2MAKABE 6
6
Bu-zẽmba paamda pãng Zerizalɛɛm
1Dẽ loogr poore dĩma yiisa nin-kẽem a ye Atɛn t'a wa modg Zʋɩf rãmbã tɩ b bas b rog-n-mik la b Wẽnda tũudem. 2A tʋm-a lame t'a wa rẽgem Zerizalɛɛm wẽnd doogã n tek-a t'a lebg yĩngr wẽnd a Zupitɛr roogo tɩ Garizim wẽnd dooga lebg a mi-sãan-reegr Zupitɛr rẽnna, tɩ rẽ la tẽnga rãmb da kota. 3Yaa yel-beed sẽn pa tõe n tʋk n naag taaba n lʋɩ Zʋɩf rãmba zugu. 4Wẽnd dooga ra pida ne yoaadba, ne rɩ-rɩtba. Bu-zẽmba n da reemd ne pʋg yoaadba, n da yõgd-b ro-sõma pʋsẽ. B dɩɩb kẽer meng ra yaa dɩ-rẽgdo. 5Maan-kugra zugu b ra sama rũms sẽn ka tõe n yɩ maand rũmsi. 6Vʋʋsg daar noor le ka tõe n deeg ye, dog-n-mik ra ka le tõe n tũ ye, f ra ka tõe meng n yeel tɩ f yaa Zʋɩf ye. 7Kiuug fãa dĩma ra maanda kibsa la ra yaa modgr tɩ b fãa yals maanda kʋʋb wala sẽn da ya modgre t'a Dionizos kibsa bɩ f teeg f zug ne vãad n yãag a Bakus#6,7 Bakus: Yaa rã-yũud bɛda wẽnde. pẽgdba.
8B yiisa noore, la tũu ne Ptolemayis neba saglse, tɩ tẽns niyns sẽn pẽ-bã, tɩ Grɛk rãmb be b pʋsẽ, bɩ b yaal Zʋɩf rãmbã, n kɩt tɩ b naag neb a taaba n dɩ maanda rɩɩbo. 9Ned ning sẽn yeel-a fãa t'a pa rat n tũ Grɛk rãmb vɩɩma bɩ b kʋ-a. La woto wã d deng n nee yɛl niyns sẽn segende. 10B waa n yõka pagb a yiibu sẽn kẽes b kamb bãongo. Pagba rũnga b kamba b yãoogẽ tɩ b yẽsemd bĩisum tɩ b ta b ma rãmbã n gilg tẽngã, n wilgd nebã; la b rʋʋs-b-la lal-gũbra zug n tus-b n lubi. 11Neb kẽer da soos n kẽe tãms bogdẽ n na n deeg vʋʋsg daar noore. B tɩ togsa a Filip la a yõog-b-la bugum tɩ b pa tẽb meng n na n fãag ye, vʋʋsga noor deegr yĩnga.
Namsg yõodo
12M kotame tɩ neb niyns fãa sẽn na n karem-b yel-beed ning sẽn be seb kãnga pʋgẽ da bas raood ye. B reeg tɩ namsga ka lʋɩ buuda zug a wãab yĩng ye, yaa buuda na teem zʋg yĩnga. 13Wẽnd sã n ka bas yel-wẽn-maand ne a menga n sɩbg-a tao-tao, yaa b nonglma kaset la b kõt-a. 14Sã n ya ne bu-zẽmbã, Wẽnd basd-b lame tɩ b pids b wẽnema tɩ b yaool n sɩbg-ba. Ka boto la b tʋlg n maan ne tõnd buuda ye. 15B pa yas tɩ d wẽnema wamd pid n daal tɩ b yaool n sɩbg-d ye. 16B nimbãan-zoeer paa ne tõnd daar fãa. Wẽnd pa bas b buudã b sẽn sɩbg-a wã yĩng ye. 17D yalsa bilfu n tẽeg-y sɩd kãnga la d le rɩka d kibarã, a sẽn da pa zĩig ningã.
A Elazar kũum
18Karen-saamb a ye n da boond t'a Elazar. Ne a sẽn da kʋʋlã a kẽn da ket n yaa nin-naab dẽnna. B yaaga a noor ne pãnga n ning kurkur nemdo n dat n modg-a ta a wãbe. 19A gesame tɩ kũum n são yãnde t'a loog a toore n tees b sẽn da gũud-a zĩig ning n na n kʋ wã, A teesa gʋllã. 20A reng n tʋbsa nem-võrã la yaa woto la tog n maan ned ning fãa sẽn data n wilg tɩ vɩɩma nonglem yĩnga a pa na n dɩ sẽn kis ye. 21A mitba n da be sʋka la b bool-a lame n yi kɛɛnga n yeel-a t'a kɩt tɩ b wa ne nemd a sẽn tõe n wãb la a sẽn segl a meng yiri t'a yaool n maan wala yaa sẽn kis la a rɩta tɩ rĩma raab na pidsi, 22tɩ woto, Wẽnd maag b zood kʋdga yĩnga, a na põs kũum. 23A Elazar yalsa a sẽn na n maanega la rẽ n da segd ne ned sẽn kʋʋle, ned sẽn da sagend a taab tɩ b reegdẽ, ned sẽn kʋʋl ne pʋ-peelem, ned sẽn ka mi rabeem, ned sẽn pa sak kegr al a yãadmẽ, ned sẽn mi tɩ yaa Wẽnd sõmblema n kis dɩ-rẽgdo. A Elazar yeelame tɩ b kʋ-a la b ra kaoos ye. 24A tol n paasame: «Ka tog tɩ m maan wa m wãbdame tɩ kom-bɩɩba wa tõog n yeel t'a Elazar yika a yʋʋm pis-wɛ n bas a yaab rãmb rog-n-mik n tũ Grɛk rãmb dẽn ye. 25Ka tog tɩ bãmb me wa kẽ moogo mam manesma yĩnga la yaool n yaa yʋʋm a wãn bala n ket-ma. Ka tog tɩ m kʋʋlma baas ne yãnde la paoogre, m wɩɩbda yĩng ye. 26La ba m sã n põs ninsaalb sɩbgr dũnna, beoogo m kõn põs Wẽnd dẽnd ye. 27M sã n maan sũ-keelem n yi moog dũnna, m maanda wa sẽn segd ne nin-kẽema. 28M na sãk kũum ne yamleoogo la m taab sõngr yĩnga, n kõ kom-bɩɩba Wẽnnaam noya sõma nonglem kaseto.»
A sẽn gom woto n sɛ, b tall-a lame n tɩ pãb ne rasaba. 29A tatba sẽn wʋm a goama lebga toose n paas, tɩ b sẽn da nand-a pĩndã, marsã b ges-a-la wa gãeenga. 30B sẽn waa n pãb a Elazar n kʋ la bala, la a sẽn yõgma a noor n yeele: «Wẽnd sẽn ne fãa wã, yãeeme, tɩ m da tõe n põsa kũum la m sẽn da zoet bãmb beegr yĩngã, m saka m yamẽ ne sũ-noogo, toog ninga rasaba sẽn da kõt m yĩngã.» 31Yaa woto la a ki yã n kõ sũ-keelem la sõmblem kãseng kaseto; la kaseta ka kom-bɩɩba yĩng bala ye, yɩɩ buuda neb wʋsg yĩnga.
Currently Selected:
2MAKABE 6: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
2MAKABE 6
6
Bu-zẽmba paamda pãng Zerizalɛɛm
1Dẽ loogr poore dĩma yiisa nin-kẽem a ye Atɛn t'a wa modg Zʋɩf rãmbã tɩ b bas b rog-n-mik la b Wẽnda tũudem. 2A tʋm-a lame t'a wa rẽgem Zerizalɛɛm wẽnd doogã n tek-a t'a lebg yĩngr wẽnd a Zupitɛr roogo tɩ Garizim wẽnd dooga lebg a mi-sãan-reegr Zupitɛr rẽnna, tɩ rẽ la tẽnga rãmb da kota. 3Yaa yel-beed sẽn pa tõe n tʋk n naag taaba n lʋɩ Zʋɩf rãmba zugu. 4Wẽnd dooga ra pida ne yoaadba, ne rɩ-rɩtba. Bu-zẽmba n da reemd ne pʋg yoaadba, n da yõgd-b ro-sõma pʋsẽ. B dɩɩb kẽer meng ra yaa dɩ-rẽgdo. 5Maan-kugra zugu b ra sama rũms sẽn ka tõe n yɩ maand rũmsi. 6Vʋʋsg daar noor le ka tõe n deeg ye, dog-n-mik ra ka le tõe n tũ ye, f ra ka tõe meng n yeel tɩ f yaa Zʋɩf ye. 7Kiuug fãa dĩma ra maanda kibsa la ra yaa modgr tɩ b fãa yals maanda kʋʋb wala sẽn da ya modgre t'a Dionizos kibsa bɩ f teeg f zug ne vãad n yãag a Bakus#6,7 Bakus: Yaa rã-yũud bɛda wẽnde. pẽgdba.
8B yiisa noore, la tũu ne Ptolemayis neba saglse, tɩ tẽns niyns sẽn pẽ-bã, tɩ Grɛk rãmb be b pʋsẽ, bɩ b yaal Zʋɩf rãmbã, n kɩt tɩ b naag neb a taaba n dɩ maanda rɩɩbo. 9Ned ning sẽn yeel-a fãa t'a pa rat n tũ Grɛk rãmb vɩɩma bɩ b kʋ-a. La woto wã d deng n nee yɛl niyns sẽn segende. 10B waa n yõka pagb a yiibu sẽn kẽes b kamb bãongo. Pagba rũnga b kamba b yãoogẽ tɩ b yẽsemd bĩisum tɩ b ta b ma rãmbã n gilg tẽngã, n wilgd nebã; la b rʋʋs-b-la lal-gũbra zug n tus-b n lubi. 11Neb kẽer da soos n kẽe tãms bogdẽ n na n deeg vʋʋsg daar noore. B tɩ togsa a Filip la a yõog-b-la bugum tɩ b pa tẽb meng n na n fãag ye, vʋʋsga noor deegr yĩnga.
Namsg yõodo
12M kotame tɩ neb niyns fãa sẽn na n karem-b yel-beed ning sẽn be seb kãnga pʋgẽ da bas raood ye. B reeg tɩ namsga ka lʋɩ buuda zug a wãab yĩng ye, yaa buuda na teem zʋg yĩnga. 13Wẽnd sã n ka bas yel-wẽn-maand ne a menga n sɩbg-a tao-tao, yaa b nonglma kaset la b kõt-a. 14Sã n ya ne bu-zẽmbã, Wẽnd basd-b lame tɩ b pids b wẽnema tɩ b yaool n sɩbg-ba. Ka boto la b tʋlg n maan ne tõnd buuda ye. 15B pa yas tɩ d wẽnema wamd pid n daal tɩ b yaool n sɩbg-d ye. 16B nimbãan-zoeer paa ne tõnd daar fãa. Wẽnd pa bas b buudã b sẽn sɩbg-a wã yĩng ye. 17D yalsa bilfu n tẽeg-y sɩd kãnga la d le rɩka d kibarã, a sẽn da pa zĩig ningã.
A Elazar kũum
18Karen-saamb a ye n da boond t'a Elazar. Ne a sẽn da kʋʋlã a kẽn da ket n yaa nin-naab dẽnna. B yaaga a noor ne pãnga n ning kurkur nemdo n dat n modg-a ta a wãbe. 19A gesame tɩ kũum n são yãnde t'a loog a toore n tees b sẽn da gũud-a zĩig ning n na n kʋ wã, A teesa gʋllã. 20A reng n tʋbsa nem-võrã la yaa woto la tog n maan ned ning fãa sẽn data n wilg tɩ vɩɩma nonglem yĩnga a pa na n dɩ sẽn kis ye. 21A mitba n da be sʋka la b bool-a lame n yi kɛɛnga n yeel-a t'a kɩt tɩ b wa ne nemd a sẽn tõe n wãb la a sẽn segl a meng yiri t'a yaool n maan wala yaa sẽn kis la a rɩta tɩ rĩma raab na pidsi, 22tɩ woto, Wẽnd maag b zood kʋdga yĩnga, a na põs kũum. 23A Elazar yalsa a sẽn na n maanega la rẽ n da segd ne ned sẽn kʋʋle, ned sẽn da sagend a taab tɩ b reegdẽ, ned sẽn kʋʋl ne pʋ-peelem, ned sẽn ka mi rabeem, ned sẽn pa sak kegr al a yãadmẽ, ned sẽn mi tɩ yaa Wẽnd sõmblema n kis dɩ-rẽgdo. A Elazar yeelame tɩ b kʋ-a la b ra kaoos ye. 24A tol n paasame: «Ka tog tɩ m maan wa m wãbdame tɩ kom-bɩɩba wa tõog n yeel t'a Elazar yika a yʋʋm pis-wɛ n bas a yaab rãmb rog-n-mik n tũ Grɛk rãmb dẽn ye. 25Ka tog tɩ bãmb me wa kẽ moogo mam manesma yĩnga la yaool n yaa yʋʋm a wãn bala n ket-ma. Ka tog tɩ m kʋʋlma baas ne yãnde la paoogre, m wɩɩbda yĩng ye. 26La ba m sã n põs ninsaalb sɩbgr dũnna, beoogo m kõn põs Wẽnd dẽnd ye. 27M sã n maan sũ-keelem n yi moog dũnna, m maanda wa sẽn segd ne nin-kẽema. 28M na sãk kũum ne yamleoogo la m taab sõngr yĩnga, n kõ kom-bɩɩba Wẽnnaam noya sõma nonglem kaseto.»
A sẽn gom woto n sɛ, b tall-a lame n tɩ pãb ne rasaba. 29A tatba sẽn wʋm a goama lebga toose n paas, tɩ b sẽn da nand-a pĩndã, marsã b ges-a-la wa gãeenga. 30B sẽn waa n pãb a Elazar n kʋ la bala, la a sẽn yõgma a noor n yeele: «Wẽnd sẽn ne fãa wã, yãeeme, tɩ m da tõe n põsa kũum la m sẽn da zoet bãmb beegr yĩngã, m saka m yamẽ ne sũ-noogo, toog ninga rasaba sẽn da kõt m yĩngã.» 31Yaa woto la a ki yã n kõ sũ-keelem la sõmblem kãseng kaseto; la kaseta ka kom-bɩɩba yĩng bala ye, yɩɩ buuda neb wʋsg yĩnga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.