Daniyɛl 2
2
A Nabikodonozor pipi zãmsdo
1A naama yʋʋmd a yiib soaba, a Nabikodonozor zãmsame. A pɛleng sẽn yɩke, gõeem lebga toogo. 2#Bs 41,8. Dĩma kɩtame tɩ b bool tɩ-rɩtba, bagba, na-tʋm-tɩ-pɛleng-yɩk rãmba, tɩ b wa wilg-a a sẽn zãms bũmb ningã. B sɩd waa dĩma taoore. 3Tɩ dĩma yeel-ba: «M zãmsa zãmsdo la m zĩi ne yɩɩre, la m datame tɩ y wilg-m sẽn zãmsã.» 4Dẽ la Kalde rãmba leok dĩma ne Aram dãmb goama: «Dĩm sõngo, Wẽnd na wogl f yõore, la reng n togs f yemsã f zãmsdã tɩ b na yaool n n wilg-f a võore.» 5Tɩ dĩma yeel Kalde rãmbã: «M togsd-y-la m sẽn yalse, y sã n ka wilg-m sẽn zãms bũmb ninga ne a võore, m na kɩt tɩ b yaam y yĩnga wilsi la b sarem y roto. 6Y sã n tõog n wilg m zãmsda ne a võore, y na paam kũun sõma la waoor kãsenga. Dẽ yĩngã, wilg-y maam m sẽn zãmse la m sẽn zãmsa võore.»
7Na-tʋm-tɩ-pɛleng-yɩka rãmb leoka rĩma: «Dĩma, deng n wilg f sẽn zãmsa tɩ tõnd na yaool n wilg a võore.» 8Dĩma yeelame: «Y wʋma mam sẽn yals bũmb ningã la m neeme tɩ y baooda dabaar n dat n le tong y yõor bilfu. 9Bãng-y tɩ y sã n ka wilg maam m sẽn zãmsã, y fãa zãng ket n yɛsa ne yelle. Ka tɩ zĩnd ne taaba n bao y sẽn na n yag zirẽ n kẽes-m moogã, n na tedg bũmb mam nengẽ tɩ y põs ye. Dẽ la m yeta: wilg-y maam m sẽn zãmsã. M bãng rẽ m na bãng tɩ y tõe n wilg-m-la a võore n paase.»
10Woto me la Kalde rãmba leok yã: «Dĩma, ad ned ka be moogã n tõe n maan fo sẽn data ye. Dĩm me pʋs n ka zĩndi, ba a ziira la a pãnga sẽn yɩ a soaba, sẽn tõog n kos fo sẽn kotã a bagb rãmba, a tɩt rãmba, a tʋm tɩ-pɛleng-yɩk rãmb ye. 11Dĩma, fo sẽn data yaa toogo la ned ka tõe n leok foo sã n ka wẽnd dãmba la bãmb me ka be ninsaalba zamaanẽ ye.»
12Dĩma sũur puuga wʋsgo t'a yet tɩ b kʋ sẽn be-b Babilon n yet tɩ bãmb la mitbã. 13B sẽn moon b kʋʋbã n sɛ, yaa a Daniyɛl ne a tũud-n-taasa me la b ra baooda n na n kʋ.
A Daniyɛl wilga dĩma a sẽn zãmse
14Dẽ la a Daniyɛl me bʋk a sũuri la a yam n sok kambõe-naab a Ariyok a sẽn waa n yi n na n tɩ kʋ Babilon mitbã. 15A sok-a lame tɩ yaa bõe yĩnga la dĩma yɩ toaag a woto fãa n yals mitba kʋʋbo. A Ariyok me wilga sẽn tũ ne bũmb ninga. 16Tao bala a Daniyɛl taa dĩma nengẽ n yeel-a t'a yals bilf bala t'a wilg-a a zãmsda ne a võore.
17A Daniyɛl sẽn leb yiri a wilga yellã a tũud-n-taase, a Ananiya, a Mikayɛl la Azariyas. 18A kos-b lame tɩ b yõk Yĩngr Soaala sɛɛga tɩ b wilg-b zãms-bãndã ne a võore tɩ b ra wa naag-b ne Babilon mitbã n kʋ ye. 19A gãag zug, yʋng zãmsdẽ a Daniyɛl paama yella vẽnegre. T'a na n pẽg Wẽnnaam, 20n yetẽ:
«D pʋʋs Soaala bark wakat buud fãa.
Bãmb n so yam zulum la pãnga.
21Bãmb n wat ne sẽoog la sɩpaolgo,
Bãmb n loet ãndũni wã yɛl ne taaba.
Bãmb n deegd la b kõt tẽng zug naam.
Bãmb n wat ne vẽnegre
yam vẽenem dãmba yĩnga.
Bãmb n wekd yam dãmba yam.
22Bãmb n tõe tɩ sẽn solg puk yɩnga.
Bãmb n mi sẽn be likẽ,
tɩ bãmb n zĩ ne vẽenem.
23Yãmba, m ba rãmb Wẽnde,
m pʋʋsd-y-la barka
la m tara y pẽgre;
yãmb n pids-m ne yam vẽenem la pãnga.
Yãmb wilg-m-la m sẽn kos-y,
yãmb wilg-d-la dĩma
sẽn gãe n ka gõe ne yɩɩr ningã.»
24A Daniyɛl tɩ yãenda a Ariyok, dĩma sẽn da kõ a soab noor t'a kʋ Babilon mitbã. Ad a sẽn kẽ n yeel-a: «Da kʋ Babilon mitba ye. Tall maam n taas dĩma taoore tɩ m na wilg dĩma a zãmsda võore.»
25Yɩɩ ne yãgbo la a Ariyok tall a Daniyɛl n kẽng dĩma taoore la a yeel-a lame: «Dĩm sõngo, ad-y m yãee Zɩɩda yemsa sʋka ned sẽn tõe n wilg dĩma a zãmsda võore.» 26Dẽ la dĩma yeel a Daniyɛl, b sẽn boond a soab t'a Baltazar: «Fo sɩd tõeeme n wilg maam m zãmsdã ne a võora bɩ?» 27T'a Daniyɛl leok-a: «Dĩma sẽn dat n bãng bũmb ningã a mitba, a na-tʋm-tɩ-pɛleng-yɩk rãmba, a bagba la a tɩ-rɩtba kõn tõog n wilg-a ye. 28La ade, Wẽnd n be Yĩngri n pukd sẽn solge. La ade, dĩma Nabikodonozor, bãmb n tʋlg n wilg-y sẽn be sorẽ n watẽ. Ad yãmb sẽn yãend y gõeeme.
29Dĩma, y sẽn gãande y tagsa beoog yelle. Woto wã sẽn tõe n puk beoog yella soab n dat n puk-a n kõ yã. 30Ka mam sẽn são m taaba ne bãngrã la m me paam vẽnegr ye, vẽnegra yaa sẽn na yɩ bala tɩ ned tõog n taas dĩma y zãmsda võore, tɩ y yama paam n gãande.
31Yaa woto la y yãe yã, dĩma: ninsaal togsende, sẽn ya bedr-bedre, sẽn pɩnda, sẽn kẽesd dabeem, n da yɛs y taoore. 32Nin-naanda zug ra yaa sãnem, a yãooga ne a nusa yaa wanzurfu, a pʋga ne a gɛ wã yaa zũudu, 33a karsã yaa kutu, a nao wã yaa kut pʋɩ-sʋgre la yagd sẽn wʋm pʋɩ-sʋgre. 34Y ra getame la vugr bala, kugri, ned sẽn ka lobge, bilmame n wa wẽ nin-naandã n kao a nao wã sẽn ya kut pʋɩ-sʋgre la yagd sẽn wʋm pʋɩ-sʋgrã. 35Kutã, yagda sẽn yõog wʋngẽ, zũudã, wanzurfã la sãnema naaga taab n menem, wala zɛɛgẽ ka-fɩɩba, ka-wẽer wakato, sobg sẽn n dɩk n looge. B ka bãng b sẽn kẽẽ ye. Kugr ning sẽn wẽ togsenda lebga tãnga n yãmb moog tõre.
36Woto la zãmsdã, la ad a võor marsã, tɩ d na n kell n wilg dĩma. 37Dĩm dãmb dĩma, yaa yãmb la Yĩngr Soaala kõ naam, tõogo, pãnga la ziiri. 38B sẽn be zĩig ning fãa ninsaalba, we-rũmsi, yĩngr luiili, b rɩk-b-la zãng n kõ yãmba, yãmb la b soaala, b sẽn be zĩig ning fãa. Zuga sẽn ya sãnema, yaa yãmba. 39Naab a ye sẽn ka ta yãmba n na n pʋg yãmba. Rĩm a to me n na n pʋg yẽnda. Yẽ soaba la zuuda makre. A rĩunga yalem na n yɩɩ mooga tõre. 40Rĩm a naas soaba n na n pʋgle. A keglma yaa kut keglem. La wala kut sẽn tõe n to, n were, n beds fãa, yẽ na n bedsame la a menes sẽn deng-b yẽnda wã. 41Nao wã ne nao-bi wã y sẽn yãend tɩ ya kut pʋɩ-sʋgre, n ya yagd sẽn wʋm pʋɩ-sʋgre, makdame tɩ dĩm bõones la a na n kẽes a rĩungẽ, la b ka na n fãoog taab zãng ye. Na n yɩɩ wala y sẽn yãende, bogr a ye kutu, bogr a ye yagdo. 42Nao-bi wã sẽn ya kut pʋɩ-sʋgre la yagd sẽn wʋm pʋɩ-sʋgre, wilgdame tɩ yaa neb sẽn tar pãnga ne neb sẽn ka tar pãng n na n naag taaba. 43Le wilgdame tɩ b na n tʋlga zood ne taaba, n kẽ kãadem ne taaba. La b zoodo ka na n zĩnd pãng ye, wa b sẽn pa tõe tɩ kut ne yagd gãd taab kẽnkẽ.
44Nanams kãens wakato, Yĩngr Soaala na n yalsa a rĩung sẽn ka na n wã bada, dĩm a to sẽn ka na n soog bada. A na n werame la a beds rĩund a taaba n menes-ba, la a meng na n yalsa wakat buud fãa. 45Yaa rẽ me la kugra makda, kugr ning sẽn yi tãnga zugu tɩ nug ka tol n sɩɩsã, kugr ninga sẽn waa n bedsa kutã, zũudã, yagda sẽn wʋma, wanzurfa la nin-naanda sãnema. Pãng-Soaba-Wẽnd wilga yãmba, dĩm sõngo, bũmb ning sẽn wat beoogo. Y zãmsda yii Wẽnd meng nengẽ la a võora me la m sẽn wilg tɩ y tog n deegã.»
46Dĩma Nabikodonozor lʋɩ-la a yãvabga, a wõgemda tẽnga. A pẽga a Daniyɛl n tol n yeel tɩ b kʋ maoongo a yĩnga, n tũnug kũuni la tɩdare. 47Dĩma yeela a Daniyɛl: «Sɩd ne sɩda, yãmb Wẽnda la wẽnd dãmba Wẽnde la dĩm dãmba fãa Soaala. Bãmb n pukd sẽn solge la yaa rẽ yĩng la f tõog n wilg yellã.»
48Dĩma zẽka a Daniyɛl, n kõ-a naam la kũun sõma. A lebga Babilon kombere la Babilon mitba fãa taoor soaba. 49A Daniyɛl pẽdga dĩma t'a rɩk Babilon tẽn-toos yɛla welgre n bas ne a tũud-n-taasã: a Sadrak, a Mesak la a Abed-Nego. Yẽ meng paa dĩma zakẽ n ya dĩma sagenda.
Currently Selected:
Daniyɛl 2: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
Daniyɛl 2
2
A Nabikodonozor pipi zãmsdo
1A naama yʋʋmd a yiib soaba, a Nabikodonozor zãmsame. A pɛleng sẽn yɩke, gõeem lebga toogo. 2#Bs 41,8. Dĩma kɩtame tɩ b bool tɩ-rɩtba, bagba, na-tʋm-tɩ-pɛleng-yɩk rãmba, tɩ b wa wilg-a a sẽn zãms bũmb ningã. B sɩd waa dĩma taoore. 3Tɩ dĩma yeel-ba: «M zãmsa zãmsdo la m zĩi ne yɩɩre, la m datame tɩ y wilg-m sẽn zãmsã.» 4Dẽ la Kalde rãmba leok dĩma ne Aram dãmb goama: «Dĩm sõngo, Wẽnd na wogl f yõore, la reng n togs f yemsã f zãmsdã tɩ b na yaool n n wilg-f a võore.» 5Tɩ dĩma yeel Kalde rãmbã: «M togsd-y-la m sẽn yalse, y sã n ka wilg-m sẽn zãms bũmb ninga ne a võore, m na kɩt tɩ b yaam y yĩnga wilsi la b sarem y roto. 6Y sã n tõog n wilg m zãmsda ne a võore, y na paam kũun sõma la waoor kãsenga. Dẽ yĩngã, wilg-y maam m sẽn zãmse la m sẽn zãmsa võore.»
7Na-tʋm-tɩ-pɛleng-yɩka rãmb leoka rĩma: «Dĩma, deng n wilg f sẽn zãmsa tɩ tõnd na yaool n wilg a võore.» 8Dĩma yeelame: «Y wʋma mam sẽn yals bũmb ningã la m neeme tɩ y baooda dabaar n dat n le tong y yõor bilfu. 9Bãng-y tɩ y sã n ka wilg maam m sẽn zãmsã, y fãa zãng ket n yɛsa ne yelle. Ka tɩ zĩnd ne taaba n bao y sẽn na n yag zirẽ n kẽes-m moogã, n na tedg bũmb mam nengẽ tɩ y põs ye. Dẽ la m yeta: wilg-y maam m sẽn zãmsã. M bãng rẽ m na bãng tɩ y tõe n wilg-m-la a võore n paase.»
10Woto me la Kalde rãmba leok yã: «Dĩma, ad ned ka be moogã n tõe n maan fo sẽn data ye. Dĩm me pʋs n ka zĩndi, ba a ziira la a pãnga sẽn yɩ a soaba, sẽn tõog n kos fo sẽn kotã a bagb rãmba, a tɩt rãmba, a tʋm tɩ-pɛleng-yɩk rãmb ye. 11Dĩma, fo sẽn data yaa toogo la ned ka tõe n leok foo sã n ka wẽnd dãmba la bãmb me ka be ninsaalba zamaanẽ ye.»
12Dĩma sũur puuga wʋsgo t'a yet tɩ b kʋ sẽn be-b Babilon n yet tɩ bãmb la mitbã. 13B sẽn moon b kʋʋbã n sɛ, yaa a Daniyɛl ne a tũud-n-taasa me la b ra baooda n na n kʋ.
A Daniyɛl wilga dĩma a sẽn zãmse
14Dẽ la a Daniyɛl me bʋk a sũuri la a yam n sok kambõe-naab a Ariyok a sẽn waa n yi n na n tɩ kʋ Babilon mitbã. 15A sok-a lame tɩ yaa bõe yĩnga la dĩma yɩ toaag a woto fãa n yals mitba kʋʋbo. A Ariyok me wilga sẽn tũ ne bũmb ninga. 16Tao bala a Daniyɛl taa dĩma nengẽ n yeel-a t'a yals bilf bala t'a wilg-a a zãmsda ne a võore.
17A Daniyɛl sẽn leb yiri a wilga yellã a tũud-n-taase, a Ananiya, a Mikayɛl la Azariyas. 18A kos-b lame tɩ b yõk Yĩngr Soaala sɛɛga tɩ b wilg-b zãms-bãndã ne a võore tɩ b ra wa naag-b ne Babilon mitbã n kʋ ye. 19A gãag zug, yʋng zãmsdẽ a Daniyɛl paama yella vẽnegre. T'a na n pẽg Wẽnnaam, 20n yetẽ:
«D pʋʋs Soaala bark wakat buud fãa.
Bãmb n so yam zulum la pãnga.
21Bãmb n wat ne sẽoog la sɩpaolgo,
Bãmb n loet ãndũni wã yɛl ne taaba.
Bãmb n deegd la b kõt tẽng zug naam.
Bãmb n wat ne vẽnegre
yam vẽenem dãmba yĩnga.
Bãmb n wekd yam dãmba yam.
22Bãmb n tõe tɩ sẽn solg puk yɩnga.
Bãmb n mi sẽn be likẽ,
tɩ bãmb n zĩ ne vẽenem.
23Yãmba, m ba rãmb Wẽnde,
m pʋʋsd-y-la barka
la m tara y pẽgre;
yãmb n pids-m ne yam vẽenem la pãnga.
Yãmb wilg-m-la m sẽn kos-y,
yãmb wilg-d-la dĩma
sẽn gãe n ka gõe ne yɩɩr ningã.»
24A Daniyɛl tɩ yãenda a Ariyok, dĩma sẽn da kõ a soab noor t'a kʋ Babilon mitbã. Ad a sẽn kẽ n yeel-a: «Da kʋ Babilon mitba ye. Tall maam n taas dĩma taoore tɩ m na wilg dĩma a zãmsda võore.»
25Yɩɩ ne yãgbo la a Ariyok tall a Daniyɛl n kẽng dĩma taoore la a yeel-a lame: «Dĩm sõngo, ad-y m yãee Zɩɩda yemsa sʋka ned sẽn tõe n wilg dĩma a zãmsda võore.» 26Dẽ la dĩma yeel a Daniyɛl, b sẽn boond a soab t'a Baltazar: «Fo sɩd tõeeme n wilg maam m zãmsdã ne a võora bɩ?» 27T'a Daniyɛl leok-a: «Dĩma sẽn dat n bãng bũmb ningã a mitba, a na-tʋm-tɩ-pɛleng-yɩk rãmba, a bagba la a tɩ-rɩtba kõn tõog n wilg-a ye. 28La ade, Wẽnd n be Yĩngri n pukd sẽn solge. La ade, dĩma Nabikodonozor, bãmb n tʋlg n wilg-y sẽn be sorẽ n watẽ. Ad yãmb sẽn yãend y gõeeme.
29Dĩma, y sẽn gãande y tagsa beoog yelle. Woto wã sẽn tõe n puk beoog yella soab n dat n puk-a n kõ yã. 30Ka mam sẽn são m taaba ne bãngrã la m me paam vẽnegr ye, vẽnegra yaa sẽn na yɩ bala tɩ ned tõog n taas dĩma y zãmsda võore, tɩ y yama paam n gãande.
31Yaa woto la y yãe yã, dĩma: ninsaal togsende, sẽn ya bedr-bedre, sẽn pɩnda, sẽn kẽesd dabeem, n da yɛs y taoore. 32Nin-naanda zug ra yaa sãnem, a yãooga ne a nusa yaa wanzurfu, a pʋga ne a gɛ wã yaa zũudu, 33a karsã yaa kutu, a nao wã yaa kut pʋɩ-sʋgre la yagd sẽn wʋm pʋɩ-sʋgre. 34Y ra getame la vugr bala, kugri, ned sẽn ka lobge, bilmame n wa wẽ nin-naandã n kao a nao wã sẽn ya kut pʋɩ-sʋgre la yagd sẽn wʋm pʋɩ-sʋgrã. 35Kutã, yagda sẽn yõog wʋngẽ, zũudã, wanzurfã la sãnema naaga taab n menem, wala zɛɛgẽ ka-fɩɩba, ka-wẽer wakato, sobg sẽn n dɩk n looge. B ka bãng b sẽn kẽẽ ye. Kugr ning sẽn wẽ togsenda lebga tãnga n yãmb moog tõre.
36Woto la zãmsdã, la ad a võor marsã, tɩ d na n kell n wilg dĩma. 37Dĩm dãmb dĩma, yaa yãmb la Yĩngr Soaala kõ naam, tõogo, pãnga la ziiri. 38B sẽn be zĩig ning fãa ninsaalba, we-rũmsi, yĩngr luiili, b rɩk-b-la zãng n kõ yãmba, yãmb la b soaala, b sẽn be zĩig ning fãa. Zuga sẽn ya sãnema, yaa yãmba. 39Naab a ye sẽn ka ta yãmba n na n pʋg yãmba. Rĩm a to me n na n pʋg yẽnda. Yẽ soaba la zuuda makre. A rĩunga yalem na n yɩɩ mooga tõre. 40Rĩm a naas soaba n na n pʋgle. A keglma yaa kut keglem. La wala kut sẽn tõe n to, n were, n beds fãa, yẽ na n bedsame la a menes sẽn deng-b yẽnda wã. 41Nao wã ne nao-bi wã y sẽn yãend tɩ ya kut pʋɩ-sʋgre, n ya yagd sẽn wʋm pʋɩ-sʋgre, makdame tɩ dĩm bõones la a na n kẽes a rĩungẽ, la b ka na n fãoog taab zãng ye. Na n yɩɩ wala y sẽn yãende, bogr a ye kutu, bogr a ye yagdo. 42Nao-bi wã sẽn ya kut pʋɩ-sʋgre la yagd sẽn wʋm pʋɩ-sʋgre, wilgdame tɩ yaa neb sẽn tar pãnga ne neb sẽn ka tar pãng n na n naag taaba. 43Le wilgdame tɩ b na n tʋlga zood ne taaba, n kẽ kãadem ne taaba. La b zoodo ka na n zĩnd pãng ye, wa b sẽn pa tõe tɩ kut ne yagd gãd taab kẽnkẽ.
44Nanams kãens wakato, Yĩngr Soaala na n yalsa a rĩung sẽn ka na n wã bada, dĩm a to sẽn ka na n soog bada. A na n werame la a beds rĩund a taaba n menes-ba, la a meng na n yalsa wakat buud fãa. 45Yaa rẽ me la kugra makda, kugr ning sẽn yi tãnga zugu tɩ nug ka tol n sɩɩsã, kugr ninga sẽn waa n bedsa kutã, zũudã, yagda sẽn wʋma, wanzurfa la nin-naanda sãnema. Pãng-Soaba-Wẽnd wilga yãmba, dĩm sõngo, bũmb ning sẽn wat beoogo. Y zãmsda yii Wẽnd meng nengẽ la a võora me la m sẽn wilg tɩ y tog n deegã.»
46Dĩma Nabikodonozor lʋɩ-la a yãvabga, a wõgemda tẽnga. A pẽga a Daniyɛl n tol n yeel tɩ b kʋ maoongo a yĩnga, n tũnug kũuni la tɩdare. 47Dĩma yeela a Daniyɛl: «Sɩd ne sɩda, yãmb Wẽnda la wẽnd dãmba Wẽnde la dĩm dãmba fãa Soaala. Bãmb n pukd sẽn solge la yaa rẽ yĩng la f tõog n wilg yellã.»
48Dĩma zẽka a Daniyɛl, n kõ-a naam la kũun sõma. A lebga Babilon kombere la Babilon mitba fãa taoor soaba. 49A Daniyɛl pẽdga dĩma t'a rɩk Babilon tẽn-toos yɛla welgre n bas ne a tũud-n-taasã: a Sadrak, a Mesak la a Abed-Nego. Yẽ meng paa dĩma zakẽ n ya dĩma sagenda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.