Roma hay Məfələkwe
Məfələkwe
Ahəl nakə Pol a watsatay naha a ndo məpe mədzal gər hay ka Yesu ma Roma aye na, a ndəv ha mamahkar i mahəhele ŋgay. A say mede hus a Roma, təv nakə ki ye a ɗəma zuk bay aye. A say mede dəreŋ a məgəma hus a Espayoŋ hərwi məɗe ha Labara Ŋgwalak eye i Yesu (15.22-24). A watsa ɗerewel ŋgay hərwi mələve ha bo tə mede ŋgay a Roma ada ta məɗe ha matətike ŋgay a ndo məpe mədzal gər neheye ma wuzlahgəma aye.
Ɗerewel nakay na, gər i bazlam hay tebiye matsətsala eye ta labara i Pol nakə ma ɗiye ha aye. Gər a gər i bazlam eye na, anaŋ: «Ndo nakə kə dzala ha ka Mbəlom aye na, Mbəlom ma təriye ha ŋgwalak eye ka ɗəre ŋgay, ada ma hutiye sifa» (1.17).
Pol a səkah ha labara nakay ta tsəveɗ wal wal mahkar:
Madədo 1 ka 8 faya ma tsikiye ka mədzepe mə walaŋ i marəhay ha gər a bazlam mapala eye ada məpe mədzal gər ka Mbəlom nakə Yesu Kəriste a təra tsəveɗ eye mawura bo eye bay.
Madədo 9 ka 11 a tsik ka mədzepe mə walaŋ i Israyel hay slala nakə Mbəlom a zla aye, ada ndo məpe mədzal gər hay ka Yesu.
Madədo 12 ka 15 faya ma tsikiye ka pendzeŋ i məndze mə walaŋ i məhay gər i ndo məpe mədzal gər hay ka Yesu Kəriste.
Ɗerewel nakay a ndəv ta mətsike me haladzay (madədo 16).
Currently Selected:
Roma hay Məfələkwe: meq
Highlight
Copy
Compare
Share
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.