Salmo 127
127
Pangidayew ed Kamaungan na Dios#127:1-5 SAY TITULO ED TIKSTON HEBREO: Nen Solomon.
1No ag ipaalagey na Katawan so abung,
anggapoy kana so sagput da ray managpaalagey;
no ag iyagel na Katawan so siudad,
anggapoy kana so pambabantay da ray guardia.
2Anggapoy kana na pamasyay panaanap na pambilay,
ya onogip na atrasado tan ombangoy masakbay.
Ta iiter na Katawan so nakaukolan da ray aaroen to, legan a naogip ira.
3Rigalo na Katawan iray anak;
petepeteg iran tumang.
4Saray lalakin anak na sakey a too no malangwer ni ra
et singa ra pana a walad limay sondalo.
5Maliket so toon walay dakel ya ontan iran pana to!
Ag balut natalo,
no miarap ed saray kalaban to diad pasen a panagsintinsiaan.
Currently Selected:
Salmo 127: PnPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
