Salmo 43
43
Say Pikakasi na Toon Nibantak ed Arum a Bansa
(Katuloyan na Sal. 42)
1O Dios, ibawag mo pan anggapoy kasalanan ko,
tan ikatonungan mo ak pad saray totoon ag mamibirbir ed Dios;
iliktar mo ak pad saray totoon matitila tan maoges!
2Sikay manangyagel ko;
akin et inkaindan mo ak?
Akin et siansiay paniirap ko
lapud inkaruksa da ray kalaban ko?
3Ibakim pay liwawam tan say katwaan mo;
iwanwan da ak komun
tan ipawil da ak ed Sion a masanton palandey#43:3 MASANTON PALANDEY: nengneng yoy 2.6. mo,
tan diad Timplom a panaayaman mo!
4Onla ak ed satan ed altar mo, O Dios;
sikay panlalapwan na liket ko.
Togtogen koy arpak tan kantaan ta kay panangidayew, Dios, O Dios ko!
5Akin et onya lay paneermen ko?
Akin et mapalaloy kagugunigon ko?
Say Dios so panilaloan ko,
tan sikato lamet so idayew ko, say manangilaban ko tan Dios ko.
Currently Selected:
Salmo 43: PnPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
