Salmo 48
48
Salmo 48
Awit na isinulat ng mga anak ni Kora.
1Dakila ang Panginoon na ating Diyos,
at karapat-dapat na papurihan
sa kanyang bayan,
ang kanyang banal na bundok.
2Itoʼy mataas at maganda,
at nagbibigay kagalakan sa buong mundo.
Ang banal na bundok ng Zion
ay ang bayan ng Makapangyarihang Hari.
3Ang Diyos ay nasa mga muog ng Jerusalem,
at ipinakita niyang siya ang Tagapagligtas
ng mga taga-Jerusalem.
4Nagtipon-tipon ang mga hari
upang sumalakay sa Jerusalem.
5Ngunit noong nakita ng mga hari ang bayan,
nagulat, natakot at nagsitakas sila.
6Dahil sa takot, nanginig sila
gaya ng babaeng nanganganak na namimilipit sa sakit.
7Winasak sila ng Diyos
tulad ng mga barkong panglayag#48:7 barkong panglayag: Sa Hebreo, barko ng Tarsis.
na sinisira ng hanging amihan.
8Noon, nabalitaan natin ang ginawa ng ating Diyos,
pero ngayon, tayo mismo ang nakakita
sa ginawa niya sa kanyang bayan.
Siya ang Panginoon ng Hukbo,
at patatatagin niya ang kanyang bayan magpakailanman.
9Sa loob ng inyong Templo, O Diyos,
iniisip namin ang pag-ibig nʼyong matapat.
10O Diyos, dakila ang pangalan nʼyo,
at pinupuri kayo ng mga tao sa buong mundo.
Ang kapangyarihan nʼyo
ay laging makatarungan.
11Nagagalak ang mga mamamayan ng Zion,#48:11 mamamayan ng Zion: Sa literal, Bundok ng Zion. Tinatawag ding Zion ang Jerusalem.
at ng mga bayan ng Juda,
dahil sa inyong makatarungang paghatol.
12Mga mamamayan ng Diyos,
libutin ninyo ang Zion
at bilangin ninyo ang mga tore nito.
13Tingnan ninyong mabuti ang mga pader
at ang mga tanggulan ng bayan na ito,
upang masabi ninyo sa susunod na salinlahi,
14“Siya ang Diyos,
ang Diyos natin magpakailanman.
Siya ang gagabay sa atin
habambuhay.”
Currently Selected:
Salmo 48: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 48
48
Zion, ang Bayan ng Diyos
Awit na katha ng angkan ni Korah.
1Dakila si Yahweh, dapat papurihan, sa lunsod ng Diyos, bundok niyang banal.
2Ang#Mt. 5:35. Bundok ng Zion, tahanan ng Diyos ay dakong mataas na nakalulugod;
bundok sa hilaga na galak ang dulot, sa lahat ng bansa nitong sansinukob.
3Sa piling ng Diyos ligtas ang sinuman,
sa loob ng muog ng banal na bayan.
4Itong mga hari ay nagtipun-tipon,
upang sumalakay sa Bundok ng Zion.
5Sila ay nagulat nang ito'y mamasdan,
pawang nagsitakas at nahintakutan.
6Ang nakakatulad ng pangamba nila
ay pagluluwal ng butihing ina.
7Tulad ng malaking barkong naglalayag, sa hanging silangan dagling nawawasak.
Ang naglalakihang barkong naglalayag.
8Sa banal na lunsod ay aming namasid
ang kanyang ginawa na aming narinig;
ang Diyos na si Yahweh, Makapangyarihan,
siyang mag-iingat sa lunsod na banal, iingatan niya magpakailanman. (Selah)#8 SELAH: Tingnan ang Awit 3:2.
9Sa loob ng iyong templo, aming Diyos,
nagunita namin pag-ibig mong lubos.
10Ika'y pinupuri ng lahat saanman,
sa buong daigdig ang dakila'y ikaw,
at kung mamahala ay makatarungan.
11Kayong taga-Zion, dapat na magalak!
At ang buong Juda'y magdiwang na lahat,
dahilan kay Yahweh sa hatol niyang tumpak.
12Ang buong palibot ng Zion, lakarin, ang lahat ng tore doon ay bilangin;
13ang nakapaligid na pader pansinin, mga muog nito'y inyong siyasatin;
upang sa susunod na lahi'y isaysay,
14na ang Diyos, ay Diyos natin kailanman,
sa buong panahon siya ang patnubay.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society