Sekaliya 2
2
Kulota kulinguwala ng'weso ya kupimila
1Kuli kulota kunji, nandimona munhu yawele na ng'weso ya kupimila mmoko mwake. 2Lelo, nandimuuza, “Kwanguluta kohi?” Naye nakanyidichila, “Ndanguluta kupima ulefu na ugazi wa muji wa Yelusalemu.”
3Yula mhilisi yawele yolongasa na heni, nayali yoluta kwa mhilisi yunji yawele nayali yomuyila. 4Lelo, yula mhilisi yawele nayali yolongasa na heni nakamlonjela yula myage, “Ubilime ukamlonjele yula msongolo kota muji wa Yelusalemu wowa ulihela lukanzi, kwa chiwalo cha winji wa wanhu wake na migongolo jawo. 5Kwa vila Mkulu Nguluwi kangulonga kota heye yuye kowa lukanzi lwa chiluli kuwamila muji awo kuli banzi zeng'ha, naye kochikala amo kwa ukulu wake.”
Wawele nawahilikwa kuli isi ya chijenzi wanguchemigwa wahiluche kaye
6Mkulu Nguluwi kangulonga hino, “Muye! Muye! Mbilime kulawa kuli isi ya kasikazini kuwele heni nandiwasambalula kuli chila ubanzi. 7Hemwe mweng'ha mlingikala kuli isi ya Babuloni, mbilime himahima kuhiluka kuli muji wa Siyoni!” 8Mkulu Nguluwi Yawele na Mong'ho, kwa chiwalo cha ukulu wa heye nakandajiza kwa wanhu wa isi wawele nawawahola wanhu wa heye kulonga, “Ndikomya, yalinguwadoliza hemwe, kangulidoliza iziho lya heni. 9Ena, ndowagaza hewo leka wapogozi wawo wawahole.” Hamba movizela kota Mkulu Nguluwi Yawele na Mong'ho ndo yandajize. 10Mkulu Nguluwi kangulonga hino, “Hemwe wanhu wa Siyoni, mwimbe na kusangalala kwa vila ndanguya na kikala hali hemwe. 11Wanhu wa isi nyinji wochilumba na heni Mkulu Nguluwi, nawo wowa wanhu wa heni, nani ndochikala hali hemwe.” Mbuli ayo hoilawila, movizela kota Mkulu Nguluwi Yawele na Mong'ho ndo yandajize kwa hemwe. 12Isi ya Yuda yowa kahi honhu ha chiuyeng'ha ha Mkulu Nguluwi na muji wa Yelusalemu wowa kahi muji wa heye woyauhagule. 13Hemwe wanhu weng'ha, minyamalile hali Mkulu Nguluwi, kwa vila kanguya kulawa haluga ha heye helile.
Currently Selected:
Sekaliya 2: Chividunda
Highlight
Share
Copy
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
Sekaliya 2
2
Kulota kulinguwala ng'weso ya kupimila
1Kuli kulota kunji, nandimona munhu yawele na ng'weso ya kupimila mmoko mwake. 2Lelo, nandimuuza, “Kwanguluta kohi?” Naye nakanyidichila, “Ndanguluta kupima ulefu na ugazi wa muji wa Yelusalemu.”
3Yula mhilisi yawele yolongasa na heni, nayali yoluta kwa mhilisi yunji yawele nayali yomuyila. 4Lelo, yula mhilisi yawele nayali yolongasa na heni nakamlonjela yula myage, “Ubilime ukamlonjele yula msongolo kota muji wa Yelusalemu wowa ulihela lukanzi, kwa chiwalo cha winji wa wanhu wake na migongolo jawo. 5Kwa vila Mkulu Nguluwi kangulonga kota heye yuye kowa lukanzi lwa chiluli kuwamila muji awo kuli banzi zeng'ha, naye kochikala amo kwa ukulu wake.”
Wawele nawahilikwa kuli isi ya chijenzi wanguchemigwa wahiluche kaye
6Mkulu Nguluwi kangulonga hino, “Muye! Muye! Mbilime kulawa kuli isi ya kasikazini kuwele heni nandiwasambalula kuli chila ubanzi. 7Hemwe mweng'ha mlingikala kuli isi ya Babuloni, mbilime himahima kuhiluka kuli muji wa Siyoni!” 8Mkulu Nguluwi Yawele na Mong'ho, kwa chiwalo cha ukulu wa heye nakandajiza kwa wanhu wa isi wawele nawawahola wanhu wa heye kulonga, “Ndikomya, yalinguwadoliza hemwe, kangulidoliza iziho lya heni. 9Ena, ndowagaza hewo leka wapogozi wawo wawahole.” Hamba movizela kota Mkulu Nguluwi Yawele na Mong'ho ndo yandajize. 10Mkulu Nguluwi kangulonga hino, “Hemwe wanhu wa Siyoni, mwimbe na kusangalala kwa vila ndanguya na kikala hali hemwe. 11Wanhu wa isi nyinji wochilumba na heni Mkulu Nguluwi, nawo wowa wanhu wa heni, nani ndochikala hali hemwe.” Mbuli ayo hoilawila, movizela kota Mkulu Nguluwi Yawele na Mong'ho ndo yandajize kwa hemwe. 12Isi ya Yuda yowa kahi honhu ha chiuyeng'ha ha Mkulu Nguluwi na muji wa Yelusalemu wowa kahi muji wa heye woyauhagule. 13Hemwe wanhu weng'ha, minyamalile hali Mkulu Nguluwi, kwa vila kanguya kulawa haluga ha heye helile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators