Joni 1
1
Kemo vahe fore hu'nea naneke
1Ese agafare Ke me'neane, higeno ana Kemo'a Anumzane me'ne, ana Kea e'i Anumzane. 2Ese agafarera Agra Anumzane tragoteno mani'neane. 3Maka'zana Agrake'za tro hu'ne, hagi mago'zana ru kampintira fore osu'ne, makazana Agrake tro hu'ne. 4Agripi asimura me'ne, hagi ana asimumo'a vahe'mofo Msa'e. 5Ana msamo'a hanizana remsa hunetreankino hanizamo'a agateore'ne.
6Mago nera Anumzamo huntegeno e'ne, Ana nemofo agi'a Joni'e. 7Ana ne'ma e'neana, Msamofo naneke hanigu e'ne. Ana hanige'za naneke'a nentahiza zamentinti hugahaze. 8Agra ana msa omni'ne, hanki ana msamofo naneke hu'ama hanigu e'ne.
9Agra tamage msamo ama mopafi maka vahe remsa huzmentesigu egahie. 10Ama mopafi Agra mani'ne, hagi Agra'a ama mopa tro hu'ne hu'neanagi, ama mopafi vahe'mo'za Agrira antahi'za ke'za osu'naze. 11Agra'a vaheku huno e'ne, hianagi Agri vahe'mo'za ovre'naze. 12Hianagi iza'zo nevareza Agri agifima zamentinti nehaza vahe'mokizmia, Agra'a hugnare hige'za Anumzamofo mofavre se'naze. 13Mofavremo'za arera afa zamesitero, vahe avesitero neve avesitera forera osunazanki, Anumzamo zamazeri fore hu'ne.
14Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere. 15Joni'a huama huno Agriku hu'ne. Agra kezatino amanage hu'ne, nagrama amama nehuana Agriku nehue, nagri nmage'ma ne-emo'a, nagrira nagateretfa hune. Na'ankure nagra fore osu'nogeno Agra pusante fore huno mani'neane. 16Higeta tagra ana maka'mota hakare zana Agripi avitenefinti eri'none, asunku huranteno muse zama'a agumpi agumpi huno neramie. 17Na'ankure kasegea Mosesempi tami'ne. Hagi asunku'zane tamage kea, Jisas Kraisimpi tami'ne. 18Mopafi vahe'mo'a magore huno Anumzana onketfa hu'ne. Anumzamofo mofavre magoke mani'neno, Nfa'amofo asumpinka mani'ne, Agra'a Anumzana mani'neno huama hu'ne.
Joni'a agra'agu hu'nea naneke
(Mat 3:1-12, Mak 1:1-8, Luk 3:1-18)
19Ama Joni agi agenke, Jiu kva vahe'moza, mono kva pris vahe'ene Livai vahera Jerusale kumateti huma zamantage'za antahigeku vu'za, Kagra azage? hu'za ome antahige'naze. 20Antahigageno'a, agra huama nehuno vahane osu'ne, huama huno, Nagra tmazahu nera Kraisi'na omni'noe. 21Hige'za, hagi azaga mani'nane? Ilaijago? hu'za hzageno, a'o, nagra Ilaijana omni'noe huno hige'za, kagra kasnampa nero? hu'za antahigageno, Agra kezmi nona huno i'o huno hune. 22Hurantagetama e'nona vahe ome zamasmisunku nehune. Azaga mani'nane huta kagrikura ome zamasmigahune? Kagragura azage hunka nehane? 23Agra anage hu'ne, Nagra mago Kezanke ka'ma mopafi mani'neno keza netiana Ramofo ka azeri ante fatgo hiho hu'nea Aisaia kasnampa ne'mo korapa hunte'nea mani'noe. (Aisa 40:3)
24Hu'zmantage'za e'naza Farisi vahe'mo'za, 25zamagra antahige'za, amanage agriku hu'naze, kagra Kraisigafi, Ilaijagafi, mago Kasnampa ne'ma omninenka, nahigenka mono tina fre nezmantane? 26Joni'a kenonazamire anage hu'ne, nagra amne tintfanteti mono tina frenermantoe. Hu'neanagi tmagripina magora tamagra onke'naza ne' oti'ne. 27E'ima Agra nagri nmage'ma esnimo'e, Agri aga'nona knare osu'noankina katu ofegahue. 28Ana nanekea Betani kumara Jodani timofo asoparega antahige'naze, anante Joni'a mono tina frezamante'ne.
29Anante kotigeno Jisasi'a agrite egeno negeno, Joni amanage hu'ne, keho, Anumzamofo sipisipi anentara, ama mopafi vahe'mokizmi kumira, Agra eri atregahie! 30Ama'ne ana nera, Agriku'ma hu'na nagrama kema hu'noana, nagri namge'ma esnia nera, nagrira nagtereno ra agi eri'nea nere, nagra fore osu'nogeno, Agra korapa Agraragisa mani'nea nere. 31Nagra antahi'na ke'na Agrira osu'noanagi, Israeli vahemo'za Agrira antahiza keza hnaze hu'na, nagra ena mono tina eme frezmante'noe. 32Joni'a huama huno amanage hu'ne, Nagra kogeno Avamura maho nmamo hiaza huno monafinti eramino Agrite emanige'na ke'noe. 33Nagra ke'na antahi'na Agrira osu'noanagi, Agra'a hunantege'na mono tina frente'noa ne'mo nagrikura anage hu'ne, kankeno'ma avamu'mo monafinkati'ma, eramino Agrite'ma emani'nea ne'mo, Agra Ruotge Avamupi mono tina fre zamantegahie hu'ne. 34Nagrani'a kete'na, huama hu'na ama Anumzamofo mofavre hu'na neramasmue.
Jisasi ese disaipol eri'za vahe'a zamavre'nea naneke
35Anante zupa Joni'a, amagema nenta'a disaipol netrema'ane oti'neno, 36Jisasi ne-egeno Joni'a negeno amanage huno hu'ne, Keho, amu Anumzamofo Sipisipi anentare, 37anage hige'ne, Joni amagema nenta'a disaipol netremoke nentahi'ne, Jisasi amage'anteke vu'na'e. 38Jisasi'a amage'a nevakeno rukrahe huno neznageno, Na'anku nehakra'e? huno znantahigege'ne, Hurami ne'moka inante Kagra nemnine? hu'ne antahigena'e. 39Agra anage znagriku hu'ne, E'netna tanagratani'a emege'o hige'ne, Agrane vuke nemnia nonkuma omenege'ne ana zupa Agrane mani'nakeno, 4 kiloki hu'ne. 40Ana nanterana mago'mo Joni hiankema antahiteno Jisasi amage'ma vu'nea nera Endru'e, Saimon Pitana nefu'e. 41Hagi Endru'a, Jisasi keteno pusante Endru'a nefu Saimoni keno, amanage huno asmi'ne, Tagra hago Mesaiana hakreta erifore hu'none. (E'i ana agima eri rukrehe'ma hu'neana Kraisi'e hu'ne.) 42Jisasinte Endru'a, Saimonina avreno vu'ne. Vigeno Jisasi'a negeno anage huno asmi'ne, kagra Saimonige Joni nemofoga mani'nane, kagri kagi'a Sifasi'e hugahaze.#Pita'e agimofo agafa'a have hu'ne. (E'i ana agima eri rukrehe'ma hu'neana Pita'e hu'ne.)
Jisasi'a Filipine Nataniel kizni znagi hu'nea naneke
43Mseno kotigeno Jisasi'a Galili vunaku nehuno Filipi ome negeno, Nagri namage anto hu'ne. 44Hanki Filipi'a Betsaidati ne' Andrune, Pita kiznia ra kuma zani'areti nere. 45Filipi'a, Natanieli'e nehaza ne' kefore huteno amanage huno asmi'ne, Mosesi ene Kasnampa vahe'mo'zama avo tafepima agenke'ama krente naza Ne'ma, Nazareti kumateti Josefe nemofo Jisasi'e hu'naza nera hago hakreta erifore hu'none, huno asmi'ne. 46Natanieli'a anage huno Filipina antahige'ne, Nazaretia knare'zana efore hugahio? Filipi'a anage hu'ne, kagraka'a enka emego. 47Natanieli Agritega ne-egeno Jisasi'a negeno amanage hu'ne, keho, tmage Israeli vahere, agu'afina havige hu'zana omne'ne! 48Nataniel Agriku anage hu'ne. Kagra inankna hunka nagrira nage'nane? Jisasi ke'nona huno amanage hu'ne, Filipi'a kagi osu'negenka fiki zafa agafafi mani'nanke'na ko kage'noe. 49Higeno Natanieli'a Agri ke'nona amanage hu'ne, Hurami nere, Kagra fatgo hunka Anumzamofo nemofoga mani'nane. Kagra Israeli vahe'mokizmi Kini nere. 50Higeno, Jisasi'a ke'are anage huno asmi'ne, Na'ankure Nagrama hu'na fiki zafa agafafi mani'nanke'na kage'noema huazanku kmentinti nehano? Henka'a agtere'neaza ruzahu'za kagra kegahane. 51Higeno Agra amanage huno Natanielina asmi'ne, Tamagerafa hu'na Nagra kagrira negasamue, kagra negesankeno mona kafamo'a anagisigeno, Anumzamofo ankero zgamo'a, Vahe'mofo Mofavrere mrerino tamino nehnigenka kegahane.
Currently Selected:
Joni 1: kbq
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.