Zabuli 122
122
Lutogo ako Yelusalemu
(Lwimbo lwa kuluta kuchanya. Lwimbo lwa Daudi.)
1Nasangalala vyowandonjele,
“Tulute kaye kwa Mkulu Nguluwi.”
2Lelo twa hano natwima,
mgati mwa lwizi lwa hegwe, gwa Yelusalemu.
3Yelusalemu, muji uzenjigwe,
leka wanhu weting'hane amo.
4Amo ndo nhanzi zilinguluta,
ena, nhanzi za Mkulu Nguluwi,
kulonga malumbo kwa Mkulu Nguluwi kota vyoyalajize.
5Amo namuwichigwa chitala cha utaguso wa hachi,
chitala cha lukolo lwa chiundewa lwa Daudi.
6Muulandile kikala goya muji wa Yelusalemu.
“Weng'ha walinguugana, mbuli za hewo zilutilile goya.
7Mgati mwa ng'hanzi za hegwe kuwe na kikala goya,
na ngome ya hegwe iwe goya.”
8Kwa chiwalo cha wanhu wa heni na wang'holozangu,
ndangulonga, “Gwa Yelusalemu, ndangukuganila kikala goya.
9Kwa chiwalo cha ng'handa ya Mkulu Nguluwi, Nguluwi wa hetwe,
ndangukulandila ganojile.”
Currently Selected:
Zabuli 122: Chividunda
Highlight
Copy
Compare
Share
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
