Salmo 129
129
Salmo 129
Awit ng mga umaakyat sa Jerusalem upang sumamba sa Panginoon.
1Mga taga-Israel, sabihin ninyo
kung paano kayo pinahirapan
ng inyong mga kaaway
mula nang itatag ang inyong bansa.
2“Maraming beses nila kaming pinahirapan
mula pa nang itatag ang aming bansa.
Ngunit hindi sila nagtagumpay laban sa amin.
3Sinugatan nila nang malalim ang aming likod,
na parang lupang inararo.
4Ngunit ang Panginoon ay matuwid,
pinalaya niya kami sa pagkaalipin
mula sa masasamâ.”
5Magsitakas sana dahil sa kahihiyan
ang lahat ng namumuhi sa Zion.
6Matulad sana sila sa damong tumutubo sa bubungan ng bahay,
na nang tumubo ay agad ding namatay.
7Walang nagtitipon ng ganitong damo
o nagdadala nito na nakabigkis.
8Sanaʼy walang sinumang dumadaan na magsasabi sa kanila,
“Pagpalain nawa kayo ng Panginoon!
Pinagpapala namin kayo sa pangalan ng Panginoon.”
Currently Selected:
Salmo 129: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 129
129
Panalangin Laban sa mga Kaaway ng Israel
Isang Awit ng Pag-akyat upang Sumamba.
1Ihayag mo, O Israel, ang ginawa ng kaaway,
sa simulang usigin ka, mula pa nang kabataan!
2“Simula pa noong bata, ako'y di na nilubayan,
mahigpit na pinag-usig, bagaman di nagtagumpay.
3Ako ay sinaktan nila, ang likod ko'y sinugatan,
mga sugat na malalim, parang bukid na binungkal.
4Ngunit ang Diyos na si Yahweh, palibhasa ay matuwid,
pinalaya niya ako at sa hirap ay inalis.”
5Nawa itong mga bansang laging namumuhi sa Zion,
sa labanan ay malupig, mapahiya't mapaurong!
6Matulad sa mga damong tumubo sa mga bubong,
natutuyong lahat ito, kahit ito'y bagong sibol,
7di na ito binibigkis at hindi na tinitipon.
8Kahit isang dumaraa'y di man lamang banggitin,
“Nawa ang pagpapala ni Yahweh ay iyong tanggapin!
Sa pangalan ni Yahweh, pagpapala ay iyong tanggapin!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society