Yonaŧ 4
4
Yonaŧ na pñaga pi Naşibaţi
1Kë Yonaŧ aşë wo aanlilan nin ţi uko mënţan, adeebaţi. 2Añehan wal mënţan Yawe Nawat Kabuka aji : « Nawat Kabuka, mënţ uko wi, wi wi mbiiŋ aşal wi nhumuŋ du uŧaak wi naan i ? Mënţ uko waŋ ukaaŋ kë nŧaran aţi aya Tarşiş i ? Dme bnuura kë iwo Naşibaţi anjaaŋ añaga, anjaaŋ aŧiink mnţëg, anwooŋ aanji ŧar udeeb, anŧumuŋ bnuura, anjaaŋ aguban pdo bañaaŋ buţaan. 3Nawat Kabuka, hënkuŋ, wutaan nkeţ, dhokan kakeţ. »
4Kë Nawat Kabuka aŧeema aji na a : « Ifaŋaari i wi ideebaţuŋ ? »
5Wal mënţ Yonaŧ apën ţi ubeeka aya aţo du bmayar unuur bi wa, aboman da bliit aţo ţi ba uţeeh du blifi ayoonkna uko wi Naşibaţi akdoluŋ ţi ubeeka. 6Kë Nawat Kabuka aşë do bko bloŋ kë banaţa ado blifi ţi bkow bi Yonaŧ, pjooţan pi awoonaanuŋ papënna ţi a. Alilan maakan ţi uko mënţ. 7Ţi unuur utëbanţën na mnjinţ, Naşibaţi ayil ukuŧ kë ude bko kë bakeţi. 8Wi unuur umayuŋ, kë ado uyook uyik kë upënna bmayar unuur, kë bnuur babot atër ţi bkow bi Yonaŧ te kë adoo kak i kafiikla. Wal mënţ Yonaŧ aŋal kakeţ awo ţi pji : « Dhokan kakeţ. »
9Kë Naşibaţi aşë hepara aji : « Ifaŋaari wi ideebaţuŋ ţi uko wi bko buŋ i ? »
Kë Yonaŧ aŧeema aji : « Aa, ddo bnuura wi ndeebaţuŋ ţi uko wi bko buŋ adoo hokan kakeţ. »
10Wal mënţ kë Nawat Kabuka aşë ji na a : « Iñaga bko bi te iinleemp lemp nin uko uloŋ pa ba, mënţ iwi iţuuŋ kë badëmi. Badëm ţi uŧejan uloolan, akay ţi utëbanţën. 11Kë iwi işë ŋal nwo mënkñaga ubeeka uweek wi Niniwe. Iinwin kë uwo na bañaaŋ bampeluŋ iñeen-week ŋyaaş iñeen-week ŋyaaş iñeen-week na iñeen ŋtëb (120 000) banwooŋ baando bi me uko unwooŋ bnuura na uko unwooŋ buţaan ? Iinwin kë uwo na ŋnŧaam ŋŧum i ? »
Currently Selected:
Yonaŧ 4: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal