kanilang
mga pag-uusap.
Dahil nakita ko ang karahasan
at kaguluhan sa lungsod.
10Araw-gabi itong nangyayari.#55:10 itong nangyayari: Sa literal, naglilibot sila sa mga pader ng lungsod.
Ang lungsod ay puno ng kasamaan
at kaguluhan.
11Laganap ang kasamaan
at walang tigil ang pang-aapi
at pandaraya sa mga lansangan.
12Matitiis ko kung ang kaaway ko
ang kumukutya sa akin.
Kung ang isang taong galit sa akin
ang magmamalaki sa akin,
maiiwasan ko siya.
13Ngunit mismong kagaya ko,
kasama ko at kaibigan ko
ang sa akin ay nang-iinsulto.
14Dati, malapít kami sa isaʼt isa,
at magkasama pa kaming
pumupunta sa bahay ng Diyos.
15Sanaʼy mamatay na lang bigla
ang aking mga kaaway.
Sanaʼy malibing silang buhay
sa lugar ng mga patay.
Sapagkat kasamaan
ang nasa puso nila
at sa kanilang mga tahanan.
16Ngunit ako ay humihingi ng tulong
sa Panginoong Diyos,
at inililigtas niya ako.
17Umaga, tanghali at gabi,
dumadaing ako at nananaghoy,
at akoʼy pinapakinggan niya.
18Inililigtas niya ako at iniingatan
sa aking pakikipaglaban,
kahit napakarami ng aking
mga kalaban.
19Pakikinggan ako ng Diyos
na naghahari magpakailanman,
at ibabagsak niya ang aking mga kaaway.
Dahil ang aking mga kaaway
ay hindi nagbabago at walang takot sa Diyos.
20Kinalaban ng dati kong kaibigan
ang kanyang mga kaibigan;
at hindi niya tinupad ang kanyang
mga pangako.
21Malumanay at mahusay
nga siyang magsalita,
ngunit puno naman ng poot
ang kanyang puso,
at ang kanyang pananalita
ay nakakasugat
tulad ng matalim na espada.
22Ibigay mo sa Panginoon
ang iyong mga alalahanin
at ikaw ay kanyang kakalingain.
Hindi niya pababayaan
ang mga matuwid, magpakailanman.
23Ngunit itatapon niya
ang mga mamamatay-tao
at ang mga mandaraya
sa napakalalim na hukay
bago mangalahati ang kanilang buhay.
Ngunit ako, akoʼy magtitiwala sa kanya.
Currently Selected:
Salmo 55: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 55
55
Panalangin ng Isang Pinagtaksilan ng Kaibigan
Isang Maskil#MASKIL: Tingnan ang Awit 32. ni David, upang awitin ng Punong Mang-aawit; sa saliw ng mga instrumentong may kuwerdas.
1Ang panalangin ko, O Diyos, pakinggan,
mga daing ko ay huwag namang layuan.
2Lingapin mo ako, ako ay sagipin,
sa bigat ng aking mga suliranin.
3Sa maraming banta ng mga kaaway,
nalilito ako't hindi mapalagay.
Ang dulot sa akin nila'y kaguluhan,
namumuhi sila't may galit ngang tunay.
4Itong aking puso'y tigib na ng lumbay,
sa aking takot na ako ay pumanaw.
5Sa tindi ng takot, ako'y nanginginig,
sinasaklot ako ng sindak na labis.
6Wika ko, “Kung ako lamang ay may pakpak, parang kalapati, ako ay lilipad;
hahanapin ko ang dakong panatag.
7Aking liliparin ang malayong lugar,
at doon sa ilang ako mananahan. (Selah)#7 SELAH: Tingnan ang Awit 3:2.
8Ako ay hahanap agad ng kanlungan
upang makaiwas sa bagyong darating.”
9Sila ay wasakin, Yahweh, guluhin mo; pag-uusap nila'y bayaang malito,
yamang karahasan ang nakikita ko, at sa lunsod nila ay nagkakagulo.
10Sa lunsod na puno ng sama't ligalig,
araw-gabi'y doon sila lumiligid;
11Sa gitna ng lunsod na wasak nang tunay, naghahari pa rin ang katiwalian;
pati pang-aapi ay nasasaksihan.
12Kaya kong mabata at mapagtiisan,
kung ang mangungutya ay isang kaaway;
kung ang maghahambog ay isang kalaban,
kayang-kaya ko pang siya'y pagtaguan!
13Ang mahirap nito'y tunay kong kasama,
aking kaibigang itinuturing pa!
14Dati'y kausap ko sa bawat sandali
at maging sa templo, kasama kong lagi.
15Biglang kamatayan nawa ay dumating,
ihuhulog ng buháy, sa daigdig ng mga patay;
sa kanilang puso't maging sa tahanan, yaong naghahari'y pawang kasamaan.
16Kay Yahweh lang ako hihingi ng saklolo;
aking natitiyak, ililigtas ako.
17Sa umaga't hapon, maging sa gabi rin.
Aking itataghoy ang mga hinaing,
at ang aking tinig ay kanyang diringgin.
18Ililigtas ako mula sa labanan,
at pababaliking taglay ang tagumpay,
matapos gapiin ang mga kaaway.
19Ang Diyos na hari sa mula't mula pa
ay diringgin ako, lulupigin sila; (Selah)#19 SELAH: Tingnan ang Awit 3:2.
pagkat ni sa kanya'y wala silang takot,
ayaw nang magbago at magbalik-loob.
20Itong taong dati'y aking kasamahan, mga kaibiga'y kanyang kinalaban;
at hindi tumupad sa 'ming kasunduan.
21Ang dulas ng dila'y parang mantekilya,
ngunit nasa puso pagkapoot niya;
ang mga salita niya'y tulad ng langis,
ngunit parang tabak ang talas at tulis.
22Ilagak kay Yahweh iyong suliranin,
aalalayan ka't ipagtatanggol rin;
ang taong matuwid, di niya bibiguin.
23Ngunit ang bulaan at mamamatay-tao,
O Diyos, sa hukay, sila'y itapon mo.
Hindi magtatagal, ang buhay nila sa daigdig,
ngunit tanging sa Diyos ako ay mananalig.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society