Mika 3
3
Vilongozi na waloli wangung'hanuchilwa
1Lelo mhulichize hemwe wakulu wa walelwa wa Yakobo,
mhulichize, hemwe vilongozi wa walelwa wa Isilaeli!
Hemwe ndo mlinguganigwa kuvizela kuwala mbuli ya utaguso.
2Ila mwanguzudila ganojile na kugana wihe.
Mwanguwawambula ngozi wanhu wa heni,
na kusa miwunde kuli mizeje ja hewo.
3Mwangulya miwunde ja wanhu wa heni,
mwanguwawambula ngozi zawo,
mwangubenanga mizeje jawo
na kuwadumulanga kota miwunde ja kuteleka,
kota miwunde ja kuwika mgati mchiya.
4Mhela wanguya uwele momlilila Mkulu Nguluwi,
ila heye howedichila.
Kogubika kumeho kwa heye mhela awo,
kwa vila namdita mbuli zihile.
5Mkulu Nguluwi kangulonga hino,
“Kuwala waloli walinguwajiliza wanhu wa heni,
waloli walingulavya uloli kuwala kikala goya wone wapegwe chinhu,
ila wanguwakabusa wanhu kwa uloli wa ngondo wone waleche kupegwa chinhu.
6Kwa hemwe waloli kowa nechilo ne kulagula,
kowa jiza kwa hemwe ne ugubulo.
Kwa hemwe waloli kowa matinazo,
nemisi kowa jiza kwa hemwe.
7Walingulota wokona soni,
nawo walaguzi wodeula.
Weng'ha wogubika kumeho kwa hewo,
kwa vila haduhu ulonzi woneche kulawa kwa Nguluwi.”
8Ila kuwala heni,
namemezwa ludali lwa muhe wa Mkulu Nguluwi,
hachi na mong'ho,
kuwalonjela wanhu wa Yakobo nongwa za hewo,
nandiwalonjela Waisilaeli gehile ga hewo.
9Mhuliche mbuli ayi hemwe vilongozi wa walelwa wa Yakobo,
mhulichize, hemwe vilongozi wa Waisilaeli.
Mwanguizudila hachi
na kwajiliza mbuli zinojile.
10Mwanguzenga muji wa Siyoni kwa kubohola danda,
ena, wula muji wa Yelusalemu kwa gehile.
11Vilongozi wa heye wangutagusa kwa kupegwa chinhu kwa uviso,
watambika wa heye wangulangusa kwa kupegwa chinhu,
waloli wa heye wangulagula kwa sendi.
Ila wangidaya kwa kitumbila kwa Mkulu Nguluwi,
wolonga, “Mkulu Nguluwi ka hamwe na hetwe!
Hatufichigwa na mbuli yoneche yihile!”
12Kwa chiwalo cha hemwe,
Siyoni yolimigwa kota mgunda,
Yelusalemu yowa mahame,
na chidunda cha ng'handa ya Nguluwi chowa chihulo.
Currently Selected:
Mika 3: Chividunda
Highlight
Share
Copy
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
Mika 3
3
Vilongozi na waloli wangung'hanuchilwa
1Lelo mhulichize hemwe wakulu wa walelwa wa Yakobo,
mhulichize, hemwe vilongozi wa walelwa wa Isilaeli!
Hemwe ndo mlinguganigwa kuvizela kuwala mbuli ya utaguso.
2Ila mwanguzudila ganojile na kugana wihe.
Mwanguwawambula ngozi wanhu wa heni,
na kusa miwunde kuli mizeje ja hewo.
3Mwangulya miwunde ja wanhu wa heni,
mwanguwawambula ngozi zawo,
mwangubenanga mizeje jawo
na kuwadumulanga kota miwunde ja kuteleka,
kota miwunde ja kuwika mgati mchiya.
4Mhela wanguya uwele momlilila Mkulu Nguluwi,
ila heye howedichila.
Kogubika kumeho kwa heye mhela awo,
kwa vila namdita mbuli zihile.
5Mkulu Nguluwi kangulonga hino,
“Kuwala waloli walinguwajiliza wanhu wa heni,
waloli walingulavya uloli kuwala kikala goya wone wapegwe chinhu,
ila wanguwakabusa wanhu kwa uloli wa ngondo wone waleche kupegwa chinhu.
6Kwa hemwe waloli kowa nechilo ne kulagula,
kowa jiza kwa hemwe ne ugubulo.
Kwa hemwe waloli kowa matinazo,
nemisi kowa jiza kwa hemwe.
7Walingulota wokona soni,
nawo walaguzi wodeula.
Weng'ha wogubika kumeho kwa hewo,
kwa vila haduhu ulonzi woneche kulawa kwa Nguluwi.”
8Ila kuwala heni,
namemezwa ludali lwa muhe wa Mkulu Nguluwi,
hachi na mong'ho,
kuwalonjela wanhu wa Yakobo nongwa za hewo,
nandiwalonjela Waisilaeli gehile ga hewo.
9Mhuliche mbuli ayi hemwe vilongozi wa walelwa wa Yakobo,
mhulichize, hemwe vilongozi wa Waisilaeli.
Mwanguizudila hachi
na kwajiliza mbuli zinojile.
10Mwanguzenga muji wa Siyoni kwa kubohola danda,
ena, wula muji wa Yelusalemu kwa gehile.
11Vilongozi wa heye wangutagusa kwa kupegwa chinhu kwa uviso,
watambika wa heye wangulangusa kwa kupegwa chinhu,
waloli wa heye wangulagula kwa sendi.
Ila wangidaya kwa kitumbila kwa Mkulu Nguluwi,
wolonga, “Mkulu Nguluwi ka hamwe na hetwe!
Hatufichigwa na mbuli yoneche yihile!”
12Kwa chiwalo cha hemwe,
Siyoni yolimigwa kota mgunda,
Yelusalemu yowa mahame,
na chidunda cha ng'handa ya Nguluwi chowa chihulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators