A Matiye Sõng 12
12
Vʋʋsg daar no-koeemde
(Mk 2,23-28; Lk 6,1-5)
1 #
Yao 23,26. Sibr daar a ye, a Zezi waa n loogda kood sẽn bɩ sʋka. Kom da tara b karen-biisã tɩ b kũus ka-zut n tẽg n wãbe. 2Farizẽ rãmb yãeeme n yeel-ba: «Yãmb karen-biisa maanda sẽn kis vʋʋsg daare!» 3#1S 21,1-7. T'a Zezi na n yeel-ba: «Dɩlla yãmb pa karen a Daviid sẽn maan bũmb ninga, kom sẽn waa n yõk-a, yẽnda ne a tũud-n-taase? 4#Man 24,9. Ad-y b kẽe wẽnd doogẽ n dɩ buri niyns sẽn da rɩk n kõ Wẽndã. Yẽ ne a tũud-n-taasa yaool n da pa tõe n dɩ bur kãens ye, tɩ maan-kʋʋdba bal n da tar sor n dɩ-ba. 5#Ss 28,9-10. Bũmb a to, y pa karem Noora sebrẽ tɩ vʋʋsga daare maan-kʋʋdba tʋmda wẽnd doogẽ tɩ ka yel-wẽnd bɩ? 6M yet-y lame: sẽn yɛs-a yãmb taoorã yɩɩda wẽnd doogã. 7#Mt 9,13; Oz 6,6. Yãmb sã n dag n wʋme gomd kãnga võore: m nonga nimbãan-zoeere n yɩɩd maoongo, y kõn sak n ningẽ taale neb sẽn ka maan yel-wẽnd ye. 8Bãng-y tɩ Ned Biigã n so vʋʋsga daare.»
9B sẽn looge, pʋʋsga roogẽ la b tɩ kẽ. 10Zemsg neere, nug kɩɩng a ye soab n da be be la Farizẽ rãmba soka a Zezi: «Bãad tõe n sãooga vʋʋsga daar bɩ?» B soka woto n na n kẽes a Zezi yellẽ. 11#Lk 14,5. Dẽ la a Zezi leok-ba: «Yãmb sʋka, ãnd n tar pe-yãang a ye tãa, t'a lʋɩ bokẽ vʋʋsga daare t'a zãgs a tɩ gãd-a n yiisi? 12Y mi tɩ ninsaal yɩɩda pesg al zĩig sẽn zãre. Dẽnna bõn-sõng maaneg ka kis vʋʋsga daar ye.» 13Dẽ poore b yeela koamsã: «Tẽeg f nug.» A tẽega a nugu, nuga vʋʋgame n ya kɛgeng wala a yembrã. 14Farizẽ rãmba yiime la b yẽsa ne taaba b sẽn na n maanega n paam a Zezi n kʋ.
A Zezi waa Wẽnd tʋʋmd yĩnga
15B sẽn bãng rẽ, a Zezi yiime. Wʋsg tũ-b lame. 16B sãooga koms rãmba fãa la b yeel-b lame tɩ b ra gom tɩ ned wʋm ye. 17Woto taasa bãngda Izayi gomde:
18Ad ned ning m sẽn yãk m tʋʋmda yĩnga.
Yaa m zoa nongre, m yam kẽe-a la zãnga.
M na n sika m Vʋʋsem a zugu,
t'a wilg bu-zẽmba sõmblem la sɩd sore.
19A kõn yɩ zab baooda la bʋrg soab ye.
Ned kõn wʋm a koɛɛg sotiisẽ ye.
20Tipol sẽn kaooge, a kõn kũk-a n baas ye
fitil laong sẽn ket n nukd bug-zõose,
a kõn kiis-a n baas ye
al n wa tõog tɩ sɩd la sõmblem
reeg zĩig zãng n yãmbe.
21 #
Iz 42,1-3. Yẽnda la dʋni rãmba fãa na n maan b teegda.
A Zezi ne a Beelzebul
22Sʋtãan n da kẽ neda t'a soaba ya zoanga la muka la b tall-a lame n wa a Zezi taoore la bãmb sãoog-a lame t'a gomd la a neẽ. 23Zãma wã yɛɛsame n yetẽ: «Nin kãnga kaa Daviid biigã?» 24#Mt 9,34; 10,25. Farizẽ rãmba wʋmame n leoke: «A sã n digd sʋtãamba, yaa ne Sʋtãamba naab, a Beelzebul, pãnga.»
25A Zezi sẽn mi b pʋga yeel-b lame: «Rĩung buud fãa sẽn welg sagse, rĩung kãng baooda a wãabo. Tẽng a ye rãmba bɩ zak a ye rãmb sã n welg taaba, tẽng kãng bɩ zak kãng ka tõe n yals ye. 26Sʋtãan sã n digd a sʋtãan taaga, a welga a yiibu, a naam na n yɩɩ wãn n vigli? 27Sã n yaa ne a Beelzebul pãng la mam digd Sʋtãamba, yãmb neba rigd-b la ne ãnda rẽnna? Dɩlla bãmb n na n kao y bʋʋdo. 28La sã n ya ne a Vʋʋsem Sõng pãng la m digd sʋtãamba, bɩ y bãng tɩ Wẽnd Rĩunga taa yãmba.
29Bũmba to yɛsa: ned yɩta a wãn n kẽ gãndaoog zakẽ n zɛ a teedo, a sã n ka reng n yõk-a n sẽbe? Sẽbdame n yaool n zɛ teedo.
30 #
Mk 9,40. Sẽn ka-a mam zoa, yaa mam bɛyã, sẽn ka suiid-a mam sẽn suiidẽ, sẽegdame. 31Yaa rẽ la m yeta: ninsaalba na n paam b yel-wẽnd la wẽn-tʋʋr buud fãa sugri la a Vʋʋsem Sõng tʋʋda kõn paam sugr ye. 32#Lk 12,10. Sẽn tʋʋs-a Ned Biiga na paam sugri, la sẽn tʋʋs-a Vʋʋsem Sõngo kõn paam sugr dũni kãnga la dũni ninga sẽn pʋgda ye.
Noor gomd n wilgd sũur tagsgo
33 #
Mt 7,20; Lk 6,44. Tɩ-sõngo womda bi-sõma. Tɩ-yoog biis me na yɩ yoodo. Tɩɩg biig n wilgd a sã n yaa sõng bɩ yoogo. 34#Mt 3,7; 23,33; 15,18; Lk 3,7; 6,45. Wag-bi buudu, y goama yɩta a wãn n yɩ sõma tɩ y mens ya wẽnse? Sẽn pid sũuri n wat noorẽ! 35Nin-sõng yiisda bõn-sõma tɩ bõn-sõma la a bĩng a baoorẽ, la nin-wẽng sẽn bĩng bõn-wẽnsã, yiisda bõn-wẽnse. 36M yet-y lame, gomd yaalg buud fãa ned sẽn na n yiis a noorẽ, b na sok-a bʋʋda raare. 37Yaa f sẽn yiis f noorẽ n na n yiis foo bʋʋdẽ bɩ n na n paalg-fo.»
A Zonas makre
38 #
Mt 16,1; Mk 8,11; Lk 11,16. Noor sebra mitba la Farizẽ rãmb kẽere yeel-b lame: «Soaala, d tʋllame tɩ y maan bõn-bãnd tɩ d yãende.» 39#Mt 16,4; Mk 8,12. B leok-b lame: «Zãmb la yoob zamaan kamba rata wẽnd makre la b ka na n paam wẽnd makr a to ye; a Zonas makra bal la m na n kõ-ba. 40#Zã 1,17. Wala a Zonas sẽn pa mogra Bõn-nind pʋg rasem a tã la yʋnd a tã, wotome Ned Biiga na n paa tẽng pʋgẽ rasem a tã la yʋnd a tãabo. 41#Zo 3,5. Bʋʋda raare, Niniv rãmb na n yika ne rũnna zamaana rãmba la b na n mong-b-la bʋʋm, tɩ bãmb sẽn wʋm a Zonas koɛɛga, b sɩbga b mense; sẽn yɛs-a ka wã yɩɩda a Zonas. 42#1Dĩm 10,1-10; 2Nar 9,1-12. Bʋʋda raare, tẽn-zãorgẽ Dĩmpoaka na n yika ne rũnna zamaana rãmba la a na n mong-b-la bʋʋm tɩ yẽ yii al Mooga sɛtmẽ n wa kelg gom-minim naab, a Salomo, la sẽn be-a ka wã yɩɩda a Salomo!
Sʋtãan pẽgda a ro-kʋdgo
43Sʋtãan dẽgd sã n yi n bas a sẽn da kẽ a soaba, a gõoda weoogo n baood vʋʋsg zĩiga n ka yãetẽ ye. 44A yeta a sũurẽ: m na n leba m zĩ-kʋdgẽ. A watame n mik t'a yaa vɩʋʋgo, mik tɩ b maneg pɩɩs-a lame, tɩ bũmb fãa be a zĩigẽ. 45T'a na n lɛɛg n wa ne a sʋtãan taas a yopoe sẽn yɩɩd yẽ ne wẽnem, tɩ b wa kẽ-a. Bãng-y tɩ nin-kãng yell lebgda wẽng n yɩɩg pĩnda. Dũnna zamaan yooka yell na n yɩɩ boto.»
A Zezi roagdba
46A Zezi ra ket n sõsda ne zãma wã la b ma ne b saam-biisa waa n bee yɩng n dat n gom ne-ba. [ 47Ned a ye n wilgi: y ba la y ma n be dignoorẽ la b rat n leok-y la bũmbu.] 48A Zezi yeela sẽn waa n togsa wã: «Ãnda la mam ma, la m saam-biisi?» 49La b zẽka b nug n tees b karen-biisã, n yetẽ: «Ad m ma la m saam-biisi. 50Ned ninga sẽn maand-a m Ba sẽn be arzãna yam, yẽ yaa saam-biiga, la tão, la ma, m yĩnga.»
Currently Selected:
A Matiye Sõng 12: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
A Matiye Sõng 12
12
Vʋʋsg daar no-koeemde
(Mk 2,23-28; Lk 6,1-5)
1 #
Yao 23,26. Sibr daar a ye, a Zezi waa n loogda kood sẽn bɩ sʋka. Kom da tara b karen-biisã tɩ b kũus ka-zut n tẽg n wãbe. 2Farizẽ rãmb yãeeme n yeel-ba: «Yãmb karen-biisa maanda sẽn kis vʋʋsg daare!» 3#1S 21,1-7. T'a Zezi na n yeel-ba: «Dɩlla yãmb pa karen a Daviid sẽn maan bũmb ninga, kom sẽn waa n yõk-a, yẽnda ne a tũud-n-taase? 4#Man 24,9. Ad-y b kẽe wẽnd doogẽ n dɩ buri niyns sẽn da rɩk n kõ Wẽndã. Yẽ ne a tũud-n-taasa yaool n da pa tõe n dɩ bur kãens ye, tɩ maan-kʋʋdba bal n da tar sor n dɩ-ba. 5#Ss 28,9-10. Bũmb a to, y pa karem Noora sebrẽ tɩ vʋʋsga daare maan-kʋʋdba tʋmda wẽnd doogẽ tɩ ka yel-wẽnd bɩ? 6M yet-y lame: sẽn yɛs-a yãmb taoorã yɩɩda wẽnd doogã. 7#Mt 9,13; Oz 6,6. Yãmb sã n dag n wʋme gomd kãnga võore: m nonga nimbãan-zoeere n yɩɩd maoongo, y kõn sak n ningẽ taale neb sẽn ka maan yel-wẽnd ye. 8Bãng-y tɩ Ned Biigã n so vʋʋsga daare.»
9B sẽn looge, pʋʋsga roogẽ la b tɩ kẽ. 10Zemsg neere, nug kɩɩng a ye soab n da be be la Farizẽ rãmba soka a Zezi: «Bãad tõe n sãooga vʋʋsga daar bɩ?» B soka woto n na n kẽes a Zezi yellẽ. 11#Lk 14,5. Dẽ la a Zezi leok-ba: «Yãmb sʋka, ãnd n tar pe-yãang a ye tãa, t'a lʋɩ bokẽ vʋʋsga daare t'a zãgs a tɩ gãd-a n yiisi? 12Y mi tɩ ninsaal yɩɩda pesg al zĩig sẽn zãre. Dẽnna bõn-sõng maaneg ka kis vʋʋsga daar ye.» 13Dẽ poore b yeela koamsã: «Tẽeg f nug.» A tẽega a nugu, nuga vʋʋgame n ya kɛgeng wala a yembrã. 14Farizẽ rãmba yiime la b yẽsa ne taaba b sẽn na n maanega n paam a Zezi n kʋ.
A Zezi waa Wẽnd tʋʋmd yĩnga
15B sẽn bãng rẽ, a Zezi yiime. Wʋsg tũ-b lame. 16B sãooga koms rãmba fãa la b yeel-b lame tɩ b ra gom tɩ ned wʋm ye. 17Woto taasa bãngda Izayi gomde:
18Ad ned ning m sẽn yãk m tʋʋmda yĩnga.
Yaa m zoa nongre, m yam kẽe-a la zãnga.
M na n sika m Vʋʋsem a zugu,
t'a wilg bu-zẽmba sõmblem la sɩd sore.
19A kõn yɩ zab baooda la bʋrg soab ye.
Ned kõn wʋm a koɛɛg sotiisẽ ye.
20Tipol sẽn kaooge, a kõn kũk-a n baas ye
fitil laong sẽn ket n nukd bug-zõose,
a kõn kiis-a n baas ye
al n wa tõog tɩ sɩd la sõmblem
reeg zĩig zãng n yãmbe.
21 #
Iz 42,1-3. Yẽnda la dʋni rãmba fãa na n maan b teegda.
A Zezi ne a Beelzebul
22Sʋtãan n da kẽ neda t'a soaba ya zoanga la muka la b tall-a lame n wa a Zezi taoore la bãmb sãoog-a lame t'a gomd la a neẽ. 23Zãma wã yɛɛsame n yetẽ: «Nin kãnga kaa Daviid biigã?» 24#Mt 9,34; 10,25. Farizẽ rãmba wʋmame n leoke: «A sã n digd sʋtãamba, yaa ne Sʋtãamba naab, a Beelzebul, pãnga.»
25A Zezi sẽn mi b pʋga yeel-b lame: «Rĩung buud fãa sẽn welg sagse, rĩung kãng baooda a wãabo. Tẽng a ye rãmba bɩ zak a ye rãmb sã n welg taaba, tẽng kãng bɩ zak kãng ka tõe n yals ye. 26Sʋtãan sã n digd a sʋtãan taaga, a welga a yiibu, a naam na n yɩɩ wãn n vigli? 27Sã n yaa ne a Beelzebul pãng la mam digd Sʋtãamba, yãmb neba rigd-b la ne ãnda rẽnna? Dɩlla bãmb n na n kao y bʋʋdo. 28La sã n ya ne a Vʋʋsem Sõng pãng la m digd sʋtãamba, bɩ y bãng tɩ Wẽnd Rĩunga taa yãmba.
29Bũmba to yɛsa: ned yɩta a wãn n kẽ gãndaoog zakẽ n zɛ a teedo, a sã n ka reng n yõk-a n sẽbe? Sẽbdame n yaool n zɛ teedo.
30 #
Mk 9,40. Sẽn ka-a mam zoa, yaa mam bɛyã, sẽn ka suiid-a mam sẽn suiidẽ, sẽegdame. 31Yaa rẽ la m yeta: ninsaalba na n paam b yel-wẽnd la wẽn-tʋʋr buud fãa sugri la a Vʋʋsem Sõng tʋʋda kõn paam sugr ye. 32#Lk 12,10. Sẽn tʋʋs-a Ned Biiga na paam sugri, la sẽn tʋʋs-a Vʋʋsem Sõngo kõn paam sugr dũni kãnga la dũni ninga sẽn pʋgda ye.
Noor gomd n wilgd sũur tagsgo
33 #
Mt 7,20; Lk 6,44. Tɩ-sõngo womda bi-sõma. Tɩ-yoog biis me na yɩ yoodo. Tɩɩg biig n wilgd a sã n yaa sõng bɩ yoogo. 34#Mt 3,7; 23,33; 15,18; Lk 3,7; 6,45. Wag-bi buudu, y goama yɩta a wãn n yɩ sõma tɩ y mens ya wẽnse? Sẽn pid sũuri n wat noorẽ! 35Nin-sõng yiisda bõn-sõma tɩ bõn-sõma la a bĩng a baoorẽ, la nin-wẽng sẽn bĩng bõn-wẽnsã, yiisda bõn-wẽnse. 36M yet-y lame, gomd yaalg buud fãa ned sẽn na n yiis a noorẽ, b na sok-a bʋʋda raare. 37Yaa f sẽn yiis f noorẽ n na n yiis foo bʋʋdẽ bɩ n na n paalg-fo.»
A Zonas makre
38 #
Mt 16,1; Mk 8,11; Lk 11,16. Noor sebra mitba la Farizẽ rãmb kẽere yeel-b lame: «Soaala, d tʋllame tɩ y maan bõn-bãnd tɩ d yãende.» 39#Mt 16,4; Mk 8,12. B leok-b lame: «Zãmb la yoob zamaan kamba rata wẽnd makre la b ka na n paam wẽnd makr a to ye; a Zonas makra bal la m na n kõ-ba. 40#Zã 1,17. Wala a Zonas sẽn pa mogra Bõn-nind pʋg rasem a tã la yʋnd a tã, wotome Ned Biiga na n paa tẽng pʋgẽ rasem a tã la yʋnd a tãabo. 41#Zo 3,5. Bʋʋda raare, Niniv rãmb na n yika ne rũnna zamaana rãmba la b na n mong-b-la bʋʋm, tɩ bãmb sẽn wʋm a Zonas koɛɛga, b sɩbga b mense; sẽn yɛs-a ka wã yɩɩda a Zonas. 42#1Dĩm 10,1-10; 2Nar 9,1-12. Bʋʋda raare, tẽn-zãorgẽ Dĩmpoaka na n yika ne rũnna zamaana rãmba la a na n mong-b-la bʋʋm tɩ yẽ yii al Mooga sɛtmẽ n wa kelg gom-minim naab, a Salomo, la sẽn be-a ka wã yɩɩda a Salomo!
Sʋtãan pẽgda a ro-kʋdgo
43Sʋtãan dẽgd sã n yi n bas a sẽn da kẽ a soaba, a gõoda weoogo n baood vʋʋsg zĩiga n ka yãetẽ ye. 44A yeta a sũurẽ: m na n leba m zĩ-kʋdgẽ. A watame n mik t'a yaa vɩʋʋgo, mik tɩ b maneg pɩɩs-a lame, tɩ bũmb fãa be a zĩigẽ. 45T'a na n lɛɛg n wa ne a sʋtãan taas a yopoe sẽn yɩɩd yẽ ne wẽnem, tɩ b wa kẽ-a. Bãng-y tɩ nin-kãng yell lebgda wẽng n yɩɩg pĩnda. Dũnna zamaan yooka yell na n yɩɩ boto.»
A Zezi roagdba
46A Zezi ra ket n sõsda ne zãma wã la b ma ne b saam-biisa waa n bee yɩng n dat n gom ne-ba. [ 47Ned a ye n wilgi: y ba la y ma n be dignoorẽ la b rat n leok-y la bũmbu.] 48A Zezi yeela sẽn waa n togsa wã: «Ãnda la mam ma, la m saam-biisi?» 49La b zẽka b nug n tees b karen-biisã, n yetẽ: «Ad m ma la m saam-biisi. 50Ned ninga sẽn maand-a m Ba sẽn be arzãna yam, yẽ yaa saam-biiga, la tão, la ma, m yĩnga.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.