Zabuli 114
114
Mkulu Nguluwi kana mong'ho wa kuwalohola Waisilaeli
1Wanhu wa Isilaeli lowalawile Misili,
walelwa wa Yakobo lowalawile kuli isi ya ulonzi wa chijenzi,
2Yuda nayali haluga ha Nguluwi,
Isilaeli nayali undewa wa heye.
3Bahali ya Shamu naimona Nguluwi, naibilima,
lwanda lwa Yolodani naluleka kuchililika.
4Vidunda navizumazuma kota ing'holo ilume,
vidunda vidodo navizuma kota ming'holo myana.
5Gwa bahali, lekachoni nakubilima?
Nagwe Yolodani, lekachoni nakuleka kuchililika?
6Hemwe vidunda, lekachoni namzumazuma kota ing'holo ilume?
Hemwe vidunda, lekachoni namzuma kota ming'holo myana?
7Gwa isi, ukakame hali Nguluwi,
ukakame hali Nguluwi wa Yakobo,
8yalingudoliza italawe kuwa ilamba lya mazi,
nago maganga nagali nzasa za mazi.
Currently Selected:
Zabuli 114: Chividunda
Highlight
Copy
Compare
Share
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
