1 Joni 1

Anumzamofo mofavre'gna huta manisuna naneke

1Ama Kea ese agafare korapa me'nea ke, nentahita tavunu negeta, konazana tazanu avako nehuta, asimu eri Kegu nehune. 2Ana asimu'mo eama higeta tagra negeta, huama huta mevava asimura, Nefa ene me'nea tagrite eama hu'neazanku neramasmune. 3Keta antahita hu'nonazanku, tagra tamagri enena neramasmunankita, tamagra tagri'ene emeri mago hutma manisageta, tamage huta Nefane, Nemofo Jisas Kraisi'enena tragoteta manigahune. 4Tagra ama naneke negronankino, ama anazamo musezantia avitesiegu nehune.

Anumzana msa mani'negu, tagra msare vano hanuna naneke

5Menina knare musenke Agripinti antahi'nona ke neramasmune, Anumzana msa mani'neakino, Agripina hanizana magore huno omanetfa hu'ne. 6Tagrama huta Agrane vano nehune huta nehuta, hanizampima vano hanunana tagra havige nehuta, tamage kemofona amage nontone. 7Hu'neanagi tagrama msare'ma vano huta, Agrama msare mani'nea kna'ma nehuta, tagra trogoteta manisunkeno'a, Anumzamofo Nemofo Jisasi koramo mika kefozanti sese hunerante. 8Tagrama huta, kumi osu'none hanuta, tagra'a reravatga hanunkeno, tamage kemo'a tagri tagu'afina omanegahie. 9Hianagi tagrama kumitima huama hanunkeno'a, Agra tamage huno fatgo hu'neankino, kumitia atreranteno maka fatgo osu avu'avapintira sese hurantegahie. 10Tagrama huta kumi osu'none hanuta, Anumzamofona azeri havige ne' kna nehunkeno, ke'amo'a tagu'afina nomane.

Currently Selected:

1 Joni 1: kbq

Highlight

Copy

Compare