2MAKABE 11
11
A Liziyas zaba
1A Antiyokus sẽn waa n ket n ya bilfu n nan ka tõe n dɩ naam a tore, a roagd a Liziyas n da sõangd-a ne yɛla gesgo. A Liziyas gesa yɛla sẽn be zĩig ninga la a sũur sãamame. 2A tigma tãb-biis tus pisi n paas wed-dʋʋdba la a yiime n na n tɩ zab ne Zʋɩf rãmbã. A raabã yaa Zerizalɛɛm na lebg Grɛk rãmba tẽnga. 3A da ratame tɩ Zerizalɛɛm wẽnd dooga yao fadg wa bu-zẽmba rẽnna. Ad da ratame n tõog n koosd maan-kʋʋra naam yʋʋmd-yʋʋmd fãa. 4Ka Wẽnd la a ra teeg ye, a ra teega a tãb-biis ka tɛkã, a wed-dʋʋdba sẽn labsã la a wobd pis-nii wã. 5A sẽn ta Zɩɩda soolmẽ, a siga Bɛtsur. Bɛtsur yaa tãnsoben-tẽnga la a ka yɩɩd wakat a nu kẽnd ne Zerizalɛɛm ye. 6A sẽn bãng t'a Liziyas waa n wẽe a tãp be, a Makabe ne a neba pʋʋsa Wẽnd ne waasgo la nintãm tɩ b tʋm a Israyɛl malɛk sõngã t'a wa fãag-a. 7A Makabe meng n yɩ pipi n bob zabre la a sagla a poorẽ dãmbã tɩ b maan daoodo n fãag b saam-biisi. Neba sɩd yika wakat yɛng ne sũ-keelem. 8B ra nan ka zãag ne Zerizalɛɛm ye la b yãee wed-dʋʋd sẽn yer peelse, sẽn waa n lʋɩ b taoore la a zegemd a sãnem zab-teedo. 9B fãa naagame n pʋʋs Wẽnd bark b nimbãan-zoeera yĩnga la b ra wɩk n yɛsa ne raoodo n tõe n kʋ ninsaalba la b tõe n lub we-rũn-toosa fãa, n tõe n tus kut lal-gũbr meng n lubi. 10B tonga b zabr tongre. Soaala zoe-la b nimbãanega n yi yĩngr n wa sõng-ba. 11B tonga wa gɩgma n kẽ bɛɛbã, n gãneg nao wã rãmb neb tus piig la a ye, wed-dʋʋdba tusr la kobs-yoobe, tɩ sẽn kell-ba na n kong n zoe. 12Wʋsg zoe ne sãmpoaga la nus zaala. A Liziyas meng kong n wudga ne yãnde n fãag a yõore.
A Liziyas sɛba
13A Liziyas ra yaa sɩlem soaba. A gesame tɩ yẽ n kong raoodo, a yãeeme tɩ Zʋɩf rãmba pa neb sẽn tõkd ye, tɩ Pãng-Soaba zabda b zĩigẽ. Dẽ la a tʋm neba 14tɩ b wa gom zems-taab goama la a kãab t'a na modg dĩma t'a yõg zood ne Zʋɩf rãmb buudu. 15A Makabe saka a Liziyas daabã t'a ra baooda a neba neerem bala. A gʋlsame n wilg a Liziyas a sẽn dat bũmb ning a saam-biisa yĩnga la dĩma sakame.
16Woto la a Liziyas ra gʋls Zʋɩf rãmbã: «A Liziyas n pʋʋsd Zʋɩf rãmba fãa. 17Y sẽn tʋm b rãmbã, a Zã ne a Absalom, taas-m-la sebrã m sẽn gom a soab yellã la b kos-m lame tɩ m kõ-b koɛɛga sẽn gʋlsa poorẽ. 18M wilga dĩma a sẽn tog n bãnge. Sã n ya yɛl niyns mam sẽn tõe n welgã, dẽ zoe n gilame. 19Sã n ya tẽnga manegr la y baooda, mam me na sõng-y tɩ yɩ neere. 20Sã n ya soy niyns sẽn na n tũ wã, m togsa m sẽn tʋm b rãmbã tɩ y yẽs ne taaba. 21Wẽnd na zĩndg-y ne laafi. Yaa koabg la pis-naas la a nii yʋʋmde, kiuug piig la a yiib soaba, kiuuga pisi la a nas daare.»
Dĩma gʋlsda a Liziyas
22Sebr ninga dĩma sẽn gʋls a Liziyas la woto: «Dĩma a Antiyokus n pʋʋsd a saam-biig a Liziyas. 23D ba maana kaalem, la m sẽn deeg a zĩigã, m datame tɩ m soolma fãa zãag ne bũmb sẽn tõe n yaal b vɩɩm. 24B togs-m lame tɩ Zʋɩf rãmba ka rat n tũ Grɛk rãmb dog-n-mik wala m ba sẽn da tʋlga ye. M kõt-b-la sore tɩ b tũ b saam dãmb dog-n-mik. 25D sẽn dat tɩ Zʋɩf rãmb me zĩnd sɩɩ, m yetame tɩ b lebs-ba b wẽnd doogã tɩ b tõog n tũ b rog-n-mikã. 26F na maan neere, f sã n tʋm ned b nengẽ t'a tɩ yõk b nugu tɩ b bãng tõnd sẽn dat ne-ba la b gãneg b yam n tʋm b tʋʋma ne sũ-noogo.»
Dĩma gʋlsda Zʋɩf rãmba
27Sebr ning a sẽn gʋls Zʋɩf rãmba la woto: «Dĩm a Antiyokus n pʋʋsd Zʋɩf rãmb nin-kẽemse la b buuda zãnga. 28Yãmb sã n zĩ ne laafi, bãng-y tɩ yaa rẽ la d kot y yĩnga. Sã n ya tõndo tõnd me bee laafi. 29A Menelas wilg-d lame tɩ ned kam fãa rat n leba a zakẽ. 30Bãng-y tɩ ned ning fãa sẽn na n leb a tẽngẽ ka ne kiuug piig la a yiiba soaba, kiuuga pis-tã raare, bũmb kõn maan yẽ soab ye. 31Bãmb dãmb na tõog n dɩ b rog-n-mik rɩɩbo la b tũ b noya wala pĩnda. M pa rat tɩ ned ba a ye reeg sɩbgre, yĩdgu sã n lʋɩ sʋk ye. 32M tʋmda a Menelas t'a wa bʋk y sũuri. 33Wẽnd na zĩndg-y ne laafi. Yaa koabg la pis-naas la a nii yʋʋmde, kiuug piig la a yiib soaba, kiuuga piig la a nu raare.»
Rom dãmba gʋlsda Zʋɩf rãmba
34Rom dãmb me ra toola Zʋɩf rãmba seb kãnga: «B sẽn tʋm b rãmbã, a Kintus Memmiyus, la a Titus Maniyus n pʋʋsd Zʋɩf rãmba. 35Dĩma roagd a Liziyas sẽn kõ yãmb bũmb ningã, tõnd me kõt-y lame. 36Yɛl kẽer la a bas ne dĩma t'a welge. Tʋm-y ned tao-tao t'a wa wilg d neere sẽn ya bũmb ning taki tɩ d na reeg n taas dĩma la d na sagl-a t'a tũ y raabo. Yɩ bilfu tõnd na n kẽnga Antiyos. 37Maan-y tao-tao tɩ d bãng y sũura koɛɛg neere. Yaa yʋʋmd koabg la pis-naas la a nii, kiuug piig la a yiib soaba, kiuuga piig la a nu raare.»
Currently Selected:
2MAKABE 11: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
2MAKABE 11
11
A Liziyas zaba
1A Antiyokus sẽn waa n ket n ya bilfu n nan ka tõe n dɩ naam a tore, a roagd a Liziyas n da sõangd-a ne yɛla gesgo. A Liziyas gesa yɛla sẽn be zĩig ninga la a sũur sãamame. 2A tigma tãb-biis tus pisi n paas wed-dʋʋdba la a yiime n na n tɩ zab ne Zʋɩf rãmbã. A raabã yaa Zerizalɛɛm na lebg Grɛk rãmba tẽnga. 3A da ratame tɩ Zerizalɛɛm wẽnd dooga yao fadg wa bu-zẽmba rẽnna. Ad da ratame n tõog n koosd maan-kʋʋra naam yʋʋmd-yʋʋmd fãa. 4Ka Wẽnd la a ra teeg ye, a ra teega a tãb-biis ka tɛkã, a wed-dʋʋdba sẽn labsã la a wobd pis-nii wã. 5A sẽn ta Zɩɩda soolmẽ, a siga Bɛtsur. Bɛtsur yaa tãnsoben-tẽnga la a ka yɩɩd wakat a nu kẽnd ne Zerizalɛɛm ye. 6A sẽn bãng t'a Liziyas waa n wẽe a tãp be, a Makabe ne a neba pʋʋsa Wẽnd ne waasgo la nintãm tɩ b tʋm a Israyɛl malɛk sõngã t'a wa fãag-a. 7A Makabe meng n yɩ pipi n bob zabre la a sagla a poorẽ dãmbã tɩ b maan daoodo n fãag b saam-biisi. Neba sɩd yika wakat yɛng ne sũ-keelem. 8B ra nan ka zãag ne Zerizalɛɛm ye la b yãee wed-dʋʋd sẽn yer peelse, sẽn waa n lʋɩ b taoore la a zegemd a sãnem zab-teedo. 9B fãa naagame n pʋʋs Wẽnd bark b nimbãan-zoeera yĩnga la b ra wɩk n yɛsa ne raoodo n tõe n kʋ ninsaalba la b tõe n lub we-rũn-toosa fãa, n tõe n tus kut lal-gũbr meng n lubi. 10B tonga b zabr tongre. Soaala zoe-la b nimbãanega n yi yĩngr n wa sõng-ba. 11B tonga wa gɩgma n kẽ bɛɛbã, n gãneg nao wã rãmb neb tus piig la a ye, wed-dʋʋdba tusr la kobs-yoobe, tɩ sẽn kell-ba na n kong n zoe. 12Wʋsg zoe ne sãmpoaga la nus zaala. A Liziyas meng kong n wudga ne yãnde n fãag a yõore.
A Liziyas sɛba
13A Liziyas ra yaa sɩlem soaba. A gesame tɩ yẽ n kong raoodo, a yãeeme tɩ Zʋɩf rãmba pa neb sẽn tõkd ye, tɩ Pãng-Soaba zabda b zĩigẽ. Dẽ la a tʋm neba 14tɩ b wa gom zems-taab goama la a kãab t'a na modg dĩma t'a yõg zood ne Zʋɩf rãmb buudu. 15A Makabe saka a Liziyas daabã t'a ra baooda a neba neerem bala. A gʋlsame n wilg a Liziyas a sẽn dat bũmb ning a saam-biisa yĩnga la dĩma sakame.
16Woto la a Liziyas ra gʋls Zʋɩf rãmbã: «A Liziyas n pʋʋsd Zʋɩf rãmba fãa. 17Y sẽn tʋm b rãmbã, a Zã ne a Absalom, taas-m-la sebrã m sẽn gom a soab yellã la b kos-m lame tɩ m kõ-b koɛɛga sẽn gʋlsa poorẽ. 18M wilga dĩma a sẽn tog n bãnge. Sã n ya yɛl niyns mam sẽn tõe n welgã, dẽ zoe n gilame. 19Sã n ya tẽnga manegr la y baooda, mam me na sõng-y tɩ yɩ neere. 20Sã n ya soy niyns sẽn na n tũ wã, m togsa m sẽn tʋm b rãmbã tɩ y yẽs ne taaba. 21Wẽnd na zĩndg-y ne laafi. Yaa koabg la pis-naas la a nii yʋʋmde, kiuug piig la a yiib soaba, kiuuga pisi la a nas daare.»
Dĩma gʋlsda a Liziyas
22Sebr ninga dĩma sẽn gʋls a Liziyas la woto: «Dĩma a Antiyokus n pʋʋsd a saam-biig a Liziyas. 23D ba maana kaalem, la m sẽn deeg a zĩigã, m datame tɩ m soolma fãa zãag ne bũmb sẽn tõe n yaal b vɩɩm. 24B togs-m lame tɩ Zʋɩf rãmba ka rat n tũ Grɛk rãmb dog-n-mik wala m ba sẽn da tʋlga ye. M kõt-b-la sore tɩ b tũ b saam dãmb dog-n-mik. 25D sẽn dat tɩ Zʋɩf rãmb me zĩnd sɩɩ, m yetame tɩ b lebs-ba b wẽnd doogã tɩ b tõog n tũ b rog-n-mikã. 26F na maan neere, f sã n tʋm ned b nengẽ t'a tɩ yõk b nugu tɩ b bãng tõnd sẽn dat ne-ba la b gãneg b yam n tʋm b tʋʋma ne sũ-noogo.»
Dĩma gʋlsda Zʋɩf rãmba
27Sebr ning a sẽn gʋls Zʋɩf rãmba la woto: «Dĩm a Antiyokus n pʋʋsd Zʋɩf rãmb nin-kẽemse la b buuda zãnga. 28Yãmb sã n zĩ ne laafi, bãng-y tɩ yaa rẽ la d kot y yĩnga. Sã n ya tõndo tõnd me bee laafi. 29A Menelas wilg-d lame tɩ ned kam fãa rat n leba a zakẽ. 30Bãng-y tɩ ned ning fãa sẽn na n leb a tẽngẽ ka ne kiuug piig la a yiiba soaba, kiuuga pis-tã raare, bũmb kõn maan yẽ soab ye. 31Bãmb dãmb na tõog n dɩ b rog-n-mik rɩɩbo la b tũ b noya wala pĩnda. M pa rat tɩ ned ba a ye reeg sɩbgre, yĩdgu sã n lʋɩ sʋk ye. 32M tʋmda a Menelas t'a wa bʋk y sũuri. 33Wẽnd na zĩndg-y ne laafi. Yaa koabg la pis-naas la a nii yʋʋmde, kiuug piig la a yiib soaba, kiuuga piig la a nu raare.»
Rom dãmba gʋlsda Zʋɩf rãmba
34Rom dãmb me ra toola Zʋɩf rãmba seb kãnga: «B sẽn tʋm b rãmbã, a Kintus Memmiyus, la a Titus Maniyus n pʋʋsd Zʋɩf rãmba. 35Dĩma roagd a Liziyas sẽn kõ yãmb bũmb ningã, tõnd me kõt-y lame. 36Yɛl kẽer la a bas ne dĩma t'a welge. Tʋm-y ned tao-tao t'a wa wilg d neere sẽn ya bũmb ning taki tɩ d na reeg n taas dĩma la d na sagl-a t'a tũ y raabo. Yɩ bilfu tõnd na n kẽnga Antiyos. 37Maan-y tao-tao tɩ d bãng y sũura koɛɛg neere. Yaa yʋʋmd koabg la pis-naas la a nii, kiuug piig la a yiib soaba, kiuuga piig la a nu raare.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.