Dad Fngewe 4
4
Dee fa untung fagu di kfulung
1Gamu dad ngà, flinge gamu i fngewe màyu gamu,
na tooyu fandam,
du fye nun kaglabatyu.
2Nangyu nlifet i tdògu gamu,
du slame glut.
3Alògu satu tingà i màgu di satu yaanan, na di tukay agu fa,
4màgu tamdò deg, na galan man di deg manan,
“Toom fkah di nawam i mangu ge,
na laloam i tdògu ge,
du ku ani nimoam mlawil ge.
5Too ge mngabal kfulung na kaglabat,
na nangam nlifet ku demen fbayà i mangu di ge.
6Toom fkah di nawam i kfulung
du én kamlung ge,
na knabasam
du én mifat ge.
7Too ge mngabal i kfulung,
du ani mabtas di kdee,
na mngabal ge fa kaglabat,
balù tan i btasan.
8Ku knabasam i kfulung
mbaling ge mdatah,
na ku busekam di nawam
too ge mgafè.
9Na too ge dnilè i dad to ge i to nun kfulung.”
Ani gman màgu di deg.
10Tingàgu, flinge ge di deg
na dnawatam i mangu di ge,
du fye too ge mlawil.
11Tagatdògu di ge i kfulung,
na agu malak ge di matlu dalan.
12Na di kagum landè gablabal di dalanam,
na di kilam là ge tlaab.
13Galam fandam i tdògu di ge,
busekam di nawam,
du ani sa mlé ge klawil.
14Na nang ge salu di gal gusalu i dad to sasè,
na nang ge mlalò i dale dalan.
15Fawag ge di sasè dalanla,
nang ge magu déén,
niwasam na fadlug ge di ge dalan.
16Silang gkudang dad to sasè
ku gamgimò ale sasè,
na silang ale gaftud
ku nun fanlayamla.
17I sasè nimò i dad to labè,
én knaanla, na én ninumla.
18I dalan i dad to matlu gambet i ksut i duh,
du too matnù i knengan kel di too kalwan.
19Kabay i dalan i dad to sasè mahal,
du too kmifu tlaab ale,
du làla teen i gutlaabla.
20Ngàgu, toom fandam i gmangu di ge,
na too ge flinge i dad tulengu ge.
21Toom busek ani di fandamam,
na toom busek di lam i nawam,
du fye laam glifet dun.
22I dad to too gamlabat i gmangu ani
fye lawehla,
na too ale mlawil.
23Toom neye ku tan fandam i nawam,
du ku tan i mnè di nawam, én nimoam.
24Nang ge tmulen kéng,
na ku nun manam
toom man i glut.
25Tatì ge fatlu magu di matlu dalan,
du fye landè gumyaam.
26Funam fandam i kdee nimoam,
du fye too fye i gukelan.
27Fawag ge di sasè,
na fadlug ge magu di matlu dalan,
na nang ge samyat.
Currently Selected:
Dad Fngewe 4: ITD
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
Dad Fngewe 4
4
Dee fa untung fagu di kfulung
1Gamu dad ngà, flinge gamu i fngewe màyu gamu,
na tooyu fandam,
du fye nun kaglabatyu.
2Nangyu nlifet i tdògu gamu,
du slame glut.
3Alògu satu tingà i màgu di satu yaanan, na di tukay agu fa,
4màgu tamdò deg, na galan man di deg manan,
“Toom fkah di nawam i mangu ge,
na laloam i tdògu ge,
du ku ani nimoam mlawil ge.
5Too ge mngabal kfulung na kaglabat,
na nangam nlifet ku demen fbayà i mangu di ge.
6Toom fkah di nawam i kfulung
du én kamlung ge,
na knabasam
du én mifat ge.
7Too ge mngabal i kfulung,
du ani mabtas di kdee,
na mngabal ge fa kaglabat,
balù tan i btasan.
8Ku knabasam i kfulung
mbaling ge mdatah,
na ku busekam di nawam
too ge mgafè.
9Na too ge dnilè i dad to ge i to nun kfulung.”
Ani gman màgu di deg.
10Tingàgu, flinge ge di deg
na dnawatam i mangu di ge,
du fye too ge mlawil.
11Tagatdògu di ge i kfulung,
na agu malak ge di matlu dalan.
12Na di kagum landè gablabal di dalanam,
na di kilam là ge tlaab.
13Galam fandam i tdògu di ge,
busekam di nawam,
du ani sa mlé ge klawil.
14Na nang ge salu di gal gusalu i dad to sasè,
na nang ge mlalò i dale dalan.
15Fawag ge di sasè dalanla,
nang ge magu déén,
niwasam na fadlug ge di ge dalan.
16Silang gkudang dad to sasè
ku gamgimò ale sasè,
na silang ale gaftud
ku nun fanlayamla.
17I sasè nimò i dad to labè,
én knaanla, na én ninumla.
18I dalan i dad to matlu gambet i ksut i duh,
du too matnù i knengan kel di too kalwan.
19Kabay i dalan i dad to sasè mahal,
du too kmifu tlaab ale,
du làla teen i gutlaabla.
20Ngàgu, toom fandam i gmangu di ge,
na too ge flinge i dad tulengu ge.
21Toom busek ani di fandamam,
na toom busek di lam i nawam,
du fye laam glifet dun.
22I dad to too gamlabat i gmangu ani
fye lawehla,
na too ale mlawil.
23Toom neye ku tan fandam i nawam,
du ku tan i mnè di nawam, én nimoam.
24Nang ge tmulen kéng,
na ku nun manam
toom man i glut.
25Tatì ge fatlu magu di matlu dalan,
du fye landè gumyaam.
26Funam fandam i kdee nimoam,
du fye too fye i gukelan.
27Fawag ge di sasè,
na fadlug ge magu di matlu dalan,
na nang ge samyat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.