A Matiye Sõng 19
19
Pag yiisg yelle
(Mk 10,1-12; Lk 16,18)
1B sẽn kõ b koeesa Galile rãmb n sɛ, a Zezi yii be n dʋʋg Zʋrdẽ kʋɩlga n kẽ Zɩɩda soolmẽ, 2Neb wʋsg pʋg-b lame la b sãoog-b la beenẽ. 3Farizẽ rãmb kolgame n sok-ba la b sokra ra yaa bẽdgo: «Ned tõeeme n yiis a pag yaar bɩ?» 4#Bs 1,27; 5,2. Tɩ b leoke: «Dɩlla yãmb pa karem tɩ sɩngrẽ Wẽnnaam naana rao ne paga 5#Bs 2,24. la b yeelame: ‹Raoã tog n basa a ba la a ma n zĩnd ne a paga la b yiiba tog n lebga bõn-yɛnga?› 6B pa leb n ya yĩns a yiib ye, b yaa yĩng a ye. Bãng-y tɩ Wẽnd sẽn lagem bũmb ningã, ninsaal ka tog n welg-a ye.»
7 #
Yao 24,1-4; Mt 5,31. Farizẽ rãmba le sokame: «Yaa bõe yĩng marsã la a Moyiiz kõ noor tɩ b sã n na n yiis paga bɩ b kɩs-a a yiisg sebre?» 8T'a Zezi yeele: «Yaa y tʋb-pa-wʋmdma yĩnga la a Moiz kõ-y sor tɩ y yiis y pagba; la baad-y da ka boto sɩngrẽ ye. 9#Mt 5,32; 1Ko 7,10-11. Yaa rẽ yĩng la m yet yãmba, tɩ sã n ka b mikame tɩ b zĩnd-n-taara yaa kisgu, rao ning sẽn dig a paga, n lɛɛg n dɩk a to, maanda yoob bala.»
Yamleoog rakõto
10Karen-biisa yeel-b lame: «Rao ne pag yell sã n ya a woto, dẽnd f sẽn ka kẽed kãadem n são!» 11Tɩ b leoke: «Ka neb fãa n wʋmd dẽ ye, yaa Wẽnd sẽn kõ b rãmb bala. 12Neb kẽer beeme n pa tõe n kẽ kãadem ye, tɩ b roga boto; kẽer beeme n pa tõe n kẽ kãadem tɩ Zamaana rãmb n wa ne gɩdgr kãnga; kẽer beeme n pa tõe n kẽ kãadem ye la yaa bãmb n tʋlg rẽ ne b yamleoogo, Arzãn Rĩunga yĩnga. Sẽn tõe-a n wʋm, bɩ a wʋm!»
A Zezi ne kom-bõonego
13Kom-bõoneg la b tall n wa a Zezi taoore tɩ b ning-b barka; b tẽega b nus b zutu n pʋʋs b yĩnga. Karen-biisa da rigda kambã. 14Dẽ la a Zezi yeel-ba: «Bas-y kom-bõonegã tɩ b wa m nengẽ la y da rig-b ye tɩ yaa sẽn wẽnd-b bãmb bala n na n soog Arzãn Rĩungã.» 15B tẽega b nus b zutu n yaool n le rɩk b sore.
Rakãag pol kibare
16Ade, ned n kolg a Zezi n sok-ba: «Karen-saamba, bõn-sõng bʋg la m na n maane, n paam vɩɩm sẽn kõn sɛ?» 17T'a Zezi yeel-a: «Bõe yĩng la f sokd maam bõn-sõng poorẽ? Nin-yend bal la sõngo. F sã n dat n kẽ vɩɩmẽ, deeg Wẽnnaam noyã.» 18#Ey 20,13-16; Yao 5,17-20. T'a na n yeele: «Noy bʋse?» T'a Zezi leoke: «Da kʋ ye, da yo ye, da zu ye, da maan kaset-zirẽ ye, 19#Ey 20,12; Yao 5,16; Man 19,18. waoog f ba la f ma, n paas yɛsa: nong f to n wẽnd f menga.» 20Tɩ bi-bɩɩga na n yeele: «Mam deega rẽ fãa al m yãadmẽ. Bõe n ket marsã?» 21T'a Zezi yeele: «Fo sã n dat n yɩ sõng zãnga, bɩ f kẽng n tɩ koos f sẽn tar fãa n pʋɩ naong rãmba tɩ f na paam dolb arzãnẽ, la wa pʋg maam.» 22A sẽn wʋm dẽ, rasãnga looga ne sũ-sãanga t'a ra yaa rakãagre.
23A Zezi yaool n yeela b karen-biisã: «Sɩd-sɩda m yet-y lame tɩ arzãn kõom na yɩ toog ne arzɛk soaba. 24N-yẽe, m le togsd-y lame n paas tɩ yʋgemd sẽn na n tũ supĩim yõorẽ n looge yaa naana n yɩɩd arzɛk soaba sẽn na n kẽ Wẽnd Rĩunga pugẽ.» 25Karen-biisa yɛɛsame, n yetẽ: «Sã n ya woto ãnda n na n põse?» 26T'a Zezi ges-ba n yeel-ba: «Dẽ wẽnda toog ne ninsaala la Wẽnnaam nengẽ, bũmb pa toog ye.»
Bas fã n pʋg Wẽnd yõodo
27A Piyɛr goma woto: «Tõnd basa fãa n pʋg yãmba, bõe n na n yɩ tõnd dolbo?» 28#Mt 25,31; Lk 22,30. T'a Zezi yeele: «Sɩd-sɩda m yeta yãmb fãa sẽn pʋg maama, tɩ dũni tekr wakato, Ned Biiga sẽn wat n zĩnd a zɩɩr goeela zugu, yãmb me na zĩnd n yegl-ba, goeels piig la a yiib zutu, n kao Israyɛl sags piig la a yiiba bʋʋdo. 29Ned ninga fãa sẽn na n bas a yiri, a yaopa, a tãopa, a ba, a ma, a kamba bɩ a pʋto, mam yĩnga, a na paam sẽn yɩɩd rẽnna, a na paam vɩɩm sẽn ka tar sɛɛbo. 30#Mt 20,16; Lk 13,30. Pipi rãmba wʋsg na n lebga poorẽ dãmba tɩ yaoolem dãmb wʋsg lebg pipi rãmba.
Currently Selected:
A Matiye Sõng 19: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
A Matiye Sõng 19
19
Pag yiisg yelle
(Mk 10,1-12; Lk 16,18)
1B sẽn kõ b koeesa Galile rãmb n sɛ, a Zezi yii be n dʋʋg Zʋrdẽ kʋɩlga n kẽ Zɩɩda soolmẽ, 2Neb wʋsg pʋg-b lame la b sãoog-b la beenẽ. 3Farizẽ rãmb kolgame n sok-ba la b sokra ra yaa bẽdgo: «Ned tõeeme n yiis a pag yaar bɩ?» 4#Bs 1,27; 5,2. Tɩ b leoke: «Dɩlla yãmb pa karem tɩ sɩngrẽ Wẽnnaam naana rao ne paga 5#Bs 2,24. la b yeelame: ‹Raoã tog n basa a ba la a ma n zĩnd ne a paga la b yiiba tog n lebga bõn-yɛnga?› 6B pa leb n ya yĩns a yiib ye, b yaa yĩng a ye. Bãng-y tɩ Wẽnd sẽn lagem bũmb ningã, ninsaal ka tog n welg-a ye.»
7 #
Yao 24,1-4; Mt 5,31. Farizẽ rãmba le sokame: «Yaa bõe yĩng marsã la a Moyiiz kõ noor tɩ b sã n na n yiis paga bɩ b kɩs-a a yiisg sebre?» 8T'a Zezi yeele: «Yaa y tʋb-pa-wʋmdma yĩnga la a Moiz kõ-y sor tɩ y yiis y pagba; la baad-y da ka boto sɩngrẽ ye. 9#Mt 5,32; 1Ko 7,10-11. Yaa rẽ yĩng la m yet yãmba, tɩ sã n ka b mikame tɩ b zĩnd-n-taara yaa kisgu, rao ning sẽn dig a paga, n lɛɛg n dɩk a to, maanda yoob bala.»
Yamleoog rakõto
10Karen-biisa yeel-b lame: «Rao ne pag yell sã n ya a woto, dẽnd f sẽn ka kẽed kãadem n são!» 11Tɩ b leoke: «Ka neb fãa n wʋmd dẽ ye, yaa Wẽnd sẽn kõ b rãmb bala. 12Neb kẽer beeme n pa tõe n kẽ kãadem ye, tɩ b roga boto; kẽer beeme n pa tõe n kẽ kãadem tɩ Zamaana rãmb n wa ne gɩdgr kãnga; kẽer beeme n pa tõe n kẽ kãadem ye la yaa bãmb n tʋlg rẽ ne b yamleoogo, Arzãn Rĩunga yĩnga. Sẽn tõe-a n wʋm, bɩ a wʋm!»
A Zezi ne kom-bõonego
13Kom-bõoneg la b tall n wa a Zezi taoore tɩ b ning-b barka; b tẽega b nus b zutu n pʋʋs b yĩnga. Karen-biisa da rigda kambã. 14Dẽ la a Zezi yeel-ba: «Bas-y kom-bõonegã tɩ b wa m nengẽ la y da rig-b ye tɩ yaa sẽn wẽnd-b bãmb bala n na n soog Arzãn Rĩungã.» 15B tẽega b nus b zutu n yaool n le rɩk b sore.
Rakãag pol kibare
16Ade, ned n kolg a Zezi n sok-ba: «Karen-saamba, bõn-sõng bʋg la m na n maane, n paam vɩɩm sẽn kõn sɛ?» 17T'a Zezi yeel-a: «Bõe yĩng la f sokd maam bõn-sõng poorẽ? Nin-yend bal la sõngo. F sã n dat n kẽ vɩɩmẽ, deeg Wẽnnaam noyã.» 18#Ey 20,13-16; Yao 5,17-20. T'a na n yeele: «Noy bʋse?» T'a Zezi leoke: «Da kʋ ye, da yo ye, da zu ye, da maan kaset-zirẽ ye, 19#Ey 20,12; Yao 5,16; Man 19,18. waoog f ba la f ma, n paas yɛsa: nong f to n wẽnd f menga.» 20Tɩ bi-bɩɩga na n yeele: «Mam deega rẽ fãa al m yãadmẽ. Bõe n ket marsã?» 21T'a Zezi yeele: «Fo sã n dat n yɩ sõng zãnga, bɩ f kẽng n tɩ koos f sẽn tar fãa n pʋɩ naong rãmba tɩ f na paam dolb arzãnẽ, la wa pʋg maam.» 22A sẽn wʋm dẽ, rasãnga looga ne sũ-sãanga t'a ra yaa rakãagre.
23A Zezi yaool n yeela b karen-biisã: «Sɩd-sɩda m yet-y lame tɩ arzãn kõom na yɩ toog ne arzɛk soaba. 24N-yẽe, m le togsd-y lame n paas tɩ yʋgemd sẽn na n tũ supĩim yõorẽ n looge yaa naana n yɩɩd arzɛk soaba sẽn na n kẽ Wẽnd Rĩunga pugẽ.» 25Karen-biisa yɛɛsame, n yetẽ: «Sã n ya woto ãnda n na n põse?» 26T'a Zezi ges-ba n yeel-ba: «Dẽ wẽnda toog ne ninsaala la Wẽnnaam nengẽ, bũmb pa toog ye.»
Bas fã n pʋg Wẽnd yõodo
27A Piyɛr goma woto: «Tõnd basa fãa n pʋg yãmba, bõe n na n yɩ tõnd dolbo?» 28#Mt 25,31; Lk 22,30. T'a Zezi yeele: «Sɩd-sɩda m yeta yãmb fãa sẽn pʋg maama, tɩ dũni tekr wakato, Ned Biiga sẽn wat n zĩnd a zɩɩr goeela zugu, yãmb me na zĩnd n yegl-ba, goeels piig la a yiib zutu, n kao Israyɛl sags piig la a yiiba bʋʋdo. 29Ned ninga fãa sẽn na n bas a yiri, a yaopa, a tãopa, a ba, a ma, a kamba bɩ a pʋto, mam yĩnga, a na paam sẽn yɩɩd rẽnna, a na paam vɩɩm sẽn ka tar sɛɛbo. 30#Mt 20,16; Lk 13,30. Pipi rãmba wʋsg na n lebga poorẽ dãmba tɩ yaoolem dãmb wʋsg lebg pipi rãmba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.