Ñwaè' Mfaè' Ñgaâa Ntuu Jisoès 11
11
1Ŋgǎa ntuu Jisòs ker ba bfʉr ce a m ba à ŋgǒŋ Jùdiyà a m yu' enɛ bèe enje jɛɛ a yu' blǎa Nyʉ̀ a byemi. 2Pità à ka' dù Jɛ̀rusalɛ̀m, bèe ce a m ce làa enɛ ŋwɛ̀ gee bʉ̀ ka' ba ŋwɛ̀ rbyemì nà, a lapnì Pità, 3a laa nè ye enɛ̂, “Wɛ̀ niŋ à mndap bèe ce a gèe bʉ̀ ka', a yeŋger wèe wowèe njokɛ?” 4Pità à lor nfè' a nashi yuu ce e m gèe anà nè wowèe bòŋboŋ sê, a laa enɛ̂, 5“Mɛ̀ m ba à rla' Jopà a ce gèe rloo a yɛ njɛ̀ɛ rlo mo'. Mɛ̀ m yɛ àmbò yuu mo' yi ce sùu embe bùu àmbò ma cɛ̌' bɛ̀bɛr wa'a, a ghashì à bcùu kyèe efa gho a suusi njep nshè. Yi m sùu a mɛ̌ geŋ. 6Mɛ̀ ka' fyɛ' njo bòŋboŋ, a yɛ mnyǎa à là' ba mnyǎa à rìŋ, ker ba buu mò' àmbò mnyo ba bbar, ba bsiŋ. 7Mɛ̀ yu' àmbò njèndoŋ mò' à làa nè mɛ̀ enɛ̂, ‘Pità, nàti mbekì, shɛshi, ye.’ 8Mɛ̀ laa ya yu mɛnɛ̂, ‘Tatâ, mɛ̀ ka', yuu ce ncir yi kani bèe efa rye yi m be niŋ ku mɛ̌ cùu ka'.’ 9Njèndoŋ ca à ker laa embe bùu enɛ̂, ‘Nyʉ̀ à ka' gee yuu yi ba rara, à fa lòr yuu anà àmbò yuu ce yi raa ka' ka'.’ 10Ca yi m koni nfè' taar, a sʉŋ buu anà wɛɛwɛ a ko' àgho mbe bùu. 11À ka' ba à nfè' anà seesê, bèe a mntaar ce a m tuu à rla' Sisàriyà enɛ a vʉ yɛ mɛ̀, a vʉ a ba' mbe ndàp ce mɛ̀ m ce cu mbo. 12Yʉ' Rara yi laa nè mɛ̀ enɛ m fa wɛp à rdù wèr wowèe ka'. Bfʉr bèe ntuunfu ca a m dù wèr wowèe, wèr wowèe à ka' bà', a niŋ mbe ndàp ŋwɛ̀ anà. 13E suŋ wèr àmbò e m yɛ ncìndap Nyʉ̀ a vʉ a niŋ mbe ndàp a laa enɛ̂, ‘Tuu bèe a rla' Jopà tɛ wowèe a du vʉ̀ nè Saimʉ̀n ce li rlii mo' li yu enɛ Pità nà. 14E be suŋ wɛ̀ nsuŋ ce e be gèe tɛ wɛ̀ ker ba bèe embe wɛ̌ ndàp wɛɛwɛ a lûŋ.’ 15Mɛ̀ ka' kɛ̀' ce làa nè bèe embe ndàp anà, Yʉ' Rara yi suu mbe wǎp ndù àmbò yi m sùu mbe sěe ndù efa rkɛ̀' nà. 16Mɛ̀ kuushì nlàa ce Tata à m làa enɛ̂, ‘Jǒn à m bàptir bèe nè mdip, geewa'a, a be bàptir wèe ba nè Yʉ' Rara.’ 17Nyʉ̀ à m ka' ba fa rfa ce e m fa nè sèe mbe nfè' ce sèe à m byemi nè Tata Jisos Krǎis nà nè wowèe foŋ, mɛ̀ m ba nda ka' sɛni wèr ye?” 18Wowèe a ka' yu' ca, a ker tʉr yuu làa ka', a ku'si Nyʉ̀, a ce làa enɛ̂, “Banɛ Nyʉ̀ à mà'shi foŋ enɛ bèe enje jɛɛ a kupse, ma' yàp buu bbebep tɛ a bo koni ryòŋ.”
19Bèe ce a m da'se njobè' a m yʉ Stɛfàn, ŋgɛ' à konì cor nà, a m dù à bdì' jɛɛ jɛ̀ɛ jɛɛ. Bèe mo' a m dù à ŋgǒŋ Fònishà, bèe mo' a du à to' Saipròs, bèe mo' a du à rla' Antìyòk. Wowèe a m dù à bdì' ca wa'a, a ce fè'shi blǎa Nyʉ̀ ba nè Jus cà'cà'. 20Geewa'a, bèe mo' efa wǎp mʉ ce a m ba běe à to' Saipròs ba rla' Sàiren a m bà' à rla' Antìyòk a fe'shi blǎa Nyʉ̀ nè bèe enje jɛɛ foŋ. Wowèe a m fè'shi Nsuŋ Mbòŋmboŋ àmbò Tata Jisòs nè bèe anà. 21Ŋger Nyʉ̀ yi m ba a wowèe, bèe magòr a byemì nè Tatâ, a kupse, a ma' yàp buu bbebep. 22Nsuŋ à m niŋ mbà btù' ŋgǎa cor ce a m ba à rla' Jɛ̀rusalɛ̀m, wowèe a tuu Bànabàs enɛ e du à rla' Antìyòk. 23E ka' dù bà' yɛ rbòŋ Nyʉ̀ a wǎp mʉ, a lu'shi, a tapse wowèe, a laa nè wowèe nè ŋger-ŋwɛ̀ enɛ wowèe a ku ce yu'ni nè Tata nè ntěe mo'sir. 24E m tapse bèe anà wa'a njobè' e m ba ŋwɛ̌ mbòŋmboŋ, a ruusi nè Yʉ' Rara, a byemi sê. Ku' bèe magòr a m byemi nè Tatâ. 25Yi ka' ba wa'a, Bànabàs à natì a du à rla' Tasòs à rròo Sôl. 26A ka' yɛ ye, a lor ye a vʉ àgho à rla' Antìyòk. Wowèe a m cu a ŋgǎa cor wèe à fè' bìi, a yɛ'ni bèe magòr sê. A m kɛ̀' a too ŋgǎa yɛ'ni buu Jisòs enɛ ŋgǎa rbyemì ba à rla' Antìyòk.
27À m ba à mnòŋ anà, ŋgǎa ncep ntuu Nyʉ̀ a lǒ à rla' Jɛ̀rusalɛ̀m a du à rla' Antìyòk. 28Mò' efa wowèe ce a m ce too li rlii enɛ Àgabòs à m nàti mbekì, a laa à ŋger Yʉ' rara enɛ njè be koo à ŋgòŋ wɛɛwɛ. Ca yi m koni à nfè' ce Klǎdìyòs à m ce sa' bèe nà. 29Ŋgǎa yɛ'ni buu Jisòs a m kà'ni enɛ ŋwɛ̀ wɛɛwɛ be fa àmbò yi ŋger yi yu, tɛ a tuusi rfa anà nè bfʉr à ŋgǒŋ Jùdiyà, jà' wowèe àgho. 30Wowèe a m gèe wa'a, a tuusi rfa anà nè Bànabàs ba Sôl, enɛ wowèe a du fa nè btu embe côr.
Currently Selected:
Ñwaè' Mfaè' Ñgaâa Ntuu Jisoès 11: LNT
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Mfaè' Ñgaâa Ntuu Jisoès 11
11
1Ŋgǎa ntuu Jisòs ker ba bfʉr ce a m ba à ŋgǒŋ Jùdiyà a m yu' enɛ bèe enje jɛɛ a yu' blǎa Nyʉ̀ a byemi. 2Pità à ka' dù Jɛ̀rusalɛ̀m, bèe ce a m ce làa enɛ ŋwɛ̀ gee bʉ̀ ka' ba ŋwɛ̀ rbyemì nà, a lapnì Pità, 3a laa nè ye enɛ̂, “Wɛ̀ niŋ à mndap bèe ce a gèe bʉ̀ ka', a yeŋger wèe wowèe njokɛ?” 4Pità à lor nfè' a nashi yuu ce e m gèe anà nè wowèe bòŋboŋ sê, a laa enɛ̂, 5“Mɛ̀ m ba à rla' Jopà a ce gèe rloo a yɛ njɛ̀ɛ rlo mo'. Mɛ̀ m yɛ àmbò yuu mo' yi ce sùu embe bùu àmbò ma cɛ̌' bɛ̀bɛr wa'a, a ghashì à bcùu kyèe efa gho a suusi njep nshè. Yi m sùu a mɛ̌ geŋ. 6Mɛ̀ ka' fyɛ' njo bòŋboŋ, a yɛ mnyǎa à là' ba mnyǎa à rìŋ, ker ba buu mò' àmbò mnyo ba bbar, ba bsiŋ. 7Mɛ̀ yu' àmbò njèndoŋ mò' à làa nè mɛ̀ enɛ̂, ‘Pità, nàti mbekì, shɛshi, ye.’ 8Mɛ̀ laa ya yu mɛnɛ̂, ‘Tatâ, mɛ̀ ka', yuu ce ncir yi kani bèe efa rye yi m be niŋ ku mɛ̌ cùu ka'.’ 9Njèndoŋ ca à ker laa embe bùu enɛ̂, ‘Nyʉ̀ à ka' gee yuu yi ba rara, à fa lòr yuu anà àmbò yuu ce yi raa ka' ka'.’ 10Ca yi m koni nfè' taar, a sʉŋ buu anà wɛɛwɛ a ko' àgho mbe bùu. 11À ka' ba à nfè' anà seesê, bèe a mntaar ce a m tuu à rla' Sisàriyà enɛ a vʉ yɛ mɛ̀, a vʉ a ba' mbe ndàp ce mɛ̀ m ce cu mbo. 12Yʉ' Rara yi laa nè mɛ̀ enɛ m fa wɛp à rdù wèr wowèe ka'. Bfʉr bèe ntuunfu ca a m dù wèr wowèe, wèr wowèe à ka' bà', a niŋ mbe ndàp ŋwɛ̀ anà. 13E suŋ wèr àmbò e m yɛ ncìndap Nyʉ̀ a vʉ a niŋ mbe ndàp a laa enɛ̂, ‘Tuu bèe a rla' Jopà tɛ wowèe a du vʉ̀ nè Saimʉ̀n ce li rlii mo' li yu enɛ Pità nà. 14E be suŋ wɛ̀ nsuŋ ce e be gèe tɛ wɛ̀ ker ba bèe embe wɛ̌ ndàp wɛɛwɛ a lûŋ.’ 15Mɛ̀ ka' kɛ̀' ce làa nè bèe embe ndàp anà, Yʉ' Rara yi suu mbe wǎp ndù àmbò yi m sùu mbe sěe ndù efa rkɛ̀' nà. 16Mɛ̀ kuushì nlàa ce Tata à m làa enɛ̂, ‘Jǒn à m bàptir bèe nè mdip, geewa'a, a be bàptir wèe ba nè Yʉ' Rara.’ 17Nyʉ̀ à m ka' ba fa rfa ce e m fa nè sèe mbe nfè' ce sèe à m byemi nè Tata Jisos Krǎis nà nè wowèe foŋ, mɛ̀ m ba nda ka' sɛni wèr ye?” 18Wowèe a ka' yu' ca, a ker tʉr yuu làa ka', a ku'si Nyʉ̀, a ce làa enɛ̂, “Banɛ Nyʉ̀ à mà'shi foŋ enɛ bèe enje jɛɛ a kupse, ma' yàp buu bbebep tɛ a bo koni ryòŋ.”
19Bèe ce a m da'se njobè' a m yʉ Stɛfàn, ŋgɛ' à konì cor nà, a m dù à bdì' jɛɛ jɛ̀ɛ jɛɛ. Bèe mo' a m dù à ŋgǒŋ Fònishà, bèe mo' a du à to' Saipròs, bèe mo' a du à rla' Antìyòk. Wowèe a m dù à bdì' ca wa'a, a ce fè'shi blǎa Nyʉ̀ ba nè Jus cà'cà'. 20Geewa'a, bèe mo' efa wǎp mʉ ce a m ba běe à to' Saipròs ba rla' Sàiren a m bà' à rla' Antìyòk a fe'shi blǎa Nyʉ̀ nè bèe enje jɛɛ foŋ. Wowèe a m fè'shi Nsuŋ Mbòŋmboŋ àmbò Tata Jisòs nè bèe anà. 21Ŋger Nyʉ̀ yi m ba a wowèe, bèe magòr a byemì nè Tatâ, a kupse, a ma' yàp buu bbebep. 22Nsuŋ à m niŋ mbà btù' ŋgǎa cor ce a m ba à rla' Jɛ̀rusalɛ̀m, wowèe a tuu Bànabàs enɛ e du à rla' Antìyòk. 23E ka' dù bà' yɛ rbòŋ Nyʉ̀ a wǎp mʉ, a lu'shi, a tapse wowèe, a laa nè wowèe nè ŋger-ŋwɛ̀ enɛ wowèe a ku ce yu'ni nè Tata nè ntěe mo'sir. 24E m tapse bèe anà wa'a njobè' e m ba ŋwɛ̌ mbòŋmboŋ, a ruusi nè Yʉ' Rara, a byemi sê. Ku' bèe magòr a m byemi nè Tatâ. 25Yi ka' ba wa'a, Bànabàs à natì a du à rla' Tasòs à rròo Sôl. 26A ka' yɛ ye, a lor ye a vʉ àgho à rla' Antìyòk. Wowèe a m cu a ŋgǎa cor wèe à fè' bìi, a yɛ'ni bèe magòr sê. A m kɛ̀' a too ŋgǎa yɛ'ni buu Jisòs enɛ ŋgǎa rbyemì ba à rla' Antìyòk.
27À m ba à mnòŋ anà, ŋgǎa ncep ntuu Nyʉ̀ a lǒ à rla' Jɛ̀rusalɛ̀m a du à rla' Antìyòk. 28Mò' efa wowèe ce a m ce too li rlii enɛ Àgabòs à m nàti mbekì, a laa à ŋger Yʉ' rara enɛ njè be koo à ŋgòŋ wɛɛwɛ. Ca yi m koni à nfè' ce Klǎdìyòs à m ce sa' bèe nà. 29Ŋgǎa yɛ'ni buu Jisòs a m kà'ni enɛ ŋwɛ̀ wɛɛwɛ be fa àmbò yi ŋger yi yu, tɛ a tuusi rfa anà nè bfʉr à ŋgǒŋ Jùdiyà, jà' wowèe àgho. 30Wowèe a m gèe wa'a, a tuusi rfa anà nè Bànabàs ba Sôl, enɛ wowèe a du fa nè btu embe côr.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.