Mathayo 3
3
Mahunjio ma Johana Mũbatithania
(Mar 1.1-8; Luk 3.1-18; Joh 1.19-28)
1Matukũinĩ o macio Johana Mũbatithania agĩũka werũinĩ wa kũu Judea akĩhunjagia akiugaga atĩrĩ, 2#Mat 4.17; Mar 1.15 “Mwĩrireei meehia maanyu tondũ Ũthamaki wa igũrũ ũrĩ hakuhĩ!” 3#Isa 40.3 Johana ũyũ nĩ we mũnabii Isaia aarĩĩtie ũhoro wake hĩndĩ ĩrĩa oigire atĩrĩ:
“Kwĩ mũgambo wa mũndũ ũranĩrĩra werũinĩ akoiga atĩrĩ,
‘Haarĩriai barabara ya Mwathani,
na mũrũngarie njĩra ciake!’ ”
4 #
2Atha 1.8
Johana eekĩraga nguo yathondekeetwo na guoya wa ngamĩĩra, na akeyohaga mũcibi wa rũũa njohero, nacio irio ciake ciakoragwo irĩ ngigĩ na ũũkĩ wa gĩthaka. 5Nao andũ magĩũka kũrĩ we moimĩĩte Jerusalemu na bũrũriinĩ wa Judea guothe o na kuuma bũrũri wothe ũrĩa wahakanĩĩte na rũũĩ rwa Jorodani. 6Makiumbũra meehia maao, naake akimabatithĩria rũũĩinĩ rwa Jorodani.
7 #
Mat 12.34; 23.33 Na hĩndĩ ĩrĩa Johana oonire Afarisai aingĩ na Asadukai magĩũka kũrĩ we nĩ geetha amabatithie akĩmeera atĩrĩ, “Inyuĩ ciana ici cia nduĩra#3.7 Nduĩra: Nĩ nyoka ĩrĩ thumu mũno., nũũ ũmwĩrĩĩte atĩ no mũhote kũũrĩra maraakara ma Ngai marĩa makirie gũũka? 8Ĩkaai ciĩko njega cia kuonania atĩ nĩmwĩrirĩĩte meehia maanyu, 9#Joh 8.33 na mũtikaae kwĩĩra na ngoro cianyu atĩrĩ, ‘Ithe witũ nĩ Aburahamu,’ nĩ gũkorwo ngũmwĩra atĩ Ngai no atũme mahiga maya matuĩke ciana cia Aburahamu. 10#Mat 7.19 Ithanwa nĩrĩhaarĩrie rĩa gũtema mĩtĩ, mũtĩ o wothe ũtaciaraga maciaro meega nĩũgũtemwo ũikio mwakiinĩ. 11Niĩ ndĩmũbatithagia na maaĩ nĩ ũndũ nĩmwĩrirĩĩte meehia maanyu, no rĩĩrĩ, ũrĩa ũgũũka thuutha wakwa arĩmũbatithagia na Roho Mũtheru na mwaki. Ũcio e na hinya kũrĩ niĩ tondũ o na ndiagĩrĩire kũmũkuuĩra iraatũ ciake. 12Ningĩ e na gĩcungi gĩake gĩa kũhuuha ngano nĩ geetha atherie ngano, amĩige ikũmbĩ, namo mahuti amacine na mwaki ũtahoraga.”
Jesũ kũbatithio
(Mar 1.9-11; Luk 3.21-22)
13Hĩndĩ ĩyo Jesũ akiuma Galili agĩthiĩ rũũĩinĩ rwa Jorodani akabatithio nĩ Johana. 14Naake Johana akĩenda kũmũgiria akĩmũũria atĩrĩ, “Kaĩ ũgũũka kũrĩ niĩ ngũbatithie na nĩ niĩ njagĩrĩirwo nĩgũũka kũrĩ we ũbatithie?”
15Naake Jesũ akĩmũcookeria akĩmwĩra atĩrĩ, “Reke gũtuĩke ũguo, nĩ ũndũ wabatithia nĩtũgwĩka wendi wa Ngai.” Naake Johana agĩgĩĩtĩkĩra.
16Naake Jesũ arĩĩkia kũbatithio o ũguo, akiumĩra maaĩinĩ, narĩo igũrũ rĩkĩhingũka, akĩona Roho wa Ngai agĩikũrũka ahaana ta ndutuura akĩũmba igũrũ rĩake. 17#Kĩa 22.2; Thab 2.7; Isa 42.1; Mat 12.18; 17.5; Mar 1.11; Luk 9.35 Naguo mũgambo ũkiuma igũrũ ũkiuga atĩrĩ, “Ũyũ nĩ we Mũrũ wakwa ũrĩa nyenda, na nĩngenaga mũno nĩ we.”
Currently Selected:
Mathayo 3: GKN
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
Mathayo 3
3
Mahunjio ma Johana Mũbatithania
(Mar 1.1-8; Luk 3.1-18; Joh 1.19-28)
1Matukũinĩ o macio Johana Mũbatithania agĩũka werũinĩ wa kũu Judea akĩhunjagia akiugaga atĩrĩ, 2#Mat 4.17; Mar 1.15 “Mwĩrireei meehia maanyu tondũ Ũthamaki wa igũrũ ũrĩ hakuhĩ!” 3#Isa 40.3 Johana ũyũ nĩ we mũnabii Isaia aarĩĩtie ũhoro wake hĩndĩ ĩrĩa oigire atĩrĩ:
“Kwĩ mũgambo wa mũndũ ũranĩrĩra werũinĩ akoiga atĩrĩ,
‘Haarĩriai barabara ya Mwathani,
na mũrũngarie njĩra ciake!’ ”
4 #
2Atha 1.8
Johana eekĩraga nguo yathondekeetwo na guoya wa ngamĩĩra, na akeyohaga mũcibi wa rũũa njohero, nacio irio ciake ciakoragwo irĩ ngigĩ na ũũkĩ wa gĩthaka. 5Nao andũ magĩũka kũrĩ we moimĩĩte Jerusalemu na bũrũriinĩ wa Judea guothe o na kuuma bũrũri wothe ũrĩa wahakanĩĩte na rũũĩ rwa Jorodani. 6Makiumbũra meehia maao, naake akimabatithĩria rũũĩinĩ rwa Jorodani.
7 #
Mat 12.34; 23.33 Na hĩndĩ ĩrĩa Johana oonire Afarisai aingĩ na Asadukai magĩũka kũrĩ we nĩ geetha amabatithie akĩmeera atĩrĩ, “Inyuĩ ciana ici cia nduĩra#3.7 Nduĩra: Nĩ nyoka ĩrĩ thumu mũno., nũũ ũmwĩrĩĩte atĩ no mũhote kũũrĩra maraakara ma Ngai marĩa makirie gũũka? 8Ĩkaai ciĩko njega cia kuonania atĩ nĩmwĩrirĩĩte meehia maanyu, 9#Joh 8.33 na mũtikaae kwĩĩra na ngoro cianyu atĩrĩ, ‘Ithe witũ nĩ Aburahamu,’ nĩ gũkorwo ngũmwĩra atĩ Ngai no atũme mahiga maya matuĩke ciana cia Aburahamu. 10#Mat 7.19 Ithanwa nĩrĩhaarĩrie rĩa gũtema mĩtĩ, mũtĩ o wothe ũtaciaraga maciaro meega nĩũgũtemwo ũikio mwakiinĩ. 11Niĩ ndĩmũbatithagia na maaĩ nĩ ũndũ nĩmwĩrirĩĩte meehia maanyu, no rĩĩrĩ, ũrĩa ũgũũka thuutha wakwa arĩmũbatithagia na Roho Mũtheru na mwaki. Ũcio e na hinya kũrĩ niĩ tondũ o na ndiagĩrĩire kũmũkuuĩra iraatũ ciake. 12Ningĩ e na gĩcungi gĩake gĩa kũhuuha ngano nĩ geetha atherie ngano, amĩige ikũmbĩ, namo mahuti amacine na mwaki ũtahoraga.”
Jesũ kũbatithio
(Mar 1.9-11; Luk 3.21-22)
13Hĩndĩ ĩyo Jesũ akiuma Galili agĩthiĩ rũũĩinĩ rwa Jorodani akabatithio nĩ Johana. 14Naake Johana akĩenda kũmũgiria akĩmũũria atĩrĩ, “Kaĩ ũgũũka kũrĩ niĩ ngũbatithie na nĩ niĩ njagĩrĩirwo nĩgũũka kũrĩ we ũbatithie?”
15Naake Jesũ akĩmũcookeria akĩmwĩra atĩrĩ, “Reke gũtuĩke ũguo, nĩ ũndũ wabatithia nĩtũgwĩka wendi wa Ngai.” Naake Johana agĩgĩĩtĩkĩra.
16Naake Jesũ arĩĩkia kũbatithio o ũguo, akiumĩra maaĩinĩ, narĩo igũrũ rĩkĩhingũka, akĩona Roho wa Ngai agĩikũrũka ahaana ta ndutuura akĩũmba igũrũ rĩake. 17#Kĩa 22.2; Thab 2.7; Isa 42.1; Mat 12.18; 17.5; Mar 1.11; Luk 9.35 Naguo mũgambo ũkiuma igũrũ ũkiuga atĩrĩ, “Ũyũ nĩ we Mũrũ wakwa ũrĩa nyenda, na nĩngenaga mũno nĩ we.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.