صِفَنیا 1
1
1آمون اوغلو یهودا پادشاهی یوشئیانین حؤکم اتدئیی دؤورده، خئزقئیا اوغلو اَمَریا اوغلو گِدَلیا اوغلو کوشی اوغلو صِفَنیایا ربّئن سؤزو نازئل اولدو.
یهودانین موحاکئمه گونو
2رب بله بویورور:
«یر اوزوندن هر شیی سئلئب سوپوره‌جیم.»
3رب بله بویورور:
«ائنسانلاری، حیوانلاری،
گؤیده‌کی قوشلاری، دهنزده‌کی بالیقلاری،
پئس آداملاری ائله
شر اوچون قورولان تله‌لرئنی
سئلئب سوپوره‌جیم،
ائنسانی یر اوزوندن یوخ اده‌جیم.
4اَلئمی اوزادیب یهودا و اورشلئم ساکئنلرئنئن
هامیسینی جزالاندیرجاغام،
بَعَل بوتلرئندن قالانلاری بورادان سئلئب آتاجاغام،
بوتپرست دئن خادئملری ائله کاهئنلرئنئن آدلارینی دا بورادان سئلئب آتاجاغام.
5داملاردا گؤی جئسئملرئنه سجده ادنلری،
هم ربّئن آدینا، هم ده مئلکوم بوتو آدینا
آند ائچئب سجده ادنلری،
6ربّئن یولوندان دؤنَنلری،
ربّی آختایارمایانلاری،
ربدن مصلحت آلمایانلاری،
بورادان یوخ اده‌جیم.»
7پروردئگار ربّئن حوضوروندا ساکئت اولون،
چونکی اونون گونو یاخینلاشیر،
رب قوربان حاضیرلاییب، قوناقلارینی تقدئس ادئب.
8رب دیئر: «او قوربان گونو امئرلری، شاهزاده‌لری،
اجنبی دَبی ائله گِیئنَنلری جزالاندیرجاغام.
9او گون آستاناسیندان توللانیب کِچَنلری،
اؤز آغالارینین اِولرئنی قدّارلیق و حئیله ائله
دولدورانلاری جزالاندیرجاغام.»
10رب بویورور:
«او گون بالیقلار دروازاسیندان فغان سَسی،
ائکئنجی محلّه‌دن شئون سَسی،
تپه‌لردن ده بؤیوک گورولتو اِشئدئله‌جک.»
11ای بازار محلّه‌سئنئن ساکئنلری، شئون ادئن!
بوتون تاجئرلر محو اولاجاق،
تَره‌زئده گوموش چکن آداملار قیریلاجاق.
12او زامان اورشلئمئن هر طرفئنی
چیراقلارلا آختاراجاغام،
خوشبخت یاشایان لاقیدلری،
چؤکونتوسو دئبئنه چؤکموش شراب کئمی اولانلاری،
اورَکلرئنده «رب هچ نه اتمَز، نه یاخشیلیق، نه ده پئسلئک» دئیَنلری
جزالاندیرجاغام.
13وار-دؤولتلری تالان اولاجاق،
اِولری خارابا قالاجاق،
تئکدئکلری اِولرده یاشامایاجاقلار،
اونلار، سالدیقلاری اوزوملوکلرئن شرابلارینی
ائچمیه‌جکلر.
14ربّئن مؤحتشم گونو یاخینلاشیر،
یاخینلاشیر، تِز گله‌جک.
اشئت! ربّئن گونونده فریاد سَسی آجی اولاجاق،
ائگئد آدام بِله، فریاد اده‌جک.
15او گون قضب گونو اولاجاق:
اذئیّت و مشقّت گونو،
وئران و محو گونو،
قارانلیق و ظولمت گونو،
قارا بولودلارین بورودویو گونو اولاجاق!
16او گون ائستِحکاملی شهرلره،
اوجا بوی کونج بورجلرئنئن ضئدّئنه
دؤیوش اوچون چالینان کَره‌نایلارین،
دؤیوش نعره‌لرئنئن سَسلَندئیی گونو اولاجاق!
17آداملارا اِله بلا گؤندَ‌ره‌جیم کی،
کور کئمی هارایا گده‌جکلرئنی بئلمیه‌جکلر،
چونکی ربّئن ضئدّئنه گوناه ادئبلر.
قانلاری توز کئمی تؤکوله‌جک،
باغیرساقلاری یرده چورویوب پِیئن اولاجاق.
18ربّئن قضب گونونده
قیزیل-گوموشلری اونلاری قورتارا بئلمیه‌جک،
اونون قیرتلی قضبئنئن آلوووندا
بوتون اؤلکه یانیب یوخ اولاجاق،
چونکی او، اؤلکه‌نئن ساکئنلرئنی کامئل بئر شکئلده قیراجاق.
Currently Selected:
صِفَنیا 1: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
