Ñwaè' Taitoès 3
3
1Kuushi bèe enɛ wowèe a yu'ni nè bèe ce a ce sa' wowèe ba bèe ce a yu btu mnta' nè wowèe. Wowèe a yu'ni nè bèe ca ker tami nyor à rgèe njɛ̀ɛ rfà' ce li ka' ba yɛɛnì. 2Wowèe a fa làa yuu bebep àmbò ŋwɛ̀ mò' ka, borni mlap, gee buu nè rbonì-ŋwɛ̀, ba mʉfɛ̀ɛ à yap ŋgèe nè bèe wɛɛwɛ, à nfè' wɛɛwɛ. 3À m ba entombì wer wèr foŋ à ba blʉr, a tee btu. Wèr à m dà' nduunjì. Wèr à m ba bkwàa nè buu wɛɛwɛ ce yèr nyor à m kòŋ. Mer mkwà'shì mi m ba mmbembep, wèr à ce ko'ndoŋ nè bèe, bèe a mmbaa wèr, wèr à baa wowèe foŋ. 4À ka' ba mbe nfè' mò', Nyʉ̀ ce e yu yìsèe ŋwɛ̀ rjà' à duŋshì sèe yi ŋgěe bòŋboŋ ba li rkòŋnì, 5a ja' sèe. E m jà' sèe njo' buu bbòŋboŋ mo' ce sèe à m gèe ka'. À m ba njo' yì ŋkoosimnse. E m sù'si visèe mntee vi ba brara, a fa sèe ryǒŋ rfi, yi yʉ' yi gee sèe à ba běe bfi. 6À ka' ba njo' yuu ce Jisòs Krǎis ce e yu yìsèe ŋwɛ̀ rjà' à m gèe, e fa sèe yi yʉ' sê, 7tɛ sèe bo ba byɛɛnì à bsii Nyʉ̀ njo' yi ŋgěe bòŋboŋ, lò koni ryòŋ ce nfesè ce sèe ce kè' nà. 8Nlàa ca yu nlǎa mini. M ce kòŋ enɛ à laa buu ca tatap sê, tɛ bèe ce a byemi nè Nyʉ̀ a bo lòr nfè' ce gèe ba buu bbòŋboŋ. Buu ca vi yu byɛɛnì, sɛ' à ba njo nè ŋwɛ̀ wɛɛwɛ. 9Fa sɛr mnsɛr blʉr ka'. Fa càasi nfè' à rbè' bràrà bèe ce a m kweŋger ka', fa ba ŋwɛ̀ mlap ka', fa ce sɛr mnsɛr àmbò mncir ce Nyʉ̀ à m fa nè Musìs nà ka'. Njɛ̀ɛ buu ca yu buu bcicì, sɛ' à ba njo ka'. 10Ŋwɛ̀ à ka' sɛr yuu ce à ce yɛ'ni, à cep ye. E ka' tɛ yu' ka' à ker cep ye. Wɛ̀ ka' cep ye nfè' baa e ke' yu' ka', à fa tʉr yuu mo' à rgèe wèe ye ka'. 11Rìŋ enɛ mkwà'shì njɛ̀ɛ ŋwɛ̀ ca mi jep, e ce gèe buu bbebep, a lor ndòo mbe yě tù.
12M be tuu Àtimà kɛ Tàikokòs ɛ̀, tɛ e vʉ yɛ wɛ̀. E ka' vʉ ba', à vʉ cɛrcɛr sê, vʉ yɛ mɛ̀ à rla' Nìkapolìs njobè' mɛ̀ kwà'shi enɛ m be cu à rla' ca tɛ lùu yi she. 13Ghèter ja' Sɛnàs ce e riŋ mncir se nà, ker ja' Àpolòs à rjɛ̀r ce wowèe a ce tami nyor à rjɛ̀r nà, yɛ enɛ wowèe a tʉr buu ce vi be jà' wowèe à rjɛ̀r anà. 14Gèe tɛ yìsèe bèe a lor yàp nfè' ce gèe ba buu bbòŋboŋ tɛ wowèe a bo koni buu ce vi be jà' wowèe kèr jà' bèe mo' foŋ. Wowèe a fa lòr yàp nfè' bʉsi ba à cicì ka'. 15Bèe wɛɛwɛ ce wèr wowèe yu àfa a cà'ni wɛ̀. Cà'ni bèe wɛɛwɛ ce sèe wowèe à byemi nè Jisos Krâis, wowèe a kòŋ wèr nà. M ce loo mɛnɛ Nyʉ̀ tʉr wèe wɛɛwɛ à ntee bòŋboŋ.
Currently Selected:
Ñwaè' Taitoès 3: LNT
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Taitoès 3
3
1Kuushi bèe enɛ wowèe a yu'ni nè bèe ce a ce sa' wowèe ba bèe ce a yu btu mnta' nè wowèe. Wowèe a yu'ni nè bèe ca ker tami nyor à rgèe njɛ̀ɛ rfà' ce li ka' ba yɛɛnì. 2Wowèe a fa làa yuu bebep àmbò ŋwɛ̀ mò' ka, borni mlap, gee buu nè rbonì-ŋwɛ̀, ba mʉfɛ̀ɛ à yap ŋgèe nè bèe wɛɛwɛ, à nfè' wɛɛwɛ. 3À m ba entombì wer wèr foŋ à ba blʉr, a tee btu. Wèr à m dà' nduunjì. Wèr à m ba bkwàa nè buu wɛɛwɛ ce yèr nyor à m kòŋ. Mer mkwà'shì mi m ba mmbembep, wèr à ce ko'ndoŋ nè bèe, bèe a mmbaa wèr, wèr à baa wowèe foŋ. 4À ka' ba mbe nfè' mò', Nyʉ̀ ce e yu yìsèe ŋwɛ̀ rjà' à duŋshì sèe yi ŋgěe bòŋboŋ ba li rkòŋnì, 5a ja' sèe. E m jà' sèe njo' buu bbòŋboŋ mo' ce sèe à m gèe ka'. À m ba njo' yì ŋkoosimnse. E m sù'si visèe mntee vi ba brara, a fa sèe ryǒŋ rfi, yi yʉ' yi gee sèe à ba běe bfi. 6À ka' ba njo' yuu ce Jisòs Krǎis ce e yu yìsèe ŋwɛ̀ rjà' à m gèe, e fa sèe yi yʉ' sê, 7tɛ sèe bo ba byɛɛnì à bsii Nyʉ̀ njo' yi ŋgěe bòŋboŋ, lò koni ryòŋ ce nfesè ce sèe ce kè' nà. 8Nlàa ca yu nlǎa mini. M ce kòŋ enɛ à laa buu ca tatap sê, tɛ bèe ce a byemi nè Nyʉ̀ a bo lòr nfè' ce gèe ba buu bbòŋboŋ. Buu ca vi yu byɛɛnì, sɛ' à ba njo nè ŋwɛ̀ wɛɛwɛ. 9Fa sɛr mnsɛr blʉr ka'. Fa càasi nfè' à rbè' bràrà bèe ce a m kweŋger ka', fa ba ŋwɛ̀ mlap ka', fa ce sɛr mnsɛr àmbò mncir ce Nyʉ̀ à m fa nè Musìs nà ka'. Njɛ̀ɛ buu ca yu buu bcicì, sɛ' à ba njo ka'. 10Ŋwɛ̀ à ka' sɛr yuu ce à ce yɛ'ni, à cep ye. E ka' tɛ yu' ka' à ker cep ye. Wɛ̀ ka' cep ye nfè' baa e ke' yu' ka', à fa tʉr yuu mo' à rgèe wèe ye ka'. 11Rìŋ enɛ mkwà'shì njɛ̀ɛ ŋwɛ̀ ca mi jep, e ce gèe buu bbebep, a lor ndòo mbe yě tù.
12M be tuu Àtimà kɛ Tàikokòs ɛ̀, tɛ e vʉ yɛ wɛ̀. E ka' vʉ ba', à vʉ cɛrcɛr sê, vʉ yɛ mɛ̀ à rla' Nìkapolìs njobè' mɛ̀ kwà'shi enɛ m be cu à rla' ca tɛ lùu yi she. 13Ghèter ja' Sɛnàs ce e riŋ mncir se nà, ker ja' Àpolòs à rjɛ̀r ce wowèe a ce tami nyor à rjɛ̀r nà, yɛ enɛ wowèe a tʉr buu ce vi be jà' wowèe à rjɛ̀r anà. 14Gèe tɛ yìsèe bèe a lor yàp nfè' ce gèe ba buu bbòŋboŋ tɛ wowèe a bo koni buu ce vi be jà' wowèe kèr jà' bèe mo' foŋ. Wowèe a fa lòr yàp nfè' bʉsi ba à cicì ka'. 15Bèe wɛɛwɛ ce wèr wowèe yu àfa a cà'ni wɛ̀. Cà'ni bèe wɛɛwɛ ce sèe wowèe à byemi nè Jisos Krâis, wowèe a kòŋ wèr nà. M ce loo mɛnɛ Nyʉ̀ tʉr wèe wɛɛwɛ à ntee bòŋboŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.