Hoseas 6

Hindi Tapat ang Pagsisisi ng Israel

1Nag-usap-usap ang mga taga-Israel.

Sabi nila, “Halikayo!

Magbalik-loob tayo

sa Panginoon.

Sinaktan niya tayo,

ngunit siya rin

ang magpapagaling

sa atin.

2Para tayong mga patay

na agad niyang bubuhayin.

Hindi magtatagal,#6:2 agad … magtatagal: Sa literal, pagkatapos ng ikalawang araw o sa ikatlong araw.

at ibabangon niya tayo

upang mamuhay

sa kanyang presensya.

3Pagsikapan nating makilala

ang Panginoon.

Siyaʼy tiyak na darating,

kasing tiyak ng pagsikat ng araw.

Darating siyang parang ulan

na magdidilig sa mga lupain.”

4“O Israel#6:4 Israel: Sa Hebreo, Efraim. Makikita rin ang salitang Efraim sa Hebreo sa talata 10|HOS 6:4. Tingnan ang talababa sa 4:17. at Juda,

ano ang gagawin ko sa inyo?

Ang pag-ibig ninyo sa akiʼy

parang ambon o hamog

sa umaga na madaling mawala.

5Kaya nga binalaan ko kayo

sa pamamagitan ng mga propeta

na kayoʼy mapapahamak

at mamamatay.

Hahatulan ko kayo

na kasimbilis ng kidlat.

6Sapagkat hindi ang inyong mga handog

ang nais ko,

kundi ang inyong pagmamahal.#6:6 pagmamahal: Maaaring ang ibig sabihin, pagmamahal sa Diyos o pagmamahal sa kapwa.

Mas nanaisin ko pang kilalanin ninyo ako

bilang Diyos

kaysa sa mag-alay kayo

ng mga handog na sinusunog.

7Ngunit tulad ni Adan,

sinira ninyo ang kasunduan natin.

Nagtaksil kayo sa akin diyan

sa inyong lugar.#6:7 Ngunit tulad ni Adan … sa inyong lugar: O Sa lugar ng Adan … sa lugar na iyon.

8Ang bayan ng Gilead

ay tirahan ng mga makasalanan

at nabahiran ng mga bakas

ng mga paang madudugo.

9Ang inyong mga pari

ay parang mga tulisan na

nag-aabang ng kanilang mabibiktima.

Pumapatay sila sa daang patungo

sa Shekem,#6:9 Shekem: Isa ito sa mga bayan kung saan maaaring magtago ang sinumang makapatay ng tao nang hindi sinasadya, at doon ay walang sinumang makakagalaw sa kanya.

at gumagawa ng maraming

nakakahiyang gawain.

10Mga taga-Israel, kakila-kilabot

ang nakita ko sa inyo.

Sumasamba kayo

sa mga diyos-diyosan,

kaya naging marumi#6:10 marumi: Ang ibig sabihin, hindi na maaaring makabahagi sa mga seremonya sa templo. kayo.

11“Kayo ring mga taga-Juda

ay nakatakda nang parusahan.

“Nais ko sanang ibalik

ang mabuting kalagayan

ng aking mga mamamayan.”

Currently Selected:

Hoseas 6: ASD

Highlight

Copy

Want to have your highlights saved across all your devices? Sign up or sign in

Biblica® Open Ang Salita ng Diyos™

‌‌

Biblica® Open Tagalog Contemporary Bible™

‌‌

Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.

Ginamit nang may pahintulot.

‌‌

“Biblica” is a trademark registered in the United States Patent and Trademark Office by Biblica, Inc.

Used with permission.

Learn More About Ang Salita ng Diyos