Kañaam 64
64
Pñehan Naşibaţi ubeel
1Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh ki Dayiţ.
2Iwi Naşibaţi, ŧiinkaan wi nji kaţëgiiŋ !
Buuranaan ţi naşoorad naan anjaaŋ aşookën !
3Lowanaan bŧiinkar bi bado buţaan !
Lowanaan byit bi baţak buţaan.
4Baji batuum pndemënt ji umbañ ;
baji bafël ŋţup ŋjooţ ji işuuri.
5Batapna ñaaŋ naŧool du dko di bameniiŋ ;
baji batapa kaŧaran, baanji baţi nin uko uloŋ.
6Bawo ţi pbomandër pdo buţaan,
baţiiniyaan pkuur bţaaw
aşë ji : « In akwinuŋ ba ? »
7Baji baţak pdolna buţaan : « Ŋbaa, iko iboman bŧi. »
Uko unwooŋ du uhaaş meeţ wi ñaaŋ andoli uwo ji bnjiir.
8Naşibaţi amara mara awat işuuri yi nul ţi baka,
kë bakoba ţi dko mënţ.
9Ado kë pndemënt pi baka pado kë bahubtaa.
Hënkuŋ, ñaaŋ anwinaŋ baka aji bëţ bëţan bkow.
10Palënk paneej ţi bañaaŋ bajën bŧi,
kë baţup uko wi Naşibaţi adoluŋ,
bayikrën ulemp wi nul.
11Mnlilan mi ñaaŋ naŧool manji manwoona du Yawe Nawat Kabuka
aji mennaana du a.
Bañaaŋ bŧi banwooŋ baŧool baluŋ kalilandër uko mënţ.
Currently Selected:
Kañaam 64: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
