Rom 9
9
Yaubada Ya Tomotau Me Isiraeli Wayahi
1Ataina yau ipupu yau yoko me Iudea wayahi anau‑yehai. Yauke Tau Ito‑yavuha nihenina amamaei, ka tauna yau ipupu taina nononi. Wayahina, aviani avonemi, akanai vonana vivane vona tunutunuhina, eha vitupu. Yauke au ayaunena nihenina anamane‑yehai vona taina vona tunutunuhina, ka kadu Yaubada Nuana awaehei aitamoata deina. 2Avi tuta yau yoko me Isiraeli anuanuani, nuau ivita ananina wayahi. Iuna ataina taui Iesu ivihahaiei. 3Aituhu au pata yauke yau dewa wayahi yai vitumahana Iesu wayahina anau‑vevewane, akanai yauke yau viama vivane Yaubada na‑bwanatau, e Iesu avo‑haini taui yai vidoha wayahina. Iuna taui me Isiraeli vavaneiu, ka taui adune‑nuanuaiei. (Kate Yaubada eha ya nuanua viamana deina n'‑awaehe.)#NiT 32:32.
4Ka vona ahiahina, nonova Yaubada me Isiraeli vi‑nua‑dadanei, e payayei, taui natunatuna. Tutana tauna eta‑naoi papani Egipita ini‑tawanei, taui didigana idudueyei, ka tauna didigana vo‑patai idudueyei etawana tunina tunina wayahia. Ka kadu tauna ya veimea venei, ka viwavenei medeina itapanono tunuhina. Ka tauna vona‑dabadaba ahiahina venevenei kadu dewa ahiahina apa‑taputapuei wayahi, e nau‑wawani tuta tepaia ivaniahei.#NiT 4:22; Ebe 9:5; Sam 147:19; Lev 1–10; Rom 15:8. 5Ka ataina itoai me Isiraeli atupua‑nenenehi yama tupua‑nenenehi ai wava anani wayahia, ka kadu Tau Ito‑yavuha ya tupua ininina vin'‑omo yama tupua‑nenenehi aitamoata deina. Wayahina, ataina me Isiraeli kadu Iesu dede aitamoata inini nihenina. Ataina Iesu dewa habuhabuna veimeyei. Wayahina, nau‑wawanika Yaubada kan'‑awa‑davedavei tuta eha a itoava wayahina! Ana pata deina.
6Yaubada tauna ya vona‑dabadaba me Isiraeli venei taui yana yoko. Kadu tauna vona‑dabadaba wayahina apa‑taputapuei apaina aitam Tau Ito‑yavuha vi‑tunei na‑omo wayahia. Yaubada yana dewa kadu ya vona‑dabadabana aitamoata. Kate me Isiraeli tupwai Yaubada ya vonana eha ita‑vitumahane. Wayahina, kadueyei. Aka pata me Isiraeli katana‑vewani yoko ainua wayahia. Aituhu aviyaivia inini dayahi Abaraham ininina dayahina aitamoata, akanai kana‑vona taui me Isiraeli ininiata. Ka aituhu aviyaivia yai vitumahana Abaraham ya vitumahana aitamoata deina, akanai kana‑vona taui me Isiraeli ininia kadu taui me Isiraeli yai vitumahana wayahina.
7Udu. Me Isiraeli habuhabui me Isiraeli ininia, ka tupwai me Isiraeli yai vitumahana mamaei, kate tupwai eha. Unuani. Yaubada Abaraham vonei, ivona,
“Yauke avona‑dabadaba wayahima
yam tupua‑nenenehi avenem.
Kate yam tupua‑nenenehi ivin'‑omo
natum Isaki ana heta wayahina.
Eha mani natum wayahina ivin'‑omo.”#Nao 21:12.
8Tuta munia wayahina, Abaraham natunatuna habuhabui imamaei, eha Isaki ana heta. Kate Yaubada ya vonana Abaraham wayahina an' anamana taina. Natunatuna habuhabui ininina wayahina eha natunatu‑hoina. Abaraham natunatu‑hoina vivane taui ai heta ivin'‑omo Yaubada ya vona‑dabadabana wayahina.#Gal 4:23. 9Ka Yaubada ya vona‑dabadabana Abaraham wayahina taina,
“Aitam tuta avaha avi‑nua‑dadani,
ka auyewana wayahina amavina wayahima,
e awam Sara vi‑natuna onotona.”#Nao 18:14.
10Ka kadu aitam pai dune deina avenemi wami Isaki wayahina. Isaki me Isiraeli habuhabuka waka. Ka tutana awana ana wava Rebeka amwanainahe, madina natu‑yuayua. 11-12Ka Yaubada Rebeka vonei, ivona,
“Apaina mai‑tupuina vi‑tau paisewa
nepena wayahina.”
Naona Yaubada yan' apa‑taputapu‑nana vin'‑omo, e munia Rebeka vi‑natuna. Wayahina, kadueyei Yaubada yan' apa‑taputapu‑nana an' anamana eha ta‑vin'‑omo Rebeka natunatui natu‑yuayua yai dewa wayahina. Iuna tutana apa‑taputapu‑nana vin'‑omo, vona ahiahina, taui yai tupua eha. Apaina itupua. Wayahina, kana‑vona natunatui natu‑yuayuaia eha yai dewa ahiahina, kadu eha yai dewa goyona. Kate Yaubada ya nuanua naona mamaei, e naona tauna vi‑nua‑dadani deina.#Nao 25:23.
13Ka kadu aitam mataina Iginuma nihenina voneka vivane Yaubada ya ipupuna deina, ivona,
“Yauke Iakobo adune‑nuanuaiei,
kate Esau atana‑wavinei.”#Mal 1:2-3.
14Yaubada ya vonana medeina? Kaiwadi, nau‑wawanika kana‑vona Yaubada yana dewa Esau wayahina eha tunutunuhina? Eha‑ohota. 15Unuani, Yaubada kadu Mosese vo‑vi‑mahetei, ivona,
“Tupwai tomotau avi‑nua‑dadanei,
e taui wayahi yau ate‑nuanuai avenevenei.
Ka tupwai tomotau avi‑nua‑dadanei,
e taui wayahi yau dune‑nuanuai avenevenei.”#NiT 33:19.
16Vonana wayahina kan'‑anamanei tomotau eha ai pata Yaubada yan' ate‑nuanuai o tauna ya dune‑nuanuai ivaniahe iuna taui yai nuanua ananina mamaei ivaniahei deina. Ka kadu eha ivaniahe taui yai paisewa ai nau‑pata wayahina. Eha‑ohota! Tomotau ai pata Yaubada yan' ate‑nuanuai ivaniahei iuna tauna vi‑nua‑dadanei, ivaniahei deina.#Epe 2:8.
17Nonova, tutana Yaubada me Isiraeli eta‑naoi papani Egipita ini‑tawanei, tauna ipupu me Egipita yai kiniV, ivi‑wahani ParaoV, wayahina deina. Ivona,
“Yauke wamke am wava asi‑nai
evi‑kiniV me Egipita wayahia.
Ka yau dewana iuna mamaei.
Yauke yau nuanua tomotau habuhabui
aviwavenei in'‑anamane‑vidoha
yauke wamke abagibagi‑tawanem.
E munia au anamana na‑nata
tomotau yai ipupu wayahina,
e tau ma' tanopi habuhabui in'‑anamaneu
yauke taua koiaka.”#NiT 9:16.
18Wayahina, vona ahiahina, aituhu Yaubada tupwai tomotau vi‑nua‑dadanei yan' ate‑nuanuai venevenei, akanai tauna venei deina. Ka kadu aituhu Yaubada mani tomotau vi‑nua‑dadanei tauna ununui vo‑vi‑toyoa, e taui vatui, akanai tauna vo‑vi‑toyoa, e taui vatui deina.
19Kaiwadi, dewana wayahina tupwami wayahiua uvonavona deina, “Aituhu itoka tomotau yaka dewa habuhabuna ivin'‑omo Yaubada ya nuenuea, aviani wayahina Yaubada dewa‑yaiyaieka? Itoka tauna ya nuanua kadedewei, iuna tauna bagibagi‑vainena, ka itoka eha. Wayahina, aituhu itoka tomotau tauna ya nuanua kadedewei deina, aviani iuna tauna dewa‑yaiyaieka yaka dewa wayahina? Ya dewana eha tunuhina.” 20Yaiau, itoka aka wava aviani? Eha nau‑wawanika Yaubada yana ipupu kanau‑pate. Udu! Iginuma nihenina ivona deina,
“Medeina? Aituhu aitam gugua
tauna a tau ai‑tai wayahina vi‑heyoheyo,
dewana ahiahina o kadi goyona?
Udu. Aituhu aitam gugua
tauna a tau ai‑tai vi‑tanatanaiei, ivona,
‘Aviani wayahina enau‑vevewaneu deina?’
vi‑tanai taina a vin'‑omana eha ahiahina.”#Isa 29:16; 45:9.
21Kadu aitam pai dune taina. Tau voa kunia tauna ana heta ya paisewa veimeyei, e tauna ana heta vi‑nua‑dadani medeina ya motopuna a tana‑vewana. Aituhu tauna ya nuanua motopuna tupwana tevani, e mai‑nuana kunia ana dune ahiahina voei kaikaiwabo wayahina, akanai deina. O aituhu tauna ya nuanua motopuna tupwana tevani, e vo‑kwayavonina kunia voei payapayaya wayahina, akanai deina.#Ier 18:6.
22Yaubada ya paisewa deinake. Tauna ya nuanua tomotau in'‑anamanei tauna bagibagi‑vainena. Kadu tauna ya nuanua tomotau in'‑anamanei tauna magana bawei dewa goyona wayahina. Tauna ana pata vo‑kwayavonina a havia habuhabui na‑vita‑vovoni. Kate eha ta‑dewe deina. Tauna potapota mamanaina. Udu. Taui a havia aitam kunia deina, ka tauna vo‑vi‑aiaiei vita‑vovona wayahina.
23-24Vona ahiahina, tauna potapota mamanaina. Ka yana dewa aitam pai dune tau vitumahana wayahi. Tau vitumahana kunia tunina deina, ka tauna vo‑vi‑aiaiei vivane didigana na‑vo‑patai. Wayahina, yan' ate‑nuanuai tau vitumahana wayahi kadueyei. Udu! Tau vitumahana vivane itoka tau ekalesia. Ka tauna honeka, e kavitumahanei. Ka kadu kanamanei tau vitumahana tupwaka me Iudea kadu tupwaka eha me Iudea.
25Nonova Yaubada kadu dewana apa‑taputapuei. Osea ya iginuma nihenina ivona deina,
“Ataina taui eha me Iudea eha yau yoko,
kate apaina avi‑wahani ‘yau yoko.’
Ataina eha adune‑nuanuaie,
kate apaina avi‑wahani
‘taui adune‑nuanuaiei’.”#Ose 2:23.
26Yaubada kadu ivona,
“Nonova taui avonei,
‘Itomi eha yau yoko.’
Kate apaina, papani‑nana wayahina, avonei,
‘Itomi Yaubada Ama'‑vavaha natunatu’.”#Ose 1:10.
27Ka tau apa‑taputapu ana wava Isaia tauna na nua‑vitana apa‑taputapuei deina, ivona,
“Ataina me Isiraeli yoko ananina,
ai yau magama tania deina.
Kate apaina taui yoko kikituna,
iuna Yaubada wayahia
aitonuata ai heta na‑ito‑yavuhi.#Isa 10:22-23.
28Iuna nonova Yaubada apa‑taputapu apaina
tau goyogoyona aitamoata aitamoata
na‑dewa‑yaiyaiei.
Kadu auyewana tepakaia yana dewa
vo‑kwayavoni vin'‑omo tauna
yan' apa‑taputapu wayahina deina.
Ka auyewana wayahina eha aitam yai etawana
ina‑novo‑tawane.”
29Kadue Isaia ivona deina,
“Itoka me Isiraeli nau‑wawanika
yaka Yaubada na‑dewa‑yaiyaieka,
tauna me Sodom kadu me Gomora
dewa‑yaiyaiei aitamoata deina.
Yaubada Tau Bagibagi‑vavaha
tomotaui vita‑vovoni‑yehai.
Kate aituhu eha yan' am‑venena
awawaehina wayahikaia,
nonova habuhabuka me Isiraeli
iakwa.
Kate tauna yan' am‑venena
awawaehina veneka.
Wayahina, ataina itoka kamamaei,
ka apaina yaka tupua‑nenenehi
ivin'‑omo imamaei.”#Isa 1:9.
30Wayahina, medeina kana‑vona? Aituhu itoka me Iudea yaka yoko kadu taui eha me Iudea yai yoko kabou‑viwavei, aviani kan'‑anamanei? Vona ahiahina, nonova taui eha me Iudea eha ita‑naunau‑nene aitam etawana wayahina ividoha Yaubada matana. Taui eha etawanana ita‑naunau‑nene, kate udu! Taui avaha ivaniahei! Etawanana vivane Yaubada ivitumahanei. 31Kate nonova a itoava tuta ataina wayahina, me Isiraeli etawana wayahina inaunau‑nene ividoha Yaubada matana. Kate taui eha ita‑vaniahe. 32Taui inaunau‑nene‑wayohe. Iuna taui inaunau‑nene aitam veimea wayahina. Taui inuanua aituhu veimeana idedewei, ividoha Yaubada matana deina. Eha ita‑naunau‑nene medeina ividoha vitumahana wayahina. Wayahina, taui avaha hanu pai vito‑painena wayahina ivito‑painei.#Isa 8:14. 33Iuna Iginuma nihenina Yaubada ivona deina,
“Udu! Apaina aitam hanu pai vito‑painena
aboui papani SioniV nihenina,
ka tomotau habuhabui ivito‑paine ipeu,
iuna hanuna.
Kate aituhu aviyaivia tauna ivitumahanei,
taui ividoha akanai.
Ka eha aitam tuta
taui ina‑ini‑yauyau mataua.”#Isa 28:16; 1Pi 2:6.
Currently Selected:
Rom 9: MVN
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Rom 9
9
Yaubada Ya Tomotau Me Isiraeli Wayahi
1Ataina yau ipupu yau yoko me Iudea wayahi anau‑yehai. Yauke Tau Ito‑yavuha nihenina amamaei, ka tauna yau ipupu taina nononi. Wayahina, aviani avonemi, akanai vonana vivane vona tunutunuhina, eha vitupu. Yauke au ayaunena nihenina anamane‑yehai vona taina vona tunutunuhina, ka kadu Yaubada Nuana awaehei aitamoata deina. 2Avi tuta yau yoko me Isiraeli anuanuani, nuau ivita ananina wayahi. Iuna ataina taui Iesu ivihahaiei. 3Aituhu au pata yauke yau dewa wayahi yai vitumahana Iesu wayahina anau‑vevewane, akanai yauke yau viama vivane Yaubada na‑bwanatau, e Iesu avo‑haini taui yai vidoha wayahina. Iuna taui me Isiraeli vavaneiu, ka taui adune‑nuanuaiei. (Kate Yaubada eha ya nuanua viamana deina n'‑awaehe.)#NiT 32:32.
4Ka vona ahiahina, nonova Yaubada me Isiraeli vi‑nua‑dadanei, e payayei, taui natunatuna. Tutana tauna eta‑naoi papani Egipita ini‑tawanei, taui didigana idudueyei, ka tauna didigana vo‑patai idudueyei etawana tunina tunina wayahia. Ka kadu tauna ya veimea venei, ka viwavenei medeina itapanono tunuhina. Ka tauna vona‑dabadaba ahiahina venevenei kadu dewa ahiahina apa‑taputapuei wayahi, e nau‑wawani tuta tepaia ivaniahei.#NiT 4:22; Ebe 9:5; Sam 147:19; Lev 1–10; Rom 15:8. 5Ka ataina itoai me Isiraeli atupua‑nenenehi yama tupua‑nenenehi ai wava anani wayahia, ka kadu Tau Ito‑yavuha ya tupua ininina vin'‑omo yama tupua‑nenenehi aitamoata deina. Wayahina, ataina me Isiraeli kadu Iesu dede aitamoata inini nihenina. Ataina Iesu dewa habuhabuna veimeyei. Wayahina, nau‑wawanika Yaubada kan'‑awa‑davedavei tuta eha a itoava wayahina! Ana pata deina.
6Yaubada tauna ya vona‑dabadaba me Isiraeli venei taui yana yoko. Kadu tauna vona‑dabadaba wayahina apa‑taputapuei apaina aitam Tau Ito‑yavuha vi‑tunei na‑omo wayahia. Yaubada yana dewa kadu ya vona‑dabadabana aitamoata. Kate me Isiraeli tupwai Yaubada ya vonana eha ita‑vitumahane. Wayahina, kadueyei. Aka pata me Isiraeli katana‑vewani yoko ainua wayahia. Aituhu aviyaivia inini dayahi Abaraham ininina dayahina aitamoata, akanai kana‑vona taui me Isiraeli ininiata. Ka aituhu aviyaivia yai vitumahana Abaraham ya vitumahana aitamoata deina, akanai kana‑vona taui me Isiraeli ininia kadu taui me Isiraeli yai vitumahana wayahina.
7Udu. Me Isiraeli habuhabui me Isiraeli ininia, ka tupwai me Isiraeli yai vitumahana mamaei, kate tupwai eha. Unuani. Yaubada Abaraham vonei, ivona,
“Yauke avona‑dabadaba wayahima
yam tupua‑nenenehi avenem.
Kate yam tupua‑nenenehi ivin'‑omo
natum Isaki ana heta wayahina.
Eha mani natum wayahina ivin'‑omo.”#Nao 21:12.
8Tuta munia wayahina, Abaraham natunatuna habuhabui imamaei, eha Isaki ana heta. Kate Yaubada ya vonana Abaraham wayahina an' anamana taina. Natunatuna habuhabui ininina wayahina eha natunatu‑hoina. Abaraham natunatu‑hoina vivane taui ai heta ivin'‑omo Yaubada ya vona‑dabadabana wayahina.#Gal 4:23. 9Ka Yaubada ya vona‑dabadabana Abaraham wayahina taina,
“Aitam tuta avaha avi‑nua‑dadani,
ka auyewana wayahina amavina wayahima,
e awam Sara vi‑natuna onotona.”#Nao 18:14.
10Ka kadu aitam pai dune deina avenemi wami Isaki wayahina. Isaki me Isiraeli habuhabuka waka. Ka tutana awana ana wava Rebeka amwanainahe, madina natu‑yuayua. 11-12Ka Yaubada Rebeka vonei, ivona,
“Apaina mai‑tupuina vi‑tau paisewa
nepena wayahina.”
Naona Yaubada yan' apa‑taputapu‑nana vin'‑omo, e munia Rebeka vi‑natuna. Wayahina, kadueyei Yaubada yan' apa‑taputapu‑nana an' anamana eha ta‑vin'‑omo Rebeka natunatui natu‑yuayua yai dewa wayahina. Iuna tutana apa‑taputapu‑nana vin'‑omo, vona ahiahina, taui yai tupua eha. Apaina itupua. Wayahina, kana‑vona natunatui natu‑yuayuaia eha yai dewa ahiahina, kadu eha yai dewa goyona. Kate Yaubada ya nuanua naona mamaei, e naona tauna vi‑nua‑dadani deina.#Nao 25:23.
13Ka kadu aitam mataina Iginuma nihenina voneka vivane Yaubada ya ipupuna deina, ivona,
“Yauke Iakobo adune‑nuanuaiei,
kate Esau atana‑wavinei.”#Mal 1:2-3.
14Yaubada ya vonana medeina? Kaiwadi, nau‑wawanika kana‑vona Yaubada yana dewa Esau wayahina eha tunutunuhina? Eha‑ohota. 15Unuani, Yaubada kadu Mosese vo‑vi‑mahetei, ivona,
“Tupwai tomotau avi‑nua‑dadanei,
e taui wayahi yau ate‑nuanuai avenevenei.
Ka tupwai tomotau avi‑nua‑dadanei,
e taui wayahi yau dune‑nuanuai avenevenei.”#NiT 33:19.
16Vonana wayahina kan'‑anamanei tomotau eha ai pata Yaubada yan' ate‑nuanuai o tauna ya dune‑nuanuai ivaniahe iuna taui yai nuanua ananina mamaei ivaniahei deina. Ka kadu eha ivaniahe taui yai paisewa ai nau‑pata wayahina. Eha‑ohota! Tomotau ai pata Yaubada yan' ate‑nuanuai ivaniahei iuna tauna vi‑nua‑dadanei, ivaniahei deina.#Epe 2:8.
17Nonova, tutana Yaubada me Isiraeli eta‑naoi papani Egipita ini‑tawanei, tauna ipupu me Egipita yai kiniV, ivi‑wahani ParaoV, wayahina deina. Ivona,
“Yauke wamke am wava asi‑nai
evi‑kiniV me Egipita wayahia.
Ka yau dewana iuna mamaei.
Yauke yau nuanua tomotau habuhabui
aviwavenei in'‑anamane‑vidoha
yauke wamke abagibagi‑tawanem.
E munia au anamana na‑nata
tomotau yai ipupu wayahina,
e tau ma' tanopi habuhabui in'‑anamaneu
yauke taua koiaka.”#NiT 9:16.
18Wayahina, vona ahiahina, aituhu Yaubada tupwai tomotau vi‑nua‑dadanei yan' ate‑nuanuai venevenei, akanai tauna venei deina. Ka kadu aituhu Yaubada mani tomotau vi‑nua‑dadanei tauna ununui vo‑vi‑toyoa, e taui vatui, akanai tauna vo‑vi‑toyoa, e taui vatui deina.
19Kaiwadi, dewana wayahina tupwami wayahiua uvonavona deina, “Aituhu itoka tomotau yaka dewa habuhabuna ivin'‑omo Yaubada ya nuenuea, aviani wayahina Yaubada dewa‑yaiyaieka? Itoka tauna ya nuanua kadedewei, iuna tauna bagibagi‑vainena, ka itoka eha. Wayahina, aituhu itoka tomotau tauna ya nuanua kadedewei deina, aviani iuna tauna dewa‑yaiyaieka yaka dewa wayahina? Ya dewana eha tunuhina.” 20Yaiau, itoka aka wava aviani? Eha nau‑wawanika Yaubada yana ipupu kanau‑pate. Udu! Iginuma nihenina ivona deina,
“Medeina? Aituhu aitam gugua
tauna a tau ai‑tai wayahina vi‑heyoheyo,
dewana ahiahina o kadi goyona?
Udu. Aituhu aitam gugua
tauna a tau ai‑tai vi‑tanatanaiei, ivona,
‘Aviani wayahina enau‑vevewaneu deina?’
vi‑tanai taina a vin'‑omana eha ahiahina.”#Isa 29:16; 45:9.
21Kadu aitam pai dune taina. Tau voa kunia tauna ana heta ya paisewa veimeyei, e tauna ana heta vi‑nua‑dadani medeina ya motopuna a tana‑vewana. Aituhu tauna ya nuanua motopuna tupwana tevani, e mai‑nuana kunia ana dune ahiahina voei kaikaiwabo wayahina, akanai deina. O aituhu tauna ya nuanua motopuna tupwana tevani, e vo‑kwayavonina kunia voei payapayaya wayahina, akanai deina.#Ier 18:6.
22Yaubada ya paisewa deinake. Tauna ya nuanua tomotau in'‑anamanei tauna bagibagi‑vainena. Kadu tauna ya nuanua tomotau in'‑anamanei tauna magana bawei dewa goyona wayahina. Tauna ana pata vo‑kwayavonina a havia habuhabui na‑vita‑vovoni. Kate eha ta‑dewe deina. Tauna potapota mamanaina. Udu. Taui a havia aitam kunia deina, ka tauna vo‑vi‑aiaiei vita‑vovona wayahina.
23-24Vona ahiahina, tauna potapota mamanaina. Ka yana dewa aitam pai dune tau vitumahana wayahi. Tau vitumahana kunia tunina deina, ka tauna vo‑vi‑aiaiei vivane didigana na‑vo‑patai. Wayahina, yan' ate‑nuanuai tau vitumahana wayahi kadueyei. Udu! Tau vitumahana vivane itoka tau ekalesia. Ka tauna honeka, e kavitumahanei. Ka kadu kanamanei tau vitumahana tupwaka me Iudea kadu tupwaka eha me Iudea.
25Nonova Yaubada kadu dewana apa‑taputapuei. Osea ya iginuma nihenina ivona deina,
“Ataina taui eha me Iudea eha yau yoko,
kate apaina avi‑wahani ‘yau yoko.’
Ataina eha adune‑nuanuaie,
kate apaina avi‑wahani
‘taui adune‑nuanuaiei’.”#Ose 2:23.
26Yaubada kadu ivona,
“Nonova taui avonei,
‘Itomi eha yau yoko.’
Kate apaina, papani‑nana wayahina, avonei,
‘Itomi Yaubada Ama'‑vavaha natunatu’.”#Ose 1:10.
27Ka tau apa‑taputapu ana wava Isaia tauna na nua‑vitana apa‑taputapuei deina, ivona,
“Ataina me Isiraeli yoko ananina,
ai yau magama tania deina.
Kate apaina taui yoko kikituna,
iuna Yaubada wayahia
aitonuata ai heta na‑ito‑yavuhi.#Isa 10:22-23.
28Iuna nonova Yaubada apa‑taputapu apaina
tau goyogoyona aitamoata aitamoata
na‑dewa‑yaiyaiei.
Kadu auyewana tepakaia yana dewa
vo‑kwayavoni vin'‑omo tauna
yan' apa‑taputapu wayahina deina.
Ka auyewana wayahina eha aitam yai etawana
ina‑novo‑tawane.”
29Kadue Isaia ivona deina,
“Itoka me Isiraeli nau‑wawanika
yaka Yaubada na‑dewa‑yaiyaieka,
tauna me Sodom kadu me Gomora
dewa‑yaiyaiei aitamoata deina.
Yaubada Tau Bagibagi‑vavaha
tomotaui vita‑vovoni‑yehai.
Kate aituhu eha yan' am‑venena
awawaehina wayahikaia,
nonova habuhabuka me Isiraeli
iakwa.
Kate tauna yan' am‑venena
awawaehina veneka.
Wayahina, ataina itoka kamamaei,
ka apaina yaka tupua‑nenenehi
ivin'‑omo imamaei.”#Isa 1:9.
30Wayahina, medeina kana‑vona? Aituhu itoka me Iudea yaka yoko kadu taui eha me Iudea yai yoko kabou‑viwavei, aviani kan'‑anamanei? Vona ahiahina, nonova taui eha me Iudea eha ita‑naunau‑nene aitam etawana wayahina ividoha Yaubada matana. Taui eha etawanana ita‑naunau‑nene, kate udu! Taui avaha ivaniahei! Etawanana vivane Yaubada ivitumahanei. 31Kate nonova a itoava tuta ataina wayahina, me Isiraeli etawana wayahina inaunau‑nene ividoha Yaubada matana. Kate taui eha ita‑vaniahe. 32Taui inaunau‑nene‑wayohe. Iuna taui inaunau‑nene aitam veimea wayahina. Taui inuanua aituhu veimeana idedewei, ividoha Yaubada matana deina. Eha ita‑naunau‑nene medeina ividoha vitumahana wayahina. Wayahina, taui avaha hanu pai vito‑painena wayahina ivito‑painei.#Isa 8:14. 33Iuna Iginuma nihenina Yaubada ivona deina,
“Udu! Apaina aitam hanu pai vito‑painena
aboui papani SioniV nihenina,
ka tomotau habuhabui ivito‑paine ipeu,
iuna hanuna.
Kate aituhu aviyaivia tauna ivitumahanei,
taui ividoha akanai.
Ka eha aitam tuta
taui ina‑ini‑yauyau mataua.”#Isa 28:16; 1Pi 2:6.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.