Mat. 1
1
Menge kemonaan i Jesus
Mat. 1:1-17; Luc. 3:23-38
1Seini se ngadan te menge kemonaan i Jesu Cristo. Si Jesus se sebad diyà te menge bowad-bowad i David, aw menge bowad-bowad i Abraham.
2Si Abraham se amay i Isaac.
Si Isaac se amay i Jacob.
Si Jacob se amay i Juda aw menge kedowa din.
3Si Juda se amay i Fares aw si Sara. Si Tamar se inay dan.
Si Fares se amay i Esrom.
Si Esrom se amay i Aram.
4Si Aram se amay i Aminadab.
Si Aminadab se amay i Naason.
Si Naason se amay i Salmon.
5Si Salmon se amay i Boos, aw si Rahab se inay din.
Si Boos se amay i Obed, aw si Ruth se inay din.
Si Obed se amay i Isai.
6Si Isai se amay te selotan si David.
Si David se amay i Solomon, aw inay din se esawa i Uria inagaw i David.
7Si Solomon se amay i Roboam.
Si Roboam se amay i Abias.
Si Abias se amay i Asa.
8Si Asa se amay i Josafat.
Si Josafat se amay i Joram.
Si Joram se amay i Usias.
9Si Usias se amay i Jotam.
Si Jotam se amay i Acas.
Si Acas se amay i Esekias.
10Si Esekias se amay i Manases.
Si Manases se amay i Amon.
Si Amon se amay i Josias.
11Si Josias se amay i Jeconias aw menge kedowa din.
Dinakep dan sipat menge doma dan Judiyo aw inibing dan doton te mediyò ogpeanan te Babilonya.
12Penga te peg-ibing kandan doton te Babilonya, migbatà si Jeconias ki Salatiel.
Si Salatiel se amay i Sorobabel.
13Si Sorobabel se amay i Abiud.
Si Abiud se amay i Eliakim.
Si Eliakim se amay i Asor.
14Si Asor se amay i Sadoc.
Si Sadoc se amay i Akim.
Si Akim se amay i Eliud.
15Si Eliud se amay i Eleasar.
Si Eleasar se amay i Matan.
Si Matan se amay i Jacob.
16Si Jacob se amay i Jose.
Si Jose se esawa i Maria inay i Jesus.
Si Jesus se ginulal Misiyas insogò te Timanem.
17Nayan, lekat ki Abraham lamig ki David, sempolò teg epat kebelikwat se pamilya migpetondogay. Lekat ki David lamig te peg-ibing te menge Judiyo doton te Babilonya, sempolò teg epat heman kebelikwat se pamilya migpetondogay. Lekat te peg-ibing kandan doton te Babilonya lamig te pegtebaw te Misiyas, sempolò teg epat heman kebelikwat se pamilya migpetondogay.
Pegtebaw i Jesus
Mat. 1:18-25; Luc. 2:1-7
18Nayan, seini se indan-indan tepad te pegtebaw i Jesu Cristo. Si Maria se inay din, aw doen salà din si Jose. Te wedà dan pa peipiday, netegahan i Maria te miglaman sikandin pineokit te Espiritu Santo. 19Mèpiya otaw se salà din si Jose. Pegketaga-taga din te miglaman den si Maria, mig-aneng-aneng sikandin te eked den ipid ki Maria. Ibeg i Jose osayen dan te wedad metaga-taga amon eked keyàyà si Maria. 20Meneng dalem pa te peg-aneng-aneng din kenyan, doen anghil te Timanem migpekità diyà kandin pineokit te tegeinep, aw minikagi, “Jose, bowad-bowad i David, ikà eg-eked te peg-ipid no ki Maria, so miglaman sikandin pineokit te Espiritu Santo. 21Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”
22Neinang iyan amon metoman se tapay inikagi te telekeliwat te kagi te Timanem gebii, kagi din,
23“Na, meglaman se laga aw tomebaw se batà meama ingedanan ki Emmanuel.” (Se kelebadan niyan, “Dini den se Timanem doma kenitadon.”)
24Pegkeloka i Jose, timolò sikandin te impunù te anghil te Timanem kandin, aw minipid sikandin ki Maria. 25Meneng wedà dan pegpeleyokay lamig timebaw se batà. Iningedanan i Jose se batà ki Jesus.
Currently Selected:
Mat. 1: mbs
Highlight
Share
Copy
Want to have your highlights saved across all your devices? Sign up or sign in
© 1982, Wycliffe Bible Translators, Inc. All rights reserved.
Mat. 1
1
Menge kemonaan i Jesus
Mat. 1:1-17; Luc. 3:23-38
1Seini se ngadan te menge kemonaan i Jesu Cristo. Si Jesus se sebad diyà te menge bowad-bowad i David, aw menge bowad-bowad i Abraham.
2Si Abraham se amay i Isaac.
Si Isaac se amay i Jacob.
Si Jacob se amay i Juda aw menge kedowa din.
3Si Juda se amay i Fares aw si Sara. Si Tamar se inay dan.
Si Fares se amay i Esrom.
Si Esrom se amay i Aram.
4Si Aram se amay i Aminadab.
Si Aminadab se amay i Naason.
Si Naason se amay i Salmon.
5Si Salmon se amay i Boos, aw si Rahab se inay din.
Si Boos se amay i Obed, aw si Ruth se inay din.
Si Obed se amay i Isai.
6Si Isai se amay te selotan si David.
Si David se amay i Solomon, aw inay din se esawa i Uria inagaw i David.
7Si Solomon se amay i Roboam.
Si Roboam se amay i Abias.
Si Abias se amay i Asa.
8Si Asa se amay i Josafat.
Si Josafat se amay i Joram.
Si Joram se amay i Usias.
9Si Usias se amay i Jotam.
Si Jotam se amay i Acas.
Si Acas se amay i Esekias.
10Si Esekias se amay i Manases.
Si Manases se amay i Amon.
Si Amon se amay i Josias.
11Si Josias se amay i Jeconias aw menge kedowa din.
Dinakep dan sipat menge doma dan Judiyo aw inibing dan doton te mediyò ogpeanan te Babilonya.
12Penga te peg-ibing kandan doton te Babilonya, migbatà si Jeconias ki Salatiel.
Si Salatiel se amay i Sorobabel.
13Si Sorobabel se amay i Abiud.
Si Abiud se amay i Eliakim.
Si Eliakim se amay i Asor.
14Si Asor se amay i Sadoc.
Si Sadoc se amay i Akim.
Si Akim se amay i Eliud.
15Si Eliud se amay i Eleasar.
Si Eleasar se amay i Matan.
Si Matan se amay i Jacob.
16Si Jacob se amay i Jose.
Si Jose se esawa i Maria inay i Jesus.
Si Jesus se ginulal Misiyas insogò te Timanem.
17Nayan, lekat ki Abraham lamig ki David, sempolò teg epat kebelikwat se pamilya migpetondogay. Lekat ki David lamig te peg-ibing te menge Judiyo doton te Babilonya, sempolò teg epat heman kebelikwat se pamilya migpetondogay. Lekat te peg-ibing kandan doton te Babilonya lamig te pegtebaw te Misiyas, sempolò teg epat heman kebelikwat se pamilya migpetondogay.
Pegtebaw i Jesus
Mat. 1:18-25; Luc. 2:1-7
18Nayan, seini se indan-indan tepad te pegtebaw i Jesu Cristo. Si Maria se inay din, aw doen salà din si Jose. Te wedà dan pa peipiday, netegahan i Maria te miglaman sikandin pineokit te Espiritu Santo. 19Mèpiya otaw se salà din si Jose. Pegketaga-taga din te miglaman den si Maria, mig-aneng-aneng sikandin te eked den ipid ki Maria. Ibeg i Jose osayen dan te wedad metaga-taga amon eked keyàyà si Maria. 20Meneng dalem pa te peg-aneng-aneng din kenyan, doen anghil te Timanem migpekità diyà kandin pineokit te tegeinep, aw minikagi, “Jose, bowad-bowad i David, ikà eg-eked te peg-ipid no ki Maria, so miglaman sikandin pineokit te Espiritu Santo. 21Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”
22Neinang iyan amon metoman se tapay inikagi te telekeliwat te kagi te Timanem gebii, kagi din,
23“Na, meglaman se laga aw tomebaw se batà meama ingedanan ki Emmanuel.” (Se kelebadan niyan, “Dini den se Timanem doma kenitadon.”)
24Pegkeloka i Jose, timolò sikandin te impunù te anghil te Timanem kandin, aw minipid sikandin ki Maria. 25Meneng wedà dan pegpeleyokay lamig timebaw se batà. Iningedanan i Jose se batà ki Jesus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1982, Wycliffe Bible Translators, Inc. All rights reserved.