Hagayi 2
2
Mkulu Nguluwi kougala ukulu kuli ng'handa ya heye inyale
1Kuli zuwa lya makumi meli na imwe lya mwezi wa saba kuli mwaka wuwo, ulonzi wa Mkulu Nguluwi naumuyila mloli Hagayi. 2Naumlonjela Hagayi yalongase na Selubabeli chilongozi wa Yuda, mwana wa Shealitieli na Yoshua, mtambika mkulu, mwana wa Yehosadaki na wanhu weng'ha wahiluche kulawa kuli isi ya chijenzi, yawalonjele hino, 3“Whaani hali hemwe yasigale, yawele nakayona ayi ng'handa ya Nguluwi kuli ukulu wake wa hamwande? Lelo yangoneka ndaze kwa hemwe? Ndaze, hailingoneka kwa hemwe kota haiwele chinhu? 4Ahyo, uleche kugozola hegwe Selubabeli. Wikangaze nhumbula gwa Yoshua, mwana wa Yehosadaki. Mikangaze nhumbula namwe wanhu weng'ha wa isi ayi. Mkole mijito, kwa vila heni Mkulu Nguluwi Mbele na Mong'ho, nda hamwe na hemwe. 5Lomlawile Misili nandiwalonjela hemwe kota mazuwa gose ndowa hamwe na hemwe. Nding'hali hamwe na hemwe, ahyo, mleche kudumba.
6“Ena, heni Mkulu Nguluwi Mbele na Mong'ho ndangulonga kota nda habehi kuvitigasa kahi ulanga na isi na bahali na isi ng'havu. 7Ndowatigasa wanhu weng'ha wa isi zeng'ha na ng'hano za hewo zeng'ha zogaligwa amu, nani ndoidita ng'handa ayi iwe na ukulu. Heni Mkulu Nguluwi Mbele na Mong'ho, nandonga. 8Sendi na zahabu, vyeng'ha muisi ndo vya heni. Heni Mkulu Nguluwi Mbele na Mong'ho, nandonga. 9Ukulu wa Ng'handa ya Nguluwi inyale wowa ukulu kusinda wula wa ng'handa ya Nguluwi ya hamwande. Honhu aho ndo hondiwapa wanhu wa heni kikala goya na mbuli za hewo zolutilila goya. Heni Mkulu Nguluwi Mbele na Mong'ho, nandonga.”
Wanhu wakokomoche wangutambichizwa
10Kuli zuwa lya makumi meli na gane lya mwezi wa tisa, kuli mwaka wa keli wa ulongozi wa Daliyo, ulonzi wa Mkulu Nguluwi Yawele na Mong'ho naumuyila mloli Hagayi na kumlonjela, 11“Heni Mkulu Nguluwi Mbele na Mong'ho, ndangulonga kota uwauze watambika kuwala malajizo vyogalingulonga kuwala mbuli ayi. 12Wone munhu yahole kwa lupembo lwa nguwo ya heye miwunde jiwichigwe chiuyeng'ha, hamba lupembo alo ludolize ibumunda ama muhuzi ama divai ama mafuta ama chilyo chinji, ndaze, chinhu acho chidolizwe chowa chiwichigwe chiuyeng'ha kahi?” Watambika nawedichila, “Hebu.” 13Hagayi nakawauza kahi, “Ndaze, munhu yawele yakokomoche kwa kudoliza mtufi, wone yadolize chinhu chimwe hali vinhu avyo, chinhu acho chowa chikokomoche?” Watambika nawedichila, “Ena, chowa chikokomoche.” 14Aho Hagayi nakawalonjela, “Mkulu Nguluwi kangulonga hino, ‘Ahyo ndo vyoiwele kwa wanhu wa isi ayi na chila chinhu chowalingudita na kahi kwa chila chinhu chowalingulavya hali honhu ha kulavila nhambiko, ndo chikokomoka.’ ”
Mkulu Nguluwi kangulonga kuwala utambichizo
15Mkulu Nguluwi kangulonga, “Lelo mlole mbuli zozilawila. Lomuwa mng'hali kwaluka kuzenga kahi ng'handa ya heni, namwali ndaze? 16Namluta kuli ibiwi lya nyhule kuno mchitumbila kumemeza vipimilo makumi meli, ila navimema vipimilo kumi hela. Namluta kuli idalamu lya divai kuno mgana kumemeza vipimilo makumi gahano, ila nammemeza vipimilo makumi meli hela. 17Nandijitowa mijito ja moko ga hemwe kwa chipalangule na nhonya ya maganga na lungwi, ila hamnyhiluchile. Heni Mkulu Nguluwi nandonga. 18Lehano ndo zuwa lya makumi meli na gane lya mwezi wa tisa, zuwa liwele msisi wa ng'handa ya heni Mkulu Nguluwi nausinda kuzenjigwa. Lelo, mbeteze leka mgone gala gawele golawila kwaluchila lehano. 19Hanga mwahela nyhule kung'hano, najo mizabibu na mitini na mikomamanga na mizeituni hajilelile chinhu, lelo kwaluchila lehano, ndowatambichiza.”
Mkulu Nguluwi kangumhagula Selubabeli kulongoza
20Kuli zuwa lilyo lya makumi meli na gane lya mwezi wa tisa, ulonzi wa Mkulu Nguluwi naumuyila lwa keli Hagayi na kulonga, 21“Ulongase na Selubabeli, chilongozi wa Yuda, umlonjele hino, ‘Nda habehi kuvitigasa ulanga na isi. 22Ndogalamula vigoda vya undewa na kuwifya ng'hatu mong'ho wa undewa wa wanhu wa isi za chijenzi. Ndogalamula mituka jawo ja ngondo na walingwendesa mituka ajo, falasi na wakwina falasi wogwa na wochikopola kwa ipanga. 23Kuli zuwa alyo, ndokuhola hegwe chitumagwa wa heni Selubabeli, mwana wa Shealitieli na kukuhagula leka ulongoze kwa itagwa lya heni. Hegwe ndo ndikuhagule. Heni Mkulu Nguluwi Mbele na Mong'ho, nandonga.’ ”
Currently Selected:
Hagayi 2: Chividunda
Highlight
Share
Copy
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
Hagayi 2
2
Mkulu Nguluwi kougala ukulu kuli ng'handa ya heye inyale
1Kuli zuwa lya makumi meli na imwe lya mwezi wa saba kuli mwaka wuwo, ulonzi wa Mkulu Nguluwi naumuyila mloli Hagayi. 2Naumlonjela Hagayi yalongase na Selubabeli chilongozi wa Yuda, mwana wa Shealitieli na Yoshua, mtambika mkulu, mwana wa Yehosadaki na wanhu weng'ha wahiluche kulawa kuli isi ya chijenzi, yawalonjele hino, 3“Whaani hali hemwe yasigale, yawele nakayona ayi ng'handa ya Nguluwi kuli ukulu wake wa hamwande? Lelo yangoneka ndaze kwa hemwe? Ndaze, hailingoneka kwa hemwe kota haiwele chinhu? 4Ahyo, uleche kugozola hegwe Selubabeli. Wikangaze nhumbula gwa Yoshua, mwana wa Yehosadaki. Mikangaze nhumbula namwe wanhu weng'ha wa isi ayi. Mkole mijito, kwa vila heni Mkulu Nguluwi Mbele na Mong'ho, nda hamwe na hemwe. 5Lomlawile Misili nandiwalonjela hemwe kota mazuwa gose ndowa hamwe na hemwe. Nding'hali hamwe na hemwe, ahyo, mleche kudumba.
6“Ena, heni Mkulu Nguluwi Mbele na Mong'ho ndangulonga kota nda habehi kuvitigasa kahi ulanga na isi na bahali na isi ng'havu. 7Ndowatigasa wanhu weng'ha wa isi zeng'ha na ng'hano za hewo zeng'ha zogaligwa amu, nani ndoidita ng'handa ayi iwe na ukulu. Heni Mkulu Nguluwi Mbele na Mong'ho, nandonga. 8Sendi na zahabu, vyeng'ha muisi ndo vya heni. Heni Mkulu Nguluwi Mbele na Mong'ho, nandonga. 9Ukulu wa Ng'handa ya Nguluwi inyale wowa ukulu kusinda wula wa ng'handa ya Nguluwi ya hamwande. Honhu aho ndo hondiwapa wanhu wa heni kikala goya na mbuli za hewo zolutilila goya. Heni Mkulu Nguluwi Mbele na Mong'ho, nandonga.”
Wanhu wakokomoche wangutambichizwa
10Kuli zuwa lya makumi meli na gane lya mwezi wa tisa, kuli mwaka wa keli wa ulongozi wa Daliyo, ulonzi wa Mkulu Nguluwi Yawele na Mong'ho naumuyila mloli Hagayi na kumlonjela, 11“Heni Mkulu Nguluwi Mbele na Mong'ho, ndangulonga kota uwauze watambika kuwala malajizo vyogalingulonga kuwala mbuli ayi. 12Wone munhu yahole kwa lupembo lwa nguwo ya heye miwunde jiwichigwe chiuyeng'ha, hamba lupembo alo ludolize ibumunda ama muhuzi ama divai ama mafuta ama chilyo chinji, ndaze, chinhu acho chidolizwe chowa chiwichigwe chiuyeng'ha kahi?” Watambika nawedichila, “Hebu.” 13Hagayi nakawauza kahi, “Ndaze, munhu yawele yakokomoche kwa kudoliza mtufi, wone yadolize chinhu chimwe hali vinhu avyo, chinhu acho chowa chikokomoche?” Watambika nawedichila, “Ena, chowa chikokomoche.” 14Aho Hagayi nakawalonjela, “Mkulu Nguluwi kangulonga hino, ‘Ahyo ndo vyoiwele kwa wanhu wa isi ayi na chila chinhu chowalingudita na kahi kwa chila chinhu chowalingulavya hali honhu ha kulavila nhambiko, ndo chikokomoka.’ ”
Mkulu Nguluwi kangulonga kuwala utambichizo
15Mkulu Nguluwi kangulonga, “Lelo mlole mbuli zozilawila. Lomuwa mng'hali kwaluka kuzenga kahi ng'handa ya heni, namwali ndaze? 16Namluta kuli ibiwi lya nyhule kuno mchitumbila kumemeza vipimilo makumi meli, ila navimema vipimilo kumi hela. Namluta kuli idalamu lya divai kuno mgana kumemeza vipimilo makumi gahano, ila nammemeza vipimilo makumi meli hela. 17Nandijitowa mijito ja moko ga hemwe kwa chipalangule na nhonya ya maganga na lungwi, ila hamnyhiluchile. Heni Mkulu Nguluwi nandonga. 18Lehano ndo zuwa lya makumi meli na gane lya mwezi wa tisa, zuwa liwele msisi wa ng'handa ya heni Mkulu Nguluwi nausinda kuzenjigwa. Lelo, mbeteze leka mgone gala gawele golawila kwaluchila lehano. 19Hanga mwahela nyhule kung'hano, najo mizabibu na mitini na mikomamanga na mizeituni hajilelile chinhu, lelo kwaluchila lehano, ndowatambichiza.”
Mkulu Nguluwi kangumhagula Selubabeli kulongoza
20Kuli zuwa lilyo lya makumi meli na gane lya mwezi wa tisa, ulonzi wa Mkulu Nguluwi naumuyila lwa keli Hagayi na kulonga, 21“Ulongase na Selubabeli, chilongozi wa Yuda, umlonjele hino, ‘Nda habehi kuvitigasa ulanga na isi. 22Ndogalamula vigoda vya undewa na kuwifya ng'hatu mong'ho wa undewa wa wanhu wa isi za chijenzi. Ndogalamula mituka jawo ja ngondo na walingwendesa mituka ajo, falasi na wakwina falasi wogwa na wochikopola kwa ipanga. 23Kuli zuwa alyo, ndokuhola hegwe chitumagwa wa heni Selubabeli, mwana wa Shealitieli na kukuhagula leka ulongoze kwa itagwa lya heni. Hegwe ndo ndikuhagule. Heni Mkulu Nguluwi Mbele na Mong'ho, nandonga.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators