Ñwaè' Fileèpaêi 2
2
1Wèe rìŋ enɛ wèe à tarshi wèe Krǎis wèe. Mbò rtarshì anà li gèe wèe à tʉr ŋger a? Mbò ntee yi fʉte wèe njobè' Krǎis kòŋ wèe a? Mbò wèe yu àbee wèe Yʉ' Rara wèe a? Mbò wèe tʉr mntee bbòŋboŋ a ce koosimnse àgho a? 2Banɛ wèe kwa'shi yuu yi mo'sir, koŋni a wěe mʉ, tʉr cǔu mo'sir; wee gèe wa' nà, m bo mìsi lu'shi. 3Wèe fa gèe yuu njo' ŋwɛ̀ ce ròo à rcàa ŋwɛ̀ ka', kɛ̀ njo' ŋwɛ̀ ce kòŋ à rnàa nyor ka'. Ŋwɛ̀ wɛɛwɛ lor yi tu njep nshè, yɛ enɛ ŋwɛ̀ mò' à càa ye. 4Ŋwɛ̀ fa kù ce kwà'shi ba àmbò yi tu ka', ŋwɛ̀ wɛɛwɛ kwa'shi àmbò bèe mo' foŋ. 5Yè ndèe à ba ba àmbo yì Jisos Krâis.
6E m ba àmbò Nyʉ̀ yu nà, a ka' ba wa'a,
a ke' ce ghèter enɛ e be kù cu àmbò Nyʉ̀ yu nà ka'.
7E m mà'shi nta' gòr ca, a lor yi tu njep nshè a ba àmbò ŋkwàa wa'a.
A m bi ye à ŋwɛ̀.
8E ka' ba ŋwɛ̀ wa'a, a ker lor yi tu njep nshè
a yu'ni nè Nyʉ̀ a byemi à rkwe;
a ka' kwe a kwe ba rkwe ce embe kìntaa.
9A mbùu ce Nyʉ̀ à nàa ye mbekì,
a fa ye rlii ce li càa mlii wɛɛwɛ,
10enɛ buu wɛɛwɛ ba bèe wɛɛwɛ ce a yu mbe bùu, a ker ba mbe tunshe,
ker ba bèe ce a yu mbà yir a yu' rlii Jisòs bo gʉ'shi,
11suŋ enɛ Jisos Krǎis yu Tàr,
tɛ bkù'sì vi ba nè Nyʉ̀ Tàr.
12Bkar wâ, banɛ yi bòŋ enɛ wèe yu'ni nè mɛ̀ sè'ni ce m yu njìsàp na, yu'ni nè caa àmbò wèe à m ce yu'ni nè mɛ̀ à nfè' ce sèe à m ba nà. Wèe ku ce fa', ce kaŋ nè rwɛp-ŋwɛ̀ tɛ wèe bo mìsi koni rlùŋ. 13Yu Nyʉ̀ ce e ce fà' njep wěe mntee, a ce gèe enɛ wèe koŋ à rgèe yuu ce e ce ròo, à ker ba ye ce e ce fa wèe ŋger à rgèe yuu anà. 14Wèe ka' ce gèe ka' njɛ̀ɛ kɛ, wèe fa ce rʉ̀ʉrʉ ka', 15fà dì' yuu yi bo ba ce a taa wèe àtu mo ka', tɛ wee mntee vi ba brara. Gèe nè wa'a tɛ wèe bo ba boo Nyʉ̀ ce a tʉr fàa ka', a ce cu à mʉ̀ ŋgǎa bsàrbuu, a ce raa à wǎp mʉ àmbò mkàŋsì wa'a. 16Wèe ce gee tɛ wowèe a yu' nsuŋ ce e yu àmbò ryòŋ ce nfesè. Wèe gee wa'a tɛ m bo koni yuu ce m naatu àgho, à nòŋ ce Krǎis à vʉ̀, fà dì' yi bo kè ba enɛ mɛ̀ m yʉ nyor à cicì ka'. 17Yuu ce wèe à m gèe njo' le rbyemǐ nè Jisos Krǎis yi yu àmbò taŋshì ce wèe à gèe nè Nyʉ̀. Mɛ̀ ka' ba kwe, wa blɛɛ vi misì taŋshì anà, m ku ce lu'shi lu'shi. 18Wee wèe ce lu'shi, tɛ sèe lu'shi bsìp.
19Tata Jisòs à ka' byemi, banɛ m be tuu Timotì nfè' mʉcàr, tɛ e vʉ yɛ wèe, e kʉti suŋ mɛ̀ nsuŋ àmbò wèe tɛ mɛ mɛ̀ bo lu'shi. 20Ŋwɛ̀ mò' ker ba ce e tʉr wèe njep ntee àmbò mɛ̀, caa efa Timotì ka'. 21Bèe wɛɛwɛ a ku ce kwà'shi ba àmbò wap btu, a ke' ce kwà'shi àmbò yuu ce Jisòs ce ròo ka'. 22À ka' ba àmbò Timotì, wèe ku riŋ yì ndèe. Wèe rìŋ enɛ e fà' wèr ye àmbò muu e ke fà' a yì ta nà, à rgèe enɛ Nsuŋ Mbòŋmboŋ du kùntombì. 23A mbùu ce m ce ke' mɛnɛ a ka' teni mnsa' m riŋ àmbò buu yu, m ka' tuu ye tɛ e vʉ yɛ wèe. 24M rìŋ mɛnɛ nfè' mʉcàr tɛ Tata ma'shi tɛ mɛ mɛ̀ vʉ yɛ wèe.
25Mɛ̀ yɛ mɛnɛ yi yu bòŋboŋ enɛ m tuu nfʉr yìsèe ce Ɛ̀pafròditòs tɛ e kʉti vʉ̀ yɛ wèe. E yu ŋwɛ̀ ce wèr ye ce fà' àbee, a ce mà' bìr Nyʉ̀ àbee. E yu foŋ ŋwɛ̀ ntuu ce wèe à m tuu enɛ e vʉ ja' mɛ̀. 26Cùu yi ce lùu ye à ryɛ wèe, mlù mi ce koo ye njobè' e rìŋ enɛ wèe à yu' yi yaŋ. 27Yi yu mini enɛ e m yaŋ, a ku tɛɛ yǐ ŋkwe, Nyʉ̀ à ke' byemì ka'. Nyʉ̀ à ka' kani wa'a, a koosi ba mnse nè ye, a koosi nè mɛ̀ foŋ, njobè' e m ba kwe kwe, yà ŋgɛ' à ba bɛ̀r. 28A mbùu ce m ce kòŋ enɛ m tuu ye tɛ e vʉ yɛ wèe, tɛ wèe bo lu'shi à ryɛ ye tɛ ntee yi bo fʉte mɛ̀ foŋ. 29Koni nè ye bòŋboŋ nè rlu'shì-ŋwɛ̀ àmbò nfʉr wèe ce wèe wowèe yu àbee wèe Tata Jisòs wèe. Yi bòŋ enɛ wèe gʉ'shi nè njɛ̀ɛ ŋwɛ̀ àmbò ye anà. 30À m bɛr mʉcàr e m ba kwe njo' rfà' ce e m ce gèe nè Jisos Krâis. E m tami nyor à rkwe tɛ e bo jà' mɛ̀ a wěe btù.
Currently Selected:
Ñwaè' Fileèpaêi 2: LNT
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Fileèpaêi 2
2
1Wèe rìŋ enɛ wèe à tarshi wèe Krǎis wèe. Mbò rtarshì anà li gèe wèe à tʉr ŋger a? Mbò ntee yi fʉte wèe njobè' Krǎis kòŋ wèe a? Mbò wèe yu àbee wèe Yʉ' Rara wèe a? Mbò wèe tʉr mntee bbòŋboŋ a ce koosimnse àgho a? 2Banɛ wèe kwa'shi yuu yi mo'sir, koŋni a wěe mʉ, tʉr cǔu mo'sir; wee gèe wa' nà, m bo mìsi lu'shi. 3Wèe fa gèe yuu njo' ŋwɛ̀ ce ròo à rcàa ŋwɛ̀ ka', kɛ̀ njo' ŋwɛ̀ ce kòŋ à rnàa nyor ka'. Ŋwɛ̀ wɛɛwɛ lor yi tu njep nshè, yɛ enɛ ŋwɛ̀ mò' à càa ye. 4Ŋwɛ̀ fa kù ce kwà'shi ba àmbò yi tu ka', ŋwɛ̀ wɛɛwɛ kwa'shi àmbò bèe mo' foŋ. 5Yè ndèe à ba ba àmbo yì Jisos Krâis.
6E m ba àmbò Nyʉ̀ yu nà, a ka' ba wa'a,
a ke' ce ghèter enɛ e be kù cu àmbò Nyʉ̀ yu nà ka'.
7E m mà'shi nta' gòr ca, a lor yi tu njep nshè a ba àmbò ŋkwàa wa'a.
A m bi ye à ŋwɛ̀.
8E ka' ba ŋwɛ̀ wa'a, a ker lor yi tu njep nshè
a yu'ni nè Nyʉ̀ a byemi à rkwe;
a ka' kwe a kwe ba rkwe ce embe kìntaa.
9A mbùu ce Nyʉ̀ à nàa ye mbekì,
a fa ye rlii ce li càa mlii wɛɛwɛ,
10enɛ buu wɛɛwɛ ba bèe wɛɛwɛ ce a yu mbe bùu, a ker ba mbe tunshe,
ker ba bèe ce a yu mbà yir a yu' rlii Jisòs bo gʉ'shi,
11suŋ enɛ Jisos Krǎis yu Tàr,
tɛ bkù'sì vi ba nè Nyʉ̀ Tàr.
12Bkar wâ, banɛ yi bòŋ enɛ wèe yu'ni nè mɛ̀ sè'ni ce m yu njìsàp na, yu'ni nè caa àmbò wèe à m ce yu'ni nè mɛ̀ à nfè' ce sèe à m ba nà. Wèe ku ce fa', ce kaŋ nè rwɛp-ŋwɛ̀ tɛ wèe bo mìsi koni rlùŋ. 13Yu Nyʉ̀ ce e ce fà' njep wěe mntee, a ce gèe enɛ wèe koŋ à rgèe yuu ce e ce ròo, à ker ba ye ce e ce fa wèe ŋger à rgèe yuu anà. 14Wèe ka' ce gèe ka' njɛ̀ɛ kɛ, wèe fa ce rʉ̀ʉrʉ ka', 15fà dì' yuu yi bo ba ce a taa wèe àtu mo ka', tɛ wee mntee vi ba brara. Gèe nè wa'a tɛ wèe bo ba boo Nyʉ̀ ce a tʉr fàa ka', a ce cu à mʉ̀ ŋgǎa bsàrbuu, a ce raa à wǎp mʉ àmbò mkàŋsì wa'a. 16Wèe ce gee tɛ wowèe a yu' nsuŋ ce e yu àmbò ryòŋ ce nfesè. Wèe gee wa'a tɛ m bo koni yuu ce m naatu àgho, à nòŋ ce Krǎis à vʉ̀, fà dì' yi bo kè ba enɛ mɛ̀ m yʉ nyor à cicì ka'. 17Yuu ce wèe à m gèe njo' le rbyemǐ nè Jisos Krǎis yi yu àmbò taŋshì ce wèe à gèe nè Nyʉ̀. Mɛ̀ ka' ba kwe, wa blɛɛ vi misì taŋshì anà, m ku ce lu'shi lu'shi. 18Wee wèe ce lu'shi, tɛ sèe lu'shi bsìp.
19Tata Jisòs à ka' byemi, banɛ m be tuu Timotì nfè' mʉcàr, tɛ e vʉ yɛ wèe, e kʉti suŋ mɛ̀ nsuŋ àmbò wèe tɛ mɛ mɛ̀ bo lu'shi. 20Ŋwɛ̀ mò' ker ba ce e tʉr wèe njep ntee àmbò mɛ̀, caa efa Timotì ka'. 21Bèe wɛɛwɛ a ku ce kwà'shi ba àmbò wap btu, a ke' ce kwà'shi àmbò yuu ce Jisòs ce ròo ka'. 22À ka' ba àmbò Timotì, wèe ku riŋ yì ndèe. Wèe rìŋ enɛ e fà' wèr ye àmbò muu e ke fà' a yì ta nà, à rgèe enɛ Nsuŋ Mbòŋmboŋ du kùntombì. 23A mbùu ce m ce ke' mɛnɛ a ka' teni mnsa' m riŋ àmbò buu yu, m ka' tuu ye tɛ e vʉ yɛ wèe. 24M rìŋ mɛnɛ nfè' mʉcàr tɛ Tata ma'shi tɛ mɛ mɛ̀ vʉ yɛ wèe.
25Mɛ̀ yɛ mɛnɛ yi yu bòŋboŋ enɛ m tuu nfʉr yìsèe ce Ɛ̀pafròditòs tɛ e kʉti vʉ̀ yɛ wèe. E yu ŋwɛ̀ ce wèr ye ce fà' àbee, a ce mà' bìr Nyʉ̀ àbee. E yu foŋ ŋwɛ̀ ntuu ce wèe à m tuu enɛ e vʉ ja' mɛ̀. 26Cùu yi ce lùu ye à ryɛ wèe, mlù mi ce koo ye njobè' e rìŋ enɛ wèe à yu' yi yaŋ. 27Yi yu mini enɛ e m yaŋ, a ku tɛɛ yǐ ŋkwe, Nyʉ̀ à ke' byemì ka'. Nyʉ̀ à ka' kani wa'a, a koosi ba mnse nè ye, a koosi nè mɛ̀ foŋ, njobè' e m ba kwe kwe, yà ŋgɛ' à ba bɛ̀r. 28A mbùu ce m ce kòŋ enɛ m tuu ye tɛ e vʉ yɛ wèe, tɛ wèe bo lu'shi à ryɛ ye tɛ ntee yi bo fʉte mɛ̀ foŋ. 29Koni nè ye bòŋboŋ nè rlu'shì-ŋwɛ̀ àmbò nfʉr wèe ce wèe wowèe yu àbee wèe Tata Jisòs wèe. Yi bòŋ enɛ wèe gʉ'shi nè njɛ̀ɛ ŋwɛ̀ àmbò ye anà. 30À m bɛr mʉcàr e m ba kwe njo' rfà' ce e m ce gèe nè Jisos Krâis. E m tami nyor à rkwe tɛ e bo jà' mɛ̀ a wěe btù.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.