लूका चु किताबला बारेरी पाङ्तोःमा
चु किताबला बारेरी पाङ्तोःमा
भ्रिबा म्हि: येशूला मुल चेला पावलला ह्रो लूकासे भ्रिबा मुबा (२ तिमोथी ४:११)। थे अर्गु य्हुलला म्हि हिन्ना ओच्छे थे डाक्टर मुबा (कलस्सी ४:१४)। थेसे मुल चेलागदेला गेला बारेरीनोन भ्रिबा मुला (मुल चेला १:१-२)।
भ्रिबा ग्ला: रोम शहररी भ्रिबा मुबा।
भ्रिबा साल: ओस्पन ईश्वी संवत् ६०-७० (विक्रम संवत् ११७-१२७) सालला गुङरी भ्रिबा मुबा।
खाल्दा भ्रिबा: येशूला बारेरी तबा तामगदे घोना लबाला लागिरी थियोफिलस भिबा म्हिदा भ्रिबा हिन्ना।
चु थार्बा पिन्बा समाचाररी येशूला बारेरी चुह्रङ् लसी भ्रिबा मुला, इस्राएलीगदेला गुङरी फेप्खला भिसी कबुल लबा थार्बा पिन्बा ग्लेदेन जम्मान य्हुलला म्हिगदेदा सोना लबा येशू ख्रीष्ट हिन्ना। थे दुख याङ्बा म्हिगदेदेन प्राङबो म्हिगदे ओच्छे जम्मान म्हिगदेदा थार्बा पिन्बा समाचार थेःना लगै भिसी परमेश्वरला आत्माग्याम जम्बुलिङरी पुइखबा हिन्ना। चु थार्बा पिन्बा समाचाररी जम्मान खाल्ला दुखरी परब तबा म्हिगदेदा वास्ता लसी भ्रिबा हिन्ना। चुरी ताङ्तोःबा तामगदे प्रस्टन म्राङ्मुला। पाङ्नोन तोःमा चुरी ङाच्छाला अध्यायगदेरी येशू जम्बुलिङरी फेप्खबा ताम ओच्छे लिच्छापट्टिला अध्यायगदेरी चा येशू स्वर्गरी फेप्बा तामला बारेरी भ्रिबा मुला।
येशू स्वर्गरी फेप्माहेन्से येशूदा विश्वास लबागदे ल्हानान बढब तबान निजी ओच्छे येशूला बारेरी ल्हानान ग्लारी थेःबान निबा तामगदे लूकासे “मुल चेलागदेला गे” भिबा किताबरी भ्रिबा मुला।
मुल तामगदे
शुरुला ताम १:१-४
बप्तिस्मा पिन्बा यूहन्नादेन येशू न्हबा ओच्छे येशू जजा मुबा धुइला ताम १:५–२:५२
बप्तिस्मा पिन्बा यूहन्नासे लबा गे ३:१-२०
येशूसे बप्तिस्मा किन्बादेन शैतानसे येशूदा फसब लबारी म्हाइबा ३:२१–४:१३
येशूसे गालील अञ्चलरी लबा गे ४:१४–९:५०
येशू गालील अञ्चलहेन्से यरूशलेम शहरधोना फेप्बा ९:५१–१९:२७
यरूशलेम शहररी येशूला गे थुम्बा धुइ १९:२८–२३:५६
येशू सिबाग्याम सोबादेन स्वर्गरी फेप्बा २४:१-५३
लूकासे भ्रिबा थार्बा पिन्बा समाचार
Currently Selected:
लूका चु किताबला बारेरी पाङ्तोःमा: tajNT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. and Eastern Tamang Language Team.