Joel 3
3
Hahatulan ang mga Bansa
1“Sa panahong iyon
na ibabalik ko
ang kasaganaan
ng Juda at Jerusalem,#3:1 ibabalik … Jerusalem: O pababalikin ko ang mga mamamayan ng Juda at Jerusalem sa kanilang lupain mula sa pagkabihag.
2titipunin ko ang mga bansa
at dadalhin ko sila
sa Lambak ni Jehoshafat.#3:2 Jehoshafat: Ang ibig sabihin, naghahatol ang Panginoon.
Doon ko sila hahatulan
dahil sa kanilang ginawa
sa mga Israelita
na aking mamamayan na pag-aari ko.
Ikinalat nila ang mga Israelita
sa ibaʼt ibang bansa
at pinaghati-hatian ang aking lupain.
3Nagpalabunutan sila
upang paghati-hatian
ang aking mga mamamayan,
at ipinagbili nila bilang alipin
ang mga batang lalaki at babae,
upang ibili ng alak at ibayad
sa babaeng bayaran.
4“Kayong mga taga-Tiro, taga-Sidon, at ang lahat ng lugar ng Filistia, ano ba itong ginagawa ninyo laban sa akin? Ginagantihan ba ninyo ako sa mga bagay na aking ginawa? Kung ganoon, gagantihan ko agad kayo sa inyong ginagawa.#3:4 Ang ginagawa ng mga bansang ito laban sa Israel ay para na rin nilang ginagawa laban sa Panginoon. 5Sapagkat kinuha ninyo ang aking mga ginto at pilak at iba pang mamahaling bagay at dinala ninyo ito doon sa inyong mga templo. 6Ipinagbili ninyo sa mga Griyego ang mga mamamayan ng Juda at Jerusalem bilang mga alipin, upang mailayo ninyo sila sa sarili nilang bayan.
7“Ngunit tutulungan ko silang makaalis sa mga bayang pinagbilhan ninyo sa kanila, at gagawin ko sa inyo ang inyong ginawa sa kanila. 8Ipagbibili ko ang inyong mga anak sa mga taga-Juda, at ipagbibili naman nila ang mga ito sa mga taga-Sabea#3:8 Sabea: Isang lugar sa timog-kanluran ng Arabia. na nakatira sa malayong lugar. Mangyayari nga ito, dahil ako, ang Panginoon, ang nagsasabi nito.”
9“Ipahayag mo ito sa mga bansa:
Humanda kayo sa pakikipagdigma!
Tawagin ninyo ang mga sundalo
upang sumalakay.
10Gawin ninyong mga espada
ang sudsod ng inyong mga araro
at gawin ninyong mga sibat
ang inyong mga panggapas.
Sasabihin ng mahina,
‘Ako ay malakas.’
11Pumarito kayo, lahat kayong
mga bansang nasa paligid,
at magtipon kayo doon
sa Lambak ni Jehoshafat.
“Panginoon, pasulungin ninyo
ang inyong mga mandirigma!#3:11 Panginoon … mandirigma: Sa Syriac, At doon ay lilipulin ng Panginoon ang inyong mga kawal.
12“Udyukin ang mga bansa
na pumunta sa Lambak
ni Jehoshafat.
Doon, ako, ang Panginoon ay uupo
upang silaʼy hatulan.
13Para silang mga aanihin
na kailangan nang gapasin
dahil hinog na,
o parang ubas na kailangan
nang pisain
dahil puno na
ng ubas ang pisaan.
Ubod sila ng sama;
ang kanilang kasalanan
ay parang alak
na umaapaw sa sisidlan nito.”
14Napakaraming tao ang naroon
sa Lambak ng Paghatol,
dahil malapit nang dumating
ang araw ng paghatol
ng Panginoon.
15Magdidilim ang araw
at ang buwan,
at hindi na magliliwanag
ang mga bituin.
16Aatungal na parang leon
ang Panginoon mula sa Zion;#3:16 Zion: Isa sa mga tawag sa Jerusalem.
dadagundong ang kanyang tinig
mula sa Jerusalem.
Kaya mayayanig a
ng lupa at langit.
Ngunit ang Panginoon
ang matibay na kanlungan
para sa mga Israelita
na kanyang mamamayan.
Pagpapala para sa mga Mamamayan ng Diyos
17“Malalaman ninyong
mga taga-Juda na ako,
ang Panginoon
na inyong Diyos,
ay nananahan sa Zion,
ang aking banal na bundok.
Magiging banal muli ang Jerusalem;
hindi na ito muling lulusubin
ng ibang bansa.
18“Sa panahong iyon,
pagpapalain ko kayo.
Magiging sagana
ang inyong bagong alak
na mula sa maraming ubas
sa mga bundok.
Magiging sagana rin ang inyong gatas
mula sa maraming baka
at kambing
na nanginginain sa mga burol.
At hindi na matutuyuan
ang inyong mga sapa at ilog.
At may bukal mula
sa templo ng Panginoon
na dadaloy sa lambak
na may mga punong akasya.#3:18 na may mga punong akasya: O ng Shitim.
19Ang Ehipto ay magiging
lugar na tiwangwang
at ang Edom ay magiging ilang,
dahil pinagmalupitan nila
ang mga taga-Juda;
pinatay nila ang mga taong
walang kasalanan.
20Ngunit ang Juda at ang Jerusalem
ay titirhan magpakailanman.
21Hahayaan ko na lamang bang dumanak
ang inosenteng dugo
at hindi ako maghihiganti?
Hindi ako papayag!#3:21 Hahayaan … papayag!: Ito ang nasa Septuagint at Syriac. Sa Hebreo, Ituturing ko na walang kasalanan ang mga pinatay sa kanila na hindi ko pa naituring na walang kasalanan. O Patatawarin ko ang mga pagpatay nila na hindi ko pa napapatawad.”
Nananahan ang Panginoon sa Zion.
Currently Selected:
Joel 3: ASD
Highlight
Share
Copy
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Joel 3
3
Hahatulan ang mga Bansa
1“Sa panahong iyon
na ibabalik ko
ang kasaganaan
ng Juda at Jerusalem,#3:1 ibabalik … Jerusalem: O pababalikin ko ang mga mamamayan ng Juda at Jerusalem sa kanilang lupain mula sa pagkabihag.
2titipunin ko ang mga bansa
at dadalhin ko sila
sa Lambak ni Jehoshafat.#3:2 Jehoshafat: Ang ibig sabihin, naghahatol ang Panginoon.
Doon ko sila hahatulan
dahil sa kanilang ginawa
sa mga Israelita
na aking mamamayan na pag-aari ko.
Ikinalat nila ang mga Israelita
sa ibaʼt ibang bansa
at pinaghati-hatian ang aking lupain.
3Nagpalabunutan sila
upang paghati-hatian
ang aking mga mamamayan,
at ipinagbili nila bilang alipin
ang mga batang lalaki at babae,
upang ibili ng alak at ibayad
sa babaeng bayaran.
4“Kayong mga taga-Tiro, taga-Sidon, at ang lahat ng lugar ng Filistia, ano ba itong ginagawa ninyo laban sa akin? Ginagantihan ba ninyo ako sa mga bagay na aking ginawa? Kung ganoon, gagantihan ko agad kayo sa inyong ginagawa.#3:4 Ang ginagawa ng mga bansang ito laban sa Israel ay para na rin nilang ginagawa laban sa Panginoon. 5Sapagkat kinuha ninyo ang aking mga ginto at pilak at iba pang mamahaling bagay at dinala ninyo ito doon sa inyong mga templo. 6Ipinagbili ninyo sa mga Griyego ang mga mamamayan ng Juda at Jerusalem bilang mga alipin, upang mailayo ninyo sila sa sarili nilang bayan.
7“Ngunit tutulungan ko silang makaalis sa mga bayang pinagbilhan ninyo sa kanila, at gagawin ko sa inyo ang inyong ginawa sa kanila. 8Ipagbibili ko ang inyong mga anak sa mga taga-Juda, at ipagbibili naman nila ang mga ito sa mga taga-Sabea#3:8 Sabea: Isang lugar sa timog-kanluran ng Arabia. na nakatira sa malayong lugar. Mangyayari nga ito, dahil ako, ang Panginoon, ang nagsasabi nito.”
9“Ipahayag mo ito sa mga bansa:
Humanda kayo sa pakikipagdigma!
Tawagin ninyo ang mga sundalo
upang sumalakay.
10Gawin ninyong mga espada
ang sudsod ng inyong mga araro
at gawin ninyong mga sibat
ang inyong mga panggapas.
Sasabihin ng mahina,
‘Ako ay malakas.’
11Pumarito kayo, lahat kayong
mga bansang nasa paligid,
at magtipon kayo doon
sa Lambak ni Jehoshafat.
“Panginoon, pasulungin ninyo
ang inyong mga mandirigma!#3:11 Panginoon … mandirigma: Sa Syriac, At doon ay lilipulin ng Panginoon ang inyong mga kawal.
12“Udyukin ang mga bansa
na pumunta sa Lambak
ni Jehoshafat.
Doon, ako, ang Panginoon ay uupo
upang silaʼy hatulan.
13Para silang mga aanihin
na kailangan nang gapasin
dahil hinog na,
o parang ubas na kailangan
nang pisain
dahil puno na
ng ubas ang pisaan.
Ubod sila ng sama;
ang kanilang kasalanan
ay parang alak
na umaapaw sa sisidlan nito.”
14Napakaraming tao ang naroon
sa Lambak ng Paghatol,
dahil malapit nang dumating
ang araw ng paghatol
ng Panginoon.
15Magdidilim ang araw
at ang buwan,
at hindi na magliliwanag
ang mga bituin.
16Aatungal na parang leon
ang Panginoon mula sa Zion;#3:16 Zion: Isa sa mga tawag sa Jerusalem.
dadagundong ang kanyang tinig
mula sa Jerusalem.
Kaya mayayanig a
ng lupa at langit.
Ngunit ang Panginoon
ang matibay na kanlungan
para sa mga Israelita
na kanyang mamamayan.
Pagpapala para sa mga Mamamayan ng Diyos
17“Malalaman ninyong
mga taga-Juda na ako,
ang Panginoon
na inyong Diyos,
ay nananahan sa Zion,
ang aking banal na bundok.
Magiging banal muli ang Jerusalem;
hindi na ito muling lulusubin
ng ibang bansa.
18“Sa panahong iyon,
pagpapalain ko kayo.
Magiging sagana
ang inyong bagong alak
na mula sa maraming ubas
sa mga bundok.
Magiging sagana rin ang inyong gatas
mula sa maraming baka
at kambing
na nanginginain sa mga burol.
At hindi na matutuyuan
ang inyong mga sapa at ilog.
At may bukal mula
sa templo ng Panginoon
na dadaloy sa lambak
na may mga punong akasya.#3:18 na may mga punong akasya: O ng Shitim.
19Ang Ehipto ay magiging
lugar na tiwangwang
at ang Edom ay magiging ilang,
dahil pinagmalupitan nila
ang mga taga-Juda;
pinatay nila ang mga taong
walang kasalanan.
20Ngunit ang Juda at ang Jerusalem
ay titirhan magpakailanman.
21Hahayaan ko na lamang bang dumanak
ang inosenteng dugo
at hindi ako maghihiganti?
Hindi ako papayag!#3:21 Hahayaan … papayag!: Ito ang nasa Septuagint at Syriac. Sa Hebreo, Ituturing ko na walang kasalanan ang mga pinatay sa kanila na hindi ko pa naituring na walang kasalanan. O Patatawarin ko ang mga pagpatay nila na hindi ko pa napapatawad.”
Nananahan ang Panginoon sa Zion.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.