A Matiye Sõng 10
10
Tʋʋm-tʋmd piig la yiib tũusgu
(Mk 3,16-19; Lk 6,14-16)
1B boola b Tʋʋm-tʋmdb piig la a yiibã la b kõ-b-la tõog tɩ b rig Sʋtãamba la b sãoog bãag la pa-keem buud fãa.
2Tʋʋm-tʋmdb piig la a yiibã yʋy la woto: pipi yaa a Simo, b sẽn boond a soab tɩ Piyɛr; yẽ poore, a yao, a Andre, n paas a Zak ne a yao, a Zã, bãmb ba la a Zebede; 3le yaa a Filip, a Bartelemi, a Toma, a Matiye, yẽ da reegda fadgo; le paasa a Zak, a Alfe biiga ne a Taade, 4n paas a Simo a to: yẽ la m sũur bee ne buuda bɛ fãa; n baasd ne a Zɩɩda, Iskariyot tẽng neda; yẽ n sõng a Zezi bɛɛba tɩ b paam-ba n yõke. 5Bãmb piig la a yiibã la a Zezi yeel tɩ b saag n ges tẽnsã, n sagl-b woto:
«Da tũ-y bu-zẽmba sor ye, la ra kẽ-y Samari rãmb tẽngẽ ye. 6Pʋg-y Israyɛl kamba sẽn kẽ-b weoog wa piisã. 7#Lk 10,4-12. Sor zug bɩ y moon tɩ Wẽnd Rĩung kolgame. 8Sãoog-y bãad dãmba, vʋʋg-y kũum, tõog-y yĩng bãase, dig-y Sʋtãamba. B kõo yãmb zaalem, bɩ yãmb me kõ zaalem. 9Da bao-y sãnem bɩ wanzurf ye, da sui-y bõonego y gɩfẽ ye. 10#1Ko 9,14; 1Tm 5,18. Da bob-y korgo n kẽnd ye, da zɩ-y fut a yiib ye, da widi neooda ye, da zã-y dasaar ye. Tʋʋm-tʋmd toga ne yaoodo.
11Y sã n kẽ tẽn-bil bɩ tẽn-kãsenga, bɩ y kos tɩ b wilg-y nin-sõng zaka tɩ y yõg gãag-sobend be, n ta y loogr daare. 12Y sã n wa kẽed zaka pʋga bɩ y kãab-a laafi, 13la a sã n sɩd tog ne-a, y laafi na sig a pʋgẽ, la y laafi kõn sig-a, a sã n pa tog ne-a ye. 14#Tv 13,51. Ned sã n mong-y gãag-sobendo, a sã n zãgs y koɛɛg kelgre, bɩ y yi a zakẽ, bɩ a tẽngẽ, la y fugumd y neooda tom. 15#Mt 11,24; Bs 19,24-28. La m yet-y lame tɩ bʋʋda raare, Sodom la Gomor nimbãanega kõn zeng tẽn-kãng rẽnd ye. 16#Lk 10,3. Ad-y m tʋmd-y-la wa pe-yãans digd-n-yĩids sʋka, bɩ y sɩlem yɩ waaf sɩlem, la y yɩ neb sẽn ka tar b toorẽ yelle wa walle.
Tʋʋm-tʋmdba na n yãee pɛta
17Maan-y gũusgu ne ninsaalba; b na n kẽes-y-la bʋʋdo bʋ-kaood bɛda taoore, b na n pãb-y la ne kaase, b pʋʋsg rotẽ. 18Mam yĩnga, b na n vu-y lame n kẽng dĩm dãmb la kombɛɛmba taoore, tɩ m datame tɩ y yɩ m kaset dãmba, bãmb la bu-zẽmba taoore. 19La b sã n wa yõg-y bɩ y ra nams y menga n bao y sẽn na n leok to-to, bɩ y sẽn na n togs bũmb ning ye; y sẽn na n togs bũmb ningã, y na bãng-a wakat kãng bala, 20#Mk 13,9-11; Lk 12,11-12; 21,12-15. tɩ ka yãmb n na n gome, yaa y Ba wã Vʋʋsem n na n gom y zĩigẽ.
21 #
Mk 13,12; Lk 21,16. Ned na n kɩsa a ba-biiga, tɩ b kʋ, tɩ ba na n kɩs a meng bi-roaka, tɩ kamb na n yik ne b ba rãmba, n kʋ-ba. 22#Mt 24,9, 13; Mk 13,13; Lk 21,17. B fãa na n kisga yãmb, mam yĩnga, la ned ninga sẽn na n kell n modga a yõor tɛka, yẽ soab n na n paam fãagre.
23B sã n digd yãmb tẽn kãngã, bɩ y zoe n kẽ tẽng a to, b sã n pʋg-y be, bɩ y zoe n kẽ tẽng a to; la m yet-y lame tɩ y kõn saag Israyɛl tẽnsã n sɛ, tɩ Ned Biiga nan ka wa ye.
24 #
Lk 6,40; Zã 13,16; 15,20. Karen-biig pa yɩɩd a karen-saamb ye, la rakõor pa yɩɩd a zu-soab ye. 25#Mt 9,34; 12,24; Mk 3,22; Lk 11,15. Karen-biig sã n Wẽnd a karen-saamba, tɩ dakõor wẽnd a zu-soaba, sekame. B sẽn bool zak soab t'a Beelzebul, bõe la b ka n a n yeel a zaka rãmb poorẽ?
Tʋʋm-tʋmd ka mi rabeem ye
26 #
Mk 4,22; Lk 8,17. Da zoe-y neba ye. Sẽn solg na n pukame la sẽn lud fãa na n lakame. M sẽn togs yãmb bũmb ning fãa likẽ, bɩ y yi n moon yɩnga, 27la m sẽn walem-y bũmb ning y tʋbrẽ bɩ y rʋ roog zugu n pãr-a.
28Da zoe-y lɛ-lɛ sẽn tõe n kʋ-b yĩngã n yaool n pa tõe n kʋ sɩɩga ye. Zoe-y bala, ned ning sẽn tõe n lub bugmẽ sɩɩga la yĩngã. 29Yirsa yiib yɩɩda tãma sɩda? La yirg ba a ye ka lʋɩt tẽnga tɩ y Ba zɩ tiir ye. 30Dɩlla yɩta a wãn ne yãmba. Ad-y y zoobda fãa, Wẽnd tara b sõore! 31Da bʋ-y ye, tɩ yãmb sãoo luin-sugri.
32Ned ninga sẽn na n yeel-a neb taoore t'a kẽeda maam, m Ba sẽn be arzãna taoore, mam me na yeel tɩ m kẽeda a soaba. 33#2Tm 2,12. Ned ninga sẽn na n yeel-a neb taoore t'a ka mi maam, mam me na yeele, m Ba sẽn be arzãna taoore, tɩ m ka mi-a ye.
34Da tẽ-y tɩ m talla laafi n wa tẽng zug ye, ka laafi la m tall n wa, yaa zabr sʋʋga. 35M waame n na n zablg ned ne a ba, bi-pugl ne a ma, pag ne a bi-paga. 36#Mi 7,6. Fo bɛɛba na n yii f buudẽ.
37Sẽn nong-a a ba bɩ a ma n yɩɩd maam, ka tog ne maam ye; sẽn nong-a a bi-ribl bɩ a bi-pugl n yɩɩd maam, yẽ soab ka tog ne maam ye. 38#Mt 16,24; Mk 8,34; Lk 9,23. Sẽn ka rɩkd-a a pika n pʋg maam, ka tog ne maam ye. 39#Mt 16,25; Mk 8,35; Lk 9,24; 17,33; Zã 12,25. Sẽn baood-a a yõore na n menes-a lame; la sẽn menesa a yõor mam yĩnga, na n le paam-a lame.
40 #
Mk 9,37; Lk 9,48; 10,16; Zã 13,20. Sẽn deegd-a yãmb sãando, yaa maam la a reegda; sẽn deegd-a maam sãando deegda ned ning sẽn tʋm-a maam.
41Ned ninga sẽn maand-a bãngd sãando a sẽn ya bãngda yĩnga, yẽ soab na n paama bãngd dolbo. Ned ning sẽn maand-a nin-sõng sãando a sẽn ya nin-sõnga yĩnga, yẽ soab na n paama nin-sõng dolbo.
42Ned ninga sẽn na n kõ m kom-bãmba nin-yend ko-maasg wamde, a sẽn ya m karen-biiga yĩnga, m yet-y lame t'a kõn kong a rolb ye.»
Currently Selected:
A Matiye Sõng 10: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
A Matiye Sõng 10
10
Tʋʋm-tʋmd piig la yiib tũusgu
(Mk 3,16-19; Lk 6,14-16)
1B boola b Tʋʋm-tʋmdb piig la a yiibã la b kõ-b-la tõog tɩ b rig Sʋtãamba la b sãoog bãag la pa-keem buud fãa.
2Tʋʋm-tʋmdb piig la a yiibã yʋy la woto: pipi yaa a Simo, b sẽn boond a soab tɩ Piyɛr; yẽ poore, a yao, a Andre, n paas a Zak ne a yao, a Zã, bãmb ba la a Zebede; 3le yaa a Filip, a Bartelemi, a Toma, a Matiye, yẽ da reegda fadgo; le paasa a Zak, a Alfe biiga ne a Taade, 4n paas a Simo a to: yẽ la m sũur bee ne buuda bɛ fãa; n baasd ne a Zɩɩda, Iskariyot tẽng neda; yẽ n sõng a Zezi bɛɛba tɩ b paam-ba n yõke. 5Bãmb piig la a yiibã la a Zezi yeel tɩ b saag n ges tẽnsã, n sagl-b woto:
«Da tũ-y bu-zẽmba sor ye, la ra kẽ-y Samari rãmb tẽngẽ ye. 6Pʋg-y Israyɛl kamba sẽn kẽ-b weoog wa piisã. 7#Lk 10,4-12. Sor zug bɩ y moon tɩ Wẽnd Rĩung kolgame. 8Sãoog-y bãad dãmba, vʋʋg-y kũum, tõog-y yĩng bãase, dig-y Sʋtãamba. B kõo yãmb zaalem, bɩ yãmb me kõ zaalem. 9Da bao-y sãnem bɩ wanzurf ye, da sui-y bõonego y gɩfẽ ye. 10#1Ko 9,14; 1Tm 5,18. Da bob-y korgo n kẽnd ye, da zɩ-y fut a yiib ye, da widi neooda ye, da zã-y dasaar ye. Tʋʋm-tʋmd toga ne yaoodo.
11Y sã n kẽ tẽn-bil bɩ tẽn-kãsenga, bɩ y kos tɩ b wilg-y nin-sõng zaka tɩ y yõg gãag-sobend be, n ta y loogr daare. 12Y sã n wa kẽed zaka pʋga bɩ y kãab-a laafi, 13la a sã n sɩd tog ne-a, y laafi na sig a pʋgẽ, la y laafi kõn sig-a, a sã n pa tog ne-a ye. 14#Tv 13,51. Ned sã n mong-y gãag-sobendo, a sã n zãgs y koɛɛg kelgre, bɩ y yi a zakẽ, bɩ a tẽngẽ, la y fugumd y neooda tom. 15#Mt 11,24; Bs 19,24-28. La m yet-y lame tɩ bʋʋda raare, Sodom la Gomor nimbãanega kõn zeng tẽn-kãng rẽnd ye. 16#Lk 10,3. Ad-y m tʋmd-y-la wa pe-yãans digd-n-yĩids sʋka, bɩ y sɩlem yɩ waaf sɩlem, la y yɩ neb sẽn ka tar b toorẽ yelle wa walle.
Tʋʋm-tʋmdba na n yãee pɛta
17Maan-y gũusgu ne ninsaalba; b na n kẽes-y-la bʋʋdo bʋ-kaood bɛda taoore, b na n pãb-y la ne kaase, b pʋʋsg rotẽ. 18Mam yĩnga, b na n vu-y lame n kẽng dĩm dãmb la kombɛɛmba taoore, tɩ m datame tɩ y yɩ m kaset dãmba, bãmb la bu-zẽmba taoore. 19La b sã n wa yõg-y bɩ y ra nams y menga n bao y sẽn na n leok to-to, bɩ y sẽn na n togs bũmb ning ye; y sẽn na n togs bũmb ningã, y na bãng-a wakat kãng bala, 20#Mk 13,9-11; Lk 12,11-12; 21,12-15. tɩ ka yãmb n na n gome, yaa y Ba wã Vʋʋsem n na n gom y zĩigẽ.
21 #
Mk 13,12; Lk 21,16. Ned na n kɩsa a ba-biiga, tɩ b kʋ, tɩ ba na n kɩs a meng bi-roaka, tɩ kamb na n yik ne b ba rãmba, n kʋ-ba. 22#Mt 24,9, 13; Mk 13,13; Lk 21,17. B fãa na n kisga yãmb, mam yĩnga, la ned ninga sẽn na n kell n modga a yõor tɛka, yẽ soab n na n paam fãagre.
23B sã n digd yãmb tẽn kãngã, bɩ y zoe n kẽ tẽng a to, b sã n pʋg-y be, bɩ y zoe n kẽ tẽng a to; la m yet-y lame tɩ y kõn saag Israyɛl tẽnsã n sɛ, tɩ Ned Biiga nan ka wa ye.
24 #
Lk 6,40; Zã 13,16; 15,20. Karen-biig pa yɩɩd a karen-saamb ye, la rakõor pa yɩɩd a zu-soab ye. 25#Mt 9,34; 12,24; Mk 3,22; Lk 11,15. Karen-biig sã n Wẽnd a karen-saamba, tɩ dakõor wẽnd a zu-soaba, sekame. B sẽn bool zak soab t'a Beelzebul, bõe la b ka n a n yeel a zaka rãmb poorẽ?
Tʋʋm-tʋmd ka mi rabeem ye
26 #
Mk 4,22; Lk 8,17. Da zoe-y neba ye. Sẽn solg na n pukame la sẽn lud fãa na n lakame. M sẽn togs yãmb bũmb ning fãa likẽ, bɩ y yi n moon yɩnga, 27la m sẽn walem-y bũmb ning y tʋbrẽ bɩ y rʋ roog zugu n pãr-a.
28Da zoe-y lɛ-lɛ sẽn tõe n kʋ-b yĩngã n yaool n pa tõe n kʋ sɩɩga ye. Zoe-y bala, ned ning sẽn tõe n lub bugmẽ sɩɩga la yĩngã. 29Yirsa yiib yɩɩda tãma sɩda? La yirg ba a ye ka lʋɩt tẽnga tɩ y Ba zɩ tiir ye. 30Dɩlla yɩta a wãn ne yãmba. Ad-y y zoobda fãa, Wẽnd tara b sõore! 31Da bʋ-y ye, tɩ yãmb sãoo luin-sugri.
32Ned ninga sẽn na n yeel-a neb taoore t'a kẽeda maam, m Ba sẽn be arzãna taoore, mam me na yeel tɩ m kẽeda a soaba. 33#2Tm 2,12. Ned ninga sẽn na n yeel-a neb taoore t'a ka mi maam, mam me na yeele, m Ba sẽn be arzãna taoore, tɩ m ka mi-a ye.
34Da tẽ-y tɩ m talla laafi n wa tẽng zug ye, ka laafi la m tall n wa, yaa zabr sʋʋga. 35M waame n na n zablg ned ne a ba, bi-pugl ne a ma, pag ne a bi-paga. 36#Mi 7,6. Fo bɛɛba na n yii f buudẽ.
37Sẽn nong-a a ba bɩ a ma n yɩɩd maam, ka tog ne maam ye; sẽn nong-a a bi-ribl bɩ a bi-pugl n yɩɩd maam, yẽ soab ka tog ne maam ye. 38#Mt 16,24; Mk 8,34; Lk 9,23. Sẽn ka rɩkd-a a pika n pʋg maam, ka tog ne maam ye. 39#Mt 16,25; Mk 8,35; Lk 9,24; 17,33; Zã 12,25. Sẽn baood-a a yõore na n menes-a lame; la sẽn menesa a yõor mam yĩnga, na n le paam-a lame.
40 #
Mk 9,37; Lk 9,48; 10,16; Zã 13,20. Sẽn deegd-a yãmb sãando, yaa maam la a reegda; sẽn deegd-a maam sãando deegda ned ning sẽn tʋm-a maam.
41Ned ninga sẽn maand-a bãngd sãando a sẽn ya bãngda yĩnga, yẽ soab na n paama bãngd dolbo. Ned ning sẽn maand-a nin-sõng sãando a sẽn ya nin-sõnga yĩnga, yẽ soab na n paama nin-sõng dolbo.
42Ned ninga sẽn na n kõ m kom-bãmba nin-yend ko-maasg wamde, a sẽn ya m karen-biiga yĩnga, m yet-y lame t'a kõn kong a rolb ye.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.