Ñwaè' Mfaè' Ñgaâa Ntuu Jisoès 15
15
1Bèe mo' a m lǒ Jùdiyà a vʉ a ce yɛ'ni bfʉr enɛ̂, “A ka' tɛ gèe wèe bʉ̀ àmbò ncir Musìs yi làa ka', àde' wèe konì rlùŋ ka'.” 2Ca yi m gèe Pol ba Bànabàs a ba à yuu yi mo'sir a wowèe ka' koo mʉcàr, a sɛr nsɛr a wowèe. Yi ka' ba wa'a, ŋgǎa cor a ce Pol ba Bànabàs, ba bèe mo', enɛ a du à rla' Jɛ̀rusalɛ̀m, yɛ ŋgǎa ntuu Jisòs ba btu embe cor enɛ a wowèe a seesi yuu ce a be gèe. 3Cor à ka' tuu wowèe wa'a, wowèe a du a caa à ŋgǒŋ Fònishà ba Sàmarìyà, a suŋ bèe enɛ bèe enje jɛɛ a kupse, a byemi nè Nyʉ̀. Nsuŋ ca à m gèe bfʉr wɛɛwɛ a lu'shì sê. 4Wowèe a ka' bà' à rla' Jɛ̀rusalɛ̀m, cor ba ŋgǎa ntuu Jisòs ker ba btu embe cor a konì wowèe. Pol wèe a suŋ wowèe buu ce Nyʉ̀ a gèe njì enjep wowèe. 5Bèe mo' efa mʉ̀ Farìsi ce a m byemi, a m natì mbekì a laa enɛ̂, “Yi yu enɛ bèe enje jɛɛ a ku tʉr à rgèe bʉ̀, tɛ a ker suŋ wowèe enɛ wowèe a lɛ mncir Musìs.”
6Ŋgǎa ntuu Jisòs ba btu embe cor a m cute, tɛ a bo sèesi yuu ce a be gèe. 7Wowèe a ka' lòr ku' nfè', sèesi yuu ce a be gèe, Pità à natì mbekì a laa nè wowèe enɛ̂, “Bfʉr wâ, wèe rìŋ enɛ à m ba efa rkɛ̀', Nyʉ̀ à ce mɛ̀ tɛ bèe enje jɛɛ a bo yu' Nsuŋ Mbòŋmboŋ eku mɛ̌ cùu, byemi. 8Nyʉ̀ ce e rìŋ yuu ce yi yu njep ntee ŋwɛ̀ wɛɛwɛ à m dùŋshi enɛ e m koo wowèe à njɛ̀ɛ njì ce e fa Yʉ' Rara nè wowèe àmbò e m fa nè sèe foŋ nà. 9E m ker yɛ wowèe a ba jɛɛ efa sèe ka'. E m gèe wap mntee vi ba brara foŋ njo' lap rbyemì. 10À ka' ba njokɛ sè'ni ce wèe ce kòŋ à rmòoshi Nyʉ̀ à njɛ̀ɛ njì ce wèe ce lɛ̀ ntɛ̀r mbendù ŋgǎa yɛ'ni buu Jisòs, ce ka' wèr kɛ̀ wer bta ɛ̀, a m tʉr ŋger à rbyɛ̀' ka'. 11Sèe à byemi enɛ yu ba njo' ntee bòŋboŋ Tata Jisòs ce sèe be kè lùŋ àmbò wowèe a be kè lùŋ njo' li foŋ nà.” 12Bèe wɛɛwɛ a m cu mʉnyaŋ a ce yu'shi yuu ce Bànabàs ba Pol a m ce suŋ kuu mncòo ba buu bbɛ̀ɛ ce Nyʉ̀ à m gèe à mʉ̀ bèe enje jɛɛ njì enjep wowèe.
13Wowèe a ka' làa mìsi, Jɛms à beesì enɛ̂, “Bfʉr wâ, yu' nè yuu ce m be làa. 14Saimʉ̀n à suŋ àmbò Nyʉ̀ à m kɛ̀' a duŋshi ntee ce e m lɛ̀ njep bèe enje jɛɛ a fʉr bèe mo' efa wowèe à yì bèe. 15Yuu ce e làa na yi ghɛɛte à yuu ce ŋgǎa ncep ntuu Nyʉ̀ a m làa. A saŋ mbe Ŋwǎ' Nyʉ̀ enɛ̂,
16Ca yi be càa wɛɛ,
tɛ m kʉti, bà'ri ndap Dɛvìd ce e gwè.
M be bà'ri ndap ce e sà'ŋger na,
gèe tɛ e ba àmbò e m ba,
17tɛ bɛr bèe ce yu bèe enje jɛ̀ɛ ce mɛ̀ gèe wowèe a ba yà bèe a bo ròo Tatâ.
18Ca ce làa ba Tata ce e m gèe bèe a riŋ ca elǔuŋgòŋ sê.
19Mɛ̀ yɛ ya mɛnɛ sèe fa gèe tɛ buu ba btatap nè bèe enje jɛɛ ce a ce kupse ce byemi nè Nyʉ̀ nà ka'. 20Sèe à ba saŋ ba ŋwà' nè wowèe, suŋ wowèe enɛ wowèe a fa ye byee ce a fa nè mnyʉ̀ enjep ŋgòŋ na ka', borni bsàkì, ker borni efa rye mnyàa ce a toosi mndoŋ efa gho, vi kweŋgèr, ker borni efa rno blɛɛ. 21To a fè'shi buu embe mncir Musìs à mla' wɛɛwɛ à bfè' àŋgoo, a ce bè' buu anà à mndap mloo à mmbomntaa wɛɛwɛ.”
22Ŋgǎa ntuu Jisòs ker ba btu embe cor ba cor wɛɛwɛ, a yɛ enɛ yi yu bòŋboŋ à rce bèe mò' efa wǎp mʉ, tɛ a bo tuu wowèe a Pol wèe à rla' Antìyòk. Wowèe a m ce Judàs ce li rlii mo' li m ba enɛ Bàsabàs, ker ba Silàs. Wowèe a m ba boo mlii à mʉ bfʉr. 23A m tuu wowèe nè ŋwà' ce a m saŋ enɛ̂,
“Ŋgǎa ntuu Jisos ba btu embe cor ce a yu bfʉr wee a saŋ ŋwà' ca, a ca'ni bfʉr enje jɛɛ ce a ce cu à rla' Antìyòk, ba Sirìyà, ker ba Sìlesìyà. 24Wèr à yu' wernɛ bèe mo' a lǒ efa wěr mʉ a jepsi wèe nè buu ce wowèe a m làa, wèe à riŋ yuu ce wèe tɛɛ mbendù mo ka'. Wèr à m fa wowèe ŋger à rlàa buu anà ka'. 25Wèr à ka' yu', a yɛ enɛ yi yu bòŋboŋ nè wèr à rce bèe, tuu tɛ a vʉ yɛ wèe. Wowèe a be vʉ̀ a Bànabàs ba Pol ce yu bkar wer sê, 26à ba bèe ce a tami nyor à rkwe àtu yìsèe Tata Jisos Krâis. 27Banɛ wèr ce tuu Judàs ba Silàs. Wowèe a be suŋ wèe buu ce wèr à saŋ na, nè yap cùu foŋ. 28Yʉ' Rara yi yɛ, wer wèr foŋ à yɛ enɛ yi yu bòŋboŋ enɛ wèr ker lɛ ntɛ̀r mo' mbe wěe ndù caa efa mʉ mncir ce wèr be suŋ wèe enɛ wèe lɛ na ka'. 29Wèe fa ye byee ce a fa nè mnyʉ̀ enjep ŋgòŋ na ka'. Wèe fa no blɛɛ ka'. Wèe fa ye mnyàa ce a toosi mndoŋ efa gho vi kweŋgèr ka', ker borni bsàkì. Wèe à ka' borni buu ca, banɛ wèe à gèe bòŋboŋ. Sèe à bɛr.”
30A m mà'shi wowèe, wowèe a natì a du à rla' Antìyòk, a ka' bà', a baashi ŋgǎa rbyemì wɛɛwɛ mbe dǐ' mo'sir, a fa ŋwà' anà nè wowèe. 31Wowèe a ka' bè', a lu'shi à njɛ̀ɛ ŋger ce ŋwà' anà yi fa wowèe. 32Judàs ba Silàs ce a m ba ŋgǎa ncep ntuu Nyʉ̀ foŋ, a m làa buu gòr se à rfa wowèe ŋger tɛ wowèe a bo tap. 33Wowèe a ka' cu àfo à mʉ nfè' mò', bfʉr a daasì wowèe enɛ wowèe a du bòŋboŋ, du yɛ bèe ce a m tuu wowèe. 34[Silàs à kwa'shì à rcu àfo.] 35Pol ba Bànabàs a m cu à rla' Antìyòk a ce yɛ'ni a ker ce fè'shi blǎa Tata a ku' bèe mo' wèe.
36Mʉ mnòŋ mo' vi ka' tuuse, Pol à laa nè Bànabàs enɛ̂, “Sò kʉti ca'ni bfʉr ce a yu à bbu' mla' ce sò à m fè'shi blǎa Tata àfo nà, yɛ enɛ wowèe a ku cu yɛɛnì lɛ.” 37Bànabàs à m ce kòŋ enɛ wowèe a du a Jòn Mak wèe. 38Pol à kwa'shì enɛ yi yu yɛɛnì enɛ a wowèe a du ka' njobè' Jòn Mak à m mà'shi wowèe à ŋkʉ̀ rfà' à ŋgǒŋ Pàmfilìyà a du yi yu. 39Wowèe a m ba bcùu jɛɛ jɛ̀ɛ jɛɛ sê, a gapni. Bànabàs à lor Jòn Mâk, a ye a niŋ mbe keŋ a du à to' Saipròs. 40Pol à ce Silàs, a ye a dû. Bfʉr a m fa wowèe mbe mmbo Nyʉ̀, tɛ Tata Nyʉ̀ bo kè'ni wowèe. 41E m dù a caa à ŋgǒŋ Sirìyà ba Sìlesìyà, a ka' ce càa a ce fa ŋger nè bcôr.
Currently Selected:
Ñwaè' Mfaè' Ñgaâa Ntuu Jisoès 15: LNT
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Mfaè' Ñgaâa Ntuu Jisoès 15
15
1Bèe mo' a m lǒ Jùdiyà a vʉ a ce yɛ'ni bfʉr enɛ̂, “A ka' tɛ gèe wèe bʉ̀ àmbò ncir Musìs yi làa ka', àde' wèe konì rlùŋ ka'.” 2Ca yi m gèe Pol ba Bànabàs a ba à yuu yi mo'sir a wowèe ka' koo mʉcàr, a sɛr nsɛr a wowèe. Yi ka' ba wa'a, ŋgǎa cor a ce Pol ba Bànabàs, ba bèe mo', enɛ a du à rla' Jɛ̀rusalɛ̀m, yɛ ŋgǎa ntuu Jisòs ba btu embe cor enɛ a wowèe a seesi yuu ce a be gèe. 3Cor à ka' tuu wowèe wa'a, wowèe a du a caa à ŋgǒŋ Fònishà ba Sàmarìyà, a suŋ bèe enɛ bèe enje jɛɛ a kupse, a byemi nè Nyʉ̀. Nsuŋ ca à m gèe bfʉr wɛɛwɛ a lu'shì sê. 4Wowèe a ka' bà' à rla' Jɛ̀rusalɛ̀m, cor ba ŋgǎa ntuu Jisòs ker ba btu embe cor a konì wowèe. Pol wèe a suŋ wowèe buu ce Nyʉ̀ a gèe njì enjep wowèe. 5Bèe mo' efa mʉ̀ Farìsi ce a m byemi, a m natì mbekì a laa enɛ̂, “Yi yu enɛ bèe enje jɛɛ a ku tʉr à rgèe bʉ̀, tɛ a ker suŋ wowèe enɛ wowèe a lɛ mncir Musìs.”
6Ŋgǎa ntuu Jisòs ba btu embe cor a m cute, tɛ a bo sèesi yuu ce a be gèe. 7Wowèe a ka' lòr ku' nfè', sèesi yuu ce a be gèe, Pità à natì mbekì a laa nè wowèe enɛ̂, “Bfʉr wâ, wèe rìŋ enɛ à m ba efa rkɛ̀', Nyʉ̀ à ce mɛ̀ tɛ bèe enje jɛɛ a bo yu' Nsuŋ Mbòŋmboŋ eku mɛ̌ cùu, byemi. 8Nyʉ̀ ce e rìŋ yuu ce yi yu njep ntee ŋwɛ̀ wɛɛwɛ à m dùŋshi enɛ e m koo wowèe à njɛ̀ɛ njì ce e fa Yʉ' Rara nè wowèe àmbò e m fa nè sèe foŋ nà. 9E m ker yɛ wowèe a ba jɛɛ efa sèe ka'. E m gèe wap mntee vi ba brara foŋ njo' lap rbyemì. 10À ka' ba njokɛ sè'ni ce wèe ce kòŋ à rmòoshi Nyʉ̀ à njɛ̀ɛ njì ce wèe ce lɛ̀ ntɛ̀r mbendù ŋgǎa yɛ'ni buu Jisòs, ce ka' wèr kɛ̀ wer bta ɛ̀, a m tʉr ŋger à rbyɛ̀' ka'. 11Sèe à byemi enɛ yu ba njo' ntee bòŋboŋ Tata Jisòs ce sèe be kè lùŋ àmbò wowèe a be kè lùŋ njo' li foŋ nà.” 12Bèe wɛɛwɛ a m cu mʉnyaŋ a ce yu'shi yuu ce Bànabàs ba Pol a m ce suŋ kuu mncòo ba buu bbɛ̀ɛ ce Nyʉ̀ à m gèe à mʉ̀ bèe enje jɛɛ njì enjep wowèe.
13Wowèe a ka' làa mìsi, Jɛms à beesì enɛ̂, “Bfʉr wâ, yu' nè yuu ce m be làa. 14Saimʉ̀n à suŋ àmbò Nyʉ̀ à m kɛ̀' a duŋshi ntee ce e m lɛ̀ njep bèe enje jɛɛ a fʉr bèe mo' efa wowèe à yì bèe. 15Yuu ce e làa na yi ghɛɛte à yuu ce ŋgǎa ncep ntuu Nyʉ̀ a m làa. A saŋ mbe Ŋwǎ' Nyʉ̀ enɛ̂,
16Ca yi be càa wɛɛ,
tɛ m kʉti, bà'ri ndap Dɛvìd ce e gwè.
M be bà'ri ndap ce e sà'ŋger na,
gèe tɛ e ba àmbò e m ba,
17tɛ bɛr bèe ce yu bèe enje jɛ̀ɛ ce mɛ̀ gèe wowèe a ba yà bèe a bo ròo Tatâ.
18Ca ce làa ba Tata ce e m gèe bèe a riŋ ca elǔuŋgòŋ sê.
19Mɛ̀ yɛ ya mɛnɛ sèe fa gèe tɛ buu ba btatap nè bèe enje jɛɛ ce a ce kupse ce byemi nè Nyʉ̀ nà ka'. 20Sèe à ba saŋ ba ŋwà' nè wowèe, suŋ wowèe enɛ wowèe a fa ye byee ce a fa nè mnyʉ̀ enjep ŋgòŋ na ka', borni bsàkì, ker borni efa rye mnyàa ce a toosi mndoŋ efa gho, vi kweŋgèr, ker borni efa rno blɛɛ. 21To a fè'shi buu embe mncir Musìs à mla' wɛɛwɛ à bfè' àŋgoo, a ce bè' buu anà à mndap mloo à mmbomntaa wɛɛwɛ.”
22Ŋgǎa ntuu Jisòs ker ba btu embe cor ba cor wɛɛwɛ, a yɛ enɛ yi yu bòŋboŋ à rce bèe mò' efa wǎp mʉ, tɛ a bo tuu wowèe a Pol wèe à rla' Antìyòk. Wowèe a m ce Judàs ce li rlii mo' li m ba enɛ Bàsabàs, ker ba Silàs. Wowèe a m ba boo mlii à mʉ bfʉr. 23A m tuu wowèe nè ŋwà' ce a m saŋ enɛ̂,
“Ŋgǎa ntuu Jisos ba btu embe cor ce a yu bfʉr wee a saŋ ŋwà' ca, a ca'ni bfʉr enje jɛɛ ce a ce cu à rla' Antìyòk, ba Sirìyà, ker ba Sìlesìyà. 24Wèr à yu' wernɛ bèe mo' a lǒ efa wěr mʉ a jepsi wèe nè buu ce wowèe a m làa, wèe à riŋ yuu ce wèe tɛɛ mbendù mo ka'. Wèr à m fa wowèe ŋger à rlàa buu anà ka'. 25Wèr à ka' yu', a yɛ enɛ yi yu bòŋboŋ nè wèr à rce bèe, tuu tɛ a vʉ yɛ wèe. Wowèe a be vʉ̀ a Bànabàs ba Pol ce yu bkar wer sê, 26à ba bèe ce a tami nyor à rkwe àtu yìsèe Tata Jisos Krâis. 27Banɛ wèr ce tuu Judàs ba Silàs. Wowèe a be suŋ wèe buu ce wèr à saŋ na, nè yap cùu foŋ. 28Yʉ' Rara yi yɛ, wer wèr foŋ à yɛ enɛ yi yu bòŋboŋ enɛ wèr ker lɛ ntɛ̀r mo' mbe wěe ndù caa efa mʉ mncir ce wèr be suŋ wèe enɛ wèe lɛ na ka'. 29Wèe fa ye byee ce a fa nè mnyʉ̀ enjep ŋgòŋ na ka'. Wèe fa no blɛɛ ka'. Wèe fa ye mnyàa ce a toosi mndoŋ efa gho vi kweŋgèr ka', ker borni bsàkì. Wèe à ka' borni buu ca, banɛ wèe à gèe bòŋboŋ. Sèe à bɛr.”
30A m mà'shi wowèe, wowèe a natì a du à rla' Antìyòk, a ka' bà', a baashi ŋgǎa rbyemì wɛɛwɛ mbe dǐ' mo'sir, a fa ŋwà' anà nè wowèe. 31Wowèe a ka' bè', a lu'shi à njɛ̀ɛ ŋger ce ŋwà' anà yi fa wowèe. 32Judàs ba Silàs ce a m ba ŋgǎa ncep ntuu Nyʉ̀ foŋ, a m làa buu gòr se à rfa wowèe ŋger tɛ wowèe a bo tap. 33Wowèe a ka' cu àfo à mʉ nfè' mò', bfʉr a daasì wowèe enɛ wowèe a du bòŋboŋ, du yɛ bèe ce a m tuu wowèe. 34[Silàs à kwa'shì à rcu àfo.] 35Pol ba Bànabàs a m cu à rla' Antìyòk a ce yɛ'ni a ker ce fè'shi blǎa Tata a ku' bèe mo' wèe.
36Mʉ mnòŋ mo' vi ka' tuuse, Pol à laa nè Bànabàs enɛ̂, “Sò kʉti ca'ni bfʉr ce a yu à bbu' mla' ce sò à m fè'shi blǎa Tata àfo nà, yɛ enɛ wowèe a ku cu yɛɛnì lɛ.” 37Bànabàs à m ce kòŋ enɛ wowèe a du a Jòn Mak wèe. 38Pol à kwa'shì enɛ yi yu yɛɛnì enɛ a wowèe a du ka' njobè' Jòn Mak à m mà'shi wowèe à ŋkʉ̀ rfà' à ŋgǒŋ Pàmfilìyà a du yi yu. 39Wowèe a m ba bcùu jɛɛ jɛ̀ɛ jɛɛ sê, a gapni. Bànabàs à lor Jòn Mâk, a ye a niŋ mbe keŋ a du à to' Saipròs. 40Pol à ce Silàs, a ye a dû. Bfʉr a m fa wowèe mbe mmbo Nyʉ̀, tɛ Tata Nyʉ̀ bo kè'ni wowèe. 41E m dù a caa à ŋgǒŋ Sirìyà ba Sìlesìyà, a ka' ce càa a ce fa ŋger nè bcôr.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.