Efesusi Komu Ka
Komu Ka
Efesusi ya numuna meya naba ya Esia ebau ya ne. Yalo ya wenena mumudi suki gotinina ma kuliya Atemisi ya ouni-luni-kani umuti, mono numuna naba ku edamo ne. (Aposolo 19:23-28) Ena Polo eba nedo-nedo moinami kamena lele (2), yalo ya Efesusi numudo uto, Yuda wenena mono numunigu dito api gilibami ne. (Aposolo 18:18-21) Ido eba nedo-nedo moinami kamena tili (3), yalo ya Efesusi numudo kofa itibito uto, melege tili (3) yalo ya minoto, koli kikitamo wenena ya api gilibimo wiye. (Aposolo 19:1-10)
Ena Lomu numudo nelau minami kamenalo ya nofo fulunawamo kamena moda adu nenako, ka ma api gilibinae, loto lufuwa ama wi fulo gedami, ya katoti oluti Esia ebau numudo-namado monolo mau wi-wi amo wenena minado yaki fulo gedato katenawae, loto lufuwa ama ya wi fulo gedami ne. Ido mono lono olu-olu imo we Tikikusi yakafo Polo monala ido kala muki ya logiminagoliye, loto Efesusi numudoka ilifi melami we ya lufuwa ama oluto uto gimaiye, loti wenena mumudi kani kiyamo ne. (Efesusi 6:21, 22)
Currently Selected:
Efesusi Komu Ka: snpK
Highlight
Copy
Compare
Share
Want to have your highlights saved across all your devices? Sign up or sign in
© 1991, Wycliffe Bible Translators, Inc. All rights reserved.