Zabuli 132
132
Lutogo lwa ng'handa ya Nguluwi
(Lwimbo lwa kuluta kuchanya.)
1Gwa Mkulu Nguluwi, mkumbuchile Daudi,
ukumbuchile magazo geng'ha goyapatile.
2Gwa Mkulu Nguluwi, ukumbuchile kulagana koyakupele,
chilaho choyakulahile, gwa Nguluwi wa Yakobo, Nguluwi Yawele na Mong'ho,
3“Sikwinjila mgati mwa ng'handa ya heni,
ne kuwasa kuli chinhanda cha heni,
4sikunda kuwasa,
ne kusinzila,
5mbaka ndikupe hegwe Mkulu Nguluwi honhu ha kikala,
haluga ha hegwe, gwa Nguluwi wa Yakobo, Nguluwi Yawele na Mong'ho.”
6Ako Efulata natuhulika mbuli za isanduku lya ilagano,
natulifika kuli migunda ja Yealimu.
7“Goya. Tuche kaye kwa Nguluwi,
tufugame kumwando mwa chigoda cha heye cha undewa.”
8Ndangukulanda winuche, gwa Mkulu Nguluwi,
ulute hali honhu ha hegwe ha kwesela,
hegwe, hamwe na isanduku lya ilagano lya mong'ho wa hegwe.
9Watambika wa hegwe wagubikwe na kutanganika,
na welile wa hegwe watowe iyowe lya usangalalo.
10Kwa chiwalo cha Daudi, chitumagwa wa hegwe,
uleche kumlema yabakalizwe mafuta wa hegwe.
11Mkulu Nguluwi nakamlahila Daudi chilaho cha kukomya,
chilaho chiwele hambe yachigalule.
“Ndomuwika yumwe wa walelwa wa hegwe,
yakalise kuli chigoda cha hegwe cha undewa.
12Wone wana wa hegwe webatilile ilagano lya heni,
na kibatilila malanguso gondiwapa,
wana wa hewo kahi wowa wandewa kota hegwe mazuwa gose.”
13Kukomya, Mkulu Nguluwi nakauhagula muji wa Siyoni,
nakagana hawe haluga ha heye.
14“Aha ndo hondichikala mazuwa gose,
ndo haluga ha heni kwa vila nandihagana.
15Ndoutambichiza ng'hatu muji wa Siyoni kwa vinhu vyake,
ndowagutiza chilyo wazunwa wake.
16Ndowavaliza ulohozi watambika wake,
na walingukundigwa wake wotowa luchenze lwa usangalalo.
17Kulawa aha, hemwe mowa na mndewa yazidahe wa lukolo lwa Daudi.
Kota chenje chilingwimilila ndomwimiza mndewa yondimbakalize mafuta.
18Wang'honyo wake ndowavaliza soni,
ila heye ndomvaliza kofia ya chiundewa.”
Currently Selected:
Zabuli 132: Chividunda
Highlight
Copy
Compare
Share
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
