A Matiye Sõng 22
22
Dĩm biig Yikãadem yelbũndi
1A Zezi le sɩnga b yelbũna wẽebo: 2«Arzãn Rĩung wẽnda dĩm a ye sẽn maan kibsa, a biig yikãadem yĩnga. 3A yiisa sõgen-kamba tɩ b saa n bool neb tɩ b wa yikãadma la b sẽn bool b rãmba pa tʋlg waoong ye. 4A tʋma kamb a taab yɛsa la a goma ne b woto: ‹Yeel-y m sẽn bool b rãmbã: Ade, kibsa rɩɩb seglame: lolse la dũm-wubdsa koodame, bũmb fãa beeme, wa-y yikãadma!› 5B sẽn bool b rãmba maana wa b toog ka ye. Kẽer kẽng a b pʋtẽ, tɩ kẽer kẽng leebgo. 6Kẽer yõga sõgen-kambã n nams-ba, n kʋ-ba. 7Dĩma sũur puugame t'a yiis tãb-biisi tɩ b kʋ bãmb me la b yõog b tẽnga. 8A yaool n yeela sõgen-kambã: ‹Dɩɩba segl n sɛɛme, la m sẽn bool b rãmba yɩɩ nin-yoodo. 9Kẽng-y sotiisẽ, n kãas y sẽn yãe b rãmb fãa tɩ b wa kibsã.› 10Sõgen-kamba yiime, n wool b sẽn paam b rãmb fãa sor zugu, nin-sõma la nin-wẽnse, n pids roogã.
11Dɩma kẽe rɩɩba roogẽ n na n ges nebã la a mika ned a ye sẽn pa yeelg a sẽn tog n yeelg fuug ninga ye. A yeel-a lame: 12‹M zoa, bõe tɩ fo wa ka n ka yer f sẽn tog n yeelge?› La yẽ pa tõog n leok tɩ bũmb ye. 13#Mt 8,12; 25,30; Lk 13,28. Dẽ la dĩma yeel a sõgen-kamba: ‹Za-y nin-kãnga nao la a nus n lob-a yɩnga, likẽ, yãbr la yẽn kẽrsg zĩigẽ.› 14Yaa kʋʋnga zãng la b boonda la bilfr bala n na n paam n kẽ b sẽn tũus b rãmba sʋka.»
Rom naab yaoodo
15Farizẽ rãmba seda ne taaba n na bẽd a Zezi n yõk ne b meng noor gomde. 16B yiisa b karen-biis kẽere, n paas a Erod kẽedba kẽere, ne sokr kãnga: «Soaala, d miime tɩ y zãmsg yaa akɩka la y ka wilgd Wẽnnaam sor ne zoe-nif ye. 17Y ka bak nin-bedr ne nin-bil ye, dẽ la d kot tɩ y leok-do: togame bɩ ka toge tɩ d yao Rom naaba yaoodo?» 18A Zezi sẽn mi b wẽnema leok-b lame: «Zãmb rãmba yaa bõe la y bẽt-m bẽdgo? 19Wilg-y maam yaooda ligdi!» B kɩs-b la wakɩr koɛɛng a yembre. 20T'a Zezi na n sok-ba: «Ãnd neng la ãnd yʋʋre la b bẽeg wakɩra zugu?» Tɩ b leoke: 21«Yaa Rom naaba dẽnna!» Dɩlla, kɩs-y Rom naaba, y sẽn tog n kɩs-ba, la y kɩs Wẽnd me b sẽn tog ne. 22A Zezi leokra ling-b lame tɩ b na n bas ba n looge.
Kũum vʋʋgre
23 #
Tv 23,8. Yaa badaare la Saduseẽ rãmba, neb niyns sẽn gãd-b tɩ kũum ka tõe n vʋʋgã, kolg a Zezi n gom ne-b woto: 24#Yao 25,5. «Soaala, a Moyiiz yeela woto: ‹Ned sã n ki n ka bas biiga, bɩ yaoã rɩk a kẽema pag n dog biig n kõ a kẽema.› 25Ade, tõnd zamaanẽ wã neb a yopoe n zĩndi n da ya ba-biisi. Pipi soaba yii kãadem ne paga la a kiime n pa rog biig ye, n bas paga ne a ba-biig a yiib soabã. 26Yɩɩ woto ne yiib soabã, la tãab soabã n wa ta a yopoe soabã. 27Bãmb fãa loogr poore, paga waa n kiime. 28Vʋʋgra raare, paga paada ne bʋgo, b fãa yɩla a sɩdb rãmb la?»
29A Zezi leok-b lame: «Yãmb bee tudgr pʋgẽ tɩ y ka mi Wẽnnaam pãnga la y ka reeg sẽn gʋls sebr sõng pʋg ye. 30Bãng-y tɩ vʋʋgr poore rao pa le rɩkd paga, la pag ka le kuiis rao ye, b vɩɩ wa malɛk rãmba sẽn vɩ toto arzãnẽ. 31La yĩnsa vʋʋgr poorẽ, y pa karem gomd ning Wẽnd sẽn kõ-y wã la? B yeelame: 32#Ey 3,6. ‹Maam la a Abraam Wẽnnaam, a Izaak Wẽnnaam, a Zakoob Wẽnnaam?› B pa kiid n pa vʋʋgdẽ rãmb Wẽnnaam ye, b yaa sẽn vɩ-b Wẽnnaam.»
33A Zezi zãmsga pãng yɛɛsa sẽn wʋm-bã.
Wẽnnaam no kãsenga
34B sẽn wʋm t'a Zezi kʋɩdga Saduseẽ rãmba, Farizẽ rãmba me sũu taaba n wa. 35#Lk 10,25-28. B nin-yend soka a Zezi la sokra yɩɩ no-baoor meng-menga: 36«Soaala, bʋg la no-kãsenga Wẽnnaam noya sʋka?» 37#Yao 6,5. T'a Zezi yeel-a: «Yaa nong Wẽnnaam, f Soaala, ne f sũur fãa, ne f sɩɩg fãa, nef yam fãa. 38Yẽ la no-kãsenga la pipi soaba. 39#Man 19,18. Sẽn pʋgda yẽ wẽnd-a lame, yaa nong f to wala f menga, 40Noora la bãngdba sẽn togsa waa n soga noy bãmba b yiibã pʋgẽ.»
41A Zezi sẽn mik tɩ Farizẽ rãmba ra tigma taab wʋsgã, bãmb me sok-b lame: 42«Yamb yetame tɩ bõe, Wẽnd Nedã poorẽ? B yaa ãnda biiga?» Tɩ b leoke: «A Daviid biiga.» 43Dẽ la a Zezi yeel yã: «Sɩngame tɩ bõe marsã t'a Daviid sẽn gomd ne a Vʋʋsem Sõng vẽnegr baas n boond-b tɩ Soaala:
44 #
Yɩ 110,1. ‹Zu-soaba yeela m Soaala,
zĩnd m dɩtgo
tɩ m wa zõneg f bɛɛba fãa f taoore
tɩ f teeg-b ne f nao?›
45A Daviid sã n boond-b t'a Soaala, bãmb na n yɩ-la a wãn yɛsa n le yaa a Daviid biiga?» 46Ned ba a ye ka tõog n leok-b tɩ bũmb ye. Badaar tɛk me, b pa le saag n bao b noor ye.
Currently Selected:
A Matiye Sõng 22: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
A Matiye Sõng 22
22
Dĩm biig Yikãadem yelbũndi
1A Zezi le sɩnga b yelbũna wẽebo: 2«Arzãn Rĩung wẽnda dĩm a ye sẽn maan kibsa, a biig yikãadem yĩnga. 3A yiisa sõgen-kamba tɩ b saa n bool neb tɩ b wa yikãadma la b sẽn bool b rãmba pa tʋlg waoong ye. 4A tʋma kamb a taab yɛsa la a goma ne b woto: ‹Yeel-y m sẽn bool b rãmbã: Ade, kibsa rɩɩb seglame: lolse la dũm-wubdsa koodame, bũmb fãa beeme, wa-y yikãadma!› 5B sẽn bool b rãmba maana wa b toog ka ye. Kẽer kẽng a b pʋtẽ, tɩ kẽer kẽng leebgo. 6Kẽer yõga sõgen-kambã n nams-ba, n kʋ-ba. 7Dĩma sũur puugame t'a yiis tãb-biisi tɩ b kʋ bãmb me la b yõog b tẽnga. 8A yaool n yeela sõgen-kambã: ‹Dɩɩba segl n sɛɛme, la m sẽn bool b rãmba yɩɩ nin-yoodo. 9Kẽng-y sotiisẽ, n kãas y sẽn yãe b rãmb fãa tɩ b wa kibsã.› 10Sõgen-kamba yiime, n wool b sẽn paam b rãmb fãa sor zugu, nin-sõma la nin-wẽnse, n pids roogã.
11Dɩma kẽe rɩɩba roogẽ n na n ges nebã la a mika ned a ye sẽn pa yeelg a sẽn tog n yeelg fuug ninga ye. A yeel-a lame: 12‹M zoa, bõe tɩ fo wa ka n ka yer f sẽn tog n yeelge?› La yẽ pa tõog n leok tɩ bũmb ye. 13#Mt 8,12; 25,30; Lk 13,28. Dẽ la dĩma yeel a sõgen-kamba: ‹Za-y nin-kãnga nao la a nus n lob-a yɩnga, likẽ, yãbr la yẽn kẽrsg zĩigẽ.› 14Yaa kʋʋnga zãng la b boonda la bilfr bala n na n paam n kẽ b sẽn tũus b rãmba sʋka.»
Rom naab yaoodo
15Farizẽ rãmba seda ne taaba n na bẽd a Zezi n yõk ne b meng noor gomde. 16B yiisa b karen-biis kẽere, n paas a Erod kẽedba kẽere, ne sokr kãnga: «Soaala, d miime tɩ y zãmsg yaa akɩka la y ka wilgd Wẽnnaam sor ne zoe-nif ye. 17Y ka bak nin-bedr ne nin-bil ye, dẽ la d kot tɩ y leok-do: togame bɩ ka toge tɩ d yao Rom naaba yaoodo?» 18A Zezi sẽn mi b wẽnema leok-b lame: «Zãmb rãmba yaa bõe la y bẽt-m bẽdgo? 19Wilg-y maam yaooda ligdi!» B kɩs-b la wakɩr koɛɛng a yembre. 20T'a Zezi na n sok-ba: «Ãnd neng la ãnd yʋʋre la b bẽeg wakɩra zugu?» Tɩ b leoke: 21«Yaa Rom naaba dẽnna!» Dɩlla, kɩs-y Rom naaba, y sẽn tog n kɩs-ba, la y kɩs Wẽnd me b sẽn tog ne. 22A Zezi leokra ling-b lame tɩ b na n bas ba n looge.
Kũum vʋʋgre
23 #
Tv 23,8. Yaa badaare la Saduseẽ rãmba, neb niyns sẽn gãd-b tɩ kũum ka tõe n vʋʋgã, kolg a Zezi n gom ne-b woto: 24#Yao 25,5. «Soaala, a Moyiiz yeela woto: ‹Ned sã n ki n ka bas biiga, bɩ yaoã rɩk a kẽema pag n dog biig n kõ a kẽema.› 25Ade, tõnd zamaanẽ wã neb a yopoe n zĩndi n da ya ba-biisi. Pipi soaba yii kãadem ne paga la a kiime n pa rog biig ye, n bas paga ne a ba-biig a yiib soabã. 26Yɩɩ woto ne yiib soabã, la tãab soabã n wa ta a yopoe soabã. 27Bãmb fãa loogr poore, paga waa n kiime. 28Vʋʋgra raare, paga paada ne bʋgo, b fãa yɩla a sɩdb rãmb la?»
29A Zezi leok-b lame: «Yãmb bee tudgr pʋgẽ tɩ y ka mi Wẽnnaam pãnga la y ka reeg sẽn gʋls sebr sõng pʋg ye. 30Bãng-y tɩ vʋʋgr poore rao pa le rɩkd paga, la pag ka le kuiis rao ye, b vɩɩ wa malɛk rãmba sẽn vɩ toto arzãnẽ. 31La yĩnsa vʋʋgr poorẽ, y pa karem gomd ning Wẽnd sẽn kõ-y wã la? B yeelame: 32#Ey 3,6. ‹Maam la a Abraam Wẽnnaam, a Izaak Wẽnnaam, a Zakoob Wẽnnaam?› B pa kiid n pa vʋʋgdẽ rãmb Wẽnnaam ye, b yaa sẽn vɩ-b Wẽnnaam.»
33A Zezi zãmsga pãng yɛɛsa sẽn wʋm-bã.
Wẽnnaam no kãsenga
34B sẽn wʋm t'a Zezi kʋɩdga Saduseẽ rãmba, Farizẽ rãmba me sũu taaba n wa. 35#Lk 10,25-28. B nin-yend soka a Zezi la sokra yɩɩ no-baoor meng-menga: 36«Soaala, bʋg la no-kãsenga Wẽnnaam noya sʋka?» 37#Yao 6,5. T'a Zezi yeel-a: «Yaa nong Wẽnnaam, f Soaala, ne f sũur fãa, ne f sɩɩg fãa, nef yam fãa. 38Yẽ la no-kãsenga la pipi soaba. 39#Man 19,18. Sẽn pʋgda yẽ wẽnd-a lame, yaa nong f to wala f menga, 40Noora la bãngdba sẽn togsa waa n soga noy bãmba b yiibã pʋgẽ.»
41A Zezi sẽn mik tɩ Farizẽ rãmba ra tigma taab wʋsgã, bãmb me sok-b lame: 42«Yamb yetame tɩ bõe, Wẽnd Nedã poorẽ? B yaa ãnda biiga?» Tɩ b leoke: «A Daviid biiga.» 43Dẽ la a Zezi yeel yã: «Sɩngame tɩ bõe marsã t'a Daviid sẽn gomd ne a Vʋʋsem Sõng vẽnegr baas n boond-b tɩ Soaala:
44 #
Yɩ 110,1. ‹Zu-soaba yeela m Soaala,
zĩnd m dɩtgo
tɩ m wa zõneg f bɛɛba fãa f taoore
tɩ f teeg-b ne f nao?›
45A Daviid sã n boond-b t'a Soaala, bãmb na n yɩ-la a wãn yɛsa n le yaa a Daviid biiga?» 46Ned ba a ye ka tõog n leok-b tɩ bũmb ye. Badaar tɛk me, b pa le saag n bao b noor ye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.