SIRAC 49
49
Si Josias
1No nunoten si Josias, singa samit na balingit na dugarugan inkalauk na insinso, masamit a singa dilo ed taway,#49:1 Diad tikston Hebreo ed taway; diad tikston Grigo ed balang too. singa musikan kaibay alak ed sakey a ponsia. 2Tinombuk toy dugan totontonen nipaakar ed pangapiger ed kipapasen na bansa tan inekal toy makapaingungot a panangigalang ed saray talintaoy diriyos. 3Sikatoy sigput a matoor ed Katawan tan pinabiskeg toy tuan rilihion ed saraman a maoges a panaon.
Si Jeremias
4Mapalaloy impankasalanan da ray amin ya arari likud ed kindi David, Ezekias, tan Josias, lapud inkaindan da so Ganggan na Sangkatageyan ya anggad impangangga na nanarian.#49:4 Diad tikston Hebreo ya anggad impangangga na nanarian; diad tikston Grigo tan anggapoy agunggona ra. 5Insuko ray pakayari tan kagalangan da ed saray totood arum a bansa 6ya amool ed masanton siudad tan anaynan a begtebegtew ed saray dalan, onung na impasakbay nen Jeremias. 7Aliwliway impanggagawa rad sikato, anggaman a sikatoy apili lan sakey a propita kasakbayan na inkianak to, a mamagut tan mangitumba, mineral tan manalo, balet mamaalagey tan mantanem, met.
Si Ezekiel
8Si Ezekiel so akapangipanengnengan na pasingayew na kagalangan na Dios. Anengneng to ya diad tagey na karwahi tan saray mabilay a pinalsa. 9Binitla to met si Job a maung lawas so ginagawa to.
Saray Labinduan Propita
10Ombangon komun ed balon bilay iray pokel na labinduan propita, lapud pinabiskeg na sarayan totoo so linawa da ray totood Israel tan inlaban da ra diad panamegley na ilalon malet.
Si Zerubabel tan si Josue
11Panoy pangidayew tayod Zerubabel? Sikatoy singa singsing a panagtimbri na ari a walad kawanan na limay Katawan, 12a singa si Josue a lakin anak nen Josadak. Pinasimbalo ran impaalagey so masanton Timplo na Katawan, ya ingganan para andi-anggaan ya inkabantug.
Si Nehemias
13Baleg met so pakanudnunotan ed kinen Nehemias. Pinasimbalo ton impaalagey iray aderal a padir na Jerusalem, tan inyan to ray puirta tan saray balewet. Pinasimbalo to met ya impaalagey iray kaabungan tayo.
Saray Patriarka
14Anggapoy miparad kinen Enoc a nankurang ed tapew na dalin, ta mabilay a niatagey ed tawen. 15Anggapoy singa si Jose ed saray nianak a totoo;#49:15 Say tikston Grigo inyarum toy say sankatalonggaringan ed saray lalakin agagi to tan say ikikinon na saray totoo; say tikson Hebreo tan say sakey a dagdaan a patalus inyan da ra yan salita ed 50:1. apagalangan iray anggan pokel to. 16Mapalalon apagalangan ira di Sem, Set, tan Enos,#49:16 Diad tikston Hebreo Sem, Set, tan Enos; diad tikston Grigo Sem tan Set diad pegley da ray totoo. balet baleg niy kagalangan nen Adan nen say siopaman a too.
Currently Selected:
SIRAC 49: PnPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
SIRAC 49
49
Si Josias
1No nunoten si Josias, singa samit na balingit na dugarugan inkalauk na insinso, masamit a singa dilo ed taway,#49:1 Diad tikston Hebreo ed taway; diad tikston Grigo ed balang too. singa musikan kaibay alak ed sakey a ponsia. 2Tinombuk toy dugan totontonen nipaakar ed pangapiger ed kipapasen na bansa tan inekal toy makapaingungot a panangigalang ed saray talintaoy diriyos. 3Sikatoy sigput a matoor ed Katawan tan pinabiskeg toy tuan rilihion ed saraman a maoges a panaon.
Si Jeremias
4Mapalaloy impankasalanan da ray amin ya arari likud ed kindi David, Ezekias, tan Josias, lapud inkaindan da so Ganggan na Sangkatageyan ya anggad impangangga na nanarian.#49:4 Diad tikston Hebreo ya anggad impangangga na nanarian; diad tikston Grigo tan anggapoy agunggona ra. 5Insuko ray pakayari tan kagalangan da ed saray totood arum a bansa 6ya amool ed masanton siudad tan anaynan a begtebegtew ed saray dalan, onung na impasakbay nen Jeremias. 7Aliwliway impanggagawa rad sikato, anggaman a sikatoy apili lan sakey a propita kasakbayan na inkianak to, a mamagut tan mangitumba, mineral tan manalo, balet mamaalagey tan mantanem, met.
Si Ezekiel
8Si Ezekiel so akapangipanengnengan na pasingayew na kagalangan na Dios. Anengneng to ya diad tagey na karwahi tan saray mabilay a pinalsa. 9Binitla to met si Job a maung lawas so ginagawa to.
Saray Labinduan Propita
10Ombangon komun ed balon bilay iray pokel na labinduan propita, lapud pinabiskeg na sarayan totoo so linawa da ray totood Israel tan inlaban da ra diad panamegley na ilalon malet.
Si Zerubabel tan si Josue
11Panoy pangidayew tayod Zerubabel? Sikatoy singa singsing a panagtimbri na ari a walad kawanan na limay Katawan, 12a singa si Josue a lakin anak nen Josadak. Pinasimbalo ran impaalagey so masanton Timplo na Katawan, ya ingganan para andi-anggaan ya inkabantug.
Si Nehemias
13Baleg met so pakanudnunotan ed kinen Nehemias. Pinasimbalo ton impaalagey iray aderal a padir na Jerusalem, tan inyan to ray puirta tan saray balewet. Pinasimbalo to met ya impaalagey iray kaabungan tayo.
Saray Patriarka
14Anggapoy miparad kinen Enoc a nankurang ed tapew na dalin, ta mabilay a niatagey ed tawen. 15Anggapoy singa si Jose ed saray nianak a totoo;#49:15 Say tikston Grigo inyarum toy say sankatalonggaringan ed saray lalakin agagi to tan say ikikinon na saray totoo; say tikson Hebreo tan say sakey a dagdaan a patalus inyan da ra yan salita ed 50:1. apagalangan iray anggan pokel to. 16Mapalalon apagalangan ira di Sem, Set, tan Enos,#49:16 Diad tikston Hebreo Sem, Set, tan Enos; diad tikston Grigo Sem tan Set diad pegley da ray totoo. balet baleg niy kagalangan nen Adan nen say siopaman a too.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983